ജില്ലാ  ലീഗൽ സർവീസസ് അതോറിറ്റി  നടപ്പിലാക്കുന്ന ഏർളി ആക്സസ് ടു ജസ്റ്റിസ് പ്രോട്ടോക്കോൾ  പദ്ധതിയുടെ ഭാഗമായി പോലീസ് സ്റ്റേഷൻ ഹൗസ് ഓഫീസറുമാർ, അഭിഭാഷകർ എന്നിവർക്കായി ഏക ദിന പരിശീലന സെമിനാർ സംഘടിപ്പിച്ചു.

 സ്ത്രീകൾ, കുട്ടികൾ, ശാരീരിക വൈകല്യമുള്ളവർ, വാർഷികവരുമാനം 3 ലക്ഷത്തിൽ താഴെയുള്ളവർ തുടങ്ങിയവർക്ക് സൗജന്യ നിയമ സഹായം ലഭ്യമാക്കുന്നതാണ് പദ്ധതി. 

തിരഞ്ഞെടുപ്പ് ജോലിക്ക് ആരൊക്കെ ; തീരുമാനം പിന്നീട്

തയ്യാറെടുപ്പുകള്‍ മുന്‍കൂട്ടി നടത്തുന്നതിന്‍റെ ഭാഗമായാണ് നിയമസഭാ തിരഞ്ഞെടുപ്പ് ജോലിക്ക് പരിഗണിക്കപ്പെടാന്‍ സാധ്യതയുളള എല്ലാ ജീവനക്കാര്‍ക്കും  പരിശീലനവും കോവിഡ് വാക്‌സിനും നല്‍കുന്നതെന്ന് ജില്ലാ കളക്ടര്‍ എം. അഞ്ജന പറഞ്ഞു. കേന്ദ്ര തിരഞ്ഞെടുപ്പ് കമ്മീഷന്‍റെ നിര്‍ദേശപ്രകാരമാണ് ഓഫീസുകളില്‍നിന്ന് ശേഖരിച്ച പട്ടികയുടെ അടിസ്ഥാനത്തില്‍ കോവിഡ് പ്രോട്ടോക്കോള്‍ പാലിച്ച്  പരിശീലനത്തിന് തുടക്കം കുറിച്ചിരിക്കുന്നത്.

കോഴിക്കോട് ഫോറസ്റ്റ് ട്രൈബ്യൂണൽ മാർച്ച് അഞ്ച്, ആറ്, 22, 23 തിയതികളിൽ പാലക്കാട് ക്യാമ്പ് സിറ്റിംഗ് നടത്തും. മാർച്ചിലെ മറ്റ് പ്രവൃത്തി ദിവസങ്ങളിൽ ട്രൈബ്യൂണൽ ആസ്ഥാനത്താണ് സിറ്റിംഗ് നടത്തുക.
പി.എൻ.എക്സ്. 1083/2021

കേരള നിയമസഭയുടെ ഭാഗമായ സഭാ ടിവി തയ്യാറാക്കിയ പ്രത്യേക പരിപാടി 'നാട്ടുവഴി' വിവിധ ചാനലുകളിൽ ഫെബ്രുവരി ഒന്ന് മുതൽ മാർച്ച് ആറ് വരെ സംപ്രേഷണം ചെയ്യന്ന സമയക്രമം പ്രസിദ്ധീകരിച്ചു. പൊന്നാനി, ധർമ്മടം നിയോജക മണ്ഡലങ്ങളുടെ വിശേഷങ്ങളാണ് നാട്ടുവഴിയിൽ സംപ്രേഷണം ചെയ്യുക.

അന്താരാഷ്ട്ര വയോജന ദിനാഘോഷത്തിന്റെ ഭാഗമായി വിതരണം ചെയ്യുന്ന വയോശ്രേഷ്ഠ സമ്മാൻ 2021 ന് അപേക്ഷ ക്ഷണിച്ചു. മികച്ച സേവനം കാഴ്ചവെച്ച സംസ്ഥാനത്തെ മുതിർന്ന പൗരൻമാർക്കും മുതിർന്ന പൗരൻമാരുടെ, പ്രത്യേകിച്ച് നിർദ്ധനരായ മുതിർന്ന പൗരൻമാരുടെ ക്ഷേമത്തിനായി മികച്ച സേവനം നടത്തുന്ന സ്ഥാപനങ്ങൾക്ക് കേന്ദ്ര സാമൂഹ്യനീതിയും ശാക്തീകരണവും മന്ത്രാലയം നൽകുന്ന പുരസ്‌കാരത്തിന് അപേക്ഷിക്കാം. അപേക്ഷ സമർപ്പിക്കേണ്ട അവസാന തിയതി മാർച്ച് 31. കൂടുതൽ വിവരങ്ങൾ  www.sjd.kerala.gov.in, http://socialjustice.nic.in യിൽ ലഭിക്കും.

പുരാവസ്തു, പുരാരേഖ, മ്യൂസിയം വകുപ്പുകളുടെ കഴിഞ്ഞ അഞ്ച് വർഷത്തെ ഭരണ നേട്ടങ്ങൾ ഉൾക്കൊള്ളിച്ച് തയ്യാറാക്കിയ 'പാഥേയം' മുഖ്യമന്ത്രി പിണറായി വിജയൻ മന്ത്രി രാമചന്ദ്രൻ കടന്നപ്പള്ളിക്ക് നൽകി പ്രകാശനം ചെയ്തു.
അഡീഷണൽ ചീഫ് സെക്രട്ടറി ഡോ: വി. വേണു, കേരളം മ്യൂസിയം എക്‌സിക്യൂട്ടീവ് ഡയറക്ടർ ആർ. ചന്ദ്രൻപിള്ള, മ്യൂസിയം വകുപ്പ് ഡയറക്ടർ അബുശിവദാസ്, ആർക്കിവ്സ്റ്റ് അശോക് കുമാർ എന്നിവർ സംബന്ധിച്ചു.
പി.എൻ.എക്സ്. 1080/2021

കോഴിക്കോട് ബേപ്പൂര്‍ നടുവട്ടത്തുളള സര്‍ക്കാര്‍ ക്ഷീര പരിശീലന കേന്ദ്രത്തില്‍  ക്ഷീരകര്‍ഷകര്‍ക്കായി മാര്‍ച്ച് 3 ന് നടത്തുന്ന ആദായകരമായ പാലുല്‍പ്പാദനത്തിന് തീറ്റയുടെ പ്രാധാന്യം, 4 ന് നടത്തുന്ന പശുക്കളിലെ വേനല്‍ക്കാല സംരക്ഷണം, 5 ന് നടത്തുന്ന ഡയറി ഫാമുകളിലെ മാലിന്യ നിര്‍മ്മാര്‍ജ്ജനം, 6ന് നടത്തുന്ന ക്ഷീരമേഖലയും, യന്ത്രവല്‍ക്കരണവും തുടങ്ങിയ ഓണ്‍ലൈന്‍ പരിശീലനങ്ങളില്‍ പങ്കെടുക്കാന്‍ താല്‍പര്യമുള്ള ജില്ലയിലെ കര്‍ഷകര്‍ dtckkdonlinetrg@gmail.com എന്ന ഇ-മെയില്‍ മുഖേന പേരും ഫോണ്‍നമ്പറും മാര്‍ച്ച് 1 ന് മുമ്പ് നല്‍കണം.

പാടിച്ചിറ ഇലക്ട്രിക്കല്‍ സെക്ഷന്‍ പരിധിയില്‍ ഈട്ടിമുക്കില്‍ നിന്നും സീതാമൗണ്ട് കവല വഴി സീതാമൗണ്ട് ഗവണ്‍മെന്റ് എ.എല്‍.പി സ്‌കൂള്‍ വരെ പുതിയതായി നിര്‍മിച്ച 11 കെ.വി ലൈനിലൂടെ ഫെബ്രുവരി 27 മുതല്‍ വൈദ്യുതി പ്രവഹിപ്പിക്കുന്നതിനാല്‍ പൊതുജനങ്ങള്‍ ലൈനുമായി സമ്പര്‍ക്കത്തില്‍ ഏര്‍പ്പെടരുതെന്ന് അസിസ്റ്റന്റ് എഞ്ചിനീയര്‍ അറിയിച്ചു.

സാമൂഹ്യനീതി വകുപ്പിന്റെ കീഴില്‍ പനമരം പഞ്ചായത്തില്‍ പ്രവര്‍ത്തിക്കുന്ന തെറാപ്പി സെന്ററില്‍ ആവശ്യമായ ഉപകരണങ്ങള്‍ വിതരണം ചെയ്യുന്നതിന് ടെണ്ടര്‍ ക്ഷണിച്ചു. ടെണ്ടര്‍ മാര്‍ച്ച് 10 ന് വൈകീട്ട് 3.30 നകം ജില്ലാ സാമൂഹ്യനീതി ഓഫീസില്‍ ലഭിക്കണം.  ഫോണ്‍  04936 205307.