ഇന്ന് ആലപ്പുഴ ജില്ലയിൽ 272 പേർക്ക് കോവിഡ് സ്ഥിരീകരിച്ചു .6പേർ വിദേശത്തു നിന്നും എത്തിയതാണ് . 264പേർക്ക് സമ്പർക്കത്തിലൂടെയാണ് രോഗം ബാധിച്ചത്   2 പേരുടെ  സമ്പർക്ക ഉറവിടം വ്യക്തമല്ല.263പേരുടെ പരിശോധനാഫലം നെഗറ്റീവായി. ആകെ 73825പേർ രോഗ മുക്തരായി.3821പേർ ചികിത്സയിൽ ഉണ്ട്.

നിയമ സഭാ തെരഞ്ഞെടുപ്പുമായി ബന്ധപ്പെട്ട് മാതൃക പെരുമാറ്റചട്ടം, ഹരിത പെരുമാറ്റചട്ടം തെരഞ്ഞടുപ്പു സംബന്ധമായ മറ്റു കാര്യങ്ങള്‍ എന്നിവ ചര്‍ച്ച ചെയ്യുന്നതിനായി മലപ്പുറം നിയമസഭാമണ്ഡലത്തിലെ അംഗീകൃത രാഷ്ട്രീയ കക്ഷികളുടെ യോഗം മാര്‍ച്ച് ഒന്നിന് ഉച്ചയ്ക്ക് രണ്ടിന് മലപ്പുറം വരണാധികാരിയായ ജില്ലാ ലേബര്‍ ഓഫീസറുടെ ഓഫീസില്‍ നടത്തും.

പെരുമാറ്റ ചട്ടം കർശനമായി നടപ്പിലാക്കണമെന്ന് കലക്ടർമാർക്കും എസ് പി മാർക്കും മുഖ്യ തിരഞ്ഞെടുപ്പ് കമ്മീഷണർ ടിക്കാറാം മീണ നിർദ്ദേശം നൽകി. ജില്ലാ കലക്ടർമാർക്കും എസ്പിമാർക്കുമായി നടത്തിയ വീഡിയോ കോൺഫറൻസിൽ സംസാരിക്കുകയായിരുന്നു അദ്ദേഹം. ഉദ്യോഗസ്ഥർ ആരും തന്നെ രാഷ്ട്രീയ നേതാക്കൾ പങ്കെടുക്കുന്ന യോഗങ്ങളിലോ പരിപാടികളിലോ പങ്കെടുക്കരുതെന്ന് അദ്ദേഹം അറിയിച്ചു.

പട്ടികജാതി വികസന വകുപ്പിന് കീഴിൽ തിരുവില്വാമല ഗ്രാമപഞ്ചായത്ത് മലാറ ദേശത്ത് പ്രവർത്തനമാരംഭിച്ച ചേലക്കര ഇംഗ്ലീഷ് മീഡിയം ഗവൺമെൻറ് മോഡൽ റസിഡൻഷ്യൽ സ്കൂളിലെ 2021- 22 അധ്യയനവർഷം അഞ്ചാം ക്ലാസിലേക്ക് ആൺകുട്ടികൾക്ക് പ്രവേശനം നൽകുന്നതിന് അപേക്ഷ ക്ഷണിക്കുന്നു.

പ്രവേശന പരീക്ഷയുടെയും കൂടിക്കാഴ്ചയുടേയും അടിസ്ഥാനത്തിലാണ് വിദ്യാർഥികളെ തിരഞ്ഞെടുക്കുക.1,00,000 രൂപയിൽ താഴെ വാർഷിക കുടുംബ വരുമാനമുള്ള പട്ടികജാതി-പട്ടികവർഗ വിദ്യാർത്ഥികളുടെ രക്ഷിതാക്കൾക്ക് നിശ്ചിത മാതൃകയിലുള്ള അപേക്ഷ നൽകാം.

നിയമസഭാ തെരഞ്ഞെടുപ്പ് സുഗമമായി നടത്തുന്നതിനും മാതൃകാ പെരുമാറ്റച്ചട്ടം നടപ്പിലാക്കുന്നതിനും കോട്ടക്കല്‍ നിയോജക മണ്ഡലത്തിലെ രാഷ്ട്രീയ പാര്‍ട്ടികളുടെയും പൊലീസ് ഉദ്യോഗസ്ഥരുടെയും യോഗം മാര്‍ച്ച് ഒന്നിന് രാവിലെ 11.30ന് കുറ്റിപ്പുറം ബ്ലോക്ക് പഞ്ചായത്ത് സുവര്‍ണ ജൂബിലി ഹാളില്‍ ചേരും. രാഷ്ട്രീയ പാര്‍ട്ടി പ്രതിനിധികളും ഉദ്യോഗസ്ഥരും യോഗത്തില്‍ പങ്കെടുക്കണമെന്ന് കോട്ടക്കല്‍ നിയമസഭാമണ്ഡലം വരണാധികാരി അറിയിച്ചു.

നിയമസഭ തിരഞ്ഞെടുപ്പിൻ്റെ മുന്നൊരുക്കങ്ങളുടെ ഭാഗമായി തിരഞ്ഞെടുപ്പ് ഡ്യൂട്ടിയ്ക്ക് നിയോഗിക്കേണ്ട ഉദ്യോഗസ്ഥർക്ക് മാർച്ച് ഒന്ന്, രണ്ട് തിയ്യതികളിൽ പരിശീലനം നൽകുന്നതിനാൽ ഉദ്യോഗസ്ഥരുടെ നിയമന ഉത്തരവ് കൈപ്പറ്റുന്നതിന് ജില്ലയിലെ എല്ലാ സർക്കാർ ഓഫീസുകളും സർക്കാർ, എയ്ഡഡ് സ്കൂളുകളും എല്ലാ വിഭാഗം ബാങ്കുകളും ഇന്ന് (ഫെബ്രു. 28) തുറന്നു പ്രവർത്തിക്കണമെന്ന് ജില്ലാ തിരഞ്ഞെടുപ്പു ഉദ്യോഗസ്ഥനായ ജില്ലാ കലക്ടർ എസ് ഷാനവാസ് അറിയിച്ചു.

നിയമസഭാ തെരഞ്ഞെടുപ്പുമായി ബന്ധപ്പെട്ട് തിരൂരങ്ങാടി താലൂക്കിലെ വേങ്ങര, വള്ളിക്കുന്ന്, തിരൂരങ്ങാടി മണ്ഡലങ്ങളിലെ രാഷ്ട്രീയ പാര്‍ട്ടി പ്രതിനിധികളുടെ യോഗം മാര്‍ച്ച് ഒന്നിന് വൈകീട്ട് മൂന്നിന് തിരൂരങ്ങാടി തഹസില്‍ദാരുടെ ചേംബറില്‍ ചേരും. യോഗത്തില്‍ ഈ മണ്ഡലത്തിലെ വരണാധികാരികളും പങ്കെടുക്കും. യോഗത്തില്‍ രാഷ്ട്രീയ പാര്‍ട്ടികളുടെ പ്രതിനിധികള്‍ പങ്കെടുക്കണമെന്ന് തിരൂരങ്ങാടി തഹസില്‍ദാര്‍ അറിയിച്ചു.