ജില്ലയിലെ കോവിഡ് പ്രതിരോധ പ്രവര്‍ത്തനങ്ങളില്‍ സഹായമായി സഹകരണ വകുപ്പിന്റെ ആംബുലന്‍സുകളും.സഹകരണ വകുപ്പിനു കീഴിലുള്ള 24 ആംബുലന്‍സുകള്‍ ഡ്രൈവറടക്കം ജില്ലയുടെ വിവിധ ഭാഗങ്ങളില്‍ കോവിഡ്  പ്രതിരോധ പ്രവര്‍ത്തനള്‍ക്കായി വിന്യസിച്ചു കഴിഞ്ഞു. സര്‍വീസ് സഹകരണ ബാങ്കുകളുടെ കീഴില്‍ വരുന്ന ആംബുലന്‍സുകളാണ് പ്രതിരോധ പ്രവര്‍ത്തനങ്ങള്‍ക്ക് കൈത്താങ്ങുന്നത്.

കേരള കാര്‍ഷിക സര്‍വ്വകലാശാലയിലെ 2020- 21 അധ്യയന വര്‍ഷത്തേക്കുള്ള ഡിപ്ലോമ ഇന്‍ ഓര്‍ഗാനിക് അഗ്രികള്‍ച്ചര്‍, ഡിപ്ലോമ ഇന്‍ അഗ്രിക്കള്‍ച്ചറല്‍ സയന്‍സ് എന്നീ കോഴ്‌സുകളിലേക്കുള്ള  ക്ലാസുകള്‍ 2021 മാര്‍ച്ച് 1 ന് ആരംഭിക്കും .കൂടാതെ ബിഎസ്സി (ഓണേഴ്സ്) അഗ്രികള്‍ച്ചര്‍,   ഫോറസ്ട്രി കോഴ്‌സുകളിലേക്കുള്ള ക്ലാസുകള്‍ മാര്‍ച്ച് 4 നും ഓണ്‍ലൈനായി ആരംഭിക്കും.വിശദ വിവരങ്ങള്‍ക്ക് അഡ്മിഷന്‍ ലഭിച്ചവര്‍ കോളേജ് ഓഫീസുമായി ബന്ധപ്പെടുക.

ഗുരുവായൂര്‍ മള്‍ട്ടിലെവല്‍ കാര്‍ പാര്‍ക്കിംഗ് കോംപ്ലക്‌സിന്റെയും 
ടൂറിസം കമ്മിറ്റി സെന്ററിന്റെയും ഉദ്ഘാടനം ഇന്ന് (ഫെബ്രുവരി 26) 

ടൂറിസം വകുപ്പിന്റെ സഹായത്തോടെ ഗുരുവായൂര്‍ ദേവസ്വവും നഗരസഭയും പ്രസാദ് പദ്ധതിയിലുള്‍പ്പെടുത്തി നിര്‍മ്മിച്ച ഗുരുവായൂരിലെ മള്‍ട്ടിലെവല്‍ കാര്‍ പാര്‍ക്കിംഗ് കോംപ്ലക്‌സും ടൂറിസം അമിനിറ്റി സെന്ററും കേന്ദ്ര ടൂറിസം വകുപ്പ് മന്ത്രി പ്രഹ്ലാദ് സിങ് പട്ടേല്‍ ഇന്ന് (ഫെബ്രുവരി 26) ഉദ്ഘാടനം ചെയ്യും. ലക്ഷക്കണക്കിന് തീര്‍ത്ഥാടകര്‍ എത്തുന്ന ക്ഷേത്ര നഗരിയിലെ ഗതാഗത തിരക്ക് നിയന്ത്രിക്കാനും തീര്‍ത്ഥാടകരുടെ സൗകര്യങ്ങള്‍ക്കും വേണ്ടിയാണ് ഇവ നിര്‍മ്മിച്ചിട്ടുള്ളത്. 

സി.എച്ച്. മുഹമ്മദ് കോയ സ്‌കോളർഷിപ്പ് പുതുക്കലിന് തിരഞ്ഞെടുത്ത വിദ്യാർഥിനികൾക്ക് ഡേ സ്‌കോളർ തുക വിതരണം ചെയ്തു. ബാക്കി ഹോസ്റ്റൽ സ്റ്റൈപന്റ് ലഭിക്കുന്നതിന് ഈ വർഷത്തെ ഹോസ്റ്റൽ ഫീ റെസിപ്റ്റ് വിദ്യാർഥിനികളുടെ ലോഗിനിലൂടെ മാർച്ച് മൂന്ന് വരെ അപ്‌ലോഡ് ചെയ്യാം.  ഫോൺ: 0471-2300523, 2300524. വെബ്‌സൈറ്റ്: www.minoritywelfare.kerala.gov.in.
പി.എൻ.എക്സ്. 1075/2021

സംസ്ഥാന വിദ്യാഭ്യാസ ഗവേഷണ പരിശീലന സമിതിയുടെ ആഭിമുഖ്യത്തിൽ സംസ്ഥാനത്തെ സർക്കാർ, സർക്കാർ അംഗീകൃത കാഴ്ചപരിമിത വിദ്യാലയങ്ങളിലെ അധ്യാപകർക്കായി വിവര സാങ്കേതികവിദ്യ പരിശീലനം തുടങ്ങി. ശാരദ-ബ്രയിൽ റൈറ്റർ, ഐബസ്, ലിയോസ് എന്നീ സോഫ്റ്റ്‌വെയറുകളിലുള്ള പരിശീലനമാണ് മൂന്ന് ദിവസങ്ങളിലായി നൽകുന്നത്. തിരുവനന്തപുരം വഴുതക്കാട് സർക്കാർ അന്ധവിദ്യാലയത്തിൽ നടന്ന പരിശീലന പരിപാടിയുടെ ഉദ്ഘാടനം എസ്.സി.ഇ.ആർ.ടി ഡയറക്ടർ ഡോ. ജെ. പ്രസാദ് ഓൺലൈനിൽ നിർവഹിച്ചു. ചടങ്ങിൽ പ്രഥമാധ്യാപകൻ അബ്ദുൾ ഹക്കീം.കെ.എം, മെന്റർമാരായ ബി. വിനോദ്, രജനീഷ്.എസ്.എസ് എന്നിവർ പങ്കെടുത്തു.

ഉത്പാദന (ജനറേഷൻ) വിഭാഗത്തിന്റെ മൂലധന നിക്ഷേപ പദ്ധതിയുടെ  അംഗീകാരത്തിന് കെ.എസ്.ഇ.ബി  നൽകിയ അപേക്ഷയിൽ  വൈദ്യുതി റഗുലേറ്ററി കമ്മീഷൻ മാർച്ച് ഒന്നിന് എറണാകുളം കളമശേരി പത്തടിപ്പാലം പി.ഡബ്ലു.ഡി റസ്റ്റ് ഹൗസിൽ നടത്താനിരുന്ന പൊതുതെളിവെടുപ്പ് മാറ്റിവച്ചു. പുതുക്കിയ തിയതി പിന്നീട് അറിയിക്കും. മാർച്ച് 15ന് കോഴിക്കോട് കളക്ട്രേറ്റ് കോൺഫറൻസ് ഹാളിലും 19ന് വീഡിയോ കോൺഫറൻസ് മുഖേനയും നടത്താനിരുന്ന തെളിവെടുപ്പിന് മാറ്റമില്ല.
പി.എൻ.എക്സ്. 1073/2021

സംസ്ഥാനത്തിന്റെ വികസന പ്രവർത്തനങ്ങളുടെ ധനശേഖരണാർഥം 1000 കോടി രൂപയുടെ കടപ്പത്രം പുറപ്പെടുവിക്കുന്നു. ഇതിനായുള്ള ലേലം മാർച്ച് രണ്ടിന് റിസർവ് ബാങ്കിന്റെ മുംബൈ ഫോർട്ട് ഓഫീസിൽ ഇ-കുബേർ സംവിധാനം വഴി നടക്കും. ലേലം സംബന്ധിച്ച വിജ്ഞാപനത്തിനും (നമ്പർ: എസ്.എസ്-1/52/2021 ഫിൻ. തിയതി 25.02.2021) വിശദാംശങ്ങൾക്കും ധനവകുപ്പിന്റെ വെബ്‌സൈറ്റ്  (www.finance.kerala.gov.in) സന്ദർശിക്കുക.
പി.എൻ.എക്സ്. 1072/2021

* നാല് ലക്ഷം ഡോസ് വാക്‌സിൻ നാളെ (ഫെബ്രുവരി 26) എത്തും