ജില്ലാ ലീഗല്‍ സര്‍വീസ് അതോറിറ്റിയുടെ പ്രവര്‍ത്തനങ്ങളുമായി ബന്ധപ്പെട്ട വരവു-ചെലവു കണക്കുകള്‍ ഓഡിറ്റ് ചെയ്യുന്നതിന് ചാര്‍ട്ടേര്‍ഡ് അക്കൗണ്ടന്റുമാരെ ആവശ്യമുണ്ട്. 2013 മുതല്‍ 2020 വരെയുള്ള കണക്കുകളാണ് ഓഡിറ്റ് ചെയ്യേണ്ടത്. ലീഗല്‍ സര്‍വീസ് അതോറിറ്റിയുടെ നിയമങ്ങള്‍ക്ക് വിധേയമായി ഓഡിറ്റ് ചെയ്യുന്നതിന് താത്പര്യമുള്ള ചാര്‍ട്ടേര്‍ഡ് അക്കൗണ്ടന്റുമാര്‍/സ്ഥാപനങ്ങള്‍ ജനുവരി 13 ന് വൈകിട്ട് നാലിനകം ക്വട്ടേഷന്‍ നല്‍കണം. വിശദ വിവരങ്ങള്‍ 0474-2791399 നമ്പരില്‍ ലഭിക്കും.
(പി.ആര്‍.കെ നമ്പര്‍-23/2021)

കേരള സംസ്ഥാന യുവജനക്ഷേമ ബോര്‍ഡ് ദേശീയ യുവജന ദിനാഘോഷത്തോടനുബന്ധിച്ച് ജില്ലാതലത്തില്‍ പ്രസംഗ മത്സരം സംഘടിപ്പിക്കും.             വിവേകാനന്ദ ദര്‍ശനങ്ങളുടെ സമകാലിക പ്രസക്തിയാണ് വിഷയം. 18നും 40നും ഇടയില്‍ പ്രായമുള്ളവര്‍ ജനുവരി എട്ടിനകം  പേര് രജിസ്റ്റര്‍ ചെയ്യാം. വിവരങ്ങള്‍ ജില്ലാ യൂത്ത് പ്രോഗ്രാം ഓഫീസര്‍, ജില്ലാ യുവജന കേന്ദ്രം, ജില്ലാ പഞ്ചായത്ത് ഓഫീസ്, തേവള്ളി, കൊല്ലം വിലാസത്തില്‍ ലഭിക്കും. ഫോണ്‍: 0474-2798440.
(പി.ആര്‍.കെ നമ്പര്‍-22/2021)

കേരള മോട്ടോര്‍ തൊഴിലാളി ക്ഷേമനിധി പദ്ധതിയില്‍ അംഗത്വമുള്ളവരുടെ എല്ലാത്തരം കുടിശികകളും ഒന്‍പത് ശതമാനം പലിശ ഉള്‍പ്പടെ ഒടുക്കുന്നതിനുള്ള കാലാവധി മാര്‍ച്ച് 31 വരെ നീട്ടിയതായി ജില്ലാ എക്‌സിക്യൂട്ടീവ് ഓഫീസര്‍ അറിയിച്ചു.
(പി.ആര്‍.കെ നമ്പര്‍-21/2021)

കേരള മോട്ടോര്‍ തൊഴിലാളി ക്ഷേമനിധി ബോര്‍ഡില്‍ സ്‌കോളര്‍ഷിപ്പിന്  അപേക്ഷിനാനുള്ള തീയതി ജനുവരി 31 വരെ നീട്ടി. വിശദ വിവരങ്ങള്‍ 0474-2749334, 9188519852 എന്നീ നമ്പരുകളില്‍ ലഭിക്കും.
(പി.ആര്‍.കെ നമ്പര്‍-20/2021)

കേരള പബ്ലിക് സര്‍വീസ് കമ്മീഷന്‍ ജനുവരി മാസം നടത്തുന്ന ഒ എം ആര്‍ പരീക്ഷകളുടെ സമയം രാവിലെ 7.30 മുതല്‍ 9.15 വരെയും എഴുത്തുപരീക്ഷകളുടെ സമയം രാവിലെ 7.30 മുതല്‍ 10 വരെയും പുനക്രമീകരിച്ചതായി പി എസ് സി ജില്ലാ ഓഫീസര്‍ അറിയിച്ചു.

സംസ്ഥാനത്തെ സർക്കാർ, എയ്ഡഡ്, സ്വാശ്രയ കോളേജ് പ്രിൻസിപ്പൽമാരുമായി ഉന്നതവിദ്യാഭ്യാസ വകുപ്പ് മന്ത്രി ഡോ: കെ.ടി. ജലീൽ വീഡിയോ കോൺഫറൻസ് നടത്തി.

* മന്ത്രി കെ.രാജുവിന്റെ അധ്യക്ഷതയിൽ ഉന്നതതല യോഗം ചേർന്നു
* രോഗബാധ നിയന്ത്രിക്കാൻ അടിയന്തിരനടപടിക്ക് തീരുമാനം
സംസ്ഥാനത്ത് താറാവുകളിൽ ആലപ്പുഴ ജില്ലയിലെ തലവടി, തകഴി, പള്ളിപ്പാട്, കരുവാറ്റ എന്നിവിടങ്ങളിലും കോട്ടയം ജില്ലയിലെ നീണ്ടൂറും പക്ഷിപ്പനി സ്ഥിരീകരിച്ചതായും രോഗബാധ നിയന്ത്രിക്കാൻ അടിയന്തിര നടപടി സ്വീകരിച്ചതായും മൃഗസംരക്ഷണ വകുപ്പ് മന്ത്രി കെ. രാജു അറിയിച്ചു.