അറ്റകുറ്റപണികള്‍ നടക്കുന്നതിനാല്‍ പാലക്കാട് ജംഗ്ഷന്‍ റെയില്‍വേ സ്റ്റേഷനും പാലക്കാട് ടൗണ്‍ റെയില്‍വേ സ്റ്റേഷനും  ഇടയിലുള്ള  കാവില്‍പ്പാട് കോമണ്‍വെല്‍ത്ത് റെയില്‍വേ ഗേറ്റ് ഇന്ന്( ജനുവരി 12) രാവിലെ ഏഴ് മുതല്‍ വൈകുന്നേരം 6 മണി വരെ അടച്ചിടുമെന്ന് സതേണ്‍ റെയില്‍വേ അസിസ്റ്റന്റ് ഡിവിഷണല്‍ എന്‍ജിനീയര്‍ അറിയിച്ചു. വാഹനങ്ങള്‍ വിക്ടോറിയ കോളേജ് വഴി തിരിഞ്ഞുപോകണം.

പീരുമേട് താലൂക്കില്‍ വാഗമണ്‍ വില്ലേജില്‍ റവന്യൂ റിക്കവറി നടപടികളുടെ ഭാഗമായി ലേബര്‍ കുടിശ്ശിക ഇനത്തില്‍ 938376  രൂപയും പലിശയും മറ്റിനങ്ങളും ഈടാക്കുന്നതിനായി വാഗമണ്‍ കോട്ടമല ടി ഗാര്‍ഡന്‍ വക  വാഗമണ്‍ വില്ലേജിലെ 0.2020 ഹെക്ടര്‍ വസ്തു ഫെബ്രുവരി 19 ന് രാവിലെ 11.30 ന് വാഗമണ്‍ വില്ലേജാഫീസില്‍  പരസ്യമായി ലേലം ചെയ്യും.  

കട്ടപ്പന ഗവ. ഐ.ടി.ഐയില്‍  അഡ്മിഷനു   അപേക്ഷ സമര്‍പ്പിക്കാനുളള  തീയതി   ജനുവരി 16 വരെ നീട്ടി.   ടര്‍ണര്‍, ടൂറിസ്റ്റ് ഗൈഡ്, സിവില്‍, സര്‍വ്വേയര്‍, കമ്പ്യൂട്ടര്‍ ഓപ്പറേറ്റര്‍ പ്രോഗ്രാമിങ് അസിസ്റ്റന്റ്, പ്‌ളംബര്‍, വയര്‍മാന്‍ എന്നീ ട്രേഡുകളിലെ ഏതാനും ഒഴിവുകളിലേക്ക് ജനുവരി 13 ഉച്ചകഴിഞ്ഞ്  3 മണിവരെ അപേക്ഷ സമര്‍പ്പിക്കാം. അപേക്ഷകര്‍ ആവശ്യമായ സര്‍ട്ടിഫിക്കറ്റുകളും കോപ്പികളും സഹിതം ഐ.ടി.ഐയില്‍ എത്തേണ്ടതാണ്.  ഫോണ്‍: 04868 272216

 ജില്ലാ കളക്ടറുടെ നേതൃത്വത്തില്‍ നടക്കുന്ന പരാതി  പരിഹാര അദാലത്ത് കോവിഡ് 19 രോഗത്തിന്റെ  പശ്ചാത്തലത്തില്‍ ഓണ്‍ലൈനായി നടക്കും. പട്ടാമ്പി താലൂക്കില്‍ ജനുവരി 15 നും ആലത്തൂര്‍ താലൂക്കില്‍ 22നും  ഒറ്റപ്പാലം താലൂക്കില്‍ 29നും ചിറ്റൂര്‍ താലൂക്കില്‍ ഫെബ്രുവരി അഞ്ചിനും പാലക്കാട് താലൂക്കില്‍ 12നും  മണ്ണാര്‍ക്കാട് താലൂക്കില്‍ 19നും  പട്ടാമ്പി താലൂക്കില്‍ 26നും  ഓണ്‍ലൈനായി പരാതി പരിഹാര അദാലത്തുകള്‍ നടക്കും.

നാഷണല്‍ ആയൂഷ് മിഷന്‍  ആയുര്‍വേദ തെറാപ്പിസ്റ്റ് തസ്തികയില്‍ കരാര്‍ വ്യവസ്ഥയില്‍ താല്‍ക്കാലിക നിയമനം നടത്തുന്നതിന് ജനുവരി 13 രാവിലെ 11ന് ഇടുക്കി  കുയിലിമല സിവില്‍ സ്റ്റേഷനില്‍ പ്രവര്‍ത്തിക്കുന്ന ആയുര്‍വേദ ജില്ലാ മെഡിക്കല്‍ ഓഫീസില്‍ നടത്താനിരുന്ന വാക്ക്-ഇന്‍-ഇന്റര്‍വ്യൂ സാങ്കേതിക കാരണത്താല്‍ മാറ്റിവച്ചു.

ഇടുക്കി ജില്ലയിലെ പ്രധാനപ്പെട്ട  എഴു മത്സ്യവിപണന കേന്ദ്രങ്ങളില്‍  ജില്ലാ ഭക്ഷ്യസുരക്ഷാ വകുപ്പ് പരിശോധനകള്‍ നടത്തി.  15 സാമ്പിളുകള്‍    വിദഗ്ദ പരിശോധനക്കായി കാക്കനാട് ലാബില്‍ അയച്ചു.
ഭക്ഷ്യസുരക്ഷാ അസിസ്റ്റന്റ് കമ്മീഷണര്‍ കെ. പി രമേശിന്റെ നേതൃത്വത്തില്‍ ഭക്ഷ്യസുരക്ഷാ ഓഫീസര്‍മാരായ ജി. എസ് സന്തോഷ് കുമാര്‍, ഷംസിയാ എം.എന്‍, ആന്‍മേരി ജോണ്‍സണ്‍, ഐശ്വര്യാ ആര്‍, ഭക്ഷ്യസുരക്ഷാ ജീവനക്കാരായ കെ. റ്റി. കണ്ണന്‍, അലിയാര്‍ എം.എം, ഉണ്ണികൃഷ്ണന്‍, ജോമി മാത്യു, രതീഷ് പി.ജി തുടങ്ങിയവരും പരിശോധനയില്‍ പങ്കെടുത്തു.

വനിതാ കമ്മിഷന്റെ  ജില്ലയിലെ മെഗാ അദാലത്ത് ജനുവരി  13-ന് രാവിലെ 10.30 മുതല്‍ കളക്ട്രേറ്റ് കോണ്‍ഫറന്‍സ് ഹാളില്‍ നടക്കും. പൂര്‍ണമായും കോവിഡ് മാനദണ്ഡങ്ങള്‍ പാലിച്ചായിരിക്കും അദാലത്ത് നടത്തുക. പരാതിക്കാരെയും എതിര്‍കക്ഷികളെയും മാത്രമേ അദാലത്ത് ഹാളില്‍ പ്രവേശിപ്പിക്കുകയുള്ളൂ.  പത്ത് വയസ്സിനു താഴെയുള്ളവര്‍, മുതിര്‍ന്ന പൗരന്‍മാര്‍, രോഗമുള്ളവര്‍ എന്നിവരെ കൂടെക്കൊണ്ടുവരുന്നത്  ഒഴിവാക്കണം. അദാലത്തിനെത്തുന്നവര്‍ നിര്‍ബന്ധമായും മാസ്‌ക് ധരിച്ചിരിക്കണമെന്ന് നിര്‍ദ്ദേശമുണ്ട്.

കേരള സംസ്ഥാന യുവജന കമ്മീഷന്‍ സംസ്ഥാനത്തെ യുവജനങ്ങള്‍ക്കായി നടത്തിയ ഇ.എം.എസ്സ്. മെമ്മോറിയല്‍ പ്രസംഗ മത്സരം ആശയങ്ങളുടെ ബലിഷ്ഠത കൊണ്ടും മൗലികത കൊണ്ടും ശ്രദ്ധേയമായി. കേരളത്തിന്റെ വിവിധ ഭാഗങ്ങളില്‍ നിന്ന് യുവതീയുവാക്കള്‍ മാറ്റുരച്ച പ്രസംഗമത്സരത്തില്‍ കൊല്ലം സ്വദേശിയും കേരളസര്‍വകലാശാല ഇന്‍സ്റ്റിറ്റ്യൂട്ട് ഓഫ് ഇംഗ്ലീഷിലെ വിദ്യാര്‍ത്ഥിയുമായ സിദ്ധാര്‍ത്ഥ് എം.

മന്തുരോഗ നിവാരണ പരിപാടിയുടെ ഭാഗമായി പാലക്കാട് ജില്ലാ ആശുപത്രിയില്‍ നടത്തിവരുന്ന രാത്രികാല മന്തുരോഗ രക്ത പരിശോധനാ ക്ലിനിക്, മന്തുരോഗ പരിചരണ ക്ലിനിക് എന്നിവ പുനരാരംഭിച്ചിട്ടുള്ളതായി ജില്ലാ മെഡിക്കല്‍ ഓഫീസര്‍ (ആരോഗ്യം, )ഡോ. കെ. പി റീത്ത അറിയിച്ചു.  മന്തുരോഗ രക്ത പരിശോധനാ ക്ലിനിക് എല്ലാ ബുധനാഴ്ചകളിലും കാഷ്വാലിറ്റി ഓ.പി.യ്ക് സമീപം രാത്രി 8 മണി മുതല്‍ 10 മണി വരെയും മന്തുരോഗ പരിചരണ ക്ലീനിക്ക് എല്ലാ വെള്ളിയാഴ്ചകളിലും അഞ്ചാം നമ്പര്‍ ഓ.പി യില്‍ രാവിലെ 9 മണി മുതല്‍ ഉച്ചയ്ക് 1 മണി വരെയും പ്രവര്‍ത്തിക്കും.