കോട്ടയം വനിതാ പ്രൊട്ടക്ഷന്‍ ഓഫീസിന്റെ ആവശ്യത്തിന് കരാര്‍ അടിസ്ഥാനത്തില്‍ വാഹനം വാടകയ്ക്ക് എടുക്കുന്നതിന് ക്വട്ടേഷന്‍ ക്ഷണിച്ചു.  ഡിസംബര്‍ 23 വരെ സമര്‍പ്പിക്കാം. കൂടുതല്‍ വിവരങ്ങള്‍ വനിതാ പ്രൊട്ടക്ഷന്‍ ഓഫീസില്‍ ലഭിക്കും. ഫോണ്‍ 0481 2300955.

സിവില്‍ സപ്ലൈസ് കോര്‍പ്പറേഷന്റെ കോട്ടയം ജില്ലാ ക്രിസ്മസ് ഫെയര്‍ ഇന്നു(ഡിസംബര്‍ 18) മുതല്‍ 24 വരെ കോട്ടയം കെ.പി.എസ്. മേനോന്‍ ഹാളില്‍ നടക്കും. ഇന്നു (ഡിസംബര്‍ 18) രാവിലെ 11ന് ഭക്ഷ്യ-പൊതുവിതരണ വകുപ്പ് മന്ത്രി പി. തിലോത്തമന്‍ ഉദ്ഘാടനം ചെയ്യും. 

തിരുവഞ്ചൂര്‍ രാധാകൃഷ്ണന്‍ എം.എല്‍.എ അധ്യക്ഷത വഹിക്കും.  ജോസ് കെ. മാണി എം.പി ആദ്യ വില്‍പ്പന നിര്‍വഹിക്കും. വിവിധ രാഷ്ട്രീയ കക്ഷികളുടെ പ്രതിനിധികള്‍ പങ്കെടുക്കും.

സപ്ലൈകോ സിഎംഡി അലി അസ്ഗര്‍ പാഷ സ്വാഗതവും ജില്ലാ സപ്ലൈ ഓഫീസര്‍ സി.എസ്. ഉണ്ണികൃഷ്ണകുമാര്‍ നന്ദിയും പറയും.

==================================

കോട്ടയം ജില്ലയില്‍  505 പേര്‍ക്കു കൂടി കോവിഡ് സ്ഥിരീകരിച്ചു. 501 പേർക്കും സമ്പര്‍ക്കം മുഖേനയാണ് വൈറസ് ബാധിച്ചത്.  ഇതില്‍ ഒരു ആരോഗ്യ പ്രവർത്തകയും ഉള്‍പ്പെടുന്നു. സംസ്ഥാനത്തിനു പുറത്തു നിന്നെത്തിയ നാലു പേർ രോഗബാധിതരായി. പുതിയതായി 4634 പരിശോധനാഫലങ്ങളാണ് ലഭിച്ചത്.  

രോഗം ബാധിച്ചവരില്‍ 256 പുരുഷന്‍മാരും 207 സ്ത്രീകളും 42 കുട്ടികളും ഉള്‍പ്പെടുന്നു. 60 വയസിനു മുകളിലുള്ള 66 പേര്‍ക്ക് കോവിഡ് സ്ഥിരീകരിച്ചിട്ടുണ്ട്.

കോട്ടയം ജില്ലയിൽ ഹോമിയോപ്പതി വകുപ്പിൽ മെഡിക്കൽ ഓഫീസർ തസ്തികയിൽ താൽക്കാലിക നിയമനത്തിന് അപേക്ഷ ക്ഷണിച്ചു.ബി.എച്ച്. എം. എസ് യോഗ്യതയും ടി.എം.സി രജിസ്ട്രേഷനും ഉണ്ടായിരിക്കണം . അപേക്ഷ ജനുവരി 10ന് വൈകുന്നേരം അഞ്ചിനകം ജില്ലാ മെഡിക്കൽ ഓഫീസ് (ഹോമിയോ) , ജില്ലാ ഹോമിയോ ആശുപത്രി ബിൽഡിംഗ്, എസ്.എച്ച് മൗണ്ട് പി.ഒ , കോട്ടയം - 686006 എന്ന വിലാസത്തിൽ ലഭിക്കണം. ഫോൺ 0481 2583516

സാങ്കേതിക വിദ്യാഭ്യാസ വകുപ്പിനു കീഴിൽ  പാമ്പാടി ഗവൺമെൻ്റ് ടെക്നിക്കൽ ഹൈസ്കൂളിനോടനുബന്ധിച്ച് പ്രവർത്തിക്കുന്ന ഗവൺമെൻ്റ് ഇൻസ്റ്റിറ്റ്യൂട്ട് ഓഫ് ഫാഷൻ ഡിസൈനിംഗ് സെൻ്ററിൽ ഇംഗ്ലീഷ് ആൻ്റ് വർക്ക് പ്ലേസ് സ്കിൽ അധ്യാപകനെ നിയമിക്കുന്നു. ഹയർ സെക്കണ്ടറി അധ്യാപക തസ്തികക്ക് തുല്യമായ യോഗ്യത ഉണ്ടാകണം. താൽപ്പര്യമുള്ളവർ  ജനുവരി നാലിനു രാവിലെ 10 ന് യോഗ്യതയും പ്രായവും  തെളിയിക്കുന്ന അസൽ സർട്ടിഫിക്കറ്റ് സഹിതം  സൂപ്രണ്ട് മുമ്പാകെ ഹാജരാകണം

കേരള മോട്ടോർ തൊഴിലാളി ക്ഷേമനിധി ബോർഡിൽ അംഗങ്ങളായ തൊഴിലാളികളുടെ  മക്കള്‍ക്കുള്ള വിദ്യാഭ്യാസ സ്കോളർഷിപ്പിന് അപേക്ഷ സമർപ്പിക്കുന്നതിനുള്ള തീയതി ജനുവരി 31 വരെ ദീർഘിപ്പിച്ചു.എട്ട് മുതലുള്ള ക്ലാസുകളിൽ പഠിക്കുന്ന കുട്ടികൾക്ക് അപേക്ഷിക്കാം.

മോട്ടോർ തൊഴിലാളികൾക്ക്  ക്ഷേമ നിധി കുടിശിക അടക്കുന്നതിനുള്ള കാലാവധി മാർച്ച് 31 വരെ ദീർഘിപ്പിച്ചതായും ജില്ലാ എക്സിക്യൂട്ടീവ് ഓഫീസർ അറിയിച്ചു.

2.25 കോടി രൂപ അനുവദിച്ചു

പ്രളയാനന്തര  പുനർനിർമ്മാണത്തിൻ്റെ ഭാഗമായി കോട്ടയം ജില്ലയിലെ തിരഞ്ഞെടുക്കപ്പെട്ട 983 കര്‍ഷകരുടെ സംയോജിത കൃഷി യൂണിറ്റുകള്‍ക്ക് 3.30 കോടി രൂപയുടെ ധനസഹായത്തിന് അനുമതിയായി. ഒന്നാം ഗഡുവായി 2.25 കോടി രൂപ അനുവദിച്ചു. 

ജൈവ ഗൃഹം എന്ന പേരിൽ കാർഷിക വികസന കർഷക ക്ഷേമ വകുപ്പ് നടപ്പാക്കുന്ന പദ്ധതിയിലാണ്   കർഷകരുടെ പുരയിടങ്ങളിൽ സംയോജിത കൃഷി യൂണിറ്റുകള്‍ സജ്ജമാക്കിയത്. കൃഷി ഭവനുകൾക്കാണ് മേൽനോട്ട ചുമതല.  

ക്രൈം ബ്രാഞ്ച് ഉദ്യോഗസ്ഥരുടെ പരാതികൾ പരിഹരിക്കുന്നതിന് ജനുവരി എട്ടിന് ഡി.ഐ.ജി ഓൺലൈനിൽ അദാലത്ത് നടത്തും. സർവ്വീസിൽ ഉള്ളവർക്ക് മേലധികാരി മുഖേനയല്ലാതെ നേരിട്ട് പരാതി നൽകാം.  വിരമിച്ചവരുടെയും പോലീസുദ്യോഗസ്ഥരുടെ ജീവിത പങ്കാളികളുടെയും പരാതികളും  അദാലത്തിൽ  പരിഗണിക്കും.   ജനുവരി നാലിനകം spctalks.pol@ Kerala.gov.in എന്ന വിലാസത്തിൽ നൽകണം. ഹെൽപ്പ് ലൈൻ നമ്പർ: 9497900243

അയർക്കുന്നം സാമൂഹികാരോഗ്യകേന്ദ്രത്തിൽ ആരംഭിക്കുന്ന കോവിഡ് കെയർ സെൻ്ററിൽ ശുചീകരണ തൊഴിലാളികളെ നിയമിക്കുന്നു. പ്രായം 20നും 45 നും മധ്യേ. അയർക്കുന്നം ഗ്രാമപഞ്ചായത്തിൽ സ്ഥിരതാമസമുള്ളവർക്ക് മുൻഗണന. താത്പര്യമുള്ളവർ ജനുവരി ആറിന് രാവിലെ 10 ന് അയർക്കുന്നം സി.എച്ച്.സി യിൽ ഹാജരാകണം. ഫോൺ: 8281040550

==================
പത്താം ക്ലാസ്,  ഹയര്‍ സെക്കന്‍ഡറി തുല്യതാവിദ്യാഭ്യാസ പരിപാടി കൂടുതല്‍ ജനകീയമായി നടപ്പാക്കാന്‍ ശ്രമിക്കുമെന്ന് ജില്ലാ പഞ്ചായത്ത് പ്രസിഡന്‍റ് നിര്‍മ്മല ജിമ്മി പറഞ്ഞു.   ജില്ലാ സാക്ഷരതാ മിഷന്‍റെ പത്താം ക്ലാസ് - ഹയര്‍സെക്കന്‍ഡറി കോഴ്സുകളുടെ ജില്ലാതല രജിസ്ട്രേഷന്‍ ഉദ്ഘാടനം ഓണ്‍ലൈനില്‍ നിര്‍വഹിക്കുകയായിരുന്നു അവര്‍.