അമ്പലവയല്‍,തവിഞ്ഞാല്‍ ഗ്രാമപഞ്ചായത്തുകളില്‍  നിന്നും വിധവ പെന്‍ഷന്‍/ അവിവാഹിത അമ്മമാര്‍ക്കുളള പെന്‍ഷന്‍ കൈപ്പറ്റുന്ന 60 വയസ്സില്‍ താഴെയുള്ള ഗുണഭോക്താക്കള്‍ പുനര്‍വിവാഹിത/ അവിവാഹിത അല്ലെന്നുള്ള സാക്ഷ്യപത്രം വില്ലേജ് ഓഫീസറില്‍ നിന്നോ ഗസറ്റഡ് ഓഫീസറില്‍ നിന്നോ ലഭ്യമാക്കി ആധാര്‍കാര്‍ഡിന്റെ കോപ്പി സഹിതം ജനുവരി 15 നകം അതത് ഗ്രാമപഞ്ചായത്ത് ഓഫീസില്‍ ലഭ്യമാക്കണമെന്ന് സെക്രട്ടറിമാര്‍ അറിയിച്ചു.  
 

ആലപ്പുഴ : ജില്ല  കളക്ടറുടെ കുട്ടനാട് താലൂക്കിലെ പൊതുജന പരാതി പരിഹാര അദാലത്തില്‍ ആകെ ലഭിച്ച 35 പരാതികളില്‍ 34 പരാതികളും തീര്‍പ്പാക്കി. ബാങ്ക് വായ്പ്പ സംബന്ധിച്ച ഒരു പരാതി വിശദീകരണത്തിനും മേല്‍ നടപടികള്‍ക്കുമായി ബാങ്ക് ഓഫ് ബറോഡയ്ക്ക് നല്‍കി. ഡിസംബര്‍ 28ന് നടന്ന അദാലത്തില്‍ പരിഗണിക്കാത്ത അപേക്ഷകളാണ് ഇന്നലെ (04.1.2021) നടന്ന അദാലത്തില്‍ പരിഗണിച്ചത്.

ജില്ലയിലെ ആശാവര്‍ക്കര്‍മാര്‍ക്കുള്ള പഞ്ചദിന കമ്പ്യൂട്ടര്‍ പരിശീലനം ജില്ലാ കളക്ടര്‍ ഡോ.അദീല അബ്ദുള്ള ഉദ്ഘാടനം ചെയ്തു. ജില്ലയിലെ തിരഞ്ഞെടുത്ത 58 അക്ഷയ കേന്ദ്രങ്ങളിലൂടെ നടക്കുന്ന പരിശീലനത്തില്‍  870 ആശാവര്‍ക്കര്‍മാരാണ് പങ്കെടുക്കുന്നത്.  ചടങ്ങില്‍ നാഷണല്‍ ഹെല്‍ത്ത് മിഷന്‍ ജില്ലാ പ്രോഗ്രാം മാനേജര്‍ ഡോ. ബി.അഭിലാഷ്,  ഐ.റ്റി മിഷന്‍ ജില്ലാ പ്രോജക്ട് മാനേജര്‍ എസ്. നിവേദ് തുടങ്ങിയവര്‍ പങ്കെടുത്തു.

ആലപ്പുഴ: കാര്‍ഷിക മേഖലയുമായി ബന്ധപ്പെട്ട് എല്ലാത്തരം കൃഷിപ്പണികളും ചെയ്യുന്നതിനായി കാര്‍ഷിക കര്‍മ്മ സേനയെ രൂപീകരിച്ച് തണ്ണീര്‍മുക്കം ഗ്രാമപഞ്ചായത്ത്. പഞ്ചായത്തും കൃഷിവകുപ്പും സംയുക്തമായി നടപ്പാക്കുന്ന പദ്ധതിയില്‍ 23 സ്ത്രീകളും 2 പുരുഷന്മാരും ഉള്‍പ്പെടെ 25 തൊഴിലാളികളാണ് ഉള്ളത്.

സര്‍ക്കാര്‍ ഓഫീസുകളിലെ ഗ്രീന്‍പ്രോട്ടോക്കോള്‍ പ്രവര്‍ത്തനങ്ങള്‍ വിലയിരുത്തി ഗ്രീന്‍ ഓഫീസ് സര്‍ട്ടിഫിക്കേഷനും ഗ്രേഡും നല്‍കുന്നു.

ബേപ്പൂരിന്റെ വികസനം ലക്ഷ്യമാക്കി വിനോദ സഞ്ചാര വകുപ്പ് വിഭാവനം ചെയ്ത ബേപ്പൂര്‍ മറീന ടൂറിസം വികസന പദ്ധതി പ്രവൃത്തികള്‍ക്ക് ഇന്ന് (ജനുവരി 5) തുടക്കമാകും.   5.9 കോടി രൂപയുടെ ഭരണാനുമതി ലഭിച്ച പദ്ധതിയുടെ പ്രവര്‍ത്തന ഉദ്ഘാടനം രാവിലെ 11 മണിക്ക് ബേപ്പൂര്‍ പുലിമുട്ടില്‍ വിനോദ സഞ്ചാര വകുപ്പ് മന്ത്രി  കടകംപള്ളി സുരേന്ദ്രന്‍ നിര്‍വഹിക്കും.  വികെസി മമ്മദ് കോയ എംഎല്‍എയുടെ അധ്യക്ഷതയില്‍ നടക്കുന്ന ചടങ്ങില്‍ എം.കെ.രാഘവന്‍ എം പി, ഡെപ്യൂട്ടി മേയര്‍ സി.പി.മുസാഫിര്‍ അഹമ്മദ് എന്നിവര്‍ മുഖ്യാതിഥികളായിരിക്കും.