എസ്.ആര്‍.സി കമ്മ്യൂണിറ്റി കോളേജ് നടത്തുന്ന അക്യുപ്രഷര്‍ ആന്റ് ഹോളിസ്റ്റിക് ഹെല്‍ത്ത് കെയര്‍ സര്‍ട്ടിഫിക്കറ്റ്/ഡിപ്ലോമ കോഴ്‌സുകള്‍ക്ക് അപേക്ഷ ക്ഷണിച്ചു.  നന്ദാവനം പാലീസ് ക്യാമ്പിനു സമീപം പ്രവര്‍ത്തിക്കുന്ന എസ്.ആര്‍.സി ഓഫീസില്‍ നിന്നും പ്രോസ്‌പെക്ടസ് ലഭിക്കും.  അപേക്ഷിക്കേണ്ട അവസാന തീയതി 2021 ജനുവരി 11. കൂടുതല്‍ വിവരങ്ങള്‍ക്ക് 0471-2325102, 9446323871.

മൂന്നു മാസം ദൈര്‍ഘ്യമുള്ള അഡ്വാന്‍സ്ഡ് ലാന്റ് സര്‍വ്വേ, സിവില്‍ ആര്‍ക്കിടെക്ചര്‍ ഡ്രോയിംഗ്, ഓട്ടോ കാഡ്, ഒരുമാസം ദൈര്‍ഘ്യമുള്ള ടോട്ടല്‍ സ്‌റ്റേഷന്‍ സര്‍വ്വെ എന്നീ സര്‍ട്ടിഫിക്കറ്റ് കോഴ്‌സുകളിലേക്ക് കെല്‍ട്രോണ്‍ അപേക്ഷ ക്ഷണിച്ചു.   എസ്.എസ്.എല്‍.സി, ഐ.റ്റി.ഐ, ഡിപ്ലോമ, ബി.ടെക്ക് യോഗ്യതകളുള്ളവര്‍ക്ക് അപേക്ഷിക്കാം.  കൂടുതല്‍ വിവരങ്ങള്‍ക്ക് 0471-2325154, 8136802304.

2020 തദ്ദേശ തെരഞ്ഞെടുപ്പില്‍ തിരുവനന്തപുരം ജില്ലാ പഞ്ചായത്ത്, തിരുവനന്തപുരം കോര്‍പ്പറേഷന്‍, മുന്‍സിപ്പാലിറ്റികള്‍ എന്നിവിടങ്ങളിലേക്കു മത്സരിച്ച സ്ഥാനാര്‍ത്ഥികള്‍ തങ്ങളുടെ ചെലവു കണക്ക് ജനുവരി 14ന് മുന്‍പ് സമര്‍പ്പിക്കണമെന്ന് ജില്ലാ കളക്ടര്‍ ഡോ. നവജ്യോത് ഖോസ അറിയിച്ചു.

പൊതുമരാമത്ത് വകുപ്പ് ചിറ്റൂര്‍ സെക്ഷനു കീഴിലുള്ള വിവിധ റോഡുകളുടെ സുരക്ഷാ പ്രവൃത്തികള്‍, സൈന്‍ ബോര്‍ഡ് സ്ഥാപിക്കല്‍ എന്നീ പ്രവൃത്തികള്‍ക്കായി അംഗീകൃത കരാറുകാരില്‍ നിന്നും ദര്‍ഘാസ് ക്ഷണിച്ചു. ദര്‍ഘാസുകള്‍ ജനുവരി എട്ട് വൈകീട്ട അഞ്ച് വരെ സ്വീകരിക്കും. ജനുവരി 11ന് രാവിലെ 10.30ന് ദര്‍ഘാസ് തുറക്കും. ഫോറം www.keralapwd.gov.in ല്‍ നിന്നും ലഭിക്കും.

ദേശീയ യുവജന ദിനാഘോഷത്തോടനുബന്ധിച്ച് സംസ്ഥാന യുവജനക്ഷേമ ബോര്‍ഡ് ജില്ലയില്‍ 18നും 40നും മധ്യേപ്രായമുള്ളവര്‍ക്കായി പ്രസംഗ മത്സരം സംഘടിപ്പിക്കുന്നു.  ജനുവരി 12നാണ് മത്സരം. വിവേകാനന്ദ ദര്‍ശനങ്ങളുടെ സമകാലിക പ്രസക്തി എന്ന വിഷയത്തില്‍ നടത്തുന്ന മത്സരത്തില്‍ ഒന്നും രണ്ടും സ്ഥാനങ്ങള്‍ നേടുന്നവര്‍ക്ക്  3000, 2000 എന്നിങ്ങനെയാണ്  സമ്മാന തുക. പങ്കെടുക്കാന്‍ താത്പര്യമുള്ളവര്‍ 9447402042 എന്ന നമ്പറില്‍ പേരും പ്രായവും ഫോണ്‍ നമ്പറും സഹിതം രജിസ്റ്റര്‍ ചെയ്യണം.

കോഴിക്കോട്-പാലക്കാട് ദേശീയപാത 966ല്‍ നില്‍ക്കുന്ന പലജാതി മരങ്ങള്‍ ജനുവരി എട്ടിന് രാവിലെ 10.30 ന് പൊതുമരാമത്ത് വകുപ്പ് ദേശീയപാത ഉപവിഭാഗം അസിസ്റ്റന്റ് എക്സിക്യുട്ടീവ് എന്‍ജിനീയറുടെ കാര്യാലയത്തില്‍ ലേലം ചെയ്യും. പങ്കെടുക്കാന്‍ താല്‍പര്യമുള്ളവര്‍ ജനുവരി ഏഴിന് വൈകീട്ട് മൂന്നിനകം മുദ്ര വെച്ച ക്വട്ടേഷനുകള്‍ നല്‍കണം.