നിയമസഭാ തെരഞ്ഞെടുപ്പിന്റെ നടത്തിപ്പിന് വിവിധ  വകുപ്പുകളില്‍ നിന്ന് പേര് നല്‍കപ്പെട്ട ഉദ്യോഗസ്ഥര്‍ക്കുള്ള കോവിഡ് പ്രതിരോധ കുത്തിവെയ്പ്പ് ജില്ലയില്‍ ആരംഭിച്ചു. ഉദ്യോഗസ്ഥരുടെ സൗകര്യാര്‍ത്ഥം തങ്ങള്‍ക്ക് അനുവദിച്ചിട്ടുള്ള കുത്തിവെയ്പ്പ് കേന്ദ്രങ്ങള്‍ക്ക് പുറമെ അവരുടെ തൊട്ടടുത്ത വാക്‌സിനേഷന്‍ കേന്ദ്രങ്ങളില്‍ നിന്നു കൂടി  കുത്തിവെയ്പ്പ് എടുക്കാവുന്നതാണെന്ന് ജില്ലാ മെഡിക്കല്‍ ഓഫീസര്‍ ഡോ. ജയശ്രീ.വി. അറിയിച്ചു.

ജില്ലയില്‍ കോവിഡ് സാമൂഹ്യ വ്യാപന തോത് പഠിക്കാന്‍ റാന്‍ഡം ആന്റിബോഡി ടെസ്റ്റ് തുടങ്ങി. സീറോ സര്‍വ്വലന്‍സ് ക്യാമ്പയിനിന്റെ ഭാഗമായി കോഴിക്കോട് കോര്‍പ്പറേഷന്‍, മൂന്ന് മുനിസിപ്പാലിറ്റികള്‍, 14 ഗ്രാമ പഞ്ചായത്തുകള്‍ എന്നിവ കേന്ദ്രീകരിച്ചാണ് പഠനം നടക്കുന്നത്. കോര്‍പ്പറേഷന്‍, മുനിസിപ്പാലിറ്റി എന്നിവയില്‍ നിന്ന് 19 ഡിവിഷനുകള്‍ വീതവും ഓരോ ഗ്രാമപഞ്ചായത്തില്‍ നിന്നും മൂന്ന് വാര്‍ഡുകള്‍ വീതവുമാണ് പഠനത്തിനായി തിരഞ്ഞെടുത്തിട്ടുള്ളത്. 

കോഴിക്കോട് സൗത്ത് നിയോജകമണ്ഡലത്തിലെ തങ്ങള്‍സ് റോഡിന്റെ നവീകരണപ്രവൃത്തി നടക്കുന്നതിനാല്‍   ഫെബ്രുവരി 26 മുതല്‍ പണി തീരുംവരെ  വാഹനഗതാഗതം പൂര്‍ണമായി നിരോധിച്ചതായി എക്‌സിക്യുട്ടീവ് എന്‍ജിനീയര്‍  അറിയിച്ചു.

   
       കോഴിക്കോട് സിവില്‍ സ്റ്റേഷനിലുളള എംപ്ലോയബിലിറ്റി സെന്ററില്‍ ഫെബ്രുവരി 27   (ശനിയാഴ്ച) രാവിലെ 10.30-ന്   ജില്ലയിലെ സ്വകാര്യ  സ്ഥാപനങ്ങളില്‍ ഒഴിവുളള വിവിധ  തസ്തികകളിലേക്ക് കൂടിക്കാഴ്ച നടത്തും. താല്‍പര്യമുളള ഉദ്യോഗാര്‍ത്ഥികള്‍ ബയോഡേറ്റ സഹിതം നേരിട്ട് ഹാജരാകണം. വിവരങ്ങള്‍ക്ക് : calicutemployabilitycentre  ഫെയ്‌സ്ബുക്ക്  പേജ് സന്ദര്‍ശിക്കുക,  ഫോണ്‍ -  0495 - 2370176.

കേന്ദ്ര തിരഞ്ഞെടുപ്പ് കമ്മീഷന്റെ നിര്‍ദേശ പ്രകാരം,  നിയമസഭാ തിരഞ്ഞെടുപ്പിനോടനുബന്ധിച്ച്  ജില്ലയില്‍ പൊതു പ്രചാരണ പരിപാടികള്‍ നടത്തുന്നതിനായി ഓരോ നിയമസഭാ മണ്ഡലങ്ങളിലും പൊതു സ്ഥലങ്ങള്‍/ഗ്രൗണ്ടുകള്‍ അനുവദിച്ചു.  പ്രസ്തു സ്ഥലങ്ങള്‍/ഗ്രൗണ്ടുകള്‍ പോളിങ്് ദിനത്തിന്റെ രണ്ട് ദിവസം മുമ്പ് വരെ മാത്രം ഉപയോഗിക്കുന്നതിനാണ് അനുമതി എന്ന് ജില്ലാ ഇലക്ഷന്‍ ഓഫീസര്‍ ആയ കലക്ടര്‍ അറിയിച്ചു.

ബേപ്പൂര്‍ തുറമുഖത്തെ പുതിയ ഗേറ്റില്‍ ' വെഹിക്കിള്‍ ബൂം ബാരിയര്‍ ' സ്ഥാപിക്കുന്നതിനായി ടെണ്ടര്‍ ക്ഷണിച്ചു. അവസാനതീയതി മാര്‍ച്ച് 12 ഉച്ചക്ക് ഒരുമണി. ഫോണ്‍:  0495-2418610.

കോഴിക്കോട് താലൂക്കില്‍ താഴേക്കോട് വില്ലേജില്‍ 147/46,147/2അ1,147/2അ2,147/42,147/43,147/44,147/41 സര്‍വേനമ്പറുകളില്‍ 3.883 ഹെക്ടര്‍ സ്ഥലത്ത് അബ്ദുള്‍ റഹീമിന്റെ ഉടമസ്ഥതയിലുള്ള ഗ്രാനൈറ്റ് ബില്‍ഡിങ് സ്റ്റോണ്‍ ക്വാറി എന്ന സ്ഥാപനത്തിന്റെ ധാതുഖനന പാരിസ്ഥിതിക അനുമതി പുതുക്കുന്നതുമായി ബന്ധപ്പെട്ട് പൊതുതെളിവെടുപ്പ് ഓണ്‍ലൈനായും നേരിട്ടും ഫെബ്രുവരി 26-ന് രണ്ട് മണിക്ക് കളക്ടറേറ്റ് കോണ്‍ഫറന്‍സ് ഹാളില്‍ നടക്കും. സൂം ആപ്പ് വഴിയും തെളിവെടുപ്പില്‍ പങ്കെടുക്കാം. മീറ്റിങ് ഐ.ഡി. 9166874267. പാസ് വേഡ് bzG8Ls.

ജില്ലയിലെ ആരോഗ്യസ്ഥാപനത്തിലേക്കായി  ബയോസേഫ്റ്റി കാബിനറ്റ് ക്ലാസ് സെക്കന്‍ഡ് എ2(ഒരെണ്ണം) വിതരണം ചെയ്യുന്നതിനും സ്ഥാപിക്കുന്നതിനുമായി ദേശീയ ആരോഗ്യ മിഷന്‍ ടെണ്ടര്‍ ക്ഷണിച്ചു. അവസാനതീയതി മാര്‍ച്ച് രണ്ട് രാവിലെ 10 മണി. ഫോണ്‍: 0495-2374990.

റൂട്ട് മാനേജ്മെന്റ് സിസ്റ്റം നടപ്പിലാക്കുന്നതിന്റെ ഭാഗമായി നിലവിലുളള എല്ലാ സ്റ്റേജ് കാര്യേജുകളുടെയും സമയപ്പട്ടിക ഡിജിറ്റൈസ് ചെയ്യുന്നതിനുളള നടപടികള്‍ ആരംഭിച്ചതിനാല്‍ എല്ലാ സ്വകാര്യ ബസ് ഓപ്പറേറ്റര്‍മാരും ബസുകളുടെ സ്വയം സാക്ഷ്യപ്പെടുത്തിയ ടൈംഷീറ്റ്, പെര്‍മിറ്റ് എന്നിവയുടെ ഓരോ പകര്‍പ്പ് മാര്‍ച്ച് 10 നകം ഹാജരാക്കണമെന്ന്  ആര്‍.ടി.ഒ. സെക്രട്ടറി അറിയിച്ചു. അല്ലാത്ത പക്ഷം പ്രസ്തുത സ്റ്റേജ് കാര്യേജ്‌വാഹനത്തിന്റെ വിവരങ്ങള്‍ റൂട്ട് മാനേജ്മെന്റ് സിസ്റ്റത്തില്‍ ഉള്‍ക്കൊളളിക്കുന്നതല്ല.