ആട്ടോമൊബൈല്‍ വര്‍ക്ക്‌ഷോപ്പ് തൊഴിലാളി ക്ഷേമനിധി പദ്ധതിയില്‍ അംഗത്വമെടുത്ത തൊഴിലാളികളിൽ അംശാദായം ഒടുക്കുന്നതില്‍ മുടക്കം വരുത്തിയവർക്ക്  കുടിശ്ശിക അടക്കുന്നതിനുളള കാലാവധി മാര്‍ച്ച് 31 വരെ ദീര്‍ഘിപ്പിച്ചതായി ജില്ലാ എക്‌സിക്യൂട്ടീവ് ഓഫീസര്‍ അറിയിച്ചു.

കോഴിക്കോട് ജില്ലയില്‍ വിദ്യാഭ്യാസ   വകുപ്പില്‍ എച്ച്എസ്എ - മാത്ത്‌സ്, മലയാളം മീഡിയം, എന്‍.സി.എ - ഹിന്ദു നാടാര്‍, കാറ്റഗറി നമ്പര്‍ : 476/11 തസ്തികയിലേയ്ക്ക് 2014 ഡിസംബര്‍ 30 ന്   നിലവിൽ വന്ന റാങ്ക് പട്ടിക - കാറ്റഗറി നമ്പര്‍  347/2007 പ്രകാരം  നിലവില്‍ വന്ന മാതൃ റാങ്ക്  പട്ടികയുടെ കാലാവധിക്കുള്ളില്‍ ഹിന്ദു നാടാര്‍ വിഭാഗത്തില്‍ ഉള്ള ഉദ്യോഗാര്‍ത്ഥികള്‍ ലഭ്യമല്ലാത്തതിനാല്‍ ഉത്ഭവിച്ച എന്‍.സി.എ ഒഴിവുകളെല്ലാം തന്നെ നികത്തപ്പെട്ടിട്ടുള്ളതിനാല്‍  റദ്ദാക്കിയതായി ജില്ലാ പി എസ് സി  ഓഫീസര്‍ അറിയിച്ചു.

പേരാമ്പ്ര സബ് ട്രഷറിക്ക് പുതിയ കെട്ടിടം നിര്‍മ്മിക്കുന്നതിന് സബ് ട്രഷറി ഓഫീസിനു പരിസരത്തുളള റീ സ. 84/6 ലെ 29 സെന്റ് സ്ഥലത്തെ 903 ഘന മീറ്റര്‍ മണ്ണ് സ്വന്തം ചിലവില്‍ ഖനനം ചെയ്ത് മാറ്റി കൊണ്ടു പോകുന്നതിന് ഘന മീറ്ററിന് വില നിശ്ചയിച്ചു ക്വട്ടേഷൻ ക്ഷണിച്ചതായി സബ് ട്രഷറി ഓഫീസര്‍ അറിയിച്ചു. അവസാന തീയതി ജനുവരി 12ന് രാവിലെ 11 മണി. ഫോണ്‍ 9496000216.

ദേശീയ യുവജന ദിനാഘോഷത്തോടനുബന്ധിച്ച്  സംസ്ഥാന യുവജനക്ഷേമ ബോര്‍ഡ് ജനുവരി  12ന് ജില്ലയിലെ യുവജനങ്ങള്‍ക്ക് പ്രസംഗ മത്സരം  നടത്തും.  'വിവേകാനന്ദ ദര്‍ശനങ്ങളുടെ സമകാലിക പ്രസക്‌തി' എന്നതാണ് വിഷയം.  18 നും 40 നുമിടയിൽ പ്രായമുള്ളവർക്ക് പങ്കെടുക്കാം.  
ഒന്നാം സമ്മാനം 3000 രൂപയും രണ്ടാം സമ്മാനം 2000 രൂപയും വിജയികള്‍ക്ക് ലഭിക്കും.  താല്‍പര്യമുള്ളവര്‍ 9645682799, 8138898124  വാട്‌സപ്പ് നമ്പറില്‍ പേരും വിലാസവും  പ്രായവും  ഫോണ്‍ നമ്പറും സഹിതം ജനുവരി 10 നകം രജിസ്റ്റര്‍ ചെയ്യണമെന്ന് ജില്ലാ യൂത്ത് പ്രോഗ്രാം ഓഫീസര്‍ അറിയിച്ചു.