ജില്ലയിലെ പോളിംഗ് ഉദ്യോഗസ്ഥർക്കുളള കോവിഡ്-19 വാക്സിനേഷൻ ഫെബ്രുവരി 26 മുതൽ ആരംഭിക്കുമെന്ന് ജില്ലാ മെഡിക്കൽ ഓഫീസർ (ആരോഗ്യം) ഡോ. എ.വി. രാംദാസ് അറിയിച്ചു. ജില്ലയിൽ ഇതിനായി 25 വാക്സിനേഷൻ കേന്ദ്രങ്ങൾ സജ്ജീകരിച്ചിട്ടുണ്ട്. വാക്സിനേഷൻ കേന്ദ്രം, വാക്സിൻ നൽകുന്ന തീയതി തുടങ്ങിയവയെക്കുറിച്ചുള്ള മെസേജ് പോളിംഗ് ഉദ്യോഗസ്ഥരുടെ മൊബൈലിൽ ലഭിക്കും. മെസേജ് ലഭിച്ച പോളിംഗ് ഉദ്യോഗസ്ഥർ ബന്ധപ്പെട്ട വാക്സിനേഷൻ കേന്ദ്രങ്ങളിൽ എത്തിച്ചേർന്ന് വാക്സിൻ  സ്വീകരിക്കണമെന്ന് ജില്ലാ മെഡിക്കൽ ഓഫീസർ (ആരോഗ്യം) അഭ്യർഥിച്ചു

ലൈഫ് ഭവനപദ്ധതിയുടെ വിവിധ ഘട്ടങ്ങളിലും പി.എം.എ.വൈ-ലൈഫ് പദ്ധതിയിലൂടെ വിവിധ വകുപ്പുകൾ മുഖേന നിർമ്മിച്ചതുമായ ജില്ലയിൽ 8989 വീടുകൾക്ക്് ഇൻഷൂറൻസ് പരിരക്ഷ ലഭിക്കും. സംസ്ഥാന ഇൻഷൂറൻസ് വകുപ്പ് പൊതുമേഖലാ ഇൻഷൂറൻസ് കമ്പനിയായ യുനൈറ്റഡ് ഇൻഷൂറൻസ് കമ്പനിയുമായി ചേർന്നാണ് പദ്ധതി നടപ്പാക്കുന്നത്. 

കേരള കാര്‍ഷിക സര്‍വ്വകലാശാലയിലെ 2020- 21 അധ്യയന വര്‍ഷത്തേക്കുള്ള ഡിപ്ലോമ ഇന്‍ ഓര്‍ഗാനിക് അഗ്രികള്‍ച്ചര്‍, ഡിപ്ലോമ ഇന്‍ അഗ്രിക്കള്‍ച്ചറല്‍ സയന്‍സ് എന്നീ കോഴ്‌സുകളിലേക്കുള്ള  ക്ലാസുകള്‍ 2021 മാര്‍ച്ച് 1 ന് ആരംഭിക്കും .കൂടാതെ ബിഎസ്സി (ഓണേഴ്സ്) അഗ്രികള്‍ച്ചര്‍,   ഫോറസ്ട്രി കോഴ്‌സുകളിലേക്കുള്ള ക്ലാസുകള്‍ മാര്‍ച്ച് 4 നും ഓണ്‍ലൈനായി ആരംഭിക്കും.വിശദ വിവരങ്ങള്‍ക്ക് അഡ്മിഷന്‍ ലഭിച്ചവര്‍ കോളേജ് ഓഫീസുമായി ബന്ധപ്പെടുക.

എറിയാട് ഗവ ഐടിഐയിൽ ഡ്രാഫ്റ്റ്സ്മാൻ സിവിൽ ട്രേഡിൽ ഗസ്റ്റ് ഇൻസ്പെക്ടറുടെ ഒരു ഒഴിവ്. സിവിൽ എഞ്ചിനീയറിങ്ങിൽ ഒരു വർഷത്തെ പ്രവൃത്തിപരിചയത്തോട് കൂടിയ ഡിഗ്രി, രണ്ട് വർഷത്തെ പ്രവൃത്തിപരിചയത്തോട് കൂടിയ ഡിപ്ലോമ, മൂന്നു വർഷത്തെ പ്രവൃത്തിപരിചയത്തോട് കൂടിയ എൻ ടി സി, എൻ എ സി യോഗ്യതയുള്ള ഉദ്യോഗാർത്ഥികൾ അസ്സൽ സർട്ടിഫിക്കറ്റുകൾ സഹിതം ഫെബ്രുവരി 27ന് രാവിലെ 11 മണിക്ക് ഐ ടി ഐയിൽ വെച്ച് നടത്തുന്ന ഇന്റർവ്യൂവിന് ഹാജരാകണം. കൂടുതൽ വിവരങ്ങൾക്ക് ഫോൺ 0480 2804320

ജില്ലയില്‍ ഇന്നലെ (ഫെബ്രുവരി 25) 311 പേര്‍ക്ക് കോവിഡ് സ്ഥിരീകരിച്ചു. 234 പേര്‍ രോഗമുക്തി നേടി. വിദേശത്തു നിന്നെത്തിയ മൂന്നു പേര്‍ക്കും സമ്പര്‍ക്കം വഴി 305 പേര്‍ക്കും ഉറവിടം വ്യക്തമല്ലാത്ത ഒരാള്‍ക്കും രണ്ട് ആരോഗ്യപ്രവര്‍ത്തകര്‍ക്കും രോഗം സ്ഥിരീകരിച്ചു.
കൊല്ലം കോര്‍പ്പറേഷനില്‍ 62 പേര്‍ക്കാണ് രോഗബാധ. കുരീപ്പുഴ-12, കടപ്പാക്കട-അഞ്ച്, തേവള്ളി, വടക്കേവിള എന്നിവിടങ്ങളില്‍ നാലു വീതവും അഞ്ചാലുംമൂട്, ആശ്രാമം, ചാത്തിനാംകുളം, തൃക്കടവൂര്‍ ഭാഗങ്ങളില്‍ മൂന്നുവീതവുമാണ് കോര്‍പ്പറേഷന്‍ പരിധിയില്‍ രോഗബാധിതരുള്ളത്.

ജില്ലയില്‍ ഇതുവരെ 29542 പേര്‍ക്ക് കോവിഡ് വാക്സിന്‍ നല്‍കി. ഇന്നലെ(ഫെബ്രുവരി 25) 1215 പേര്‍ക്കാണ് വാക്സിന്‍ നല്‍കിയത്. കേന്ദ്രം, വാക്സിന്‍ നല്‍കിയ കണക്ക് എന്ന ക്രമത്തില്‍ ചുവടെ.

ഗാര്‍ഹിക പീഡനത്തില്‍ നിന്ന് വനിതകള്‍ക്ക് സംരക്ഷണം നല്‍കുന്ന നിയമപ്രകാരം നിയമ, വൈദ്യ, സാമ്പത്തിക സഹായങ്ങള്‍ നല്‍കുന്നതിന്  വേണ്ടി പ്രവര്‍ത്തിക്കുന്ന  സര്‍വീസ് പ്രൊവൈഡേഴ്സ് ആയി തിരഞ്ഞെടുക്കപ്പെടുന്നതിന് ജില്ലയില്‍ നിന്നുള്ള എന്‍ ജി ഒകള്‍ക്ക് അപേക്ഷിക്കാം. മാര്‍ച്ച് മൂന്നിനകം അപേക്ഷ സമര്‍പ്പിക്കണം. വിശദവിവരങ്ങള്‍ക്ക് സിവില്‍ സ്റ്റേഷനിലെ ജില്ലാ വനിതാ ശിശു വികസന ഓഫീസുമായി ബന്ധപ്പെടാം. ഫോണ്‍ 9446282069.
                                                       (പി.ആര്‍.കെ നമ്പര്‍.564/2021)