നേരിട്ടുള്ള സമ്പര്‍ക്കത്തിലൂടെ 346 പേര്‍ക്ക്
ഉറവിടമറിയാതെ നാല് പേര്‍ക്ക്
രോഗബാധിതരായി ചികിത്സയില്‍ 2,777 പേര്‍
ആകെ നിരീക്ഷണത്തിലുള്ളത് 20,360 പേര്‍

മലപ്പുറം ജില്ലയില്‍ ഇന്ന് (ഫെബ്രുവരി 28) 354 പേര്‍ക്ക് കോവിഡ് 19 സ്ഥിരീകരിച്ചതായി ജില്ലാ മെഡിക്കല്‍ ഓഫീസര്‍ ഡോ. കെ. സക്കീന അറിയിച്ചു. ഇതില്‍ 346 പേര്‍ക്ക് നേരിട്ടുള്ള സമ്പര്‍ക്കത്തിലൂടെയും നാല് പേര്‍ക്ക് ഉറവിടമറിയാതെയുമാണ് രോഗബാധ. വിദേശത്ത് നിന്നെത്തിയ രണ്ട് പേര്‍ക്കും ഇതര സംസ്ഥാനത്ത് നിന്നെത്തിയ രണ്ട് പേര്‍ക്കും ഇന്ന് രോഗം സ്ഥിരീകരിച്ചിട്ടുണ്ട്.

ട്രാവൻകൂർ ടൈറ്റാനിയം ഫാക്ടറിയിലെ ഓയിൽ ചോർച്ചയുമായി ബന്ധപ്പെട്ടുണ്ടായ മാലിന്യം നീക്കുന്നതിനെച്ചൊല്ലി പ്രദേശവാസികളും കമ്പനിയും തമ്മിലുണ്ടായ തർക്കം പരിഹരിച്ചു. ഫാക്ടറിയിൽനിന്നു ഫർണസ് ഓയിൽ ചോർന്നു കടലിലേക്ക് ഒഴുകിയ ഓടയിലെ മാലിന്യം ഇന്നു(ഫെബ്രുവരി 26) പൂർണമായി നീക്കംചെയ്യും. ഈ ഓട നാട്ടുകാർ മണ്ണിട്ട് അടച്ചതിനെത്തുടർന്നു കമ്പനിക്കുള്ളിൽനിന്ന് എണ്ണയും മാലിന്യം കലർന്ന മണ്ണും നീക്കാൻ കഴിഞ്ഞിരുന്നില്ല. മാലിന്യ നീക്കം പൂർണമാകാതിരുന്നതിനാൽ മലിനീകരണ നിയന്ത്രണ ബോർഡ് കമ്പനിക്കു നൽകിയിരുന്ന സ്റ്റോപ്പ് മെമ്മോ പിൻവലിക്കാതിരുന്നതിനെത്തുടർന്നു കമ്പനിയുടെ പ്രവർത്തനം നിലച്ചിരിക്കുകയാണ്.

ആലപ്പുഴ: ഗവ. ടി.ഡി. മെഡിക്കൽ കോളജിലെ എം.ഡി.ഐ..സി.യു-ലെ ഡക്ടബിൾ സ്പ്ലിറ്റ് എ.സി (അഞ്ചെണ്ണം) ഒരു വർഷത്തേയ്ക്ക് അറ്റകുറ്റപ്പണി ചെയ്യുന്നതിന്  ക്വട്ടേഷൻ ക്ഷണിച്ചു. ക്വട്ടേഷൻ മാർച്ച് എട്ടിന് ഉച്ചയ്ക്ക് ഒന്നു വരെ സ്വീകരിക്കും. അന്നേ ദിവസം രണ്ടിന് തുറക്കും. ക്വട്ടേഷൻ പ്രിൻസിപ്പൽ, ഗവ. ടി.ഡി. മെഡിക്കൽ കോളജ്, ആലപ്പുഴ എന്ന വിലാസത്തിൽ ലഭിക്കണം. ഫോൺ :0477 2282015.

തകഴി വാർഡ് 1,2,12,14, കരുവാറ്റ വാർഡ് 15,  തണ്ണീർമുക്കം വാർഡ് 8ൽ കിഴക്ക് പന്നം പറമ്പ്, പടിഞ്ഞാറു കളത്തിൽ, വടക്ക് - മിങ്ങരം, തെക്ക് തെക്കേകളത്തിൽ എന്നീ പ്രദേശങ്ങൾ   കണ്ടെയ്ൻമെന്റ് സോണിൽ നിന്ന് ഒഴിവാക്കി.

നേരിട്ടുള്ള സമ്പര്‍ക്കത്തിലൂടെ 365 പേര്‍ക്ക്
ഉറവിടമറിയാതെ 10 പേര്‍ക്ക്
രോഗബാധിതരായി ചികിത്സയില്‍ 2,812 പേര്‍
ആകെ നിരീക്ഷണത്തിലുള്ളത് 20,656 പേര്‍

മലപ്പുറം ജില്ലയില്‍ ഇന്ന് (ഫെബ്രുവരി 27) 388 പേര്‍ക്ക് കോവിഡ് 19 സ്ഥിരീകരിച്ചതായി ജില്ലാ മെഡിക്കല്‍ ഓഫീസര്‍ ഡോ. കെ. സക്കീന അറിയിച്ചു. ഇതില്‍ 365 പേര്‍ക്ക് നേരിട്ടുള്ള സമ്പര്‍ക്കത്തിലൂടെയും 10 പേര്‍ക്ക് ഉറവിടമറിയാതെയുമാണ് രോഗബാധ. വിദേശത്ത് നിന്ന് ജില്ലയിലെത്തിയ ഒമ്പത് പേര്‍ക്കും ഇതര സംസ്ഥാനത്ത് നിന്നെത്തിയ മൂന്ന് പേര്‍ക്കും ഇന്ന് വൈറസ് ബാധ സ്ഥിരീകരിച്ചിട്ടുണ്ട്.

ആലപ്പുഴ: കോവിഡ് വ്യാപനത്തിന്റെ പശ്ചാത്തലത്തിൽ - തണ്ണീർമുക്കം വാർഡ് -3, വടക്ക് - തീണ്ടാത്തറ ഭാഗം, തെക്ക് മധുക്ക ഭാഗം , കിഴക്ക് - വൺപറമ്പ് ഭാഗം, പടിഞ്ഞാറ് -വല്ലയിൽചിറ ഭാഗം എന്നീ പ്രദേശങ്ങൾ ജില്ലാ കളക്ടർ കണ്ടെയ്മെൻറ് സോൺ ആയി പ്രഖ്യാപിച്ചു.
 

ആലപ്പുഴ: സ്ത്രീകളുടെയും കുട്ടികളുടെയും ആശുപത്രിയിൽ 2021 -22 ൽ ഏപ്രിൽ ഒന്നു മുതൽ 2022 മാർച്ച് 31 വരെ ബ്രഡ് (വെള്ള) വിതരണം ചെയ്യുന്നതിന് മുദ്ര വെച്ച ദർഘാസുകൾ ക്ഷണിച്ചു. ദർഘാസുകൾ മാർച്ച് 22 പകൽ 11വരെ സ്വീകരിക്കും. അന്നേദിവസം 12.30ന് തുറക്കും. വിശദവിവരത്തിന് ഫോൺ: 0477 2251151.

സുഭിക്ഷം സുരക്ഷിതം പദ്ധതിയില്‍ ജൈവകൃഷി ചെയ്തുകൊണ്ടിരിക്കുന്നവര്‍ക്കും ജൈവകൃഷിയില്‍ താത്പര്യമുള്ളവര്‍ക്കും ജൈവകൃഷി സര്‍ട്ടിഫിക്കറ്റ് ലഭിക്കുന്നതിനും വിവിധ ജൈവകൃഷി മാര്‍ഗങ്ങളെ സംബന്ധിച്ച് അറിവും പരിശീലനവും ലഭിക്കുന്നതിനും പെരിന്തല്‍മണ്ണ ബ്ലോക്കിലെ കൃഷിഭവനുകളില്‍ അപേക്ഷ നല്‍കാം.  പെരിന്തല്‍മണ്ണ, അങ്ങാടിപ്പുറം, ഏലംകുളം, ആലിപ്പറമ്പ്, പുലാമന്തോള്‍, താഴേക്കാട്, വെട്ടത്തൂര്‍, കീഴാറ്റൂര്‍, മേലാറ്റൂര്‍ എന്നീ കൃഷിഭവനുകളിലാണ്  അപേക്ഷ നല്‍കേണ്ടത്. അപേക്ഷ സമര്‍പ്പിക്കാനുള്ള അവസാന തീയതി മാര്‍ച്ച് 10.

ആലപ്പുഴ :ഭാരതീയ ചികിത്സാ വകുപ്പ് ആലപ്പുഴ ജില്ലാ മെഡിക്കൽ ഓഫീസിൽ ഡ്രൈവർ കം ഓഫീസ് അറ്റന്റന്റ് തസ്തികയിലേക്ക് എംപ്ലോയ്‌മെന്റ് എക്‌സ്‌ചേഞ്ച് മുഖേന മാർച്ച് നാലിന് നടത്താനിരുന്ന കൂടിക്കാഴ്ച മാറ്റി വച്ചു . പുതുക്കിയ തീയതി പിന്നീട് അറിയിക്കും. 

കേരള മദ്രസാധ്യാപക ക്ഷേമനിധിയില്‍ 2020-21 സാമ്പത്തിക വര്‍ഷത്തെ ക്ഷേമനിധി വിഹിതം അടക്കാന്‍ ബാക്കിയുള്ളവര്‍ മാര്‍ച്ച് 10നകം വിഹിതം പോസ്‌റ്റോഫീസില്‍ അടയ്ക്കണം. അതത് സാമ്പത്തിക വര്‍ഷത്തെ ക്ഷേമനിധി അടക്കാത്തത് ക്ഷേമനിധി അംഗത്വം റദ്ദാവുന്നതിനും ആനുകൂല്യങ്ങള്‍ ലഭിക്കുന്നതിന് തടസമാകുകയും ചെയ്യുന്നതിനാല്‍ അംഗത്വവിഹിതം യഥാസമയം അടക്കണമെന്ന് ചീഫ് എക്‌സിക്യൂട്ടീവ് ഓഫീസര്‍ അറിയിച്ചു.