.284 പേര്‍ക്ക് രോഗമുക്തി
.266 പേര്‍ക്ക് സമ്പര്‍ക്കത്തിലൂടെ രോഗബാധ

വയനാട് ജില്ലയില്‍ ഇന്ന് (30.12.20) 267 പേര്‍ക്ക് കോവിഡ് സ്ഥിരീകരിച്ചതായി ജില്ലാ മെഡിക്കല്‍ ഓഫീസര്‍ ഡോ. ആര്‍. രേണുക അറിയിച്ചു. 284 പേര്‍ രോഗമുക്തി നേടി. 2 ആരോഗ്യ പ്രവര്‍ത്തകര്‍ ഉള്‍പ്പെടെ 266 പേര്‍ക്ക് സമ്പര്‍ക്കത്തിലൂടെയാണ് രോഗബാധ. 11 പേരുടെ സമ്പര്‍ക്ക ഉറവിടം ലഭ്യമല്ല. ഇതര സംസ്ഥാനത്ത് നിന്നെത്തിയ ഒരാള്‍ക്കും രോഗം സ്ഥിരീകരിച്ചു.

കോഴിക്കോട് ലേബര്‍ കോടതി പ്രിസൈഡിങ് ഓഫീസര്‍ വി.എസ്.വിദ്യാധരന്‍ 2021 ജനുവരി 14ന് പാലക്കാട് ആര്‍ഡിഒ ഹാളില്‍ തൊഴില്‍ തര്‍ക്ക സംബന്ധമായ കേസുകള്‍ വിചാരണ ചെയ്യുമെന്ന് ലേബര്‍ കോടതി സെക്രട്ടറി അറിയിച്ചു.  

വയനാട് ജില്ലാ പഞ്ചായത്ത് പ്രസിഡന്റായി ഐ.എന്‍.സിയിലെ സംഷാദ് മരക്കാര്‍ (മുട്ടില്‍ ഡിവിഷന്‍ അംഗം) തിരഞ്ഞെടുക്കപ്പെട്ടു. നറുക്കെടുപ്പിലൂടെയാണ് സംഷാദ് ജില്ലാ പഞ്ചായത്ത് പ്രസിഡന്റായത്. മത്സര രംഗത്തുണ്ടായിരുന്ന സംഷാദ് മരക്കാര്‍, സി.പി.ഐ.എമ്മിലെ സുരേഷ് താളൂര്‍ (അമ്പലവയല്‍ ഡിവിഷന്‍ അംഗം) എന്നിവര്‍ക്ക് വോട്ടെടുപ്പില്‍ തുല്യവോട്ടു ലഭിച്ചതിനെ തുടര്‍ന്നാണ് നറുക്കെടുപ്പ് വേണ്ടി വന്നത്. സംഷാദ് മരക്കാറിനെ എം. മുഹമ്മദ് ബഷീര്‍ (പടിഞ്ഞാറത്തറ) നാമനിര്‍ദ്ദേശം ചെയ്യുകയും ഉഷ തമ്പി (പുല്‍പ്പള്ളി) പിന്താങ്ങുകയും ചെയ്തു.

കോട്ടത്തറ വില്ലേജില്‍ മെഡിക്കല്‍ കോളേജിനായി ഏറ്റെടുത്തിട്ടുള്ള സ്ഥലത്തെ കാപ്പിച്ചെടികളില്‍ നിന്നുള്ള ആദായം ജനുവരി 4 ന് രാവിലെ 11 മണിക്ക് പരസ്യമായി ലേലം ചെയ്യും. ഫോണ്‍: 04936 255229

മീനങ്ങാടി ഗവ.പോളിടെക്നിക് കോളജില്‍ ജനുവരിയില്‍ ആരംഭിക്കുന്ന റെഫ്രിജറേഷന്‍ ആന്‍ഡ് എയര്‍ കണ്ടീഷന്‍  (6   മാസം) കോഴ്സില്‍ ഒഴിവുള്ള സീറ്റുകളിലേക്ക് അപേക്ഷ ക്ഷണിച്ചു.  പത്താതരം യോഗ്യതയുള്ളവര്‍ക്ക് അപേക്ഷിക്കാം. ഫോണ്‍:  04936 248100   9847699720.

കാര്‍ഷികയന്ത്രവല്‍കരണത്തിന്റെ ഭാഗമായി സബ്സിഡി നിരക്കില്‍ കാര്‍ഷിക യന്ത്രങ്ങള്‍ക്ക് എസ്.സി.എസ്.ടി. വിഭാഗക്കാരില്‍ നിന്ന് അപേക്ഷ ക്ഷണിച്ചു.  കാടുവെട്ടി യന്ത്രം, തെങ്ങ് കയറ്റയന്ത്രം, ചെയിന്‍സോ, ട്രാക്ടറുകള്‍, പവര്‍ ടില്ലര്‍, ഗാര്‍ഡന്‍ ടില്ലര്‍, സ്പ്രേയറുകള്‍, ഏണികള്‍, വീല്‍ബാരോ, കൊയ്ത്ത് യന്ത്രം, ഞാറുനടീല്‍ യന്ത്രം, നെല്ല്കുത്ത്മില്‍, ഓയില്‍ മില്‍, ഡ്രെയറുകള്‍, വാട്ടര്‍പമ്പ് തുടങ്ങിയ കാര്‍ഷികയന്ത്രങ്ങളാണ് സബ്സിഡിയോടെ ലഭിക്കുക.  ചെറുകടി നാമമാത്ര കര്‍ഷകര്‍ക്ക് 50 ശതമാനം സബ്സിഡി നിബന്ധനകളോടെ ലഭിക്കും.

കോഴിക്കോട് ജില്ലാപഞ്ചായത്ത് പ്രസിഡന്റായി കാനത്തില്‍ ജമീല സത്യപ്രതിജ്ഞ ചെയ്ത് ചുമതലയേറ്റു. ജില്ലാകലക്ടര്‍ എസ്.സാംബശിവ റാവു സത്യവാചകം ചൊല്ലിക്കൊടുത്തു. എം.പി ശിവാനന്ദനാണ് വൈസ് പ്രസിഡന്റ്. 

ചേളന്നൂര്‍ ബ്ലോക്ക് പഞ്ചായത്ത് പ്രസിഡന്റായി കെ.പി സുനില്‍കുമാര്‍ സത്യപ്രതിജ്ഞ ചെയ്ത് ചുമതലയേറ്റു. റിട്ടേണിംഗ് ഓഫീസര്‍ ജയരാജ് സത്യവാചകം ചൊല്ലിക്കൊടുത്തു. ഷിഹാന രാരപ്പന്‍കണ്ടിയാണ് വൈസ് പ്രസിഡന്റ്.