കേരള മരംകയറ്റ തൊഴിലാളി ക്ഷേമ പദ്ധതി പ്രകാരം ധനസഹായം കൈപ്പറ്റുകയും തുടര്‍ന്ന് പദ്ധതി പ്രകാരം ജില്ലാ ലേബര്‍ ഓഫീസില്‍  നിന്ന് പെന്‍ഷന്‍ കൈപ്പറ്റുകയും ചെയ്യുന്ന ഗുണഭോക്താക്കളില്‍ ലൈഫ് സര്‍ട്ടിഫിക്കറ്റ്  (ആധാര്‍ നമ്പര്‍, ഫോണ്‍ നമ്പര്‍ എന്നിവ ഉള്‍പ്പെടുത്തി) ഹാജരാക്കാത്തവര്‍ ജില്ലാ ലേബര്‍ ഓഫീസില്‍  ഹാജരാക്കണമെന്ന് ജില്ലാ ലേബര്‍ ഓഫീസര്‍ അറിയിച്ചു.
 

കേരള മദ്രസ അധ്യാപക ക്ഷേമനിധിയിൽ അംഗമായവർ മാർച്ച് പത്തിനകം 2021-22 വർഷത്തെ ക്ഷേമനിധി വിഹിതം അടയ്ക്കണം.

വിഹിതം അടയ്ക്കുന്നതിൽ വീഴ്ച വരുത്തുന്നത് ക്ഷേമനിധി അംഗത്വം റദ്ദാകാനും, ആനുകൂല്യങ്ങൾ ലഭിക്കുന്നതിന് തടസമാകാനും കാരണമാകുമെന്ന് ചീഫ് എക്സിക്യൂട്ടീവ് ഓഫീസർ അറിയിച്ചു.

 ചെറിയനാട് വാർഡ് 8, 9, വെൺമണി വാർഡ് 13, എടത്വ വാർഡ് 4, തണ്ണീർമുക്കം വാർഡ് 8ൽ കിഴക്ക് പന്നം പറമ്പ്, പടിഞ്ഞാറു കളത്തിൽ, വടക്ക് മിങ്ങരം, തെക്ക് തെക്കേകളത്തിൽ എന്നീ പ്രദേശങ്ങൾ   കണ്ടെയ്ൻമെന്റ് സോണിൽ നിന്ന് ഒഴിവാക്കി.

ആതവനാട് മൃഗസംരക്ഷണ പരിശീലന കേന്ദ്രം പുളിക്കല്‍ ഗ്രാമപഞ്ചായത്തുമായി സഹകരിച്ച് കര്‍ഷകര്‍ക്ക് മാര്‍ച്ച് 17ന് ഓഫ് ക്യാമ്പസ് പരിശീലനം സംഘടിപ്പിക്കുന്നു. പുളിക്കല്‍ 'ലെ ഗ്രാന്റ്' ഓഡിറ്റോറിയത്തില്‍ കറവപ്പശു പരിപാലനത്തിലാണ് പരിശീലനം. താല്‍പര്യമുള്ളവര്‍ 7907042710 ല്‍ രജിസ്റ്റര്‍ ചെയ്യണം.
 

ആലപ്പുഴ: കോവിഡ് വ്യാപനത്തിന്റെ പശ്ചാത്തലത്തിൽ - തണ്ണീർമുക്കം വാർഡ് -3, വടക്ക് - തീണ്ടാത്തറ ഭാഗം, തെക്ക് മധുക്കൽ ഭാഗം , കിഴക്ക് - വൺപറമ്പ് ഭാഗം, പടിഞ്ഞാറ് -വല്ലയിൽചിറ ഭാഗം എന്നീ പ്രദേശങ്ങൾ ജില്ലാ കളക്ടർ കണ്ടെയ്മെൻറ് സോൺ ആയി പ്രഖ്യാപിച്ചു.

മലപ്പുറം ആര്‍.ടി.എയുടെ സിറ്റിങ് മാര്‍ച്ച് 24ന് രാവിലെ 10.30ന് കലക്ടറേറ്റ് കോണ്‍ഫറന്‍സ് ഹാളില്‍ നടക്കുമെന്ന് ആര്‍.ടി.ഒ അറിയിച്ചു.
 

വടക്കാഞ്ചേരി നഗരസഭാ പരിധിയിൽ ഉൾപ്പെടുന്ന സർക്കാർ ഓഫീസുകൾക്കും വിദ്യാഭ്യാസ സ്ഥാപനങ്ങൾക്കും  തലപ്പിള്ളി താലൂക്കിൽപ്പെടുന്ന എങ്കക്കാട് ഗ്രൂപ്പ് വില്ലേജ് ഓഫീസിനും മാർച്ച് രണ്ടിന് അവധി. തലപ്പിള്ളി താലൂക്കിൽ വടക്കാഞ്ചേരി നഗരസഭയിലെ ഉത്രാളിക്കാവ് പൂരം എന്നറിയപ്പെടുന്ന ശ്രീ രുധിരമഹാകാളി കാവ് പൂരം പ്രമാണിച്ചാണ് മാർച്ച് 2ന് അവധി പ്രഖ്യാപിച്ചത്. തലപ്പിള്ളി തഹസിൽദാരുടെ അപേക്ഷ പരിഗണിച്ചാണ് ജില്ലാ കലക്ടർ അവധി ഉത്തരവിട്ടു. മുൻനിശ്ചയപ്രകാരമുള്ള പൊതു പരീക്ഷകൾക്കും കേന്ദ്ര-സംസ്ഥാന അർദ്ധസർക്കാർ സ്ഥാപനങ്ങളിലേക്ക് നിയമനത്തിനായി നടത്തുന്ന പരീക്ഷകൾക്കും ഈ ഉത്തരവ് ബാധകമല്ല.

ആലപ്പുഴ : ദേശീയതലത്തിൽ കോവിൻ അപ്ലിക്കേഷൻ അപ്‌ഡേഷൻ നടക്കുന്നതിനാൽ 27/2/21,28/2/21 തീയതികളിൽ കോവിഡ് വാക്‌സിനേഷൻ നടത്തുന്നതല്ലെന്ന് ഡി.എം.ഒ അറിയിച്ചു.

പോളിങ് ഉദ്യോഗസ്ഥര്‍ക്ക് കോവിഡ് പ്രതിരോധ കുത്തിവെപ്പ് എടുക്കുവാനുള്ള സൗകര്യങ്ങള്‍ ജില്ലയില്‍ ഒരുക്കിയതായി ജില്ലാ മെഡിക്കല്‍ ഓഫീസര്‍ ഡോ. കെ. സക്കീന അറിയിച്ചു. ഇതിനായി കോവിന്‍ വെബ് പോര്‍ട്ടലില്‍ 41069 പേര്‍ രജിസ്റ്റര്‍ ചെയ്തിട്ടുണ്ട്. ഇതില്‍ 60 സെഷനുകളിലായി 3245 പേര്‍ക്ക് വാക്‌സിനേഷന്‍ നല്‍കി. ബാക്കിയുള്ളവര്‍ക്ക് കുത്തിവെപ്പ് നല്‍കാന്‍ സര്‍ക്കാര്‍ ആശുപത്രികളിലും നിലവിലെ 12 സ്വകാര്യ ആശുപത്രികള്‍ക്ക് പുറമെ  മറ്റു സ്വകാര്യ ആശുപത്രികളിലും കൂടി ജില്ലയില്‍ 410 കുത്തിവെപ്പ് സെഷനുകള്‍ ഒരുക്കിയിട്ടുണ്ട്.

കേരള സംഗീത നാടക അക്കാദമി അമേച്വർ നാടകസമിതികൾക്കുള്ള സഹായത്തിന് അപേക്ഷ ക്ഷണിച്ചു. അപേക്ഷാഫോറവും നിയമാവലിയും ലഭിക്കുന്നതിന് 10 രൂപയുടെ സ്റ്റാമ്പൊട്ടിച്ച കവർ സഹിതം സെക്രട്ടറി, കേരള സംഗീത നാടക അക്കാദമി, തൃശൂർ - 20 എന്ന വിലാസത്തിൽ ഏപ്രിൽ 16ന് വൈകുന്നേരം 5 മണിക്ക് മുൻപായി അപേക്ഷിക്കണം. അക്കാദമിയുടെ വെബ്സൈറ്റിൽ അപേക്ഷാഫോറവും നിയമാവലിയും ലഭ്യമാണ്. വെബ്സൈറ്റ് www.keralasangeethanatakaakademi.in ഫോൺ : 0487 2332134, 2332548