കളിമണ്‍ പാത്രങ്ങളുടെ  നിര്‍മ്മാണത്തിനും വിപണനത്തിനും   സംസ്ഥാന കളിമണ്‍പാത്ര നിര്‍മ്മാണ വിപണന ക്ഷേമ വികസന കോര്‍പ്പറേഷന്‍ നൽകുന്ന വായ്പക്ക് അപേക്ഷ ക്ഷണിച്ചു. കളിമണ്‍ ഉത്പന്ന നിര്‍മ്മാണവും വിപണനവും കുലത്തൊഴിലായി സ്വീകരിച്ച സമുദായത്തില്‍ ഉള്‍പ്പെട്ട വ്യക്തികളെയും ആശ്രിതരെയുമാണ് പരിഗണിക്കുന്നത്. 

പരമാവധി രണ്ടു ലക്ഷം രൂപ വരെ വായ്പ ലഭിക്കും. പലിശ നിരക്ക് ആറ് ശതമാനവും തിരിച്ചടവ് കാലാവധി 60 മാസവുമായിരിക്കും. ജാമ്യ വ്യവസ്ഥകള്‍ ബാധകമാണ്.  പ്രായപരിധി 18നും 55നും മധ്യേ. കുടുംബ വാര്‍ഷിക വരുമാനം മൂന്നു ലക്ഷം രൂപയില്‍ കവിയാന്‍ പാടില്ല.

======================
കോട്ടയം മുനിസിപ്പാലിറ്റി - 15, 17, കടനാട് ഗ്രാമപഞ്ചായത്ത്-6, ചിറക്കടവ്- 19 എന്നീ തദ്ദേശഭരണ സ്ഥാപന വാര്‍ഡുകള്‍ മൈക്രോ കണ്ടെയ്ന്‍മെന്റ് സോണുകളായി പ്രഖ്യാപിച്ച് കോട്ടയം ജില്ലാ കളക്ടര്‍ എം. അഞ്ജന ഉത്തരവായി.

ഏറ്റുമാനൂര്‍ മുനിസിപ്പാലിറ്റി - 7, 12, 14 രാമപുരം ഗ്രാമപഞ്ചായത്ത് - 5, എരുമേലി-7, ചിറക്കടവ്- 3, കൂട്ടിക്കല്‍ - 11, തീക്കോയി- 12, മൂന്നിലവ് - 3, പനച്ചിക്കാട്- 12, 10, അയര്‍ക്കുന്നം -10, 19, തൃക്കൊടിത്താനം -13 എന്നീ വാര്‍ഡുകള്‍ കണ്ടെയ്ന്‍മെന്റ് സോണ്‍ പട്ടികയില്‍ നിന്ന് ഒഴിവാക്കി.

ലഹരിവിരുദ്ധ ബോധവത്ക്കരണ പ്രവർത്തനങ്ങൾക്കായി സാമൂഹ്യനീതി വകുപ്പ് രൂപീകരിക്കുന്ന പത്തംഗ റിസോഴ്സ് ടീമിൽ ചേരാൻ അവസരം. സോഷ്യൽ വർക്ക് അല്ലെങ്കിൽ സോഷ്യോളജിയിൽ ബിരുദാനന്തര ബിരുദമുള്ളവർക്ക് മുൻഗണന. ലഹരിവിരുദ്ധ പ്രവർത്തനങ്ങളിൽ മുന്‍പരിചയമുള്ളവരും കോട്ടയം ജില്ലയിൽ  താമസിക്കുന്നവരുമായിരിക്കണം. 

താൽപ്പര്യമുള്ളവർ  ജില്ലാ സാമൂഹ്യ നീതി ഓഫീസ്, മിനി സിവിൽ സ്റ്റേഷൻ , തിരുനക്കര പി.ഒ, കോട്ടയം എന്ന വിലാസത്തിൽ    മാർച്ച് പത്തിനകം അപേക്ഷ നൽകണം. ഫോൺ: 0481 2563980

രജിസ്റ്റര്‍ ചെയ്തവര്‍ക്ക് ഏതു കേന്ദ്രത്തില്‍നിന്നും സ്വീകരിക്കാം

തിരഞ്ഞെടുപ്പ് ജോലിക്ക് പരിഗണിക്കപ്പെടുന്ന ഉദ്യോഗസ്ഥര്‍ക്കുള്ള  കോവിഡ് വാക്‌സിന്‍ വിതരണം ഫെബ്രുവരി 28ന് പൂര്‍ത്തിയാകും. മാര്‍ച്ച് ആദ്യ വാരം മുതല്‍ അറുപതു വയസിനു മുകളിലുള്ളവര്‍ക്ക്  പ്രതിരോധ മരുന്ന് നല്‍കേണ്ടതിനാല്‍ ഉദ്യോഗസ്ഥര്‍ നിലവില്‍ അനുവദിച്ചിട്ടുള്ള സമയപരിധിക്കുള്ളില്‍ വാക്‌സിന്‍ സ്വീകരിക്കണമെന്ന്  ജില്ലാ കളക്ടര്‍ എം. അഞ്ജന അറിയിച്ചു. 

എറണാകുളം: ജില്ലയിലെ 25 ട്രാൻസ് ജൻ്റർ വ്യക്തികൾക്ക് സാമൂഹ്യനീതി വകുപ്പ് തിരിച്ചറിയൽ കാർഡ് വിതരണം ചെയ്തു. ജില്ലാ വികസന കമ്മീഷണറുടെ ഓഫീസിൽ നടന്ന ചടങ്ങിൽ ജില്ലാ വികസന കമ്മീഷണർ അഫ്സാന പർവീൺ മുവാറ്റുപുഴയിലെ സംരഭകയും ട്രാൻസ്ജൻററും ആയ സേതു പാർവ്വതിക്ക് തിരിച്ചറിയൽ കാർഡ് നൽകി വിതരണോത്ഘാടനം നിർവ്വഹിച്ചു. 

കോട്ടയം ജില്ലയില്‍ അന്തരീക്ഷ താപനില ഗണ്യമായി വര്‍ധിച്ച സാഹചര്യത്തില്‍ പൊതുജനങ്ങള്‍ ജാഗ്രത പുലര്‍ത്തണമെന്ന് ജില്ലാ ദുരന്ത നിവാരണ അതോറിറ്റി ചെയര്‍പേഴ്‌സണായ ജില്ലാ കളക്ടര്‍ എം. അഞ്ജന അറിയിച്ചു. 

ചൂടു കൂടുന്നത്  സൂര്യാഘാതം, സൂര്യാതപം, നിര്‍ജ്ജലീകരണം തുടങ്ങിയ ഗുരുതര ആരോഗ്യ പ്രശ്‌നങ്ങള്‍ക്ക് കാരണമാകാനിടയുള്ളതിനാല്‍  സംസ്ഥാന ദുരന്ത നിവാരണ അതോറിറ്റി പുറപ്പെടുവിച്ചിട്ടുള്ള ചുവടെ പറയുന്ന  മാര്‍ഗനിര്‍ദേശങ്ങള്‍ പാലിക്കണം.

?രാവിലെ 11 മുതല്‍ ഉച്ചകഴിഞ്ഞ് മൂന്നു വരെ നേരിട്ട് സൂര്യപ്രകാശം ഏല്‍ക്കുന്നത് ഒഴിവാക്കുക 

?നിര്‍ജലീകരണം തടയാന്‍ കുടിവെള്ളം എപ്പോഴും കരുതുക

മാർച്ച് 31 വരെ  കുടിശ്ശിക സഹിതം വസ്തു നികുതി ഒറ്റത്തവണയായി അടയ്ക്കുന്നവരുടെ പിഴ പലിശ ഒഴിവാക്കും. കുടിശ്ശികയുള്ള നികുതിദായകർ ഈ അവസരം പ്രയോജനപ്പെടുത്തി അതത് തദേശ സ്വയംഭരണ സ്ഥാപനങ്ങളിലോ  tax.Lsgkerala.gov.in എന്ന വെബ്സെറ്റ് മുഖേനയോ നികുതി അടയ്ക്കണമന്ന്  പഞ്ചായത്ത് ഡെപ്യൂട്ടി ഡയറക്ടർ അറിയിച്ചു.

===================

കോട്ടയം ജില്ലയില്‍  379 പേര്‍ക്ക് കൂടി കോവിഡ് സ്ഥിരീകരിച്ചു. 377 പേര്‍ക്കും സമ്പര്‍ക്കം മുഖേനയാണ് വൈറസ് ബാധിച്ചത്. ഒരു ആരോഗ്യപ്രവര്‍ത്തകനും ഇതില്‍ ഉള്‍പ്പെടുന്നു. സംസ്ഥാനത്തിന് പുറത്തു നിന്നെത്തിയ രണ്ട് പേര്‍ രോഗബാധിതരായി.  പുതിയതായി  4963 പരിശോധനാഫലങ്ങളാണ് ലഭിച്ചത്. 

രോഗം ബാധിച്ചവരില്‍ 185 പുരുഷന്‍മാരും 158 സ്ത്രീകളും 36 കുട്ടികളും ഉള്‍പ്പെടുന്നു. 60 വയസിനു മുകളിലുള്ള 69 പേര്‍ക്ക് കോവിഡ് സ്ഥിരീകരിച്ചിട്ടുണ്ട്.

വിമുക്ത ഭടന്‍മാര്‍, വിമുക്ത ഭടന്‍മാരുടെ ഭാര്യമാര്‍, വിധവകള്‍  എന്നിവര്‍   2021-22 വര്‍ഷത്തേക്ക് ഭവന നികുതി അടയ്ക്കുന്നതില്‍ നിന്ന് ഒഴിവ് ലഭിക്കുന്നതിന് നിര്‍ദിഷ്ഠ രീതിയില്‍  സാക്ഷ്യപത്രം നല്‍കണം. 

മാര്‍ച്ച് 31ന് മുന്‍പ് അതത് തദ്ദേശ സ്വയംഭരണ സ്ഥാപന മേധാവികള്‍ക്കാണ് അപേക്ഷ നല്‍കേണ്ടത്. അല്ലാത്ത പക്ഷം നികുതി ഇളവ് ലഭിക്കില്ലെന്ന്  പഞ്ചായത്ത് ഡെപ്യൂട്ടി ഡയറക്ടര്‍ അറിയിച്ചു.

നിയമസഭാ തിരഞ്ഞെടുപ്പിനോടനുബന്ധിച്ച് ഉദ്യോഗസ്ഥര്‍ക്കുള്ള ആദ്യഘട്ട പരിശീലനത്തിന്  തുടക്കമായി.  പ്രിസൈഡിംഗ് ഓഫീസര്‍, ഫസ്റ്റ് പോളിംഗ് ഓഫീസര്‍ എന്നീ ചുമതലകളില്‍ നിയോഗിക്കപ്പെടാന്‍  സാധ്യതയുള്ള ഉദ്യോഗസ്ഥര്‍ക്കാണ് പരിശീലനം നല്‍കുന്നത്. 

വോട്ടിംഗ് യന്ത്രങ്ങളുടെ പ്രവര്‍ത്തനം പരിചയപ്പെടുത്തലാണ് ആദ്യഘട്ടത്തില്‍ പ്രധാനം. ചങ്ങനാശേരി ഫാത്തിമാപുരം എസ്.എച്ച് ഇംഗ്ലീഷ് മീഡിയം സ്‌കൂള്‍, കോട്ടയം ബേക്കര്‍ മെമ്മോറിയല്‍ സ്‌കൂള്‍, മാന്നാനം കെ.ഇ ഇംഗ്ലീഷ് മീഡിയം സ്‌കൂള്‍, വൈക്കം   എസ്.എം.എസ്.എന്‍ സ്‌കൂള്‍ എന്നീ സെന്ററുകളിലാണ് ഇന്നലെ പരിശീലനം നടന്നത്.