ജില്ലാ ആസ്ഥാനത്തെ ഗതാഗത കുരുക്കിന് പരിഹാരമായി പൊതുമരാമത്ത് വകുപ്പ് ദേശീയപാത വിഭാഗം ആധുനിക രീതിയില്‍ നവീകരിച്ച കോട്ടപ്പടി - ചെറാട്ടുകുഴി - മുണ്ടുപറമ്പ് പാത നാടിന് സമര്‍പ്പിച്ചു. കോഴിക്കോട് - പാലക്കാട് ദേശീയ പാതയേയും മലപ്പുറം - മഞ്ചേരി സംസ്ഥാന പാതയേയും ബന്ധിപ്പിക്കുന്ന ഉപപാത പൊതുമരാമത്ത് വകുപ്പ് മന്ത്രി ജി. സുധാകരന്‍ ഓണ്‍ലൈനിലൂടെ നാടിന് സമര്‍പ്പിച്ചു. ദേശീയപാത വിഭാഗത്തിന്റെ ഉപപാത പദ്ധതിയിലുള്‍പ്പെടുത്തി 96 ലക്ഷം രൂപ ചെലവില്‍ ബി.എം, ബി.സി ചെയ്താണ് പാത നവീകരിച്ചിരിക്കുന്നത്.

നേരിട്ടുള്ള സമ്പര്‍ക്കത്തിലൂടെ 257 പേര്‍ക്ക് വൈറസ്ബാധ
ആരോഗ്യ മേഖലയില്‍ ഒരാള്‍ക്ക്
ഉറവിടമറിയാതെ അഞ്ച് പേര്‍ക്ക്
രോഗബാധിതരായി ചികിത്സയില്‍ 2,727 പേര്‍
ആകെ നിരീക്ഷണത്തിലുള്ളത് 21,637 പേര്‍

പെരിന്തല്‍മണ്ണ ഗവ. പോളിടെക്‌നിക്  കോളജില്‍  ജനറല്‍ വിഭാഗത്തില്‍ ഒഴിവുളള ഒരു ഗണിത ശാസ്ത്ര അധ്യാപക തസ്തികയിലേക്ക് ഗസ്റ്റ് ലക്ചറെ നിയമിക്കുന്നു. എം.എസ്.സി. മാത്തമാറ്റിക്‌സില്‍ 55 ശതമാനം വിജയവും നെറ്റുമാണ് യോഗ്യത. താത്പര്യമുളള ഉദ്യോഗാര്‍ഥികള്‍ അസല്‍ സര്‍ട്ടിഫിക്കറ്റുകളും പകര്‍പ്പും സഹിതം മാര്‍ച്ച് ഒന്നിന് രാവിലെ 10ന് പെരിന്തല്‍മണ്ണ ഗവ. പോളിടെക്‌നിക്ക് കോളജില്‍ ഹാജരാകണം. ഫോണ്‍: 04933 227253.

 
  തദ്ദേശ സ്ഥാപനങ്ങള്‍ നടപ്പാക്കുന്ന മണ്‍പാത്ര കമ്പോസ്റ്റ് പദ്ധതിയിലേക്ക് ആവശ്യമായ മണ്‍കല കമ്പോസ്റ്റ് പാത്രങ്ങള്‍ (മുച്ചട്ടി) വിതരണം ചെയ്യുന്നതിന് വ്യക്തികളില്‍ നിന്നും സ്ഥാപനങ്ങളില്‍ നിന്നും സംസ്ഥാന കളിമണ്‍ പാത്ര നിര്‍മ്മാണ വിപണന ക്ഷേമ വികസന കോര്‍പ്പറേഷന്‍ താല്‍പ്പര്യപത്രം ക്ഷണിച്ചു.  

നീലേശ്വരം നഗരസഭ പരിധിയിൽ സ്ഥിരതാമസമുള്ള പട്ടികവർഗ വിഭാഗത്തിൽ ഉൾപ്പെട്ടവരുടെ പട്ടിക നഗരസഭ തയ്യാറാക്കുന്നു. പേര് ചേർക്കാൻ മാർച്ച് നാലിനകം റേഷൻകാർഡ്, ആധാർകാർഡ് എന്നിവയുടെ പകർപ്പ് സഹിതം നഗരസഭാ ഓഫീസിൽ എത്തണം.ഫോൺ:  9633444276

ഇരുമ്പുഴി-മേല്‍മുറി റോഡില്‍ നവീകരണ പ്രവൃത്തികള്‍ ഇന്ന് (ഫെബ്രുവരി 26) മുതല്‍ നടക്കുന്നതിനാല്‍ റോഡില്‍ ഗതാഗതം നിരോധിച്ചു. വാഹനങ്ങള്‍ ചാളക്കണ്ടി-കണ്ണംകുളം റോഡ് വഴിയും വട്ടപ്പറമ്പ്-മണ്ണമ്പാറ് പാത്ത് വേ വഴിയും, വാളപറമ്പ്-ശിശുവിഹാര്‍- മണ്ണാത്തിപ്പാറ റോഡ് വഴിയും തിരിഞ്ഞുപോകണമെന്ന് എക്‌സിക്യൂട്ടീവ് എഞ്ചിനീയര്‍ അറിയിച്ചു.
 

കോഴിക്കോട് ബേപ്പൂർ, നടുവട്ടത്തെ കേരളസർക്കാർ ക്ഷീരപരിശീലന കേന്ദ്രം കാസർകോട്, മലപ്പുറം, കോഴിക്കോട്, വയനാട്, കണ്ണൂർ ജില്ലകളിലെ ക്ഷീരകർഷകർക്കായി ഓൺലൈൻ പരിശീലനം നടത്തുന്നു. മാർച്ച് മൂന്നിന് ആദായകരമായ പാലുൽപ്പാദനത്തിന് തീറ്റയുടെ പ്രാധാന്യം, നാലിന് പശുക്കളിലെ വേനൽക്കാല സംരക്ഷണം, അഞ്ചിന് ഡയറി ഫാമുകളിലെ മാലിന്യ നിർമ്മാർജനം, ആറിന് ക്ഷീരമേഖലയും, യന്ത്രവൽക്കരണവും എന്നീ വിഷയങ്ങളിൽ ഓൺലൈനായാണ് ക്ലാസുകൾ. താൽപര്യമുള്ള ക്ഷീരകർഷകർ dtckkdonlinetrg@gmail.com എന്ന ഇ-മെയിൽ മുഖേന പേരും ഫോൺനമ്പറും മാർച്ച് ഒന്നിന് മുമ്പ് നൽകുക.