മാര്‍ച്ച് ഒന്ന് മുതല്‍ അഞ്ച് വരെ പാലക്കാട് നടക്കുന്ന അന്താരാഷ്ട്ര ചലച്ചിത്രമേളയ്ക്ക് പാസ് അനുവദിക്കുന്നതിന്റെ ഭാഗമായി ഇന്നുമുതല്‍ (ഫെബ്രുവരി 27) മാര്‍ച്ച് മൂന്ന് വരെ താരേക്കാട് എന്‍.ജി.ഒ യൂണിയന്‍ ഹാളില്‍ കോവിഡ് 19 പരിശോധന നടത്തും. രാവിലെ ഒമ്പത് മുതല്‍ പരിശോധന തുടങ്ങും. തുടര്‍ന്ന് പ്രിയദര്‍ശിനി തിയേറ്ററില്‍ ഡെലിഗേറ്റ് പാസുകള്‍ വിതരണം ചെയ്യും.

അഞ്ചു നാള്‍ നീളുന്ന അന്താരാഷ്ട്ര ചലച്ചിത്രമേളയുടെ പാലക്കാട് മേഖലാ രജിസ്‌ട്രേഷന്‍ അവസാനഘട്ടത്തില്‍ എത്തിയതായി ചലച്ചിത്ര അക്കാദമി സെക്രട്ടറി അറിയിച്ചു. ചലച്ചിത്ര അക്കാദമി പ്രതിനിധികള്‍, ടി.വി പ്രൊഫഷണലുകള്‍, ഫിലിം സൊസൈറ്റി പ്രവര്‍ത്തകര്‍, വിദ്യാര്‍ഥികള്‍ തുടങ്ങിയ എല്ലാ വിഭാഗങ്ങളിലെയും ഓണ്‍ലൈന്‍ രജിസ്‌ട്രേഷനാണ് അവസാന ഘട്ടത്തിലെത്തിയത്.

പൂര്‍ണമായും കോവിഡ് പ്രതിരോധം ഉറപ്പാക്കിയായിരിക്കും ജില്ലയില്‍ നിയമസഭാ തിരഞ്ഞെടുപ്പിനുള്ള പോളിംഗ് ബൂത്തുകള്‍ സജ്ജീകരിക്കുകയെന്ന് ജില്ലാ തിരഞ്ഞെടുപ്പ് ഓഫീസര്‍കൂടിയായ ജില്ലാ കളക്ടര്‍ എസ് ഷാനവാസ്‌ പറഞ്ഞു. ഒരു പോളിംഗ് ബൂത്തില്‍ പരമാവധി ആയിരം പേര്‍ മാത്രമാണ് വോട്ടു ചെയ്യുക.

ഓരോ ബൂത്തിലും ബ്രേക്ക് ദ ചെയിന്‍ കിറ്റ്, മാസ്‌ക് കോര്‍ണര്‍ എന്നിവ സജ്ജമാക്കും. ഓരോ ബൂത്തിലും വോട്ടര്‍മാര്‍ക്ക് നല്‍കുന്നതിന് ഡിസ്‌പോസിബിള്‍ കയ്യുറകളും ഉണ്ടാകും.

മാര്‍ച്ച് ഒന്ന് മുതല്‍ അഞ്ച് വരെ പാലക്കാട് നടക്കുന്ന അന്താരാഷ്ട്ര ചലച്ചിത്രമേളയുടെ ഡെലിഗേറ്റ് സെല്‍ ഉദ്ഘാടനം ഇന്ന് (ഫെബ്രുവരി 27) ഉച്ചയ്ക്ക് 12 ന് മുഖ്യവേദിയായ പ്രിയ-പ്രിയദര്‍ശിനി- പ്രിയതമ കോമ്പൗണ്ടില്‍ പാലക്കാട് ജില്ലാ പഞ്ചായത്ത് പ്രസിഡന്റ് ബിനുമോള്‍ നിര്‍വഹിക്കും. ചലച്ചിത്ര നടി അനുമോള്‍ ആദ്യ ഡെലിഗേറ്റ് കാര്‍ഡ് സ്വീകരിക്കും. കേരള സംസ്ഥാന ചലച്ചിത്ര അക്കാദമി അധ്യക്ഷനും ഫെസ്റ്റിവല്‍ ഡയറക്ടറുമായ കമല്‍ അധ്യക്ഷനാവും. അക്കാദമി എക്‌സി. അംഗം സിബി മലയില്‍, സംഘാടക സമിതി ജനറല്‍ കണ്‍വീനര്‍ ടി ആര്‍ അജയന്‍, കേരള ഫിലിം ചേംബര്‍ മുന്‍ പ്രസിഡന്റ് നന്ദകുമാര്‍ എന്നിവര്‍ പങ്കെടുക്കും.

മാര്‍ച്ച് ഒന്ന് മുതല്‍ അഞ്ച് വരെ പാലക്കാട് നടക്കുന്ന അന്താരാഷ്ട്ര ചലച്ചിത്രമേളയുമായി ബന്ധപ്പെട്ട് സംസ്ഥാന ചലച്ചിത്ര അക്കാദമിയുടെ നേതൃത്വത്തില്‍ ഇന്ന്  (ഫെബ്രുവരി 28) ഉച്ചയ്ക്ക് 12.30 ന് പാലക്കാട് പ്രസ് ക്ലബ്ബില്‍ പത്ര സമ്മേളനം നടത്തും. ചലച്ചിത്ര അക്കാദമി അധ്യക്ഷനും ഫെസ്റ്റിവല്‍ ഡയറക്ടറുമായ കമല്‍, സംവിധായകന്‍ സിബി മലയില്‍, സംഘടക സമിതി ജനറല്‍ കണ്‍വീനര്‍ ടി. ആര്‍ അജയന്‍ എന്നിവര്‍ പങ്കെടുക്കും.

കരകൗശല വിദഗ്ധർക്കായി സംസ്ഥാന സർക്കാർ ഏർപ്പെടുത്തിയിട്ടുള്ള സംസ്ഥാന കരകൗശല അവാർഡിന് അപേക്ഷ ക്ഷണിച്ചു.7 വിഭാഗങ്ങളിലായാണ് അപേക്ഷകൾ ക്ഷണിക്കുന്നത്.

ദാരുശില്പങ്ങൾ, പ്രകൃതിദത്ത നാരുകളിൽ തീർത്ത ശിൽപ്പങ്ങൾ, ചൂരൽ, മുള എന്നിവയിൽ തീർത്ത ശിൽപ്പങ്ങൾ, ചരട്, നാട, കസവ് ഇവ ഉപയോഗിച്ചുള്ള ചിത്ര തുന്നൽ, ലോഹ ശില്പങ്ങൾ, ചിരട്ട ഉപയോഗിച്ച് നിർമിച്ച ശില്പങ്ങൾ, വിവിധ വസ്തുക്കളിൽ നിർമ്മിച്ചവ.

പരമ്പരാഗത ജലസ്രോതസ്സുകളുടെ സംരക്ഷണം സംസ്ഥാന സര്‍ക്കാരിന്റെ ലക്ഷ്യമാണെന്ന് കൃഷി മന്ത്രി അഡ്വ വി എസ് സുനില്‍കുമാര്‍. നബാര്‍ഡിന്റെ  ധനസഹായത്തോടെ നവീകരിച്ച ശ്രീനാരായണപുരം ശ്രീകൃഷ്ണ ക്ഷേത്രക്കുളം ഉദ്ഘാടനം ചെയ്യുകയായിരുന്നു അദ്ദേഹം.   

കുന്നംകുളം താലൂക്കിലെ കടവല്ലൂർ ശ്രീരാമസ്വാമി ക്ഷേത്രത്തിൽ പാരമ്പര്യേതര ട്രസ്റ്റിമാരുടെ ഒഴിവിലേക്ക് അപേക്ഷ ക്ഷണിച്ചു.

ഹിന്ദുമതധർമ്മ സ്ഥാപന നിയമപ്രകാരം അർഹരായ തദ്ദേശവാസികളിൽ നിന്നാണ് അപേക്ഷകൾ ക്ഷണിച്ചത്.

പൂരിപ്പിച്ച അപേക്ഷകൾ മാർച്ച്‌ 17 വൈകിട്ട് 5 മണിക്ക് മുൻപ് തിരൂർ മിനി സിവിൽ സ്റ്റേഷനിൽ പ്രവർത്തിക്കുന്ന മലബാർ ദേവസ്വം ബോർഡ് അസിസ്റ്റൻറ് കമ്മീഷണറുടെ ഓഫീസിൽ 

നൽകണം.

അപേക്ഷാ ഫോറത്തിനും വിശദ വിവരങ്ങൾക്കും മേൽ സൂചിപ്പിച്ച ഓഫീസിലോ മലബാർ ദേവസ്വം ബോർഡിന്റെ ഗുരുവായൂർ ഡിവിഷൻ ഇൻസ്പെക്ടറുടെ ഓഫീസിലോ ബന്ധപ്പെടാം.