2020 ലെ  തദ്ദേശ സ്വയംഭരണ സ്ഥാപന തിരഞ്ഞെടുപ്പുമായി ബന്ധപ്പെട്ട്  പോലീസ് സ്‌റ്റേഷനുകളില്‍ സറണ്ടര്‍ ചെയ്ത ആയുധങ്ങള്‍ സാധുവായ ലൈസന്‍സ് ഹാജരാക്കുന്ന പക്ഷം തിരികെ നല്‍കാന്‍ ജില്ലാ മജിസ്‌ട്രേറ്റായ ജില്ലാ കളക്ടര്‍ ഉത്തരവിട്ടു. സാധുത ഇല്ലാതായ ആയുധങ്ങള്‍ തിരികെ നല്‍കുന്നില്ലെന്ന് ജില്ലാ പോലീസ് മേധാവി ഉറപ്പു വരുത്തേണ്ടതാണെന്നും അറിയിച്ചു. കാലാവധി കഴിഞ്ഞ് മൂന്ന് വര്‍ഷത്തേക്ക് ആയുധങ്ങളുടെ ലൈസന്‍സ് പുതുക്കാത്ത പക്ഷം സ്റ്റേഷന്‍ ഹൗസ് ഓഫീസര്‍ ജില്ലാ മജിസ്‌ട്രേറ്റിനെ അറിയിക്കണം.

പിലിക്കോട് ഗ്രാമപഞ്ചായത്തില്‍ നിന്നും  വിധവ പെന്‍ഷന്‍ വാങ്ങുന്ന   60 വയസ്സിന്  താഴെ പ്രായമുള്ളവര്‍  വിധവ/ അവിവാഹിത സാക്ഷ്യപത്രം ജനുവരി 15 നകം പഞ്ചായത്ത് ഓഫീസില്‍ ലഭ്യമാക്കണം.

വെസ്റ്റ് എളേരി ഗവ. ഐടിഐ(വനിത)  പ്രവേശനത്തിനുള്ള തീയ്യതി ജനുവരി 16 വരെ നീട്ടി. താല്‍പര്യമുള്ളവര്‍ അസ്സല്‍ സര്‍ട്ടിഫിക്കറ്റുകളുമായി ഓഫിസില്‍ ഹാജരാകണം.  ഡ്രാഫ്റ്റ്‌സ്മാന്‍  സിവില്‍ (രണ്ട്  വര്‍ഷം), സിവില്‍ (രണ്ട് വര്‍ഷം), ഡെസ്‌ക്‌ടോപ് പബ്ലിഷിങ് ഓപ്പറേറ്റര്‍ (ഒരു വര്‍ഷം), ഫാഷന്‍ ഡിസൈനിങ്  ആന്‍ഡ് ടെക്‌നോളജി  ഒരു വര്‍ഷം) എന്നീ ട്രേഡുകളിലേക്കാണ് അപേക്ഷ ക്ഷണിച്ചിരിക്കുന്നത്. ഫോണ്‍: 04672341666, 9496335327.

സംസ്ഥാന വനിത വികസന കോര്‍പറേഷന്‍ 19 നും 55 നുമിടയില്‍ പ്രായമുള്ള വനിതകള്‍ക്ക് സ്വയം തൊഴില്‍ വായ്പ നല്‍കും. താല്‍പര്യമുള്ളവര്‍ വനിത വികസന കോര്‍പറേഷന്റെ കണ്ണൂര്‍ പള്ളിക്കുന്നിലെ ഓഫീസുമായി ബന്ധപ്പെടണം. അപേക്ഷാ ഫോം www.kswdc.org ല്‍ ലഭ്യമാണ്. ഫോണ്‍: 0497 2701397, 9496015014.

കുടുംബശ്രീ ജില്ലാ മിഷനില്‍ പട്ടികവര്‍ഗ വിഭാഗം കുട്ടികള്‍ക്ക് പി എസ് സി പരിശീലനം നല്‍കുന്നതിന് ഓണ്‍ലൈന്‍ ക്ലാസുകള്‍ നല്‍കുന്ന ഏജന്‍സികള്‍/ സെന്ററുകളില്‍ നിന്ന് ക്വട്ടേഷന്‍ ക്ഷണിച്ചു. ജനുവരി 11 ന് ഉച്ചയ്ക്ക് രണ്ട് വരെ ക്വട്ടേഷന്‍ സ്വീകരിക്കും. കൂടുതല്‍ വിവരങ്ങള്‍ കുടുംബശ്രീ ജില്ലാ മിഷന്‍ ഓഫീസില്‍ നിന്ന് ലഭിക്കും. ഫോണ്‍: 04994 256111.

കാസര്‍കോട്  ഗവ.ഐ.ടി.ഐയിലെ ഇന്‍സ്റ്റിറ്റ്യൂട്ട് മാനേജ്‌മെന്റ് കമ്മിറ്റിയുടെ ആഭിമുഖ്യത്തില്‍ പ്രവര്‍ത്തിക്കുന്ന ഡ്രൈവിങ് സ്‌കൂളില്‍ ഒരു ഡ്രൈവിങ്  ഇന്‍സ്ട്രക്ടറുടെ  ഒഴിവുണ്ട്.    എം.എം.വി ട്രേഡിലുള്ള ഐ.ടി.ഐ,  ഓട്ടോമൊബൈല്‍ എന്‍ജിനീയറിങ്ങിലുള്ള മൂന്ന് വര്‍ഷത്തെ ഡിപ്ലോമ യോഗ്യതയുള്ളവര്‍ക്ക് അപേക്ഷിക്കാം. അപേക്ഷകര്‍  ഡ്രൈവിങ്  ലൈസന്‍സ് നേടിയശേഷം അഞ്ച് വര്‍ഷം കഴിഞ്ഞിരിക്കണം.

സംസ്ഥാന പട്ടികജാതി വികസന വകുപ്പിന്റെ നേതൃത്വത്തില്‍ ജില്ലയിലെ പട്ടികജാതി വിഭാഗത്തില്‍പ്പെട്ട യുവജനങ്ങള്‍ക്ക് മൂന്ന് മാസത്തെ സൗജന്യ ഡ്രൈവിംഗ് പരിശീലനം നല്‍കും. കാസര്‍കോട് ഗവ.ഐ.ടി.ഐയിസാണ് പരിശീലനം.  പരിശീലന കാലയളവില്‍ പഠിതാക്കള്‍ക്ക് സ്റ്റൈപെന്‍ഡ് ലഭിക്കും. താല്പര്യമുള്ളവര്‍ ജാതി, വരുമാനം, വയസ്സ്, വിദ്യാഭ്യാസ യോഗ്യത തെളിയിക്കുന്ന സര്‍ട്ടിഫിക്കറ്റുകളും റേഷന്‍ കാര്‍ഡ്, ആധാര്‍ കാര്‍ഡ്, സ്‌കൂള്‍ സര്‍ട്ടിഫിക്കറ്റുകളുടെ  പകര്‍പ്പുകളും സഹിതം ജനുവരി 12ന്  രാവിലെ 10 ന് വിദ്യാനഗറിലുള്ള ഗവ. ഐ.ടി.ഐയില്‍ ഹാജരാകണം. ഫോണ്‍: 0499425640, 9497142587.

കാസര്‍കോട് ഗവ കോളേജില്‍ ഗണിത ശാസ്ത്ര വിഷയത്തില്‍ ഗസ്റ്റ് അധ്യാപകരുടെ ഒഴിവുണ്ട്. കൂടിക്കാഴ്ച ജനുവരി 12ന് രാവിലെ 11 ന് കോളേജില്‍ നടക്കും. കോഴിക്കോട് ഡെപ്യൂട്ടി  ഡയറക്ടറുടെ കാര്യാലയത്തില്‍ രജിസ്റ്റര്‍ ചെയ്തവര്‍ക്ക് കൂടിക്കാഴ്ചയില്‍ പങ്കെടുക്കാം. ഫോണ്‍: 04994 256027.

കാസര്‍കോട് ഗവ. ഐ.ടി.ഐ.യില്‍ ജൂനിയര്‍ ഇന്‍സ്ട്രക്ടര്‍ തസ്തികയില്‍ കമ്പ്യൂട്ടര്‍ ഹാര്‍ഡ്‌വെയര്‍ ആന്റ് നെറ്റ്‌വര്‍ക്ക് മെയിന്റനന്‍സ്, മള്‍ട്ടിമീഡിയ അനിമേഷന്‍ ആന്റ് സ്‌പെഷ്യല്‍ ഇഫക്ട്‌സ്, ഡ്രാഫ്റ്റ്‌സ്മാന്‍ സിവില്‍, ഇലക്ട്രീഷ്യന്‍ എന്നീ ട്രേഡുകളില്‍  ഗസ്റ്റ് ഇന്‍സ്ട്രക്ടര്‍മാരുടെ ഒഴിവുണ്ട്. കൂടിക്കാഴ്ച ജനുവരി ഏഴിന് രാവിലെ 10 ന്  ഐ ടി ഐ യില്‍ നടക്കും. ബന്ധപ്പെട്ട ട്രേഡില്‍ ഡിപ്ലോമ, ബിരുദം, അല്ലെങ്കില്‍ ബന്ധപ്പെട്ട ട്രേഡില്‍ മൂന്ന് വര്‍ഷത്തെ പ്രവൃത്തി പരിചയത്തോടെയുള്ള എന്‍.ടി.സി, ഒരു വര്‍ഷത്തെ പ്രവൃത്തി പരിചയത്തോടെയുള്ള എന്‍.എ.സി. യോഗ്യതയുള്ളവര്‍ക്ക് പങ്കെടുക്കാം.  ഫോണ്‍: 04994256440.

ദേശീയ യുവജന ദിനാചരണത്തിന്റെ ഭാഗമായി കേരള സംസ്ഥാന യുവജന ക്ഷേമ ബോര്‍ഡ്  ജില്ലാ യുവജന കേന്ദ്രത്തില്‍  ജില്ലാതലപ്രസംഗ മത്സരം സംഘടിപ്പിക്കും. 'വിവേകാനന്ദ ദര്‍ശനങ്ങളുടെ സമകാലിക പ്രസക്തി'  എന്നതാണ് വിഷയം. 18 നും 40 നും ഇടയില്‍ പ്രായമുള്ളവര്‍ക്ക് പങ്കെടുക്കാം.  താല്‍പര്യമുള്ളവര്‍ ജനുവരി എട്ടിനകം പേര്, വിലാസം, ഫോണ്‍ നമ്പര്‍, ജനന തിയ്യതി തുടങ്ങിയ വിവരങ്ങള്‍ 9526461111 എന്ന നമ്പറില്‍ വാട്ട്‌സാപ്പ് ചെയ്യണം. കൂടുതല്‍ വിവരങ്ങള്‍ക്ക്   04994 256219, 9526461111,