തൃശിലേരി വില്ലേജില്‍ റീസര്‍വെ 375/2 ല്‍പ്പെട്ട 0.4047 ഹെക്ടര്‍ നിലം മാര്‍ച്ച് 10 ന് രാവിലെ 11 ന് വില്ലേജ് ഓഫീസില്‍ ലേലം ചെയ്യും.

കല്‍പ്പറ്റ പൊതുമരാമത്ത് വകുപ്പ് കെട്ടിട ഉപവിഭാഗം സുല്‍ത്താന്‍ ബത്തേരി താലൂക്ക് ആശുപത്രിയില്‍ കെട്ടിടം പണി നടത്തുന്ന സ്ഥലത്ത് ശേഖരിച്ച മണ്ണ് ലേലം ചെയ്യുന്നതിനുള്ള ക്വട്ടേഷന്‍ ക്ഷണിച്ചു. ക്വട്ടേഷന്‍ മാര്‍ച്ച് 3 ന് വൈകീട്ട് 3 നകം ലഭിക്കണം.  കൂടുതല്‍ വിവരങ്ങള്‍ക്ക് പ്രവൃത്തി ദിവസങ്ങളില്‍ ഓഫീസുമായി ബന്ധപ്പെടാം.  ഫോണ്‍ 04936 206077.

മാലിന്യ സംസ്‌കരണ രംഗത്ത് മികവ് തെളിയിച്ച് ജില്ലയിലെ 8 തദ്ദേശസ്ഥാപനങ്ങള്‍ കൂടി ശുചിത്വ പദവിയിലേക്ക്. പനമരം, നെന്‍മേനി, നൂല്‍പ്പുഴ, അമ്പലവയല്‍, തവിഞ്ഞാല്‍, വെളളമുണ്ട, തിരുനെല്ലി, കണിയാമ്പറ്റ പഞ്ചായത്തുകളാണ് രണ്ടാം ഘട്ടത്തില്‍  ശുചിത്വ പദവി നേടിയത്.  തദ്ദേശസ്വയം ഭരണ വകുപ്പ് മന്ത്രി എ.സി മൊയിതീന്‍ ഓണ്‍ലൈന്‍ വഴിയാണ് പ്രഖ്യാപനം നടത്തിയത്. ഇതോടെ ജില്ലയിലെ 25 പഞ്ചായത്തുകള്‍ ശുചിത്വ പദവിക്ക് അര്‍ഹരായി.

വയനാട് ജില്ലാ പഞ്ചായത്തും ഇന്‍ഫര്‍മേഷന്‍- പബ്ലിക് റിലേഷന്‍സ് വകുപ്പും കിലയും സംയുക്തമായി ജില്ലയിലെ പുതിയ തദ്ദേശ സ്വയംഭരണ സ്ഥാപന ഭാരവാഹികള്‍ക്കായി  നാളെ (ഫെബ്രുവരി 27- ശനി) സെമിനാര്‍ സംഘടിപ്പിക്കും. സുസ്ഥിര വികസന ലക്ഷ്യങ്ങള്‍ 2030- പ്രാദേശിക അജണ്ട എന്ന വിഷയത്തില്‍ പുത്തൂര്‍വയല്‍ എം.എസ്. സ്വാമിനാഥന്‍ റിസര്‍ച്ച് ഫൗണ്ടേഷന്‍ ട്രൈനേഴ്‌സ് ട്രൈനിംഗ് സെന്ററിലാണ് പരിപാടി.

. 117 പേര്‍ക്ക് രോഗമുക്തി

. 90 പേര്‍ക്ക് സമ്പര്‍ക്കത്തിലൂടെ രോഗബാധ

വയനാട് ജില്ലയില്‍ ഇന്ന് (25.02.21) 93 പേര്‍ക്ക് കോവിഡ് സ്ഥിരീകരിച്ചതായി ജില്ലാ മെഡിക്കല്‍ ഓഫീസര്‍ ഡോ. ആര്‍. രേണുക അറിയിച്ചു. 117 പേര്‍ രോഗമുക്തി നേടി. 90 പേര്‍ക്ക് സമ്പര്‍ക്കത്തിലൂടെയാണ് രോഗബാധ. ഒരു ആരോഗ്യ പ്രവര്‍ത്തകയ്ക്കും കോവിഡ് ബാധിച്ചു. ഒരാളുടെ സമ്പര്‍ക്ക ഉറവിടം ലഭ്യമല്ല. ഇതോടെ ജില്ലയില്‍ കോവിഡ് സ്ഥിരീകരിച്ചവരുടെ ആകെ എണ്ണം 26553 ആയി. 24926 പേര്‍ ഇതുവരെ രോഗമുക്തരായി. നിലവില്‍ 1360 പേരാണ് ചികിത്സയിലുള്ളത്. ഇവരില്‍ 1172 പേര്‍ വീടുകളിലാണ് ഐസൊലേഷനില്‍ കഴിയുന്നത്.

ഇന്‍ഫര്‍മേഷന്‍ ആന്റ് പബ്ലിക് റിലേഷന്‍സ് വകുപ്പ്  കിലയുടെയും ജില്ലാ പഞ്ചായത്തിന്റെയും സഹകരണത്തോടെ സംഘടിപ്പിക്കുന്ന 'സുസ്ഥിര വികസനം' ജില്ലാതല ശില്പശാല ഇന്ന് ( ഫെബ്രു.26) രാവിലെ 9.30 മുതല്‍ ഉച്ചക്ക് 1.30 വരെ നടക്കും. നാടിന്റെ സമഗ്ര വികസനം സാധ്യമാക്കുന്ന സ്ഥായിയായ വികസനം തദ്ദേശ ഭരണ സ്ഥാപനതലത്തില്‍ സാക്ഷാത്കരിക്കുക എന്ന ലക്ഷ്യത്തോടെയാണ് ശില്പശാല സംഘടിപ്പിക്കുന്നത്.   

ആറന്മുള എഴിക്കാട് കോളനിയിലെ ഓരോരുത്തര്‍ക്കും സാമൂഹ്യ നീതിയോടൊപ്പം സാമ്പത്തിക നീതിയും ഉറപ്പാക്കുമെന്ന് വീണാ ജോര്‍ജ് എംഎല്‍എ പറഞ്ഞു. അംബേദ്ക്കര്‍ ഗ്രാമവികസന പദ്ധതി പ്രകാരം നിര്‍മിച്ച എഴിക്കാട് കോളനിയിലെ സിന്തറ്റിക് വോളിബോള്‍ ആന്‍ഡ് ബാഡ്മിന്റണ്‍ കോര്‍ട്ട്, ഗാലറി, ഓപ്പണ്‍എയര്‍ ഓഡിറ്റോറിയം, ലൈബ്രറി ആന്‍ഡ് റീഡിംഗ് റൂം എന്നിവയുടെ പൂര്‍ത്തീകരണ ഉദ്ഘാടനം നിര്‍വഹിച്ച് സംസാരിക്കുകയായിരുന്നു എംഎല്‍എ.  ഓരോ വീട്ടിലും കൃത്യമായ വരുമാനമുള്ള ഒരാള്‍ ഉണ്ടാവണം. ചെയ്യുന്ന ജോലിക്ക് കൂലി ഉണ്ടാകണം. കോളനിയിലെ  പൊതുപരിപാടികള്‍ നടത്തുന്നതിനായി വേദി നിര്‍മിച്ചിരിക്കുകയാണ്.

രോഗമുക്തി 477

ജില്ലയില്‍ ഇന്ന് 480 പോസിറ്റീവ് കേസുകള്‍ കൂടി റിപ്പോര്‍ട്ട് ചെയ്തതായി ജില്ലാ മെഡിക്കല്‍ ഓഫീസര്‍ അറിയിച്ചു. വിദേശത്ത് നിന്ന് എത്തിയ മൂന്നുപേര്‍ക്കും ഇതര സംസ്ഥാനങ്ങളില്‍ നിന്ന് എത്തിയവരില്‍ ഒരാള്‍ക്കുമാണ് പോസിറ്റീവായത്. 16 പേരുടെ ഉറവിടം വ്യക്തമല്ല. സമ്പര്‍ക്കം വഴി 460 പേര്‍ക്കാണ് രോഗം ബാധിച്ചത്. കോര്‍പ്പറേഷന്‍ പരിധിയില്‍ 158 പേര്‍ക്ക് സമ്പര്‍ക്കം വഴി പോസിറ്റീവ് സ്ഥിരീകരിച്ചിട്ടുണ്ട്.