സാഹിത്യതൽപരരായ പട്ടികവിഭാഗക്കാർക്ക് സാഹിത്യാഭിരുചി വർദ്ധിപ്പിക്കുന്നതിനും സർഗ്ഗവാസനയെ പരിപോഷിപ്പിക്കുന്നതിനും പട്ടികജാതി വികസന വകുപ്പ് സാഹിത്യശില്പശാല സംഘടിപ്പിക്കുന്നു. 18ന് മുകളിൽ പ്രായമുള്ള പട്ടികജാതി-പട്ടികവർഗക്കാർക്കും മറ്റ് വിഭാഗങ്ങളിലെ അഞ്ച് പേർക്കും പങ്കെടുക്കാം.

തിരുവനന്തപുരം സർക്കാർ ആർട്‌സ് കോളേജിൽ അറബിക് വിഷയത്തിൽ നിലവിലുള്ള ഒരു ഒഴിവിലേക്ക് ഗസ്റ്റ് അധ്യാപക നിയമനത്തിനായി നാളെ (ജനുവരി 6) രാവിലെ 10.30ന് ഇന്റർവ്യൂ നടത്തും. കോളേജ് വിദ്യാഭ്യാസ വകുപ്പ് കൊല്ലം ഡപ്യൂട്ടി ഡയറക്ടറേറ്റിൽ രജിസ്റ്റർ ചെയ്ത യു.ജി.സി നിഷ്‌ക്കർഷിക്കുന്ന യോഗ്യതയുള്ളവർക്ക് പങ്കെടുക്കാം. ഇന്റർവ്യൂവിൽ പങ്കെടുക്കുന്നവർ കോവിഡ് പ്രോട്ടോക്കോൾ പാലിക്കണം.
പി.എൻ.എക്സ്. 43/2021

സംസ്ഥാന വനിതാ കമ്മിഷന്‍റെ അദാലത്ത് ഡിസംബര്‍ 17ന് രാവിലെ 10.30 മുതല്‍ കോട്ടയം ജില്ലാ ലൈബ്രറി കൗണ്‍സില്‍ ഹാളില്‍ നടക്കും. പൂര്‍ണമായും കോവിഡ് മാനദണ്ഡങ്ങള്‍ പാലിച്ചു നടത്തുന്ന അദാലത്തില്‍ പരാതിക്കാര്‍ക്കും  എതിര്‍കക്ഷികള്‍ക്കും മാത്രമായിരിക്കും പ്രവേശനം.   പത്ത് വയസ്സിനു താഴെയുള്ള കുട്ടികള്‍, മുതിര്‍ന്ന പൗരന്‍മാര്‍, രോഗമുള്ളവര്‍ എന്നിവരെ കൊണ്ടുവരുന്നത് കഴിയുന്നതും ഒഴിവാക്കണമെന്ന് കമ്മീഷന്‍ അറിയിച്ചു.

കോട്ടയം ജില്ലാ പഞ്ചായത്തിലേക്കുള്ള തപാല്‍ വോട്ടുകളും പ്രത്യേക തപാല്‍ വോട്ടുകളും എണ്ണുന്നത് 11 മേശകളില്‍. ജില്ലാ പഞ്ചായത്ത് ഹാളില്‍ പ്രത്യേകം സജ്ജീകരിച്ച വോട്ടെണ്ണല്‍ കേന്ദ്രത്തില്‍ നടക്കുന്ന നടപടിക്രമങ്ങള്‍ക്ക് വരണാധികാരിയായ ജില്ലാ കളക്ടര്‍ എം. അഞ്ജന നേതൃത്വം നല്‍കും. ഓരോ മേശയിലും കൗണ്ടിംഗ് സൂപ്പര്‍വൈസറും കൗണ്ടിംഗ് അസിസ്റ്റന്‍റുമാരുമാണ് വോട്ടുകള്‍ എണ്ണുക.

=======================================

കോട്ടയം ജില്ലയില്‍  758 പേര്‍ക്കു കൂടി കോവിഡ് സ്ഥിരീകരിച്ചു. ജില്ലയില്‍ ഇതുവരെ റിപ്പോര്‍ട്ട് ചെയ്യപ്പെട്ട ഏറ്റവും ഉയര്‍ന്ന പ്രതിദിന രോഗസ്ഥിരീകരണ കണക്കാണിത്. 756 പേർക്കും സമ്പര്‍ക്കം മുഖേനയാണ് വൈറസ് ബാധിച്ചത്.  സംസ്ഥാനത്തിനു പുറത്തു നിന്നെത്തിയ രണ്ടു പേർ രോഗബാധിതരായി. പുതിയതായി 5522 പരിശോധനാഫലങ്ങളാണ് ലഭിച്ചത്.  

രോഗം ബാധിച്ചവരില്‍ 340 പുരുഷന്‍മാരും 328 സ്ത്രീകളും 90 കുട്ടികളും ഉള്‍പ്പെടുന്നു. 60 വയസിനു മുകളിലുള്ള 120 പേര്‍ക്ക് കോവിഡ് സ്ഥിരീകരിച്ചിട്ടുണ്ട്.

സംസ്ഥാനത്തെ സർക്കാർ/എയ്ഡഡ് സ്ഥാപനങ്ങളിൽ നഴ്സിംഗ് ഡിപ്ലോമ/പാരാമെഡിക്കൽ കോഴ്സുകൾക്ക് പഠിക്കുന്ന വിദ്യാർത്ഥികൾക്ക് മദർതെരേസ സ്‌കോളർഷിപ്പ് നൽകുന്നതിന് സംസ്ഥാന ന്യൂനപക്ഷക്ഷേമ വകുപ്പ് അപേക്ഷ ക്ഷണിച്ചു.  

=====
കോട്ടയം ജില്ലയിലെ തദ്ദേശ സ്വയംഭരണ സ്ഥാപനങ്ങളിലെ 1512 ജനപ്രതിനിധികള്‍ ആരൊക്കെയെന്ന് ഇന്നറിയാം. ഡിസംബര്‍ പത്തിന് നടന്ന തിരഞ്ഞെടുപ്പിന്‍റെ വോട്ടെണ്ണല്‍ ഇന്നു (ഡിസംബര്‍ 16) രാവിലെ എട്ടു മുതല്‍ 17 കേന്ദ്രങ്ങളിലായി നടക്കും. ഇതിനു പുറമെ ജില്ലാ പഞ്ചായത്ത് തിരഞ്ഞെടുപ്പിലെ തപാല്‍ വോട്ടുകള്‍ എണ്ണുന്നതിന് ജില്ലാ പഞ്ചായത്ത് ഹാളില്‍ പ്രത്യേക ക്രമീകരണം ഏര്‍പ്പെടുത്തിയിട്ടുണ്ട്.

======
കോവിഡ് പ്രതിരോധത്തിന്‍റെ ഭാഗമായി വോട്ടെണ്ണല്‍ കേന്ദ്രങ്ങള്‍ ഇന്നലെ(ഡിസംബര്‍ 15) അണുവിമുക്തമാക്കി. സംസ്ഥാന തിരഞ്ഞെടുപ്പ് കമ്മീഷന്‍ പുറപ്പെടുവിച്ചിട്ടുള്ള പ്രത്യേക മാര്‍ഗനിര്‍ദേശങ്ങള്‍ പാലിച്ചാണ് വോട്ടെണ്ണല്‍ മേശകളും ഉദ്യോഗസ്ഥരുടെയും കൗണ്ടിംഗ് ഏജന്‍റുമാരുടെയും ഇരിപ്പിടങ്ങളും ക്രമീകരിക്കുക. 

വരണാധികാരികള്‍ക്കു പുറമെ  ഉപവരണാധികാരികള്‍,  
വോട്ടെണ്ണുന്നതിന് നിയോഗിക്കപ്പെട്ട ഉദ്യോഗസ്ഥര്‍,  സ്ഥാനാര്‍ഥികള്‍,സ്ഥാനാര്‍ഥികളുടെ ഏജന്‍റുമാര്‍,  കൗണ്ടിംഗ് പാസ് ലഭിച്ച ഏജന്‍റുമാര്‍ എന്നിവര്‍ക്കാണ് വോട്ടെണ്ണല്‍  കേന്ദ്രത്തില്‍  പ്രവേശനമുള്ളത്.