തൃശൂർ സോഷ്യൽ ഫോറസ്ട്രി ഡിവിഷന് കീഴിൽ സോഷ്യൽ ഫോറസ്ട്രി റേഞ്ചിലെ കുതിരാൻ വനവിജ്ഞാന കേന്ദ്രത്തിൽ 2020-21 വർഷത്തേക്ക് ഫയർലൈൻ ജോലികൾ ചെയ്യുന്നതിനായി ദർഘാസുകൾ ക്ഷണിച്ചു. ദർഘാസ് സ്വീകരിക്കുന്ന അവസാന തീയതി ജനുവരി 15. ഏതെങ്കിലും കാരണങ്ങളാൽ ദർഘാസ് നടക്കാതെ വന്നാൽ ജനുവരി 18ന് സ്വീകരിക്കും. വിശദവിവരങ്ങൾക്ക് ജില്ലാ സോഷ്യൽ ഫോറസ്റ്റ് ഡിവിഷനുമായി ബന്ധപ്പെടുക. ഫോൺ: 0487 2320609, 9447979144

തൃശൂർ ഗവൺമെന്റ് ടെക്നിക്കൽ ഹൈസ്കൂളിന് കീഴിലുള്ള തൃശൂർ, വടക്കാഞ്ചേരി എന്നിവിടങ്ങളിലെ ഗവ. ഇൻസ്റ്റിറ്റ്യൂട്ട് ഓഫ് ഫാഷൻ ഡിസൈനിങ് സ്ഥാപനങ്ങളിലേക്ക് 'ഇംഗ്ലീഷ് ആൻഡ് വർക്ക്സ്പേസ് സ്കിൽ' അധ്യാപക താൽക്കാലിക നിയമനത്തിന് അപേക്ഷ ക്ഷണിച്ചു. ഹയർ സെക്കൻ്ററി (ഇംഗ്ലീഷ്) അധ്യാപക തസ്തികയുടെ യോഗ്യതയുള്ള ഉദ്യോഗാർത്ഥികൾ ജനുവരി 16ന് രാവിലെ 10.30 ന് നടത്തുന്ന അഭിമുഖത്തിൽ അസൽ സർട്ടിഫിക്കറ്റുകൾ സഹിതം ഗവ. ടെക്നിക്കൽ ഹൈസ്കൂളിൽ ഹാജരാകണം. ഫോൺ: 0487 2333460

ന്യൂനപക്ഷക്ഷേമ വകുപ്പിന് കീഴിൽ പ്രവർത്തിക്കുന്ന പരിശീലന കേന്ദ്രങ്ങളായ തലശ്ശേരി, കരുനാഗപ്പള്ളി എന്നിവിടങ്ങളിൽ ഒരു വർഷത്തേക്ക് കരാർ അടിസ്ഥാനത്തിൽ ജീവനക്കാരെ നിയമിക്കുന്നതിന് വാക്-ഇൻ-ഇന്റർവ്യൂ നടത്തും.
തലശ്ശേരിയിൽ ക്ലാർക്കിന്റെ ഒരു ഒഴിവും കരുനാഗപ്പള്ളിയിൽ കമ്പ്യൂട്ടർ ഓപ്പറേറ്ററുടെ ഒരു ഒഴിവുമാണുള്ളത്. ക്ലാർക്കിന് അപേക്ഷിക്കുന്നവർ എസ്.എസ്.എൽ.സി പാസായിരിക്കണം. കമ്പ്യൂട്ടർ ഓപ്പറേറ്റർക്ക് +2 വും ഡി.സി.എയും വേണം.

ജലസേചന വകുപ്പിലെ ഡ്രെഡ്ജർ-ഡ്രൈവർ-കം- ഓപ്പറേറ്റർമാരുടെ ഡിസംബർ 31 വരെയുള്ള താത്കാലിക മുൻഗണനാ പട്ടിക  www.irrigation.kerala.gov.in ലും കേരള ഗസറ്റിലും പ്രസിദ്ധീകരിച്ചു. പട്ടിക സംബന്ധിച്ച പരാതികൾ ആവശ്യമായ രേഖകൾ സഹിതം അനെക്‌സർ - II ൽ അപ്പീലുകൾ ഉചിതമാർഗ്ഗേണ കാര്യാലയത്തിൽ 15 ദിവസത്തിനകം സമർപ്പിക്കണം.
പി.എൻ.എക്സ്. 147/2021

എറണാകുളം : കോവിഡ് വാക്സിനേഷന് എറണാകുളം ജില്ല സജ്ജമെന്ന് ജില്ലാ കളക്ടർ എസ്. സുഹാസ് . ഏറ്റവും കൂടുതൽ ആരോഗ്യ പ്രവർത്തകർ രജിസ്റ്റർ ചെയ്തിരിക്കുന്നത് എറണാകുളം   ജില്ലയിലാണെന്നും അദ്ദേഹം പറഞ്ഞു . ജില്ലയിലെ വാക്സിൻ വിതരണത്തിനുള്ള മുന്നൊരുക്കങ്ങളും നടപടിക്രമങ്ങളും പരിശോധിക്കുന്നതിൻ്റെ  ഭാഗമായി ഇടപ്പള്ളി കിൻഡർ ആശുപത്രിയിൽ നടന്ന  ഡ്രൈറൺ കളക്ടർ നിരീക്ഷിച്ചു. 

കേരള വാട്ടർ അതോറിറ്റി പി എച്ച് ഡിവിഷൻ ഇരിങ്ങാലക്കുടയിൽ എംപ്ലോയ്മെന്റ് എക്സ്ചേഞ്ച് മുഖേന 2020 മാർച്ച് 16ന് നടത്താനിരുന്ന ഓവർസിയർ ഗ്രേഡ് 3 താൽക്കാലിക തസ്തികയിലേക്കുള്ള ഇന്റർവ്യൂ 2021 ജനുവരി 11ന് നടക്കും. വാട്ടർ അതോറിറ്റി ഓഫീസിൽ നിന്ന് അറിയിപ്പ് ലഭിച്ച ഉദ്യോഗാർത്ഥികൾ അന്നേ ദിവസം രാവിലെ 10.30ന് ഓഫീസിൽ എത്തിച്ചേരണമെന്ന് ഇരിങ്ങാലക്കുട വാട്ടർ അതോറിറ്റി എക്സിക്യൂട്ടീവ് എൻജിനീയർ അറിയിച്ചു.

തിരുവനന്തപുരം സർക്കാർ സംസ്‌കൃത കോളേജിലെ സാഹിത്യം, വേദാന്തം വിഭാഗത്തിലെ ഗസ്റ്റ് ലക്ചറർ അഭിമുഖം 12നും വ്യാകരണം, ന്യായം, ജ്യോതിഷം വിഭാഗത്തിലേക്കുള്ള അഭിമുഖം 13നും പ്രിൻസിപ്പലിന്റെ ഓഫീസിൽ രാവിലെ 11ന് നടത്തും. കോളേജ് വിദ്യാഭ്യാസ വകുപ്പിന്റെ ഗസ്റ്റ് അധ്യാപകരുടെ പാനലിൽ പേര് രജിസ്റ്റർ ചെയ്തിട്ടുള്ളവർ യോഗ്യത, ജനനതിയതി, മുൻപരിചയം എന്നിവ തെളിയിക്കുന്ന അസ്സൽ സർട്ടിഫിക്കറ്റുകൾ സഹിതം അഭിമുഖത്തിന് എത്തണം.
പി.എൻ.എക്സ്. 144/2021

അന്തിക്കാട് ബ്ലോക്ക്‌ പഞ്ചായത്ത്‌ ഭരണ സമിതി സ്റ്റാൻഡിങ് കമ്മിറ്റി അംഗങ്ങളെ തിരഞ്ഞെടുത്തു.

അന്തിക്കാട് ബ്ലോക്ക്‌ പഞ്ചായത്ത്‌ കോൺഫറൻസ് ഹാളിൽ നടന്ന യോഗത്തിൽ വരണാധികാരി  ജില്ലാ ദാരിദ്ര്യ ലഘുകരണ പ്രൊജക്റ്റ്‌  ഡയറക്ടർ സെറീന എ റഹ്മാൻ അധ്യക്ഷത വഹിച്ചു.

ധനകാര്യ സ്റ്റാൻഡിങ് കമ്മിറ്റി അംഗങ്ങളായി മായ ടി ബി, സിന്ധു ശിവദാസ്, ലതാ മോഹൻ എന്നിവരെ തിരഞ്ഞെടുത്തു.

സി ആർ രമേഷ്, കെ കെ ശശിധരൻ, സീന അനിൽകുമാർ എന്നിവരാണ് വികസനകാര്യ സ്റ്റാൻഡിങ് കമ്മിറ്റി അംഗങ്ങൾ.

ക്ഷേമകാര്യ സ്റ്റാൻഡിങ് കമ്മിറ്റിയിൽ രജനി തിലകൻ, കെ രാമചന്ദ്രൻ, സെൽജി ഷാജു, എന്നിവരെ തിരഞ്ഞെടുത്തു.