സ്‌കോൾ-കേരള സംഘടിപ്പിക്കുന്ന ഡി.സി.എ കോഴ്‌സ് അഞ്ചാം ബാച്ച് പൊതുപരീക്ഷയുടെ ഫീസ് മാർച്ച് 10 വരെയും 20 രൂപ പിഴയോടെ 17 വരെയും പഠനകേന്ദ്രങ്ങളിൽ അടയ്ക്കാം.

തിരുവനന്തപുരം ഗവ. സംസ്‌കൃത കോളേജിലെ കണ്ടിന്യൂയിംഗ് എഡ്യൂക്കേഷൻ സബ് സെന്റർ നടത്തുന്ന സംസ്‌കൃതം, ജ്യോതിഷം, ജ്യോതിർഗണിതം, വാസ്തു, പെൻഡുലം, യോഗ കോഴ്‌സുകളുടെ പുതിയ ബാച്ചിൽ പ്രവേശനം ആരംഭിച്ചു. അപേക്ഷ ഫോമിനും വിശദവിവരങ്ങൾക്കും കോളേജിലെ കണ്ടിന്യൂയിംഗ് എഡ്യൂക്കേഷൻ സെന്ററുമായി ബന്ധപ്പെടണം. ഫോൺ: 7012916709, 8547979706, 7561053549.
പി.എൻ.എക്സ്.1127/2021

നോർക്ക റൂട്ട്‌സിന്റെ എറണാകുളം സെന്ററിൽ ഈ മാസം 10 ന് സർട്ടിഫിക്കറ്റ് അറ്റസ്റ്റേഷൻ ഉണ്ടാവില്ലെന്ന് സി.ഇ.ഒ. അറിയിച്ചു.
പി.എൻ.എക്സ്.1126/2021

സംസ്ഥാന സഹകരണ യൂണിയൻ നടത്തുന്ന ജെ.ഡി.സി കോഴ്‌സിന്റെ 2008-09 സ്‌കീമിന്റെ (ഓൾഡ് സ്‌കീം) കാലാവധി മേയിൽ നടക്കുന്ന ഫൈനൽ പരീക്ഷവരെ നീട്ടാൻ കേന്ദ്ര പരീക്ഷാ ബോർഡ് ഉത്തരവായി. നിലവിൽ ജെ.ഡി.സി കോഴ്‌സിന്റെ (2008-09) സ്‌കീം കാലാവധി ഏപ്രിലിൽ അവസാനിച്ചിരുന്നു. കേന്ദ്ര പരീക്ഷാ ബോർഡിന് കിട്ടിയ അപേക്ഷകളുടെ അടിസ്ഥാനത്തിലാണ് തീരുമാനം.
പി.എൻ.എക്സ്.1125/2021

കണ്ണൂര്‍ ഡിവിഷന്‍ പോസ്റ്റല്‍ സൂപ്രണ്ടായി പി കെ ശിവദാസന്‍ ചുമതലയേറ്റു.  ശ്രീകണ്ഠാപുരം ചെങ്ങളായി തവറൂല്‍ സ്വദേശിയാണ്.  പയ്യന്നൂരിനടുത്ത് മ.തമംഗലത്താണ് സ്ഥിരതാമസം.  വടകര, കാസര്‍കോട് എന്നീ പോസ്റ്റല്‍ ഡിവിഷനുകളില്‍ സൂപ്രണ്ടായും കൊച്ചി, കോഴിക്കോട് റീജിയനുകളില്‍ അസിസ്റ്റ്ന്റ് ഡയറക്ടറായും സേവനമനുഷ്ടിച്ചിട്ടുണ്ട്.
സ്വദേശമായ തമിഴ്‌നാട്ടിലേക്ക് സ്ഥലം മാറിപോകുന്ന പോസ്റ്റല്‍ സൂപ്രണ്ട് ജോസഫൈന്‍ സില്‍വിയക്ക് സമുചിതമായ യാത്രയയപ്പ് നല്‍കി

ജില്ലയിലെ രജിസ്റ്റര്‍ ചെയ്ത  റവന്യു, പൊലീസ്, തദ്ദേശ സ്വയംഭരണം, മുന്‍സിപ്പല്‍ കോര്‍പറേഷന്‍ സ്ഥാപനങ്ങളിലെ ജീവനക്കാര്‍ക്കും  പോളിംഗ് ഉദ്യോഗസ്ഥര്‍ക്കുമുളള കൊവിഡ്  വാക്സിനേഷന്‍ മാര്‍ച്ച് 2 ന്‌ കണ്ണൂര്‍ ഗവ.മെഡിക്കല്‍ കോളേജ്, ജനറല്‍ - ജില്ലാ - താലൂക്ക് ആശുപത്രികള്‍, കുടുംബാരോഗ്യ കേന്ദ്രങ്ങള്‍, പ്രാഥമികാരോഗ്യ കേന്ദ്രങ്ങള്‍ തുടങ്ങി വിവിധ വാക്സിനേഷന്‍ കേന്ദ്രങ്ങളില്‍ നല്‍കും. തെരഞ്ഞെടുപ്പ് ചുമതലയുള്ള  സര്‍ക്കാര്‍ ജീവനക്കാര്‍, അവരവരുടെ വീടിനടുത്തോ ജോലി ചെയ്യുന്ന സ്ഥാപനത്തിനടുത്തോ  ഉള്ള വാക്സിന്‍ കേന്ദ്രങ്ങളില്‍ നിന്ന് വാക്സിന്‍ സ്വീകരിക്കേണ്ടതാണ്.

2021 നിയമസഭാ തെരഞ്ഞെടുപ്പുമായി ബന്ധപ്പെട്ട് ജീവനക്കാരുടെ വിവരങ്ങള്‍ സമര്‍പ്പിക്കാത്ത ജില്ലയിലെ മുഴുവന്‍ സ്ഥാപന മേധാവികളും ഇന്ന് (മാര്‍ച്ച് രണ്ട്) വൈകിട്ട് അഞ്ച് മണിക്കകം വിവരങ്ങള്‍ ജില്ലാ കലക്ടര്‍ മുമ്പാകെ സമര്‍പ്പിക്കേണ്ടതാണ്. വീഴ്ച വരുത്തുന്നവര്‍ക്കെതിരെ കര്‍ശന നടപടി സ്വീകരിക്കുമെന്നും ജില്ലാ തെരഞ്ഞെടുപ്പ് ഓഫീസര്‍ കൂടിയായ ജില്ലാ കലക്ടര്‍ ടി വി സുഭാഷ് അറിയിച്ചു

നിയമസഭയിലേക്കുള്ള പൊതുതെരഞ്ഞെടുപ്പുമായി ബന്ധപ്പെട്ട ഉത്തരവാദിത്തങ്ങള്‍ വഹിക്കുന്ന എല്ലാഓഫീസര്‍മാരും ജീവനക്കാരും തെരഞ്ഞെടുപ്പ് നടപടിക്രമം അവസാനിക്കുന്നത് വരെ അവധി ദിവസങ്ങളില്‍ ഉള്‍പ്പെടെ ഓഫീസുകളില്‍ ഹാജരാകണമെന്ന് ജില്ലാ തെരഞ്ഞെടുപ്പ് ഓഫീസര്‍ കൂടിയായ ജില്ലാ കലക്ടര്‍ ടി വി സുഭാഷ് അറിയിച്ചു. ജില്ലാ തെരഞ്ഞെടുപ്പ് ഓഫീസര്‍ ആവശ്യപ്പെടുന്ന റിപ്പോര്‍ട്ടുകളില്‍ അപ്പോള്‍ തന്നെ മറുപടി നല്‍കുന്നതിന് മുഴുവന്‍ ഉദ്യോഗസ്ഥരും സജ്ജമായിരിക്കണമെന്നും അദ്ദേഹം അറിയിച്ചു

ജില്ലയില്‍ തിങ്കളാഴ്ച  198 പേര്‍ക്ക് കൂടി കൊവിഡ് പോസിറ്റീവ് ആയി. സമ്പര്‍ക്കത്തിലൂടെ 185 പേര്‍ക്കും, ഇതരസംസ്ഥാനത്ത് നിന്നെത്തിയ നാല് പേര്‍ക്കും, വിദേശത്തു നിന്നെത്തിയ നാല് പേര്‍ക്കും, അഞ്ച് ആരോഗ്യ പ്രവര്‍ത്തകര്‍ക്കുമാണ് കൊവിഡ് സ്ഥിരീകരിച്ചത്.

സമ്പര്‍ക്കം മൂലം: