എറണാകുളം: മുവാറ്റുപുഴ താലൂക്കിൻ്റെ റവന്യൂ പരാതി പരിഹാര അദാലത്ത് ജില്ലാ കളക്ടർ എസ്.സുഹാസിൻ്റെ അധ്യക്ഷതയിൽ നടത്തി. വീഡിയോ കോൺഫറൻസ് വഴി നടത്തിയ അദാലത്തിൽ 43 പരാതികൾ പരിഗണിച്ചു. പോക്കുവരവുമായി ബന്ധപ്പെട്ട 20 കേസുകൾ തീർപ്പാക്കി. അനന്തരവകാശ സർട്ടിഫിക്കറ്റ് ലഭിക്കുന്നതിനായി ലഭിച്ച 12 പരാതികളും അദാലത്തിൽ പരിഹാരം കണ്ടു. എ ഡി.എം സാബു കെ. ഐസക്, എച്ച്.എസ്. ജോർജ് ജോസഫ് എന്നിവർ  പങ്കെടുത്തു

*ക്രൈംബ്രാഞ്ച് ആസ്ഥാന മന്ദിരത്തിനും വിജിലൻസ് ഓഫീസിനും ശിലാസ്ഥാപനം

ജില്ലയില്‍ ഇന്നലെ(ജനുവരി 11) 299 പേര്‍ കോവിഡ് രോഗമുക്തരായി. 236 പേര്‍ക്ക് കോവിഡ് സ്ഥിരീകരിച്ചു.  മുനിസിപ്പാലിറ്റികളില്‍ പുനലൂരും ഗ്രാമപഞ്ചായത്ത് പ്രദേശങ്ങളില്‍ മൈലം, ഇളമ്പള്ളൂര്‍ ഭാഗങ്ങളിലുമാണ് രോഗബാധിതര്‍ കൂടുതലുള്ളത്.
വിദേശത്ത് നിന്നെത്തിയ ഒരാള്‍ക്കും ഇതര സംസ്ഥാനത്ത് നിന്നെത്തിയ ഒരാള്‍ക്കും സമ്പര്‍ക്കം വഴി 230 പേര്‍ക്കും ഉറവിടം വ്യക്തമല്ലാത്ത രണ്ട് പേര്‍ക്കും രണ്ട് ആരോഗ്യ പ്രവര്‍ത്തകര്‍ക്കും രോഗം സ്ഥിരീകരിച്ചു.  

മുഖ്യമന്ത്രിയുടെ നിര്‍ദേശ പ്രകാരം ജില്ലാ കലക്ടര്‍ ബി അബ്ദുല്‍ നാസറിന്റെ അധ്യക്ഷതയില്‍ വീഡിയോ കോണ്‍ഫറന്‍സ് വഴി ചേര്‍ന്ന കുന്നത്തൂര്‍ താലൂക്കിലെ പരാതി പരിഹാര അദാലത്തില്‍ 42 അപേക്ഷകള്‍ തീര്‍പ്പാക്കി. താലൂക്ക്-വില്ലേജ് തലങ്ങളില്‍ പരിഹാരമാകാതിരുന്ന 74 അപേക്ഷകളാണ് പരിഗണിച്ചത്. തുടര്‍ നടപടി ആവശ്യമായ പരാതികളില്‍ കക്ഷികള്‍ക്ക് മറുപടി നല്‍കണമെന്ന് കലക്ടര്‍ ബന്ധപ്പെട്ട ഉദ്യോഗസ്ഥര്‍ക്ക് നിര്‍ദേശം നല്‍കി.
മുന്‍ഗണനാ ക്രമത്തില്‍ റേഷന്‍ കാര്‍ഡ് അനുവദിക്കുന്നത്, വസ്തു  അളക്കല്‍, വഴി തര്‍ക്കം തുടങ്ങിയവ സംബന്ധിച്ച പരാതികളാണ് അദാലത്തില്‍ പരിഗണിച്ചത്.

കോവിഡ് പ്രതിരോധ പ്രവര്‍ത്തനങ്ങള്‍ കൂടുതല്‍ ശക്തമാക്കുന്നതിന്റെ  ഭാഗമായി ജില്ലയില്‍ റിവേഴ്‌സ്  ക്വാറന്റയിന്‍  കര്‍ശനമാക്കിയതായി ജില്ലാ മെഡിക്കല്‍ ഓഫീസര്‍ ഡോ ആര്‍ ശ്രീലത അറിയിച്ചു. കോവിഡ് ഗുരുതരമായി ബാധിക്കാന്‍ സാധ്യതയുള്ള വിഭാഗങ്ങളായ കുട്ടികള്‍, ഗര്‍ഭിണികള്‍, മുതിര്‍ന്ന പൗര•ാര്‍, മറ്റു രോഗങ്ങള്‍ ഉള്ളവര്‍  എന്നിവര്‍ എല്ലാ മുന്‍കരുതലുകള്‍ എടുക്കുകയും അനാവശ്യ യാത്രകള്‍ ഒഴിവാക്കുകയും വേണം. ജീവിതശൈലി രോഗങ്ങള്‍ ഉള്ളവര്‍ യഥാസമയം മരുന്നുകള്‍ കഴിക്കുകയും സാമൂഹ്യ അകലം പാലിക്കുകയും വേണം.

ജില്ലയില്‍ ഇന്നലെ(ജനുവരി 10) 354 പേര്‍ക്ക് കോവിഡ് സ്ഥിരീകരിച്ചു.  229 പേര്‍ രോഗമുക്തി നേടി. മുനിസിപ്പാലിറ്റികളില്‍ കരുനാഗപ്പള്ളിയിലും ഗ്രാമപഞ്ചായത്തുകളില്‍ ശൂരനാട് നോര്‍ത്ത്, നെടുവത്തൂര്‍, പട്ടാഴി, തൃക്കോവില്‍വട്ടം, തലവൂര്‍, ചവറ, ഓച്ചിറ, പെരിനാട് ഭാഗങ്ങളിലുമാണ് രോഗബാധിതര്‍ കൂടുതലുള്ളത്. സമ്പര്‍ക്കം വഴി 352 പേര്‍ക്കും ഉറവിടം വ്യക്തമല്ലാത്ത ഒരാള്‍ക്കും ഒരു ആരോഗ്യ പ്രവര്‍ത്തകയ്ക്കും രോഗം സ്ഥിരീകരിച്ചു.  
കൊല്ലം കോര്‍പ്പറേഷനില്‍ 43 പേര്‍ക്കാണ് രോഗബാധ. ഉളിയക്കോവില്‍-അഞ്ച്, കാവനാട്-നാല്, തിരുമുല്ലാവാരം-മൂന്ന് എന്നിങ്ങനെയാണ് കോര്‍പ്പറേഷന്‍ പരിധിയിലെ രോഗബാധിതര്‍.

കേരള വനിതാ കമ്മിഷന്‍ അദാലത്ത് ജനുവരി 11, 12 തീയതികളില്‍ ജവഹര്‍  ബാലഭവന്‍ ഹാളില്‍ രാവിലെ 10.30 മുതല്‍ കോവിഡ് മാനദണ്ഡ പ്രകാരം നടക്കും. പരാതിക്കാരെയും എതിര്‍കക്ഷികളെയും മാത്രമേ അദാലത്ത് നടക്കുന്ന ഹാളില്‍ പ്രവേശിപ്പിക്കൂ. പത്ത് വയസിനു താഴെയുള്ള കുട്ടികള്‍, മുതിര്‍ന്ന പൗരന്‍മാര്‍, രോഗമുള്ളവര്‍ എന്നിവരെ കൂടെക്കൊണ്ടുവരുന്നത് കഴിയുന്നതും ഒഴിവാക്കണം. അദാലത്തിനെത്തുന്നവര്‍ മാസ്‌ക് ധരിച്ചിരിക്കണം.
(പി.ആര്‍.കെ നമ്പര്‍ 78/2021)

മുന്‍കരുതലുകള്‍ എടുക്കാതിരുന്നാല്‍ കോവിഡ് മരണനിരക്ക് വര്‍ധിക്കാന്‍ സാധ്യതയുണ്ടെന്ന് ആരോഗ്യ വകുപ്പ് സംയോജിത രോഗനിരീക്ഷണ വിഭാഗം നടത്തിയ പഠനങ്ങള്‍ കണ്ടെത്തിയതായി ജില്ലാ മെഡിക്കല്‍ ഓഫീസര്‍ ഡോ ആര്‍ ശ്രീലത അറിയിച്ചു. മരണ നിരക്ക് ഏറ്റവും ഉയര്‍ന്ന നില്‍ക്കുന്നത് 80 വയസിന് മുകളില്‍ പ്രായമുള്ളവര്‍ക്കാണ്, 2.56 ശതമാനം. 71-80 പ്രായമുള്ളവരില്‍ മരണനിരക്ക് 2.25 ശതമാനം. 61 മുതല്‍ 70 വരെ പ്രായമുള്ളവരില്‍ 1.06 ശതമാനമാണിത്.