ആലുവ താലൂക്ക്, അങ്കമാലി വില്ലേജ് 11 റീ സർവ്വേ 47/9 ൽപ്പെട്ട ബോട്ട് ഇൻ ലാൻറ് ഭൂമിയിൽ വീണു കിടക്കുന്ന ഉണങ്ങിയ പ്ലാവ് ലേലം ചെയ്യുന്നു. ജനുവരി 20 രാവിലെ 11.30 ന് പീച്ചാനിക്കാട് വെച്ച് പരസ്യ ലേലം നടക്കും. കൂടുതൽ വിവരങ്ങൾക്ക് ആലുവ താലൂക്ക് ഓഫീസുമായി ബന്ധപ്പെടുക. ഫോൺ - 
0484 2624052.

എറണാകുളം: പൊതുജനങ്ങളുടെ പരാതി പരിഹരിക്കുന്നതിനും തീർപ്പ് കൽപ്പിക്കാത്ത പ്രശ്നങ്ങളിൽ പരിഹാരം കണ്ടെത്തുന്നതിനുമായി താലൂക്ക് തലത്തിൽ ഓൺലൈൻ അദാലത്ത് സംഘടിപ്പിക്കുന്നു. പറവൂർ, മുവാറ്റുപുഴ താലൂക്കുകളുടെ പരിധിയിൽ വരുന്ന പരാതികൾ 2021 ജനുവരി അഞ്ചിന് 11 മണി മുതൽ ജനുവരി എട്ട് വൈകിട്ട് മൂന്നു വരെ പറവൂർ, മുവാറ്റുപുഴ താലൂക്കുകളുടെ കീഴിലുള്ള അക്ഷയ കേന്ദ്രങ്ങളിൽ സ്വീകരിക്കും. ജനുവരി 11 രാവിലെ 11 മണി മുതൽ ഒരു മണി വരെ ജില്ലാ കളക്ടർ പരാതികൾ പരിഗണിച്ച് തീർപ്പ് കൽപ്പിക്കും.

ജനിതക മാറ്റം വന്ന കോവിഡ് വൈറസ് കേരളത്തിൽ ആറുപേർക്ക് സ്ഥിരീകരിച്ചതായി ആരോഗ്യമന്ത്രി കെ. കെ. ശൈലജ ടീച്ചർ പറഞ്ഞു. യു.കെയിൽ നിന്നെത്തിയവരിലാണ് വൈറസ് സ്ഥിരീകരിച്ചത്. കോഴിക്കോട് ഒരു കുടുംബത്തിലെ രണ്ടു പേർക്കും ആലപ്പുഴയിൽ ഒരു കുടുംബത്തിലെ രണ്ടു പേർക്കും കോട്ടയത്തും കണ്ണൂരിലും ഓരോരുത്തർക്കുമാണ് രോഗം സ്ഥിരീകരിച്ചത്. 
കോഴിക്കോട് സ്വദേശി (35), കോഴിക്കോട് സ്വദേശിനി (2), ആലപ്പുഴ സ്വദേശിനി (30), ആലപ്പുഴ സ്വദേശി (36), കോട്ടയം സ്വദേശിനി (20), കണ്ണൂർ സ്വദേശി (29), എന്നിവരാണവർ.

ഗൾഫ് രാജ്യങ്ങളിൽ നഴ്‌സിങ് മേഖലയിൽ തൊഴിൽ നേടുന്നതിന്  അതത് രാജ്യങ്ങളിലെ സർക്കാർ ലൈസൻസിങ് പരീക്ഷയ്ക്ക് നോർക്ക റൂട്ട്‌സ് പരിശീലനം നൽകുന്നു. സർക്കാർ സ്ഥാപനമായ കേരള അക്കാദമി ഫോർ സ്‌കിൽസ് എക്‌സലൻസിന്റെ അംഗീകൃത സ്ഥാപനമായ നഴ്‌സിങ് ഇൻസ്റ്റിറ്റ്യൂട്ട് ഫോർ കരിയർ എൻഹാൻസ്‌മെന്റ്  kvsaâv (NICE Academy) മുഖാന്തരം  HAAD/PROMETRIC/MOH/DOH  തുടങ്ങിയ പരീക്ഷകൾ പാസാകുന്നതിനാണ് പരിശീലനം നൽകുക.

ജില്ലയില്‍ ഇന്നലെ(ജനുവരി 04) 273 പേര്‍ കോവിഡ് രോഗമുക്തരായി. 183 പേര്‍ക്ക് കോവിഡ് സ്ഥിരീകരിച്ചു. മുനിസിപ്പാലിറ്റികളില്‍ കൊട്ടാരക്കരയിലും ഗ്രാമപഞ്ചായത്തുകളില്‍ പട്ടാഴിയിലുമാണ് രോഗബാധിതര്‍ കൂടുതലുള്ളത്.
വിദേശത്ത് നിന്നെത്തിയ ഒരാള്‍ക്കും സമ്പര്‍ക്കം വഴി 177 പേര്‍ക്കും ഉറവിടം വ്യക്തമല്ലാത്ത മൂന്നു പേര്‍ക്കും രണ്ട് ആരോഗ്യപ്രവര്‍ത്തകര്‍ക്കും രോഗം സ്ഥിരീകരിച്ചു.  
കൊല്ലം കോര്‍പ്പറേഷനില്‍ 21 പേര്‍ക്കാണ് രോഗബാധ. താമരക്കുളം-നാല്, വാളത്തുംഗല്‍-മൂന്ന് എന്നിങ്ങനെയാണ് കോര്‍പ്പറേഷന്‍ പരിധിയിലെ രോഗബാധിതരുടെ എണ്ണം.

രോഗബാധ തടയുന്നതിനായി സമൂഹത്തില്‍ രോഗസാധ്യത കൂടുതലുള്ള വിഭാഗങ്ങള്‍ക്ക് ഊന്നല്‍ നല്‍കിക്കൊണ്ടുള്ള രണ്ടാംഘട്ട പരിശോധന ജില്ലയില്‍ ശക്തമാക്കുന്നു.

പരവൂര്‍ നഗരസഭയില്‍ നിന്നും വിധവാ പെന്‍ഷന്‍/50 വയസ് കഴിഞ്ഞ അവിവാഹിത പെന്‍ഷന്‍ എന്നിവ വാങ്ങുന്ന 60 വയസില്‍ താഴെയുള്ള ഗുണഭോക്താക്കള്‍ പുനര്‍വിവാഹം ചെയ്തിട്ടില്ലയെന്ന് ഗസറ്റഡ് ഓഫീസര്‍ സാക്ഷ്യപ്പെടുത്തിയ സാക്ഷ്യപത്രം ജനുവരി 20 നകം നഗരസഭാ ഓഫീസില്‍ നല്‍കണമെന്ന് സെക്രട്ടറി അറിയിച്ചു.
 (പി.ആര്‍.കെ നമ്പര്‍-28/2021)

സ്റ്റേറ്റ് റിസോഴ്‌സ് സെന്റര്‍ നടത്തുന്ന ഡിപ്ലോമ ഇന്‍ കമ്പ്യൂട്ടര്‍ ആപ്ലിക്കേഷന്‍, സര്‍ട്ടിഫിക്കറ്റ് ഇന്‍ ഡേറ്റ എന്‍ട്രി ഓപ്പറേറ്റര്‍, വേഡ് പ്രോസസിംഗ്, ഡസ്‌ക്‌ടോപ്പ് പബ്ലിഷിംഗ്, ഫിനാന്‍ഷ്യല്‍ അക്കൗണ്ടിംഗ് എന്നീ കോഴ്‌സുകള്‍ നടത്തുന്നതിന് താത്പര്യമുള്ള കമ്പ്യൂട്ടര്‍ സ്ഥാപനങ്ങള്‍ക്ക് സ്റ്റഡി സെന്റര്‍ ആരംഭിക്കുന്നതിന് അപേക്ഷിക്കാം. അവസാന തീയതി ജനുവരി 15. വിശദ വിവരങ്ങള്‍ www.srccc.in  വെബ്‌സൈറ്റിലും 9447989399 നമ്പരിലും ലഭിക്കും.
(പി.ആര്‍.കെ നമ്പര്‍-27/2021)

മുഖ്യമന്ത്രിയുടെ നിര്‍ദേശ പ്രകാരം ജില്ലാ കലക്ടര്‍ ബി അബ്ദുല്‍ നാസറിന്റെ അധ്യക്ഷതയില്‍ വീഡിയോ കോണ്‍ഫറന്‍സ് വഴി ചേര്‍ന്ന കൊട്ടാരക്കര താലൂക്കിലെ പരാതി പരിഹാര അദാലത്തില്‍ 112 പരാതികള്‍ തീര്‍പ്പാക്കി. താലൂക്ക്-വില്ലേജ് തലങ്ങളില്‍ പരിഹരമാകാതിരുന്ന 169 പരാതികളാണ് പരിഗണിച്ചത്. തീര്‍പ്പാക്കാന്‍ അവശേഷിക്കുന്ന പരാതികളി•േലുള്ള തുടര്‍നടപടികള്‍ വേഗത്തിലാക്കണമെന്നും അപേക്ഷകളുടെ നിലവിലെ സ്ഥിതി കക്ഷികളെ അറിയിക്കണമെന്നും കലക്ടര്‍ ബന്ധപ്പെട്ട ഉദ്യോഗസ്ഥര്‍ക്ക് നിര്‍ദേശം നല്‍കി.

ആലപ്പുഴയിലും കോട്ടയത്തും പക്ഷിപ്പനി സ്ഥിരീകരിച്ച സാഹചര്യത്തില്‍ വിവിധ വകുപ്പുകളുടെ ഏകോപനത്തിലൂടെ പ്രതിരോധ നടപടികള്‍ ശക്തമാക്കണമെന്ന് ജില്ലാ കലക്ടര്‍ ബി അബ്ദുല്‍ നാസര്‍ അറിയിച്ചു. പക്ഷികളില്‍ നിന്ന് പക്ഷികളിലേക്കും മനുഷ്യരിലേക്കും പകരാന്‍ സാധ്യതയുള്ളതിനാല്‍ പ്രതിരോധവും ശുചിത്വവും കര്‍ശനമായി പാലിക്കണം. മൃഗ സംരക്ഷണം, ആരോഗ്യ വകുപ്പുകള്‍ ഇക്കാര്യത്തില്‍ ജാഗ്രതയോടെ പ്രവര്‍ത്തിക്കണമെന്ന് ടാസ്‌ക് ഫോഴ്‌സ് ടീമിന്റെ ഇന്നലെ(ജനുവരി 4) കൂടിയ ജില്ലാതല യോഗത്തില്‍ കലക്ടര്‍ നിര്‍ദേശം നല്‍കി.