ജില്ലയിലെ വിവിധ ആയുര്‍വേദ സ്ഥാപനങ്ങളില്‍ ഒഴിവുളള  ഫാര്‍മസിസ്റ്റ്, നേഴ്‌സ് തസ്തികകളില്‍ താത്കാലിക നിയമനം നടത്തുന്നതിന് മാര്‍ച്ച് 1 രാവിലെ 11ന് ഭാരതീയ ചികിത്സാ വകുപ്പ് ഇടുക്കി ജില്ലാ മെഡിക്കല്‍ ഓഫീസറുടെ കാര്യാലയത്തില്‍ വാക്ക്-ഇന്‍-ഇന്റര്‍വ്യൂ നടത്തും. യോഗ്യരായവര്‍ അന്നേ ദിവസം രാവിലെ 10ന് വിദ്യാഭ്യാസ യോഗ്യത, പ്രായം, ജാതി/മതം എന്നിവ തെളിയിക്കുന്നതിനുളള അസ്സല്‍ രേഖകളും അവയുടെ പകര്‍പ്പും സഹിതം ഇടുക്കി കുയിലിമല കളക്‌ട്രേറ്റ് ബില്‍ഡിംഗിലുളള ജില്ലാ മെഡിക്കല്‍ ഓഫീസില്‍ ഹാജരാകണം.

സംസ്ഥാന കളിമണ്‍പാത്ര നിര്‍മ്മാണ വിപണന ക്ഷേമ വികസന കോര്‍പ്പറേഷന്‍ കളിമണ്‍ ഉല്പന്ന നിര്‍മ്മാണവും വിപണനവും കുലത്തൊഴിലായി സ്വീകരിച്ച സമുദായത്തിലെ വ്യക്തികള്‍ക്ക് പ്രവര്‍ത്തന മൂലധന വായ്പാ പദ്ധതി നടപ്പാക്കുന്നു. വായ്പ തുക പരമാവധി രണ്ട് ലക്ഷം രൂപ. അപേക്ഷകര്‍ പരമ്പരാഗത കളിമണ്‍ ഉല്പന്ന നിര്‍മ്മാണ മേഖലയില്‍ തൊഴില്‍ ചെയ്യുന്നവരോ അവരുടെ ആശ്രിതരോ ആയിരിക്കണം. പലിശ നിരക്ക് ആറ് ശതമാനം. തിരിച്ചടവ് കാലാവധി 60 മാസം. ജാമ്യവ്യവസ്ഥകള്‍ ബാധകമാണ്. അപേക്ഷകരുടെ പ്രായപരിധി 18 - 55 വയസ്സ്. കുടുംബ വാര്‍ഷിക വരുമാനം മൂന്ന് ലക്ഷം രൂപയില്‍ കവിയരുത്.

ഫെബ്രുവരി മാസത്തെ ജില്ലാ വികസന സമിതി യോഗം ഫെബ്രുവരി 27 രാവിലെ 11ന് കളക്‌ട്രേറ്റ് കോണ്‍ഫറന്‍സ് ഹാളില്‍ ചേരും.

       കാര്‍ഷിക മേഖലയുടെ വളര്‍ച്ചയ്ക്കൊപ്പം ഡിജിറ്റല്‍ മേഖല കൂടി വളര്‍ന്നാല്‍ ഇടുക്കിയില്‍ തൊഴിലവസരങ്ങള്‍ വര്‍ധിക്കുമെന്ന് ധനകാര്യ മന്ത്രി ഡോ. ടി എം തോമസ് ഐസക് പറഞ്ഞു. കട്ടപ്പനയില്‍ ഇടുക്കി പാക്കേജ് പ്രഖ്യാപന സമ്മേളനത്തില്‍ അധ്യക്ഷ പ്രസംഗം നടത്തുകയായിരുന്നു അദ്ദേഹം.

പുതിയ ഇടുക്കിയ്ക്കായി ഒരുമിച്ചു പ്രവര്‍ത്തിയ്ക്കണം : മുഖ്യമന്ത്രി പിണറായി വിജയന്‍
ഇടുക്കി പാക്കേജ് പ്രഖ്യാപനത്തിലൊതുങ്ങുന്നതല്ല നടപ്പാക്കാനുള്ളതാണെന്നും ഇത് വിജയകരമായി നടപ്പിലാക്കുന്നതിന് സര്‍ക്കാരും തദ്ദേശ ഭരണ സ്ഥാപനങ്ങളും ജനങ്ങളും ഒരുമിച്ച് പ്രവര്‍ത്തിക്കണമെന്നും മുഖ്യമന്ത്രി പിണറായി വിജയന്‍. കട്ടപ്പന പഴയ ബസ് സ്റ്റാന്‍ഡില്‍ നടന്ന സമ്മേളനത്തില്‍ ഇടുക്കി പാക്കേജിന്റെ   പ്രഖ്യാപനം നിര്‍വഹിച്ചു സംസാരിക്കുകയായിരുന്നു അദ്ദേഹം.

നവവോട്ടർമാർ കൂടി തെരഞ്ഞെടുപ്പിന്റെ ഭാഗമാകുമ്പോഴാണ് ആരോഗ്യപരമായ ജനാധിപത്യം സാധ്യമാകുന്നതെന്ന് ജില്ലാ കളക്ടർ ഡോ. ഡി. സജിത് ബാബു. തെരഞ്ഞെടുപ്പിന് മുന്നോടിയായ സമ്മതിദായക ബോധവൽകരണ പ്രവർത്തനങ്ങളുടെ-സ്വീപ് ജില്ലാതല ഉദ്ഘാടനം കളക്ടറേറ്റ് കോൺഫറൻസ് ഹാളിൽ നിർവഹിക്കുകയായിരുന്നു കളക്ടർ. ജില്ലയിലെ എല്ലാ നവ വോട്ടർമാരെയും വോട്ട് ചെയ്യാൻ പ്രേരിപ്പിക്കുക എന്ന ലക്ഷ്യത്തോടെയാണ് സ്വീപ്പിന്റെ പ്രവർത്തനങ്ങൾ ആവിഷ്‌കരിച്ച് നടപ്പാക്കുന്നതെന്നും കളക്ടർ പറഞ്ഞു.

കാസർകോട്  ജില്ലാ എംപ്ലോയ്‌മെന്റ് എക്‌സ്‌ചേഞ്ചിന്റെ കീഴിലുളള എംപ്ലോയബിലിറ്റി സെന്ററിൽ മാർച്ച് രണ്ടിന് രാവിലെ പത്തിന് നടത്താനിരുന്ന അഭിമുഖം വാഹനപണിമുടക്ക് കാരണം മാർച്ച് എട്ടിലേക്ക് പുനഃക്രമീകരിച്ചതായി  ജില്ലാ എംപ്ലോയ്‌മെൻറ് ഓഫീസർ അറിയിച്ചു. ഫോൺ: 9207155700/04994297470.

കാഞ്ഞങ്ങാട് നഗരത്തിലെത്തുന്ന ദീർഘ, ഹ്രസ്വദൂര ബസുകൾ മാർച്ച് ഒന്ന് മുതൽ  ആലാമിപ്പള്ളി ബസ് സ്റ്റാന്റിൽ പ്രവേശിക്കണമെന്ന് കെഎസ്ആർടിസിയുമായും ബസ് ഉടമസ്ഥാ സംഘവുമായും നടത്തിയ ചർച്ചയിൽ തീരുമാനമായി.

കാസർകോട്, പാണത്തൂർ ഭാഗത്ത് നിന്ന് വരുന്ന ബസുകൾ കോട്ടച്ചേരി ബസ്സ്റ്റാന്റിൽ യാത്രക്കാരെ ഇറക്കി പുതിയ സ്റ്റാന്റിൽ പാർക്ക് ചെയ്യേണ്ടതാണ്. നീലേശ്വരം ഭാഗത്ത് നിന്ന് കാഞ്ഞങ്ങാട് വരെ സർവീസ് നടത്തുന്ന ബസുകൾ പുതിയ സ്റ്റാന്റിൽ കയറി കോട്ടച്ചേരി സ്റ്റാന്റിൽ യാത്ര അവസാനിപ്പിച്ച് പുതിയ സ്റ്റാന്റിൽ  പാർക്ക് ചെയ്യേണ്ടതാണ്.