തിരഞ്ഞെടുപ്പ് പ്രചാരണത്തിനായുളള ഉപാധികളുടെ/സാമഗ്രികളുടെ നിരക്ക് നിശ്ചയിക്കുന്നതിനായി അടിയന്തിര യോഗം ഇന്ന് (09) ഉച്ചകഴിഞ്ഞ് 3ന് ജില്ലാ കളക്ടറുടെ ചേംബറില്‍ ചേരും.  അംഗീകൃത രാഷ്ട്രീയ പാര്‍ട്ടി, ഉദ്യോഗസ്ഥ പ്രതിനിധികള്‍ യോഗത്തില്‍ പങ്കെടുക്കേണ്ടതാണ്.

നിയമസഭാ തിരഞ്ഞെടുപ്പ് ഡ്യൂട്ടിയ്ക്ക് നിയോഗിക്കുന്നതിനായി ജീവനക്കാരുടെ ലിസ്റ്റ് ഇനിയും സമർപ്പിക്കാത്ത സ്ഥാപന മേധാവികൾക്കെതിരെ ജനപ്രാതിനിധ്യ നിയമ പ്രകാരം നടപടി സ്വീകരിക്കുമെന്ന് ജില്ലാ തിരഞ്ഞെടുപ്പ് ഓഫിസർ കൂടിയായ കളക്ടർ അറിയിച്ചു. ജീവനക്കാരുടെ പട്ടിക ലഭ്യമാക്കുന്നതിന് ഓഫീസ് മേധാവികൾക്ക് നേരത്തെ തന്നെ നിർദ്ദേശം നൽകിയിരുന്നതാണ്. ലിസ്റ്റ് സമർപ്പിക്കാത്ത വിഷയം ഗൗരവമായി കാണുമെന്നും അറിയിപ്പിൽ പറഞ്ഞു.

നിയമസഭ തിരഞ്ഞെടുപ്പുമായി ബന്ധപ്പെട്ട് വോട്ടര്‍ പട്ടികയില്‍ പേര് ചേർക്കാൻ ഇന്ന് കൂടി (മാര്‍ച്ച്‌ 9) അവസരം. ജനപ്രതിനിധികളെ തിരഞ്ഞെടുക്കാനുള്ള അവസരം ഉപയോഗപ്പെടുത്തുന്നതിന് മുഴുവൻ യുവാക്കളും വോട്ടർ പട്ടികയിൽ പേര് ചേർക്കണമെന്ന് ജില്ലാ തിരഞ്ഞെടുപ്പ് ഓഫീസർ കൂടിയായ ജില്ലാ കലക്ടർ സാംബശിവറാവു അറിയിച്ചു. ഇലക്ഷൻ കമ്മിഷൻ തയ്യാറാക്കിയ ആപ്പ് ഡൗൺലോഡ് ചെയ്തും അക്ഷയ കേന്ദ്രങ്ങൾ വഴിയും പേര് ചേർക്കാവുന്നതാണ്. 

രോഗമുക്തി 527

ജില്ലയില്‍ ഇന്ന് 245 പോസിറ്റീവ് കേസുകള്‍ കൂടി റിപ്പോര്‍ട്ട് ചെയ്തതായി ജില്ലാ മെഡിക്കല്‍ ഓഫീസര്‍ അറിയിച്ചു. വിദേശത്ത് നിന്ന് എത്തിയ മൂന്നുപേര്‍ക്കും ഇതര സംസ്ഥാനങ്ങളില്‍ നിന്ന് എത്തിയവരില്‍ ഒരാള്‍ക്കും പോസിറ്റീവായി. 11 പേരുടെ ഉറവിടം വ്യക്തമല്ല. സമ്പര്‍ക്കം വഴി 230 പേര്‍ക്കാണ് രോഗം ബാധിച്ചത്. 5840 പേരെ പരിശോധനക്ക് വിധേയരാക്കി. ജില്ലയിലെ കോവിഡ് ആശുപത്രികള്‍, എഫ്.എല്‍.ടി.സി കള്‍ എന്നിവിടങ്ങളില്‍ ചികിത്സയിലായിരുന്ന 527 പേര്‍ കൂടി രോഗമുക്തിനേടി ആശുപത്രി വിട്ടു.

ഉറവിടം വ്യക്തമല്ലാത്തവര്‍ - 11

കോഴിക്കോട് സൗത്ത് നിയോജക മണ്ഡലം റിട്ടേണിങ് ഓഫീസറായി ഫിറോസ് കാട്ടില്‍  (ജോയിന്റ് കമ്മിഷണര്‍ ഓഫ് സ്റ്റേറ്റ് ടാക്സ് (ഇന്റലിജന്‍സ്) എസ്.ജി.എസ്.ടി- 0495-2770036.) നിയമിതനായി.

 
ജില്ലാ തല ബാങ്കിങ് അവലോകനയോഗം  മാര്‍ച്ച് 19  ന് രാവിലെ 10  മണിക്ക് കോഴിക്കോട് ഹോട്ടല്‍ മലബാര്‍ പാലസില്‍ നടക്കുമെന്ന് ലീഡ് ജില്ലാ മാനേജര്‍ അറിയിച്ചു.

വനിതാദിനത്തിന്റെ ഭാഗമായി വനിത ശിശുവികസന വകുപ്പിന്റെ ആഭിമുഖ്യത്തില്‍  സംഘടിപ്പിച്ച ജില്ലാതലപരിപാടി ജില്ലാ വനിതാ ശിശു  വികസന ഓഫീസര്‍ അബ്ദുള്‍ ബാരി പരിപാടി ഉദ്ഘാടനം ചെയ്തു. ജില്ലാ വനിതാ സംരക്ഷണ ഓഫീസര്‍ ലിന്‍സി എ കെ അധ്യക്ഷയായി.
പരിപാടിയുടെ ഭാഗമായി നടത്തിയ സന്ദേശയാത്ര കോഴിക്കോട് മാനാഞ്ചിറ മൈതാനത്ത് നിന്നും ആരംഭിച്ച് ടൗണ്‍ഹാളില്‍ സമാപിച്ചു. കോവിഡ് പ്രോട്ടോക്കോള്‍ പാലിച്ചുകൊണ്ട് വകുപ്പിലെ വനിത ജീവനക്കാര്‍ യാത്രയില്‍ അണിചേര്‍ന്നു. ചില്‍ഡ്രന്‍സ് ഹോം ഗേള്‍സിലെ കുട്ടികളുടെ പരേഡും നടന്നു.

 കേരള വാട്ടര്‍ അതോറിറ്റിയുടെ മലാപ്പറമ്പ് സെക്ഷന്‍ ഓഫീസിന്റെ  ക്യാഷ് കൗണ്ടര്‍ മാര്‍ച്ച് 31 വരെ അവധി ദിവസങ്ങള്‍ ഉള്‍പ്പെടെ എല്ലാ ദിവസവും രാവിലെ 9 മണി മുതല്‍ വൈകീട്ട് അഞ്ച് വരെ തുറന്ന് പ്രവര്‍ത്തിക്കുമെന്് അസി. എക്‌സിക്യൂട്ടീവ് എഞ്ചിനീയര്‍ അറിയിച്ചു.