സ്‌കോൾ കേരള മുഖേന തെരഞ്ഞെടുക്കപ്പെട്ട സർക്കാർ/എയ്ഡഡ് ഹയർസെക്കന്ററി/വൊക്കേഷണൽ ഹയർസെക്കന്ററി സ്‌കൂളുകളിൽ സംഘടിപ്പിക്കുന്ന ഡിപ്ലോമ ഇൻ കമ്പ്യൂട്ടർ ആപ്ലിക്കേഷൻ കോഴ്‌സ്(ഡിസിഎ) ആറാം ബാച്ച് രജിസ്‌ട്രേഷൻ പിഴകൂടാതെ മാർച്ച് 30 വരെയും 60 രൂപ പിഴയോടെ ഏപ്രിൽ 15 വരെയും നടത്താം.
പി.എൻ.എക്സ്. 1097/2021

ശുദ്ധജലവിതരണ ശുചിത്വ പദ്ധതിയായ ജലനിധിയുടെ തൊടുപുഴയിലെ ഇടുക്കി റീജിയണൽ പ്രോജക്ട് മാനേജ്‌മെന്റ് യൂണിറ്റ് ഓഫീസിൽ റീജിയണൽ പ്രോജക്ട്, ഡയറക്ടർ തസ്തികയിൽ അന്യത്രസേവനത്തിന് അപേക്ഷ ക്ഷണിച്ചു. സർക്കാർ/അർദ്ധസർക്കാർ സ്ഥാപനങ്ങളിൽ സീനിയർ എക്‌സിക്യൂട്ടീവ് എൻജിനിയർ/ഡെപ്യൂട്ടി ഡെവലപ്‌മെന്റ് കമ്മീഷണർ തസ്തികയിൽ കുറയാത്ത റാങ്കിൽ ജോലിചെയ്യുന്നവർക്ക് മാർച്ച് 15വരെ അപേക്ഷിക്കാം. 10 വർഷം ഗ്രാമ വികസനം അല്ലെങ്കിൽ ജലവിതരണ മേഖലയിൽ പ്രവൃത്തി പരിചയമുണ്ടാകണം. സാമൂഹ്യ അടിസ്ഥാനത്തിലുള്ള വികസന പദ്ധതികൾ/പ്രോജക്ട് മാനേജ്‌മെന്റ് എന്നിവയിൽ അഞ്ച് വർഷത്തിൽ കുറയാത്ത പ്രവൃത്തി പരിചയം അഭികാമ്യം.
പി.എൻ.എക്സ്. 1096/2021

പട്ടികജാതി വികസന വകുപ്പിന് കീഴിൽ വെള്ളായണിയിൽ പ്രവർത്തിക്കുന്ന ശ്രീ.അയ്യങ്കാളി മെമ്മോറിയൽ ഗവൺമെന്റ് മോഡൽ റസിഡൻഷ്യൽ സ്‌പോർട്‌സ് സ്‌കൂളിലെ സ്‌പോർട്‌സ് ഓഫീസർ തസ്തികയിൽ ഡെപ്യൂട്ടേഷൻ നിയമനത്തിന് അപേക്ഷ ക്ഷണിച്ചു.
പ്രതിമാസ ശമ്പളം 26500-56700 രൂപ. ഒരു വർഷത്തേക്കാണ് നിയമനം. പൊതു വിദ്യാഭ്യാസ വകുപ്പിന് കീഴിലുള്ള ഫിസിക്കൽ എഡ്യൂക്കേഷൻ ടീച്ചർ തസ്തികയിലുള്ള ജീവനക്കാർക്ക് അപേക്ഷിക്കാം.
അപേക്ഷകൾ മാർച്ച് 10ന് വൈകിട്ട് അഞ്ചിന് മുമ്പ് പട്ടികജാതി വികസന വകുപ്പ് ഡയറക്ടറേറ്റ്, മ്യൂസിയം-നന്ദാവനം റോഡ്, നന്ദാവനം, വികാസ് ഭവൻ പി.ഒ., തിരുവനന്തപുരം-695 033 എന്ന വിലാസത്തിൽ നൽകണം.

സ്‌കോള്‍ കേരളയുടെ ആഭിമുഖ്യത്തില്‍ തിരഞ്ഞെടുക്കപ്പെട്ട സര്‍ക്കാര്‍/എയ്ഡഡ്, ഹയര്‍സെക്കന്ററി/വോക്കേഷണല്‍ ഹയര്‍സെക്കന്ററി സ്‌കൂളുകളില്‍ സംഘടിപ്പിക്കുന്ന കമ്പ്യൂട്ടര്‍ ആപ്ലിക്കേഷന്‍ ഡിപ്ലോമ(ഡി സി എ) കോഴ്സ്  പ്രവേശനത്തിനുള്ള തീയതി നീട്ടി. ആറാം ബാച്ച് രജിസ്‌ട്രേഷന്‍ പിഴ കൂടാതെ മാര്‍ച്ച് 30 വരെയും 60 രൂപ പിഴയോടെ ഏപ്രില്‍ 15 വരെയുമാണ് നീട്ടിയത്.
(പി.ആര്‍.കെ നമ്പര്‍.576/2021)

സര്‍ക്കാര്‍/എയ്ഡഡ് സ്ഥാപനങ്ങളില്‍ ബിരുദ/ബിരുദാനന്തര പ്രൊഫഷണല്‍ കോഴ്‌സുകളില്‍  പഠിക്കുന്ന പട്ടികജാതി വിഭാഗത്തിലെ വിദ്യാര്‍ത്ഥികള്‍ക്ക് വെട്ടിക്കവല ബ്ലോക്ക് പഞ്ചായത്ത് 2020-21 പദ്ധതി പ്രകാരം നല്‍കുന്ന മെറിട്ടോറിയസ് സ്‌കോളര്‍ഷിപ്പിന്  അപേക്ഷിക്കാം. ജാതി സര്‍ട്ടിഫിക്കറ്റ്, സ്ഥാപനങ്ങളില്‍ നിന്ന് മെറിറ്റ്/ സംവരണ പ്രവേശനം സംബന്ധിച്ച സാക്ഷ്യപത്രം, പഞ്ചായത്തില്‍ നിന്നും ആനുകൂല്യം ലഭിച്ചിട്ടില്ലെന്നുള്ള  സാക്ഷ്യപത്രം, റേഷന്‍ കാര്‍ഡ്, ആധാര്‍ കാര്‍ഡ്, ബാങ്ക് പാസ് ബുക്ക് എന്നിവ സഹിതം മാര്‍ച്ച് നാലിനു മുമ്പ് അപേക്ഷിക്കണം. വിശദവിവരങ്ങള്‍ 8547630027, 8281319724 നമ്പരുകളില്‍ ലഭിക്കും.

അന്തരീക്ഷ താപനില ഉയരുന്ന സാഹചര്യത്തില്‍ ഉണ്ടാകുന്ന രോഗങ്ങള്‍ക്കെതിരെ ജാഗ്രത പാലിക്കണമെന്ന് ജില്ലാ മെഡിക്കല്‍ ഓഫീസര്‍ മുന്നറിയിപ്പ് നല്‍കി. വെളിയിടങ്ങളില്‍ പണിയെടുക്കുന്നവര്‍ പകല്‍ 11 നും മൂന്നിനും മധ്യേ വിശ്രമിക്കണം. ധരാളം വെള്ളം കുടിക്കുകയും വേണം. ശാരീരിക അസ്വാസ്ഥ്യം നേരിടുന്നവര്‍ ജോലിയില്‍ നിന്ന് വിട്ടു നില്‍ക്കുകയും ആവശ്യമെങ്കില്‍ വൈദ്യസഹായം തേടുകയും വേണം.
സൂര്യാഘാത സാധ്യത കണക്കിലെടുത്ത് അയഞ്ഞ ഇളം നിറത്തിലുള്ള വസ്ത്രങ്ങള്‍ ഉപയോഗിക്കണം.

പൊതു തിരഞ്ഞെടുപ്പുമായി ബന്ധപ്പെട്ട പ്രചരണവും നടപടിക്രമങ്ങളും പകര്‍ത്തുവാന്‍ വീഡിയോ ടീമുകളെ നിയോഗിക്കാന്‍ പ്രാപ്തിയുള്ള വീഡിയോ നിര്‍മ്മാണ സ്ഥാപനങ്ങളില്‍ നിന്നും വ്യവസ്ഥകള്‍ക്ക് വിധേയമായി മത്സരസ്വഭാവമുള്ള ക്വട്ടേഷനുകള്‍ ക്ഷണിക്കുന്നു.  വിശദവിവരങ്ങള്‍ക്ക് ജില്ലാ തിരഞ്ഞെടുപ്പ് ഓഫീസുമായോ 04742794040 എന്ന നമ്പരിലോ ബന്ധപ്പെടാം.
(പി.ആര്‍.കെ നമ്പര്‍.572/2021)

പൊതു തിരഞ്ഞെടുപ്പുമായി ബന്ധപ്പെട്ട്  ജില്ലയിലെ എല്ലാ അസംബ്ലി നിയോജക മണ്ഡലങ്ങളിലും രൂപീകരിച്ചിട്ടുള്ള മൊബൈല്‍ സ്‌ക്വാഡുകള്‍ക്ക് അനുവദിച്ചിട്ടുള്ള വാഹനങ്ങളില്‍ ജി പി എസ് സിസ്റ്റം താല്‍ക്കാലികമായി ഘടിപ്പിക്കുന്നതിന് അംഗീകൃത സ്ഥാപനങ്ങളില്‍ നിന്നോ വ്യക്തികളില്‍ നിന്നോ  വ്യവസ്ഥകള്‍ക്ക് വിധേയമായി ക്വട്ടേഷന്‍ ക്ഷണിക്കുന്നു. അവസാന തീയതി മാര്‍ച്ച് മൂന്ന് വൈകിട്ട് നാലു വരെ. വിശദവിവരങ്ങള്‍ ജില്ലാ തിരഞ്ഞെടുപ്പ് ഓഫീസിലും 04742794040 നമ്പരിലും ലഭിക്കും.
(പി.ആര്‍.കെ നമ്പര്‍.571/2021)