നിയമസഭാ തിരഞ്ഞെടുപ്പ് ഡ്യൂട്ടിയ്ക്ക് നിയോഗിക്കപ്പെടുന്ന ഉദ്യോഗസ്ഥരുടെ പട്ടിക അതാത് ഓഫീസ് മേധാവികള്‍ ഫെബ്രുവരി 26, 27 തീയതികളില്‍ അതാത് വില്ലേജ് ഓഫീസുകളില്‍ നിശ്ചിത ഫോറത്തില്‍ സമര്‍പ്പിക്കണമെന്ന് ജില്ലാ തിരഞ്ഞെടുപ്പ് ഓഫീസര്‍ അറിയിച്ചു. ഫോറം ലഭ്യമായിട്ടില്ലാത്ത സ്ഥാപന മേധാവികള്‍ക്ക് വില്ലേജ് ഓഫീസുകളില്‍നിന്ന് കൈപ്പാറ്റാവുന്നതാണ്. കേന്ദ്ര, സംസ്ഥാന, പൊതുമേഖലാ സ്ഥാപനങ്ങളിലെയും ബാങ്കുകളിലേയും ജീവനക്കാരെ തിരഞ്ഞെടുപ്പ് ഡ്യൂട്ടിക്ക് നിയോഗിക്കേണ്ടതുണ്ട്. ഫോറത്തിലെ മുഴുവന്‍ കോളങ്ങളും പൂരിപ്പിക്കേണ്ടതാണെന്നും അറിയിപ്പില്‍ പറഞ്ഞു.

കുന്ദമംഗലം ഗ്രാമപഞ്ചായത്തിലെ പ്രവൃത്തി പൂര്‍ത്തീകരിച്ച തച്ചോറക്കല്‍ ഫുട്പാത്ത് പി.ടി.എ റഹീം എം.എല്‍.എ ഉദ്ഘാടനം ചെയ്തു. എം.എല്‍.എയുടെ പ്രാദേശിക വികസന ഫണ്ടില്‍ നിന്ന് അനുവദിച്ച രണ്ട് ലക്ഷം രൂപ ചെലവിലാണ് ഫുട്പാത്ത് പ്രവൃത്തി നടത്തിയത്.

മണ്ഡലത്തില്‍ നൂറ് ദിനം നൂറ് പദ്ധതികളില്‍ ഉള്‍പ്പെടുത്തി പൂര്‍ത്തീകരിച്ച ഫുട്പാത്ത് ഉദ്ഘാടനം പ്രദേശവാസികള്‍ ആഘോഷമായാണ് നടത്തിയത്.

ചാത്തമംഗലം ഗ്രാമപഞ്ചായത്തിലെ വേങ്ങേരിമഠംപാലം ശ്രീകൃഷ്ണ ക്ഷേത്രം റോഡ് പി.ടി.എ റഹീം എം.എല്‍.എ ഉദ്ഘാടനം ചെയ്തു. എം.എല്‍.എയുടെ പ്രാദേശിക വികസന ഫണ്ടില്‍ നിന്ന് അനുവദിച്ച നാലു ലക്ഷം രൂപ ചെലവിലാണ് റോഡിന്റെ നിര്‍മാണം പൂര്‍ത്തിയാക്കിയത്.
 
കുന്ദമംഗലം മണ്ഡലത്തില്‍ നൂറ് ദിനം നൂറ് പദ്ധതികളില്‍ ഉള്‍പ്പെടുത്തിയാണ് ഈ റോഡ് പ്രവൃത്തി പൂര്‍ത്തീകരിച്ച് ജനങ്ങള്‍ക്കായി തുറന്നു കൊടുത്തത്.

 
 
കലാഭവന്‍ മണിയുടെ ഓര്‍മയ്ക്കായ്  സംസ്ഥാന യുവജന ക്ഷേമബോര്ഡ്  യുവ- യൂത്ത് ക്ലബ്ബുക്ലബുകള്‍ക്കായി ഓണ്‍ലൈനായി സംഘടിപ്പിച്ച  ''മണിനാദം''- നാടന്‍പാട്ട്  മത്സര വിജയികളെ പ്രഖ്യാപിച്ചു. ജില്ലാ തല മത്സരത്തില്‍  യുവ അഗസ്ത്യമുഴി ഒന്നാം സ്ഥാനവും യുവതംരംഗ് ഇടിയങ്ങര രണ്ടാം സ്ഥാനവും യുവ കല്പത്തൂര്‍ മൂന്നാം സ്ഥാനവും കരസ്ഥമാക്കി. 25000 രൂപ ,10000 രൂപ, 5,000 രൂപഎന്നിങ്ങനെയാണ് സമ്മാനതുക.

താമരശ്ശേരി ചുരത്തിൽ റോഡ് നിർമ്മാണ പ്രവൃത്തി നടക്കുന്നതിന്റെ ഭാഗമായി യാത്രക്കാരെ കയറ്റി ഇറക്കുന്നതിന് ഏർപ്പെടുത്തിയിരുന്ന   മിനി ബസ് സർവ്വീസ്  തുടരും. മണ്ണിടിച്ചിൽ ഉണ്ടായ പ്രദേശം വരെ ഇരുവശങ്ങളിൽ നിന്നും സർവ്വീസ് ഉണ്ടാവും.  മണ്ണിടിഞ്ഞ് വീണ്  വാഹന ഗതാഗതം തടസ്സപ്പെട്ട കുറച്ച് ദൂരം നടന്ന് ബസ്സിൽ കയറാറുള്ള സൗകര്യമാണ് ഏർപ്പെടുത്തിയിട്ടുള്ളത്.  ഈ ഭാഗത്ത് പ്രവൃത്തി വേഗത്തിൽ പൂർത്തിയാക്കി ഗതാഗതം സുഗമമാക്കുന്നതിന് നടപടി സ്വീകരിച്ചിട്ടുള്ളതായി ജില്ലാ കലക്ടർ അറിയിച്ചു.

ജില്ലയില്‍ ഇന്ന് (ഫെബ്രുവരി 25) ആകെ 5722 പേർ കോവിഡ് 19 പ്രതിരോധ കുത്തിവെപ്പെടുത്തു. ആകെ ലക്ഷ്യമിട്ടിരുന്നത് 8641 പേരായിരുന്നു.
887 ആരോഗ്യ പ്രവർത്തകർ ഇന്ന് കുത്തിവെപ്പെടുത്തിട്ടുണ്ട് (10 പേർ ഒന്നാം ഡോസും 877 പേർ രണ്ടാം ഡോസും). 4791 മുന്നണി പ്രർത്തകരാണ് ഇന്ന് കുത്തിവെപ്പ് സ്വീകരിച്ചിരിക്കുന്നത്. 
ആകെ 79 കേന്ദ്രങ്ങളിൽ 89 സെഷനുകളിലായിട്ടാണ് കുത്തിവെപ്പ് നടന്നത്.
വാക്സിൻ എടുത്ത ആർക്കും തന്നെ പറയത്തക്ക ആരോഗ്യ പ്രശ്നങ്ങളോ അസ്വസ്തതകളോ റിപ്പോർട്ട് ചെയ്തിട്ടില്ല.
 

പാലക്കാട് ജില്ലയില്‍ ഇന്ന് (ഫെബ്രുവരി 25) 112 പേര്‍ക്ക് കോവിഡ് 19 സ്ഥിരീകരിച്ചതായി ആരോഗ്യവകുപ്പ് അധികൃതര്‍ അറിയിച്ചു. ഇതില്‍  സമ്പര്‍ക്കത്തിലൂടെ രോഗബാധ ഉണ്ടായ 49 പേര്‍, ഉറവിടം അറിയാതെ രോഗം ബാധിച്ച 58 പേര്‍,  ഇതര സംസ്ഥാനത്ത്  നിന്നും  വന്ന 5 പേർ എന്നിവര്‍ ഉള്‍പ്പെടും. 132 പേര്‍ക്ക് രോഗമുക്തി ഉള്ളതായും അധികൃതര്‍ അറിയിച്ചു.

ഇന്ന് രോഗം സ്ഥിരീകരിച്ചവരുടെ വിവരങ്ങൾ

പാലക്കാട് സ്വദേശികൾ - 16 പേർ 

കൊപ്പം സ്വദേശികൾ - 7 പേർ

ഓങ്ങല്ലൂർ, ഒറ്റപ്പാലം സ്വദേശികൾ -6 പേർ വീതം

കോങ്ങാട്, നെന്മാറ, പട്ടാമ്പി, തരൂർ സ്വദേശികൾ - 4 പേർ വീതം

ദേശീയ ശാസ്ത്ര ദിനത്തോടനുബന്ധിച്ച് പെരിന്തല്‍മണ്ണ ഗവ. പോളിടെക്നിക്കും കേരളാ ശാസ്ത്ര സാങ്കേതിക പരിസ്ഥിതി  കൗണ്‍സിലും സംയുക്തമായി ഫെബ്രുവരി 27ന് രാവിലെ 10.30 മുതല്‍  അന്തര്‍ദേശീയ വെബിനാറും സംസ്ഥാനതല ക്വിസ് മത്സരവും സംഘടിപ്പിക്കുന്നു. രാമന്‍ പ്രഭാവത്തെക്കുറിച്ച് അമേരിക്കയിലെ ഹാര്‍വാര്‍ഡ് യൂനിവേഴ്സിറ്റി പോസ്റ്റ് ഡോക്ടറല്‍ ഫെലോ ഡോ. രാജാജി വിന്‍സന്റ്  ഗൂഗിള്‍ മീറ്റ് വഴി പ്രബന്ധമവതരിപ്പിക്കും. പരിപാടി കോളജിന്റെ യുട്യൂബ് ചാനല്‍ വഴി തത്സമയം സംപ്രേക്ഷണം ചെയ്യും.

ജില്ലയില്‍ വാഴക്കാട്, അരീക്കോട്, പരപ്പനങ്ങാടി പ്രദേശങ്ങളില്‍ ഷിഗല്ല രോഗം സ്ഥിരീകരിച്ച സാഹചര്യത്തില്‍ പൊതുജനങ്ങള്‍ അതീവശ്രദ്ധ പുലര്‍ത്തണമെന്ന് ജില്ലാ മെഡിക്കല്‍ ഓഫീസര്‍ ഡോ. കെ.സക്കീന അറിയിച്ചു. രോഗബാധ റിപ്പോര്‍ട്ട് ചെയ്ത സാഹചര്യത്തില്‍ ജില്ലാതല ദ്രുത പ്രതികരണ ടീം യോഗം ചേര്‍ന്ന് പ്രതിരോധ നടപടികള്‍ സ്വീകരിച്ചു.