ആലപ്പുഴ: ജില്ലാ പഞ്ചായത്ത് പ്രസിഡന്റായി മാരാരിക്കുളം ഡിവിഷനില്‍ നിന്നുള്ള കെ. ജി  രാജേശ്വരിയെ തിരഞ്ഞെടുത്തു.  രാവിലെ 11 മണിയോടെ നടന്ന തിരഞ്ഞെടുപ്പില്‍ വോട്ടെടുപ്പില്ലാതെയാണ് കെ. ജി  രാജേശ്വരിയെ തിരഞ്ഞെടുത്തത്.

വരണാധികാരിയായി ജില്ല കളക്ടര്‍ എ. അലക്‌സാണ്ടര്‍  സത്യപ്രതിജ്ഞ ചൊല്ലി കൊടുത്തു. എ.എം ആരിഫ് എം. പി ആശംസ പ്രസംഗം നടത്തി.

ആലപ്പുഴ: അമ്പലപ്പുഴ സര്‍ക്കാര്‍ കോളജില്‍ സാമ്പത്തിക ശാസ്ത്ര  വിഭാഗത്തില്‍ രണ്ട് ഗസ്റ്റ് അധ്യാപകരുടെ ഒഴിവുണ്ട്. കോളജ് വിദ്യാഭ്യാസ വകുപ്പിന്റെ മേഖല ഓഫീസുകളില്‍ പേര് രജിസ്റ്റര്‍ ചെയ്തിട്ടുള്ള ഉദ്യോഗാര്‍ഥികള്‍ക്ക് ജനുവരി എട്ടിന് രാവിലെ 10.30ന് പ്രിന്‍സിപ്പലിന്റെ ചേബറില്‍ നടക്കുന്ന് അഭിമുഖത്തില്‍ പങ്കെടുക്കാം. താല്‍പര്യമുള്ളവര്‍ അസല്‍ സര്‍ട്ടിഫിക്കറ്റുകളുമായി ഹാജരാകണം. ഫോണ്‍: 0477 2272767.

              ജില്ലയിൽ കോവിഡ് രോഗികളുടെ എണ്ണത്തിൽ  കാര്യമായ കുറവ് വന്നിട്ടില്ലാത്ത സാഹചര്യത്തിൽ ആഘോഷാവസരങ്ങളിൽ ആളുകൾ കൂടുന്നത് രോഗവ്യാപനത്തിന് ഇടയാക്കുമെന്നതിനാലും പുതുവത്സര വേളയിൽ ജില്ലയിൽ നിയന്ത്രണങ്ങൾ ഏർപ്പെടുത്തി  കലക്ടർ സാംബശിവ റാവു ഉത്തരവിട്ടു.

ആലപ്പുഴ: സ്റ്റേറ്റ് റിസോഴ്സ് സെന്ററിന്റെ ആഭിമുഖ്യത്തിൽ എസ്.ആർ.സി. കമ്മ്യൂണിറ്റി കോളേജ് ജനുവരി സെഷനിൽ നടത്തുന്ന യോഗ സർട്ടിഫിക്കറ്റ് പ്രോഗ്രാമിലേക്ക് അപേക്ഷ ക്ഷണിച്ചു. പത്താം ക്ലാസ് പാസായവർക്ക് അപേക്ഷിക്കാം. ആറ് മാസമാണ് കാലാവധി. തിയറി, പ്രാക്ടിക്കൽ ക്ലാസുകൾ അംഗീകൃത പഠനകേന്ദ്രങ്ങളുടെ സഹായത്തോടെയാണ് നടത്തുന്നത്. ഈ പ്രോഗാമിന് നാഷണൽ സ്‌കിൽ ഡവലപ്മെന്റ് കോർപ്പറേഷന്റെ അംഗീകാരമുണ്ട്.

ആലപ്പുഴ:ജില്ലയിൽ സിവിൽ സപ്ലൈസ് കോർപ്പറേഷൻ ലിമിറ്റഡിൽ അസിസ്റ്റന്റ് സെയിൽസ്മാൻ (കാറ്റഗറി നമ്പർ 225/2015) തസ്തികക്കായി 2017 നവംബർ 28ന് നിലവിൽ വന്ന 1118/17/ഡി.ഒ.എ നമ്പർ റാങ്ക് പട്ടികയുടെ കാലാവധി 2020 നവംബർ 27 അർദ്ധരാത്രിയിൽ പൂർത്തിയായതിനാൽ നവംബർ 28ന് പൂർവ്വാഹ്നം മുതൽ റദ്ദായിരിക്കുന്നതായി ആലപ്പുഴ പി.എസ്.സി ജില്ല ഓഫീസർ അറയിച്ചു.