======
ബ്ലോക്ക്തലത്തിലുള്ള വോട്ടെണ്ണല്‍ കേന്ദ്രങ്ങളില്‍ ബ്ലോക്ക് പഞ്ചായത്ത് വരണാധികാരികള്‍ക്ക് ഒരു ഹാളും ബ്ലോക്ക് പഞ്ചായത്തിന്‍റെ പരിധിയില്‍ വരുന്ന ഗ്രാമപഞ്ചായത്തുകള്‍ക്കായി പ്രത്യേകം കൗണ്ടിംഗ് ഹാളുകളും സജ്ജീകരിച്ചിട്ടുണ്ട്. പരമാവധി എട്ടു പോളിംഗ് സ്റ്റേഷനുകള്‍ക്ക് ഒരു വോട്ടെണ്ണല്‍ മേശ എന്ന രീതിയിലാണ് സജ്ജീകരണം. ഇത്തരത്തില്‍ ആകെ പോളിംഗ് സ്റ്റേഷനുകളുടെ എണ്ണത്തിന് ആനുപാതികമായി വോട്ടെണ്ണല്‍ മേശകള്‍ ഉണ്ടാകും. 

വോട്ടെണ്ണല്‍ പൂര്‍ത്തിയാകുന്ന മുറയ്ക്ക് ഓരോ ഗ്രാമപഞ്ചായത്ത് വാര്‍ഡിലെയും ഫലപ്രഖ്യാപനം അതത് ഗ്രാമപഞ്ചായത്ത് വരണാധികാരി നടത്തും. വിവിധ ഗ്രാമപഞ്ചായത്ത് വോട്ടെണ്ണല്‍ മേശകളില്‍നിന്നും ലഭിക്കുന്ന ടാബുലേഷന്‍ ഷീറ്റുകള്‍ പരിശോധിച്ച് ഓരോ ബ്ലോക്ക് ഡിവിഷനിലെയും വോട്ടുകള്‍ കണക്കാക്കി  ഫലപ്രഖ്യാപനം ബ്ലോക്ക് പഞ്ചായത്ത് വരണാധികാരി നിര്‍വഹിക്കും. 

======
തദ്ദേശ സ്വയംഭരണ സ്ഥാപന തിരഞ്ഞെടുപ്പിന്‍റെ വോട്ടെണ്ണല്‍ വിവരങ്ങള്‍ തത്സമയം ലഭ്യമാക്കുന്നതിന് ഓണ്‍ലൈന്‍ സംവിധാനം സജ്ജമായി.സംസ്ഥാന തിരഞ്ഞെടുപ്പ് കമ്മീഷനുവേണ്ടി നാഷണല്‍ ഇന്‍ഫര്‍മാറ്റിക് സെന്റര്‍ തയ്യാറാക്കിയ ട്രെന്‍ഡ് വെബ്‌സൈറ്റിലൂടെയാണ് സംസ്ഥാനത്തെ മുഴുവന്‍ തദ്ദേശ സ്ഥാപനങ്ങളിലെയും വാര്‍ഡ് തലം വരെയുള്ള വിവരങ്ങള്‍  കമ്മീഷനും മാധ്യമങ്ങള്‍ക്കും പൊതുജനങ്ങള്‍ക്കും ലഭിക്കുക.

======
ട്രെന്‍ഡ് വെബ് സൈറ്റില്‍നിന്നുള്ള വിവരങ്ങള്‍ മാധ്യമങ്ങള്‍ക്ക് തത്സമയം നല്‍കുന്നതിനായി കളക്ടറേറ്റ് കോണ്‍ഫറന്‍സ് ഹാളില്‍ മീഡിയ സെന്‍റര്‍ സജ്ജീകരിച്ചിട്ടുണ്ട്. തിരഞ്ഞെടുപ്പ് വിഭാഗത്തിന്‍റെയും നാഷണല്‍ ഇന്‍ഫര്‍മാറ്റിക് സെന്‍ററിന്‍റെയും സഹകരണത്തോടെ ഇന്‍ഫര്‍മേഷന്‍-പബ്ലിക് റിലേഷന്‍സ് വകുപ്പ്  സജ്ജീകരിച്ചിട്ടുള്ള മീഡിയ സെന്റര്‍ രാവിലെ 7.30 മുതല്‍ പ്രവര്‍ത്തിക്കും.

.....
തദ്ദേശ ഭരണ സ്ഥാപനങ്ങളിലേക്കുള്ള തിരഞ്ഞെടുപ്പിന്റെ വോട്ടെണ്ണല്‍ കേന്ദ്രങ്ങളുടെ നൂറു  മീറ്റര്‍ ചുറ്റളവിലുള്ള മേഖലയില്‍ ആളുകള്‍ കൂട്ടം ചേരുന്നത് നിരോധിച്ചതായി ജില്ലാ തിരഞ്ഞെടുപ്പ് ഓഫീസറായ ജില്ലാ കളക്ടര്‍ എം. അഞ്ജന അറിയിച്ചു. വോട്ടെണ്ണല്‍ നടപടികള്‍ പൂര്‍ത്തിയാകുന്നതുവരെ നിരോധനം നടപ്പാക്കുന്നതിന് ജില്ലാ പോലീസ് മേധാവിയെ ചുമതലപ്പെടുത്തി. 

ബ്ലോക്ക് തലം

1.  വൈക്കം ബ്ലോക്ക്- വൈക്കം ഗവണ്‍മെന്റ് ഗേള്‍സ് എച്ച്. എസ്.എസ്                   
 
2. കടുത്തുരുത്തി ബ്ലോക്ക്- കടുത്തുരുത്തി സെന്റ് മൈക്കിള്‍സ് എച്ച്. എസ്.എസ്

3. ഏറ്റുമാനൂര്‍ ബ്ലോക്ക്- അതിരമ്പുഴ സെന്റ് അലോഷ്യസ് എച്ച്. എസ്

4. ഉഴവൂര്‍ ബ്ലോക്ക് -കുറവിലങ്ങാട് ദേവമാതാ കോളേജ്

5. ളാലം ബ്ലോക്ക്- പാലാ കാര്‍മല്‍ പബ്ലിക് സ്‌കൂള്‍ ആന്റ് ജൂനിയര്‍ കോളേജ്

6. ഈരാറ്റുപേട്ട ബ്ലോക്ക്- അരുവിത്തുറ സെന്റ് ജോര്‍ജ് കോളേജ് ഓഡിറ്റോറിയം

7. പാമ്പാടി ബ്ലോക്ക്- വെള്ളൂര്‍ ഗവണ്‍മെന്റ് ടെക്‌നിക്കല്‍ ഹൈസ്‌കൂള്‍

====================

കോട്ടയം ജില്ലയില്‍  568 പേര്‍ക്കു കൂടി കോവിഡ് സ്ഥിരീകരിച്ചു. 563 പേർക്കും സമ്പര്‍ക്കം മുഖേനയാണ് വൈറസ് ബാധിച്ചത്.  ഇതില്‍ രണ്ട് ആരോഗ്യ പ്രവർത്തകരും ഉള്‍പ്പെടുന്നു. സംസ്ഥാനത്തിനു പുറത്തു നിന്നെത്തിയ അഞ്ചു പേർ രോഗബാധിതരായി. പുതിയതായി 4764 പരിശോധനാഫലങ്ങളാണ് ലഭിച്ചത്.  

രോഗം ബാധിച്ചവരില്‍ 271 പുരുഷന്‍മാരും 231 സ്ത്രീകളും 66 കുട്ടികളും ഉള്‍പ്പെടുന്നു. 60 വയസിനു മുകളിലുള്ള 112 പേര്‍ക്ക് കോവിഡ് സ്ഥിരീകരിച്ചിട്ടുണ്ട്.

========

കോട്ടയം ജില്ലയില്‍ തദ്ദേശ സ്വയംഭരണ സ്ഥാപനങ്ങളിലേക്ക് തിരഞ്ഞെടുക്കപ്പെട്ട പുതിയ അംഗങ്ങള്‍ ഡിസംബര്‍ 21ന് സത്യപ്രതിജ്ഞ ചെയ്യും.  സംസ്ഥാന തിരഞ്ഞെടുപ്പ് കമ്മീഷന്‍ പുറപ്പെടുവിച്ചിട്ടുള്ള പ്രത്യേക മാര്‍ഗനിര്‍ദേശങ്ങളുടെ അടിസ്ഥാനത്തിലാണ് തിരഞ്ഞെടുപ്പിനുശേഷമുള്ള തുടര്‍നടപടികള്‍.

ഗ്രാമ- ബ്ലോക്ക്- ജില്ലാ പഞ്ചായത്തുകളില്‍ അതത് സ്ഥാപനങ്ങളിലെ വരണാധികാരികളാണ് ആദ്യ അംഗത്തെ സത്യപ്രതിജ്ഞ ചെയ്യിക്കുക. മുനിസിപ്പാലിറ്റികളില്‍ സംസ്ഥാന തിരഞ്ഞെടുപ്പ് കമ്മീഷന്‍ ഡിസംബര്‍ 13ന് പുറത്തിറക്കിയ സര്‍ക്കുലര്‍ പ്രകാരം നിയോഗിക്കപ്പെട്ട വരണാധികാരികളാണ് സത്യപ്രജ്ഞയ്ക്ക് നേതൃത്വം നല്‍കുക. 

തൈക്കാട് ഇലക്ട്രിക്കല്‍ സെക്ഷന്‍ പരിധിയില്‍ അറ്റകുറ്റപണികള്‍ നടക്കുന്നതിനാല്‍ ഇന്ന് (05 ജനുവരി) രാവിലെ ഒന്‍പതു മുതല്‍ വൈകിട്ട് അഞ്ചുവരെ പ്രദേശത്ത് വൈദ്യുതി മുടങ്ങുമെന്ന് കെ.എസ്.ഇ.ബി അറിയിച്ചു.

കണ്ണൂര്‍ പറശ്ശിനിക്കടവ് എം.വി.ആര്‍ ആയുര്‍വേദ മെഡിക്കല്‍ കോളേജില്‍ ബി.എസ്.സി നേഴ്‌സിംഗ്(ആയുര്‍വേദം), ബി.ഫാം(ആയുര്‍വേദം) എന്നീ കോഴ്‌സുകളിലെ ഒഴിവുള്ള സീറ്റുകളിലേക്ക് അപേക്ഷിക്കാം.  നിലവിലെ റാങ്ക്‌ലിസ്റ്റില്‍ ഉള്‍പ്പെട്ട അപേക്ഷകര്‍  www.lbscentre.kerala.gov.in എന്ന വെബ്‌സൈറ്റില്‍ ഓണ്‍ലൈനായി പുതിയ കോഴ്‌സ് ഓപ്ഷനുകള്‍ നല്‍കി രജിസ്റ്റര്‍ ചെയ്യണം. അവസാന തീയതി ജനുവരി 7. കൂടുതല്‍ വിവരങ്ങള്‍ക്ക്  0471-2560363, 2560364.