നിയമസഭാ തെരഞ്ഞെടുപ്പിനു ഡ്യൂട്ടി നിയമനത്തിനു ജീവനക്കാരുടെ പട്ടിക ലഭ്യമാക്കാത്ത ഓഫിസ് മേധാവികൾക്കെതിരേ അറസ്റ്റ് വാറന്റ് പുറപ്പെടുവിക്കാൻ ജില്ലാ കളക്ടർ ഡോ. നവ്‌ജ്യോത് ഖോസ നിർദേശിച്ചു.

കണ്ണൂർ സർവ്വകലാശാലയുടെ കീഴിലുള്ള മാനന്തവാടി ഗവ. കോളേജിൽ 2020-21 അധ്യയന വർഷത്തിൽ ഒന്നാം വർഷ ബി.എസ്‌സി ഫിസിക്‌സ് കോഴ്‌സിന് എസ്.ടി വിഭാഗത്തിൽ മൂന്ന് ഒഴിവും എസ്.സി വിഭാഗത്തിൽ ഒരു ഒഴിവും ഉണ്ട്.  ചേരാനാഗ്രഹിക്കുന്ന വിദ്യാർഥികൾ സർട്ടിഫിക്കറ്റുകൾ സഹിതം മാർച്ച് എട്ടിന് ഉച്ച മൂന്നിന് മുമ്പായി കോളേജിൽ ഹാജരാകണം. ഫോൺ: 9539596905, 8075235542 

ലോക ഗ്ലോക്കോമ വാരാചരണത്തിന്റെ ജില്ലാതല ഉദ്ഘാടനം കാഞ്ഞങ്ങാട്  ദേശീയാരോഗ്യ ദൗത്യം കോൺഫറൻസ് ഹാളിൽ ഡെപ്യൂട്ടി ജില്ലാ മെഡിക്കൽ ഓഫീസർ (ആരോഗ്യം) ഡോ. ഇ. മോഹനൻ നിർവഹിച്ചു. ദേശീയാരോഗ്യ ദൗത്യം ജില്ലാ പ്രോഗ്രാം മാനേജർ ഡോ. രാമൻ സ്വാതി വാമൻ അധ്യക്ഷത വഹിച്ചു. ജില്ലാ മെഡിക്കൽ ഓഫീസിലെ (ആരോഗ്യം) ജൂനിയർ അഡ്മിനിസ്ട്രേറ്റീവ് മെഡിക്കൽ ഓഫീസർ ഡോ.നിർമൽ ദിനാചരണ സന്ദേശം നൽകി. കാഞ്ഞങ്ങാട് ജില്ലാ ആശുപത്രി സൂപ്രണ്ട് ഡോ. പ്രകാശ് കെ.വി സംസാരിച്ചു .

കാസർകോട് ജില്ലാ ഭരണകൂടത്തിന്റേയും വനിതാ ശിശു വികസന വകുപ്പിന് കീഴിൽ പ്രവർത്തിക്കുന്ന ജില്ലാതല വിധവാ സെല്ലിന്റെയും നേതൃത്വത്തിൽ വിധവകളായ സ്ത്രീകളുടെ സമഗ്ര ഉന്നമനത്തിനും സംരക്ഷത്തിനുമായി രൂപീകരിച്ച 'കൂട്ട്' പദ്ധതിയുടെ സംഗമം കാഞ്ഞങ്ങാട് രാജ് റസിഡൻസിയിൽ നടന്നു. വിധവാ പുനർവിവാഹത്തിന് തയ്യാറായ മുപ്പതോളം വിധവകളായ സ്ത്രീകളും പതിനഞ്ചോളം പുരുഷൻമാരും പങ്കെടുത്തു. സംസ്ഥാനത്ത് തന്നെ ആദ്യമായാണ് ഒരു ജില്ലയിൽ വിധവാ സംരക്ഷണത്തിനായി ഇത്തരം ഒരു പദ്ധതി നടപ്പിലാക്കുന്നത്.

നിയമസഭാ തെരെഞ്ഞെടുപ്പിൽ സ്ഥാനാർഥികൾക്ക് പ്രചരണപ്രവർത്തനങ്ങൾക്കും പൊതുയോഗങ്ങൾ സംഘടിപ്പിക്കുന്നതിനുമായി പഞ്ചായത്ത്, നഗരസഭ അടിസ്ഥാനത്തിൽ ഓരോ മൈതാനം വീതം 41 മൈതാനങ്ങൾ അനുവദിച്ചതായി ജില്ലാ കളക്ടർ ഡോ ഡി സജിത് ബാബു അറിയിച്ചു. നേരത്തെ ഓരോ മണ്ഡലത്തിലും അഞ്ച് വീതം മെതാനങ്ങൾ അനുവദിച്ചിരുന്നു. രാഷ്ട്രീയ പാർട്ടികളുടെ യോഗത്തിൽ ഉയർന്ന ആവശ്യത്തെ തുടർന്നാണ് കൂടുതൽ മൈതാനങ്ങൾ അനുവദിച്ച് നേരത്തെയുള്ള ഉത്തരവ് ഭേദഗതി ചെയ്തത്.

മഞ്ചേശ്വരം:

(പഞ്ചായത്ത് / നഗരസഭ, മൈതാനം എന്ന ക്രമത്തിൽ)

വോർക്കാടി- സെന്റ് ജോസഫ് സ്‌കൂൾ മജീർ പള്ള മൈതാനം

കണ്ണൂർ ജില്ലാ മൃഗാശുപത്രി വളപ്പിലെ മൃഗസംരക്ഷണ പരിശീലന കേന്ദ്രത്തിൽ മാർച്ച് 17, 18 തീയതികളിൽ ഇറച്ചിക്കോഴി വളർത്തൽ പരിശീലനം നൽകുന്നു.   പങ്കെടുക്കാൻ ആഗ്രഹിക്കുന്നവർക്ക് മാർച്ച് 9 ന് രാവിലെ 10 മണി മുതൽ എല്ലാ പ്രവൃത്തി ദിവസവും പരിശീലന കേന്ദ്രത്തിൽ ഫോൺ മുഖേന രജിസ്റ്റർ  ചെയ്യാമെന്ന് പ്രിൻസിപ്പൽ ട്രെയിനിംഗ് ഓഫീസർ അറിയിച്ചു. ആദ്യത്തെ 40 പേർക്ക് മാത്രമേ ക്ലാസിൽ പ്രവേശനമുണ്ടാകൂ. ഫോൺ: 04972- 763473

രാജ്യത്തെ നഗരസഭകളിലെ ശുചിത്വ നിലവാരത്തിന് റാങ്കിംഗ് നൽകുന്നതിന്റെ ഭാഗമായി സ്വച്ഛ് സർവ്വേക്ഷൺ 2021 പരിപാടിയുമായി ബന്ധപ്പെട്ട് കേന്ദ്ര സർക്കാർ പൊതുജനങ്ങളിൽ നിന്നും നഗരസഭകളിലെ ശുചിത്വ നിലവാരം സംബന്ധിച്ച് അഭിപ്രായങ്ങൾ രൂപീകരിക്കുന്നതിനുള്ള സർവ്വേ-'സിറ്റിസൺ ഫീഡ് ബാങ്ക്' 2021 മാർച്ച് 31 വരെ സംഘടിപ്പിക്കുന്നു. ജില്ലയിലെ മൂന്ന് നഗരസഭകളിലെ ശുചിത്വ നിലവാരത്തെ സംബന്ധിച്ച് പൊതുജനങ്ങൾക്ക് ചുവടെ ചേർക്കുന്ന വെബ് പോർട്ടൽ, മൊബൈൽ ആപ്, ടോൽ ഫ്രീ നമ്പർ എന്നീ മൂന്ന് രീതികളിൽ ഏതെങ്കിലും ഒന്നിൽ പ്രതികരണങ്ങൾ രേഖപ്പെടുത്താവുന്നതാണ്.

മാർച്ച് 24ന് നടത്താൻ നിശ്ചയിച്ചിരുന്ന ജില്ലാ പോലീസ് കംപ്ലയിൻറ് അതോറിറ്റി സിറ്റിംഗ് പൊതുതെരഞ്ഞെടുപ്പ് പ്രഖ്യാപിച്ചതിനാൽ മാറ്റിവെച്ചു. പുതിയ തീയതി പിന്നീട് അറിയിക്കും.

മലമ്പുഴ സർക്കാർ മൃഗസംരക്ഷണ പരിശീലന കേന്ദ്രത്തിന്റെ ആഭിമുഖ്യത്തിൽ ആട് വളർത്തൽ എന്ന വിഷയത്തിൽ മാർച്ച് പത്തിന് ഓൺലൈൻ പരിശീലനം നടത്തുന്നു. രാവിലെ 10.30 മുതൽ 5 മണി വരെയാണ് പരിശീലനം. താൽപര്യമുളളവർക്ക് ട്രെയിനിംഗിന്റെ പേര്, പരിശീലനാർഥിയുടെ പേര്, മേൽവിലാസം എന്നീ വിവരങ്ങൾ 9188522713 എന്ന നമ്പറിലേക്ക് വാട്ട്‌സാപ്പ് ചെയ്ത് രജിസ്റ്റർ ചെയ്യാവുന്നതാണ്.  വോയ്‌സ് മെസേജ് ഒഴിവാക്കണമെന്ന് അറിയിച്ചു.