2020-21 അക്കാദമിക് വർഷം ഭിന്നശേഷി വിദ്യാർത്ഥികൾക്കും ന്യൂനപക്ഷ മതവിഭാഗത്തിലെ വിദ്യാർത്ഥികൾക്കുമുള്ള പോസ്റ്റ്‌മെട്രിക് സ്‌കോളർഷിപ്പിന് (ഫ്രഷ്/റിന്യൂവൽ) ഇന്നുകൂടി (ഡിസംബർ 31) അപേക്ഷിക്കാം. www.scholarships.gov.in ലെ നാഷണൽ സ്‌കോളർഷിപ്പ് പോർട്ടലിൽ ഓൺലൈനായാണ് അപേക്ഷിക്കേണ്ടത്. വിശദവിവരങ്ങൾക്ക്:ww.collegiateedu.kerala.gov.in, www.dcescholarship.kerala.gov.in.    
പി.എൻ.എക്‌സ്. 4544/2020

സംസ്ഥാന പട്ടികജാതി പട്ടികവർഗ്ഗ വികസന കോർപ്പറേഷൻ സർക്കാരിന്റെ നൂറ് ദിന കർമ്മപരിപാടിയുടെ ഭാഗമായി വിവിധ മേഖലകളിൽ തൊഴിൽ അവസരങ്ങൾ സൃഷ്ടിക്കുന്നു. പട്ടികജാതി പട്ടികവർഗ്ഗ വിഭാഗങ്ങൾക്ക് സ്വയം തൊഴിലിലൂടെ സാമ്പത്തിക ഉന്നമനം പ്രാപ്തമാക്കുന്നതിന് ജില്ലാ ആസ്ഥാനങ്ങളിൽ കോർപ്പറേഷൻ വിവിധ വായ്പ പദ്ധതി വിശദീകരണ യോഗവും ഗുണഭോക്തൃ സംശയ നിവാരണവും പരാതി പരിഹാര ക്യാമ്പുകളും സംഘടിപ്പിക്കും.

സംസ്ഥാന യുവജന കമ്മീഷനിൽ ഒഴിവുള്ള ഒരു അസിസ്റ്റന്റ് തസ്തികയിൽ കരാർ അടിസ്ഥാനത്തിൽ നിയമനത്തിന് അപേക്ഷ ക്ഷണിച്ചു. പ്രായ പരിധി 21-36 വയസ്സ് (നിയമാനുസൃത ഇളവുകൾ ബാധകം). ബിരുദവും ഇംഗ്ലീഷ്, മലയാളം, കമ്പ്യൂട്ടർ ടൈപ്പിംഗ് പരിജ്ഞാനവുമാണ് യോഗ്യത. ശമ്പളം 30,325 രൂപ. അപേക്ഷകർ ബന്ധപ്പെട്ട രേഖയുടെ പകർപ്പുകൾ സഹിതം ജനുവരി നാലിന് വൈകിട്ട് മൂന്നിന് മുമ്പ് കമ്മീഷൻ ഓഫീസിൽ ലഭിക്കണം.
പി.എൻ.എക്‌സ്. 4541/2020

ദോഹയിലെ പ്രമുഖ വിദ്യാഭ്യാസ സ്ഥാപനമായ ബിർള പബ്ലിക് സ്‌കൂളിലേക്ക് നോർക്ക റൂട്സ് വഴി നിയമനം.  അധ്യാപക, അനധ്യാപക പ്രവൃത്തിപരിചയമുള്ളവർക്ക് അപേക്ഷിക്കാം. ഏകദേശം  70,000 ത്തിനും 89,000 രൂപയ്ക്കിടയിലാണ്  അടിസ്ഥാന ശമ്പളം. www.norkaroots.org യിൽ ഓൺലൈനായി ജനുവരി  10 വരെ അപേക്ഷിക്കാം. വിശദ വിവരങ്ങൾ വെബ്സൈറ്റിൽ ലഭിക്കും. ടോൾ ഫ്രീ നമ്പർ:  1800  425 3939.
പി.എൻ.എക്‌സ്. 4540/2020

ഓണം സ്റ്റാളുകളിലേക്ക് ഹോർട്ടികോപ്പ് പത്തനംതിട്ട ജില്ലാ സംഭരണകേന്ദ്രത്തിൽ നിന്നും കേടു വന്ന പച്ചക്കറികളും പഴവർഗ്ഗങ്ങളും വിതരണം ചെയ്ത സംഭവം വിജലൻസ് അന്വേഷിക്കുമെന്ന് കൃഷി മന്ത്രി വി. എസ് സുനിൽകുമാർ അറിയിച്ചു. ഹോർട്ടികോർപ്പ് ഓഡിറ്റ് വിഭാഗത്തിന്റ അന്വേഷണത്തിന്റെ അടിസ്ഥാനത്തിലാണ് നടപടി.
പി.എൻ.എക്‌സ്. 4539/2020

പ്രത്യേക നിയമസഭാ സമ്മേളനം കോവിഡ് പ്രോട്ടോക്കോൾ പാലിച്ച് ഇന്ന് (ഡിസംബർ 31) രാവിലെ ഒൻപതിന് ചേരും. നിയമസഭാംഗങ്ങൾക്കും ഡ്യൂട്ടിയിലുള്ള ഉദ്യോഗസ്ഥർക്കും മാധ്യമപ്രവർത്തകർക്കും രാവിലെ ഏഴു മുതൽ കോവിഡ് ആന്റിജൻ ടെസ്റ്റ് സൗകര്യം ഏർപ്പെടുത്തിയിട്ടുണ്ട്. സന്ദർശന ഗ്യാലറിയിൽ പ്രവേശനം ഉണ്ടായിരിക്കില്ല.
പി.എൻ.എക്‌സ്. 4538/2020

ഗാന്ധി ജയന്തി, ഭരണഭാഷാ വാരാഘോഷങ്ങളുടെ ഭാഗമായി ജില്ലാ  ഇന്‍ഫര്‍മേഷന്‍ ഓഫീസ് സംഘടിപ്പിച്ച കവിതാ രചന, കവിതാലാപനം, വീഡിയോ ഫീച്ചര്‍ നിര്‍മാണം  മത്സരങ്ങളിലെ വിജയികള്‍ക്കുള്ള സമ്മാനദാനം ഡിസംബര്‍ 31ന്  രാവിലെ 10 മണിക്ക് കലക്ടറേറ്റ് കോണ്‍ഫറന്‍സ് ഹാളില്‍ ജില്ലാ കലക്ടര്‍ ടി വി സുഭാഷ് നിര്‍വഹിക്കും. യുപി, ഹൈസ്‌കൂള്‍, ഹയര്‍സെക്കണ്ടറി വിദ്യാര്‍ഥികള്‍ക്കായാണ് വിവിധ മത്സരങ്ങള്‍ സംഘടിപ്പിച്ചത്. ആദ്യ മൂന്ന് സ്ഥാനങ്ങള്‍ നേടിയവരുടെ പേര്, സ്‌കൂള്‍ എന്നിവ യഥാക്രമത്തില്‍.

തദ്ദേശഭരണ സ്ഥാപനങ്ങളില്‍ ഹരിതകര്‍മ്മ സേനകള്‍ വഴി ശേഖരിച്ച പാഴ് വസ്തുക്കള്‍ വില നല്‍കി ക്ലീന്‍കേരള കമ്പനി ഏറ്റെടുക്കുമെന്ന് ഹരിതകേരളം മിഷന്‍ ജില്ലാ കോ-ഓഡിനേറ്റര്‍ ഡി. ഹുമയൂണ്‍ അറിയിച്ചു. മെറ്റീരിയല്‍ കളക്ഷന്‍ ഫെസിലിറ്റി സെന്ററുകളില്‍ തരംതിരിച്ചു വച്ചിട്ടുള്ള പുനചംക്രമണ യോഗ്യമായ പാഴ് വസ്തുക്കളാണ് വിപണി നിരക്കില്‍ ഏറ്റെടുക്കുന്നത്. നിലവില്‍ ഹരിതകേരളം മിഷന്‍, ശുചിത്വ മിഷന്‍, കുടുംബശ്രീ എന്നിവയുടെ നേതൃത്വത്തില്‍ ശാസ്ത്രീയമായ ഖരമാലിന്യ സംസ്‌കരണ രീതികള്‍ തദ്ദേശഭരണ സ്ഥാപനങ്ങളില്‍ നടപ്പിലാക്കി വരുന്നുണ്ട്.