കോഴിക്കോട് ലേബര്‍ കോടതി പ്രിസൈഡിംഗ് ഓഫീസറും ജില്ലാ ജഡ്ജിയുമായ വി.എസ്.വിദ്യാധരന്‍  ജനുവരി 14 ന് പാലക്കാട് ആര്‍.ഡി.ഒ കോടതി ഹാളില്‍  വിചാരണ ചെയ്യാനിരുന്ന കോടതിയുമായി ബന്ധപ്പെട്ട തൊഴില്‍ തര്‍ക്ക കേസുകള്‍ ജനുവരി 14 ന് അവധിയായതിനാല്‍ ജനുവരി 21 ലേക്ക് മാറ്റിയതായി ലേബര്‍ കോടതി സെക്രട്ടറി അറിയിച്ചു.

 
ദേശീയപാത 766 ല്‍ ഉപരിതലം പുതുക്കുന്ന പ്രവൃത്തി ആരംഭിക്കുന്നതിനാല്‍ താമരശ്ശേരി ചുങ്കം മുതല്‍ അടിവാരം വരെയുള്ള ഭാഗത്ത് ഇന്ന് (ജനുവരി ആറ്) മുതല്‍ പ്രവൃത്തി തീരുന്നതുവരെ ഗതാഗത നിയന്ത്രണമുണ്ടായിരിക്കുമെന്ന് എക്സിക്യൂട്ടീവ് എഞ്ചിനീയര്‍ അറിയിച്ചു.

കോഴിക്കോട് ജില്ലയില്‍ വിദ്യാഭ്യാസ വകുപ്പില്‍ എച്ച്എസ്എ മാത്ത്സ് മലയാളം മീഡിയം കാറ്റഗറി നമ്പര്‍ : 473/11, 475/11 പ്രകാരം നിലവില്‍ വന്ന റാങ്ക് പട്ടിക മാതൃ റാങ്ക്  പട്ടികയുടെ കാലാവധിക്കുള്ളില്‍ അര്‍ഹരായ ഉദ്യോഗാര്‍ത്ഥികള്‍ ലഭ്യമല്ലാത്തതിനാല്‍ ഉത്ഭവിച്ച എന്‍.സി.എ ഒഴിവുകളെല്ലാം നികത്തപ്പെട്ടിട്ടുള്ളതിനാല്‍  റദ്ദായതായി ജില്ലാ പിഎസ്‌സി ഓഫീസര്‍ അറിയിച്ചു.

വാഗ്ഭടാനന്ദൻ്റെ സ്മരണയ്ക്കായി ടൂറിസം വകുപ്പ് നാദാപുരം റോഡിൽ നിർമ്മിച്ച വാഗ്ഭടാനന്ദ പാർക്ക് ടൂറിസം - ദേവസ്വം വകുപ്പ് മന്ത്രി കടകംപള്ളി സുരേന്ദ്രൻ നാടിന് സമർപ്പിച്ചു 

മലബാറിൻ്റെ ടൂറിസം മേഖലയുടെ വികസനത്തിനായി 600 കോടി രൂപ യുടെ പദ്ധതികളാണ് നടപ്പിലാക്കി വരുന്നതെന്ന് ടൂറിസം മന്ത്രി കടകംപള്ളി സുരേന്ദ്രൻ പറഞ്ഞു.

സംസ്ഥാന സര്‍ക്കാറിന്റെ നൂറ് ദിന കര്‍മ്മ പരിപാടിയുടെ ഭാഗമായി  പട്ടികജാതി പട്ടിക വര്‍ഗ്ഗ വിഭാഗങ്ങള്‍ക്ക് കൂടുതല്‍ തൊഴില്‍ അവസരങ്ങള്‍ സൃഷ്ടിക്കാന്‍ ഒരുങ്ങി   സംസ്ഥാന പട്ടികജാതി പട്ടിക വര്‍ഗ്ഗ വികസന കോര്‍പ്പറേഷന്‍. ഇതിന്റെ ഭാഗമായി  കോര്‍പ്പറേഷന്‍ സംഘടിപ്പിക്കുന്ന വായ്പ പരിചയ മേളയും  പരാതി പരിഹാര ക്യാമ്പും ഇന്ന് (ജനുവരി 7 )് രാവിലെ 10 ന് കല്‍പ്പറ്റ ട്രിഡന്റ് ആര്‍ക്കൈഡില്‍ നടക്കും. ക്യാമ്പില്‍ കോര്‍പ്പറേഷന്‍ മാനേജിംഗ് ഡയറക്ടര്‍ ഡോ. എം.എ നാസര്‍ പദ്ധതികളെ പരിചപ്പെടുത്തുകയും ഗുണഭോക്താക്കളുടെ സംശയങ്ങള്‍ക്ക് മറുപടി നല്‍കുകയും ചെയ്യും.

സ്റ്റേറ്റ് റിസോഴ്സ് സെന്ററിനു കീഴില്‍ പ്രവര്‍ത്തിക്കുന്ന എസ്.ആര്‍.സി കമ്മ്യൂണിറ്റി കോളേജ്  ബ്യൂട്ടികെയര്‍ മാനേജ്മെന്റ് ഡിപ്ലോമ കോഴ്സിന് അപേക്ഷ ക്ഷണിച്ചു. യോഗ്യത പ്ലസ്ടു . വിദൂര വിദ്യാഭ്യാസ രീതിയില്‍ നടത്തപ്പെടുന്ന ഈ കോഴ്സിന് ഒരു വര്‍ഷമാണ് കാലാവധി. സ്വയംപഠന സാമഗ്രികള്‍, സമ്പര്‍ക്ക ക്ലാസ്സുകള്‍, പ്രാക്ടിക്കല്‍ ട്രെയിനിംഗ് എന്നിവ കോഴ്സില്‍ ചേരുന്നവര്‍ക്ക് ലഭിക്കും. അപേക്ഷാഫോറവും പ്രോസ്പക്ടസും 200 രൂപ നിരക്കില്‍ തിരുവനന്തപുരത്ത് നന്ദാവനം പോലീസ്‌ക്യാമ്പിനു സമീപം പ്രവര്‍ത്തിക്കുന്ന എസ്.ആര്‍.സി ഓഫീസില്‍ നിന്നും നേരിട്ട് ലഭിക്കും.