കരിങ്കുറ്റി-പാലൂക്കര-മണിയങ്കോട്-കല്‍പ്പറ്റ റോഡ് ടാറിംഗ് നടക്കുന്നതിനാല്‍ ടാറിംഗ് പ്രവൃത്തി കഴിയുന്നതുവരെ ഗതാഗതം താല്‍കാലികമായി നിരോധിച്ചതായി അസിസ്റ്റന്റ് എഞ്ചിനീയര്‍ അറിയിച്ചു.

കണിയാമ്പറ്റ ശുദ്ധജല വിതരണ പദ്ധതിക്ക് കിഴിലെ നീരട്ടാടി പമ്പ്ഹൗസ് കിണര്‍ വൃത്തിയാക്കുന്നതിനാല്‍ മാര്‍ച്ച് 2 വരെ ശുദ്ധജല വിതരണം മുടങ്ങും.

തെരഞ്ഞെടുപ്പിന്റെ ഭാഗമായി സ്ഥാനാര്‍ത്ഥികളുടെ ചെലവുകള്‍ നിരീക്ഷിക്കുന്നതിനായി ജില്ലാ തലത്തില്‍ സ്റ്റാറ്റിക് സര്‍വൈലന്‍സ് സംഘം രൂപീകരിച്ചു. ഒരു മജിസ്‌ട്രേറ്റ്, ഒരു വീഡിയോഗ്രാഫര്‍, നാല് പോലീസ് ഉദ്യോഗസ്ഥര്‍ എന്നിവടങ്ങുന്ന 20  സംഘങ്ങള്‍ ജില്ലയിലെ  ചെക്ക് പോസ്റ്റുകളില്‍ പരിശോധന നടത്തും. പണം, അനധികൃത മദ്യം, ആയുധങ്ങള്‍, തുടങ്ങിയ സംശയാസ്പദമായ രീതിയില്‍ കടത്തുന്നവയാണ് സംഘം പരിശോധിക്കുക. സ്റ്റാറ്റിക് സര്‍വൈലന്‍സ് സംഘങ്ങളുടെ ചുമതലയുള്ള മജിസ്‌ട്രേറ്റുമാര്‍ക്കുള്ള പരിശീലനം മാര്‍ച്ച് നാലിന് രാവിലെ 10.30 ന് കളക്ടറേറ്റ് കോണ്‍ഫറന്‍സ് ഹാളില്‍ നടക്കും.

നിയമസഭാ തെരഞ്ഞെടുപ്പുമായി ബന്ധപ്പെട്ട് ജില്ലയിലെ പോളിംഗ് ഉദ്യോഗസ്ഥര്‍ക്കുള്ള പ്രാഥമിക പരിശീലനം മാര്‍ച്ച് 3 മുതല്‍ 8 വരെ കല്‍പ്പറ്റ സെന്റ് ജോസഫ്‌സ് കോണ്‍വന്റ് സ്‌കൂളില്‍ നടക്കും. പരിശീലന ക്ലാസില്‍ ബന്ധപ്പെട്ട മുഴുവന്‍ ഉദ്യോഗസ്ഥരെയും അതത് വകുപ്പ് തലവന്മാര്‍ പങ്കെടുപ്പിക്കണമെന്ന് ജില്ലാ കലക്ടര്‍ നിര്‍ദ്ദേശം നല്‍കി.

നിയമസഭാ തെരഞ്ഞെടുപ്പിന്റെ ഭാഗമായി മാധ്യമ നിരീക്ഷണത്തിനും രാഷ്ട്രീയ പരസ്യങ്ങളുടെ സര്‍ട്ടിഫിക്കേഷനുമായി ജില്ലാതല മീഡിയ സര്‍ട്ടിഫിക്കേഷന്‍ ആന്റ് മോണിറ്ററിംഗ് കമ്മിറ്റി (എം.സി.എസി.) രൂപീകരിച്ചു. ജില്ലാ കളക്ടര്‍ ഡോ.അദീല അബ്ദുള്ള ചെയര്‍പേഴ്സണും ജില്ലാ ഇന്‍ഫര്‍മേഷന്‍ ഓഫീസര്‍ കെ.മുഹമ്മദ് മെമ്പര്‍ സക്രട്ടറിയും എ.ഡി.എം. ടി.ജനില്‍ കുമാര്‍, ഫീല്‍ഡ് ഔട്ട്റിച്ച് ബ്യൂറോ ഓഫിസര്‍ എം.വി.പ്രജിത് കുമാര്‍, പ്രസ് ക്ലബ് പ്രസിഡന്റ് കെ.സജീവന്‍, പ്രസ്‌ക്ലബ് സെക്രട്ടറി നിസാം കെ അബ്ദുള്ള എന്നിവര്‍ അംഗങ്ങളുമാണ്.

ജില്ലയില്‍ നിയമസഭാ തെരഞ്ഞെടുപ്പിന്റെ സുഗമമായ നടത്തിപ്പിനായി വിവിധ വിഭാഗങ്ങളുടെ നോഡല്‍ ഓഫീസര്‍മാരെ നിയമിച്ച് ഉത്തരവായി. എ.ഡി.എം. ടി.ജനില്‍ കുമാര്‍ (എം.സി.സി), ഡെപ്യൂട്ടികളക്ടര്‍ സി.ആര്‍.വിജയലക്ഷ്മി (മാന്‍പവര്‍ മാനേജ്മെന്റ്), എല്‍.ആര്‍ സ്പെഷല്‍ ഡെപ്യൂട്ടി കളക്ടര്‍ പി.ജെ.സെബാസ്റ്റ്യന്‍ (ഇ.വി.എം), അസിസ്റ്റന്റ് കളക്ടര്‍ ഡോ.ബല്‍പ്രീത് സിംഗ് (സ്വീപ്പ്), ജില്ലാ പോലീസ് മേധാവി അരവിന്ദ് സുകുമാര്‍ (ക്രമസമാധാനം), ഫിനാന്‍സ് ഓഫീസര്‍ എ.കെ.ദിനേശന്‍ (എക്സ്പെന്റിച്ചര്‍), പ്രൊജക്ട് ഡയറക്ടര്‍ പി.സി.

ഫെബ്രുവരി 26, 27 തീയതികളില്‍ നടന്ന തിരഞ്ഞെടുപ്പ് പരിശീലന ക്ലാസുകളില്‍ പങ്കെടുത്തശേഷം കോവിഡ് പ്രതിരോധ കുത്തിവെയ്പ്പ് എടുക്കാത്ത ജീവനക്കാര്‍ക്ക് മാര്‍ച്ച് ഒന്ന് മുതല്‍ അഞ്ച് വരെ അതത് കേന്ദ്രങ്ങളില്‍ നടക്കുന്ന ക്ലാസുകളില്‍  ഹാജരായി കുത്തിവെയ്പ്പ് എടുക്കാം. പരിശീലന പരിപാടികള്‍ക്ക് നിയോഗിച്ചിട്ടുള്ള ജീവനക്കാരെ ഓഫീസ് മേധാവികള്‍ ഓഫീസ് പ്രവര്‍ത്തനത്തിന് തടസ്സം വരാത്ത രീതിയില്‍ ക്രമീകരിച്ചു പങ്കെടുപ്പിക്കേണ്ടതാണെന്നും ക്ലാസുകളില്‍ ഹാജരാകാത്ത ജീവനക്കാര്‍ക്കെതിരെ ജനപ്രാതിനിധ്യ നിയമ പ്രകാരം അച്ചടക്ക നടപടികള്‍ സ്വീകരിക്കുമെന്നും ജില്ലാ കലക്ടര്‍ ബി അബ്ദുല്‍ നാസര്‍ അറിയിച്ചു.

പൊതു തിരഞ്ഞെടുപ്പുമായി ബന്ധപ്പെട്ട് രാഷ്ട്രീയ കക്ഷി പ്രതിനിധികളുടെ സുതാര്യമായ  സഹകരണം അനിവാര്യമാണെന്ന് ജില്ലാ തിരഞ്ഞെടുപ്പ് ഓഫീസര്‍ കൂടിയായ ജില്ലാ കലക്ടര്‍ ബി അബ്ദുല്‍ നാസര്‍. തിരഞ്ഞെടുപ്പ്  നടപടികക്രമങ്ങളും നടത്തിപ്പും ചര്‍ച്ച  ചെയ്യാന്‍ രാഷ്ട്രീയ കക്ഷി പ്രതിനിധികളുമായി കോണ്‍ഫറന്‍സ് ഹാളില്‍ ചേര്‍ന്ന  യോഗത്തിലാണ് കലക്ടര്‍ ഇക്കാര്യം പറഞ്ഞത്.

നിയമസഭാ തിരഞ്ഞെടുപ്പിനുള്ള ആദ്യഘട്ട പ്രവര്‍ത്തനം സുഗമ പുരോഗതിയിലെന്ന് ജില്ലാ തിരഞ്ഞെടുപ്പ് ഓഫീസര്‍ കൂടിയായ ജില്ലാ കലക്ടര്‍ ബി. അബ്ദുല്‍ നാസര്‍ അറിയിച്ചു. തിരഞ്ഞെടുപ്പ് നടത്തിപ്പിന്റെ ചുമതലയുള്ള വിവിധ നോഡല്‍ ഓഫീസര്‍മാരുടെ യോഗത്തില്‍ പ്രവര്‍ത്തന പുരോഗതി അദ്ദേഹം വിലയിരുത്തി.