വനിതാ കമ്മീഷന്‍ അദാലത്ത് മാര്‍ച്ച് എട്ടിന് രാവിലെ 10ന് തിരൂര്‍ ഇ.എം.എസ് സാംസ്‌കാരിക സമുച്ചയം ഹാളില്‍ നടക്കും.

വിവിധ മേഖലകളില്‍ ശ്രദ്ധേയമായ പ്രകടനം കാഴ്ച വച്ചിട്ടുളള മുതിര്‍ന്ന പൗരന്മാര്‍ക്കും മുതിര്‍ന്ന പൗരന്‍മാരുടെ ക്ഷേമത്തിന് വേണ്ടി പ്രവര്‍ത്തിക്കുന്ന സര്‍ക്കാര്‍/സര്‍ക്കാരിതര സ്ഥാപനങ്ങള്‍ക്കുമായി ഏര്‍പ്പെടുത്തിയിട്ടുളള വയോശ്രേഷ്ഠ സമ്മാന്‍ 2021 അപേക്ഷ ക്ഷണിച്ചു. വിശദ വിവരങ്ങള്‍ www.sjd.kerala.gov.in, http://socialjustice.nic.in എന്ന വെബ്‌സൈറ്റുകളില്‍ ലഭിക്കും. അപേക്ഷ  മാര്‍ച്ച് 31നകം സമര്‍പ്പിക്കണം.
 

കേരള സംസ്ഥാന യുവജനക്ഷേമ ബോര്‍ഡ് ജില്ലയില്‍ നടത്തിയ ജില്ലാതല നാടന്‍ പാട്ടു  മത്സരത്തില്‍ യുവാ ക്ലബ് ആമപ്പൊയില്‍ വിജയികളായി. യുവാ ക്ലബ് തച്ചിങ്ങനാടം രണ്ടാം സ്ഥാനവും യുവ ക്ലബ് ചേലേമ്പ്ര മൂന്നാം സ്ഥാനവും നേടി. ഒന്ന്, രണ്ട്, മൂന്ന് സ്ഥാനങ്ങള്‍ നേടിയവര്‍ക്ക് യഥാക്രമം 25000, 10000, 5000 രൂപ പ്രൈസ് മണിയായി ലഭിക്കും. ഒന്നാം സ്ഥാനം നേടിയ ടീം ചാലക്കുടിയില്‍ നടക്കുന്ന മണിനാദം സംസ്ഥാനതലമത്സരത്തില്‍ ജില്ലയെ പ്രതിനിധീകരിച്ച്  പങ്കെടുക്കും.

ഇടുക്കി ഐറ്റിഡിപിയുടെ നിയന്ത്രണത്തില്‍ വണ്ണപ്പുറം പഞ്ചായത്തിലെ വെള്ളക്കയത്ത് പ്രവര്‍ത്തിക്കുന്ന ഒ.പി  ക്ലിനിക്കിലേക്ക് മെഡിക്കല്‍ ഓഫീസര്‍ തസ്തികയില്‍ ഒരു വര്‍ഷത്തേക്ക് കരാറടിസ്ഥാനത്തില്‍ നിയമനം നടത്തുന്നതിന് അര്‍ഹമായ ഉദ്യോഗാര്‍ത്ഥികളില്‍ നിന്നും അപേക്ഷ ക്ഷണിച്ചു. യോഗ്യത- എം.ബി.ബി.എസ്. ഓണറേറിയം- 57,525. താത്പര്യമുളളവര്‍ വിദ്യാഭ്യാസ യോഗ്യത, ജാതി, വരുമാനം, പ്രവൃത്തി പരിചയം എന്നിവ തെളിയിക്കുന്ന സര്‍ട്ടിഫിക്കറ്റുകളുടെ പകര്‍പ്പുകള്‍ സഹിതം തയ്യാറാക്കിയ അപേക്ഷ മാര്‍ച്ച് 5 വൈകിട്ട് 4നകം  തൊടുപുഴ മിനി സിവില്‍ സ്റ്റേഷനിലുളള ഇടുക്കി ഐ.റ്റി.ഡിപി ഓഫീസില്‍ ലഭ്യമാക്കണം.
 

മോട്ടോര്‍ തൊഴിലാളി ക്ഷേമനിധി ബോര്‍ഡില്‍ സ്‌കാറ്റേര്‍ഡ് വിഭാഗത്തില്‍ രജിസ്റ്റര്‍ ചെയ്ത തൊഴിലാളികളില്‍ ഉടമാ തൊഴിലാളി വിഹിതമായ 120 രൂപയും (60+60) രജിസ്‌ട്രേഷന്‍ ഫീസായ 25 രൂപയും ചേര്‍ത്ത് 145 രൂപ അടയ്‌ക്കേണ്ട സ്ഥാനത്ത് തൊഴിലാളി വിഹിതവും രജിസ്‌ട്രേഷന്‍ ഫീസും  ചേര്‍ത്തുളള 85 രൂപ മാത്രം അടച്ച് സൗജന്യധനസഹായം കൈപ്പറ്റിയ തൊഴിലാളികള്‍  ഉടമാ വിഹിതമായ 60 രൂപ മാര്‍ച്ച് 31 നകം അടയ്ക്കണം.

സംസ്ഥാന യുവജനക്ഷേമ ബോര്‍ഡിന്റെ ഇടുക്കി ജില്ലാ യുവജന കേന്ദ്രത്തിന്റെ ആഭിമുഖ്യത്തില്‍ പമ്പനാര്‍ എസ് എന്‍ ട്രസ്റ്റ് ആര്‍ട്‌സ് ആന്‍ഡ് സയന്‍സ് കോളേജില്‍ നടന്ന കരിയര്‍ ഗൈഡന്‍സ് സെമിനാര്‍ പീരുമേട് എം എല്‍ എ ഇ എസ് ബിജിമോള്‍ ഉദ്ഘാടനം ചെയ്തു. ചടങ്ങില്‍ പീരുമേട് ഗ്രാമ പഞ്ചായത്ത് പ്രസിഡന്റ് എസ് സാബു അധ്യക്ഷനായി. ജില്ലാ യൂത്ത് പ്രോഗ്രാം ഓഫീസര്‍ വി എസ് ബിന്ദു സ്വാഗതം ആശംസിച്ചു. കോളേജ് പ്രിന്‍സിപ്പല്‍ സനുജ് സി ബ്രീസ് വില്ല മുഖ്യ പ്രഭാഷണം നടത്തി. ഇംഗ്ലീഷ് വിഭാഗം മേധാവി റാണിമോള്‍ ആര്‍, എന്‍ എസ് എസ് പ്രോഗ്രാം ഓഫീസര്‍ സുകന്യ മോള്‍ സുരേഷ്, യൂത്ത് കോര്‍ഡിനേറ്റര്‍ അനീഷ് മോഹന്‍ എന്നിവര്‍ പങ്കെടുത്തു.

ഭൂജല വകുപ്പിന്റെ നേതൃത്വത്തില്‍ പെരിന്തല്‍മണ്ണ ബ്ലോക്ക് പഞ്ചായത്തിലെ ജനപ്രതിനിധികള്‍ക്ക് ഏകദിന ശില്‍പശാല സംഘടിപ്പിച്ചു.  പെരിന്തല്‍മണ്ണ ബ്ലോക്ക് പഞ്ചായത്ത് ഹാളില്‍ നടന്ന ശില്‍പശാല ബ്ലോക്ക് പഞ്ചായത്ത് പ്രസിഡന്റ് അഡ്വ. എം.കെ. മുസ്തഫ ഉദ്ഘാടനം ചെയ്തു. ഭൂജലവകുപ്പിന്റെ പദ്ധതികളും പ്രവര്‍ത്തനങ്ങളും എന്ന വിഷയം ഭൂജലവകുപ്പ് ജില്ലാ ഓഫീസര്‍ എ. അനിത നായര്‍, ഭൂജല സംപോഷണം, സംരക്ഷണം, കേരള ഭൂജലം(ക്രമീകരണവും നിയന്ത്രണവും) ആക്ട് 2002 എന്ന വിഷയം ജൂനിയര്‍ ജിയോഫിസിസിസ്റ്റ് ദിലീപ് അമര്‍നാഥ് എന്നിവര്‍ അവതരിപ്പിച്ചു. വെട്ടത്തൂര്‍ ഗ്രാമ പഞ്ചായത്ത് പ്രസിഡന്റ് സി.എം.

ചൈല്‍ഡ്ലൈന്‍ മലപ്പുറം ഫുട്‌ബോള്‍ ടീമിന്റെ പുതിയ സീസണിലേക്കുള്ള ജേഴ്‌സിയുടെ പ്രകാശനം ഇന്ത്യന്‍ ഫുട്‌ബോളര്‍ അനസ് എടത്തൊടിക പ്രസ് ക്ലബ് പ്രസിഡന്റ് ശംസുദ്ധീന്‍ മുബാറകിനു നല്‍കി നിര്‍വഹിച്ചു. ബാലസംരക്ഷണ സന്ദേശങ്ങള്‍ യുവാക്കളിലേക്കെത്തിക്കുന്നതിനും കുട്ടികളില്‍ കായിക വിനോദങ്ങള്‍ പ്രോത്സാഹിപ്പിക്കുന്നതിനും ജില്ലയിലെ വിവിധ ഫുട്ബാള്‍ ടൂര്‍ണമെന്റുകളില്‍ ചൈല്‍ഡ്ലൈന്‍ ടീം മത്സരത്തിനിറങ്ങും.

ബേപ്പൂര്‍, നടുവട്ടത്തുളള ക്ഷീര പരിശീലന കേന്ദ്രത്തില്‍ ഓണ്‍ലൈനായി ജില്ലയിലെ ക്ഷീരകര്‍ഷകര്‍ക്ക് മാര്‍ച്ച് മൂന്ന് മുതല്‍ ആറ് വരെ പരിശീലനം സംഘടിപ്പിക്കുന്നു. മാര്‍ച്ച് മൂന്നിന് ആദായകരമായ പാലുല്‍പ്പാദനത്തിന് തീറ്റയുടെ പ്രാധാന്യം, നാലിന് പശുക്കളിലെ വേനല്‍ക്കാല സംരക്ഷണം, അഞ്ചിന്  ഡയറി ഫാമുകളിലെ മാലിന്യ നിര്‍മാര്‍ജ്ജനം, ആറിന് ക്ഷീരമേഖലയും, യന്ത്രവല്‍ക്കരണവും എന്നീ വിഷയങ്ങളിലാണ് ക്ലാസ്. താത്പര്യമുള്ള ക്ഷീരകര്‍ഷകര്‍ മാര്‍ച്ച് ഒന്നിനകം dtckkdonlinetrg@gmail.com ല്‍ മുഖേന പേരും ഫോണ്‍നമ്പറും നല്‍കണം.

വണ്ടൂര്‍ - നിലമ്പൂര്‍ മണ്ഡലങ്ങളെ തമ്മില്‍ ബന്ധിപ്പിക്കുന്ന തൃക്കൈകുത്ത് പാലം യാഥാര്‍ഥ്യമാവുന്നു. പാലത്തിന്റെ നിര്‍മാണോദ്ഘാടനം ഇന്ന് (ഫെബ്രുവരി 26) രാവിലെ 10ന്  പൊതുമരാമത്ത് വകുപ്പ് മന്ത്രി ജി.സുധാകരന്‍ വീഡിയോ കോണ്‍ഫറന്‍സിലൂടെ നിര്‍വഹിക്കും. എ.പി അനില്‍കുമാര്‍ എം.എല്‍.എ അധ്യക്ഷനാവും. പി.വി അന്‍വര്‍ എം.എല്‍.എ മുഖ്യാതിഥിയാവും.