*മാറ്റത്തിന്റെ കാഴ്ചകൾ പകർത്താം, സമ്മാനങ്ങൾ നേടാം
ഇൻഫർമേഷൻ പബ്ലിക് റിലേഷൻസ് വകുപ്പ് പൊതുജനങ്ങൾക്കായി 'മിഴിവ് 2021' എന്ന പേരിൽ ഓൺലൈൻ വീഡിയോ മത്സരം ആരംഭിച്ചു.  'നിങ്ങൾ കണ്ട വികസന കാഴ്ച' എന്നതാണ് വിഷയം. ഒന്നാം സമ്മാനം - ഒരു ലക്ഷം രൂപ, രണ്ടാം സമ്മാനം - 50,000 രൂപ, മൂന്നാം സമ്മാനം - 25,000 രൂപ, പ്രോത്സാഹന സമ്മാനം - 5000 രൂപ വീതം 5 പേർക്ക്. ഈ മാസം 26 വരെ www.mizhiv.kerala.gov.in ൽ രജിസ്റ്റർ ചെയ്ത് മത്സരത്തിൽ പങ്കെടുക്കാം.

ബാർട്ടൺഹിൽ സർക്കാർ എൻജിനിയറിങ് കോളേജിൽ മെക്കാനിക്കൽ എൻജിനിയറിങ് വിഭാഗത്തിൽ ഫിറ്റർ, പ്ലംബർ, വെൽഡർ, മെഷിനിസ്റ്റ് തസ്തികകളിൽ ദിവസവേതനാടിസ്ഥാനത്തിൽ ട്രേഡ്‌സ്മാൻമാരുടെ ഒഴിവുകൾ നിലവിലുണ്ട്. ഐ.ടി.ഐ അല്ലെങ്കിൽ ഡിപ്ലോമ/ബി.ടെക് യോഗ്യതയുള്ളവർക്ക് അപേക്ഷിക്കാം. ഇന്ന് (13ന്) രാവിലെ പത്തിന് മെക്കാനിക്കൽ എൻജിനിയറിങ് വിഭാഗത്തിൽ അഭിമുഖം നടക്കും. ഫോൺ:0471-2300484.
പി.എൻ.എക്സ്. 201/2021

കേരള റോഡ് സുരക്ഷാ അതോറിറ്റിയിൽ ക്ലാർക്ക് തസ്തികയിൽ ഡെപ്യൂട്ടേഷൻ നിയമനത്തിന് അപേക്ഷ ക്ഷണിച്ചു. ശമ്പള സ്‌കെയിൽ:19,000-43,600. എക്‌സൽ ഗൂഗിൾ സ്ലെഡ് ഷീറ്റ് പവർ പോയിന്റ് പ്രസന്റേഷൻ ആൻഡ് ഓൺലൈൻ വിർച്വൽ പ്ലാറ്റ് ഫോം എന്നിവയിലുള്ള കമ്പ്യൂട്ടർ പരിജ്ഞാനം അഭികാമ്യം.

തിരുവനന്തപുരം സർക്കാർ സംസ്‌കൃത കോളേജിലെ സാഹിത്യം, വേദാന്തം, വ്യാകരണം, ന്യായം, ജ്യോതിഷം വിഭാഗത്തിലെ ഗസ്റ്റ് ലക്ചറർ ഒഴിവിലേയ്ക്ക് നടത്താനിരുന്ന അഭിമുഖം 20 (സാഹിത്യം, വേദാന്തം), 21 (വ്യാകരണം, ന്യായം, ജ്യോതിഷം) തിയതികളിൽ പ്രിൻസിപ്പാളിന്റെ ഓഫീസിൽ രാവിലെ 11ന് നടക്കും. കോളേജ് വിദ്യാഭ്യാസ വകുപ്പിന്റെ ഗസ്റ്റ് അധ്യാപകരുടെ പാനലിൽ പേര് രജിസ്റ്റർ ചെയ്തിട്ടുള്ള ഉദ്യോഗാർത്ഥികൾ യോഗ്യത, ജനന തീയതി, മുൻപരിചയം എന്നിവ തെളിയിക്കുന്ന അസ്സൽ സർട്ടിഫിക്കറ്റുകൾ സഹിതം അഭിമുഖത്തിന് ഹാജരാകണം.
പി.എൻ.എക്സ്. 199/2021

മലമ്പുഴ ഗവ. ഐ. ടി .ഐ യില്‍ ഇലക്ട്രോണിക് മെക്കാനിക്, ഫിറ്റര്‍ ട്രേഡുകളില്‍ ഗസറ്റ് ഇന്‍സ്ട്രക്ടര്‍മാരെ നിയമിക്കുന്നു. എന്‍.ടി.സിയും മൂന്ന് വര്‍ഷത്തെ പ്രവൃത്തി പരിചയവും അല്ലെങ്കില്‍ എന്‍.എ.സിയും ഒരു വര്‍ഷത്തെ പ്രവൃത്തി പരിചയം അല്ലെങ്കില്‍ ബന്ധപ്പെട്ട ബ്രാഞ്ചില്‍ മൂന്നു വര്‍ഷ ഡിപ്ലോമയോ ഡിഗ്രിയോ ആണ് യോഗ്യത.  താത്പര്യമുള്ളവര്‍ അസല്‍ സര്‍ട്ടിഫിക്കറ്റുകള്‍ സഹിതം ജനുവരി 13ന് രാവിലെ 10.30 ന് കൂടിക്കാഴ്ചയ്ക്ക് എത്തണമെന്ന് പ്രിന്‍സിപ്പാള്‍ അറിയിച്ചു. ഫോണ്‍: 04912815161.

പാലക്കാട് ജില്ലാ ലൈബ്രറി കൗണ്‍സില്‍ വികസന സമിതിയുടെ നേതൃത്വത്തില്‍ ഇന്‍ഡോര്‍ സ്റ്റേഡിയത്തില്‍ ജനുവരി 11 മുതല്‍ 14 വരെ സം ഘടിപ്പിക്കുന്ന പുസ്തകോത്സവം ജില്ലാ പഞ്ചായത്ത് പ്രസിഡന്റ് കെ.ബിനു മോള്‍ ഉദ്ഘാടനം ചെയ്തു. സറ്റേറ്റ് ലൈബ്രറി കൗണ്‍സില്‍ എക്‌സിക്യുട്ടീവ് അംഗം വി .കെ ജയപ്രകാശ് അദ്ധ്യക്ഷനായി. ജില്ലാ സെക്രട്ടറി പി.എന്‍.മോഹനന്‍, എം. ഉണ്ണികൃഷണന്‍, കാസിം മാസ്റ്റര്‍ , പി.കെ.സുധാകരന്‍, രാജേഷ് മേനോന്‍, കെ.നാരായണന്‍കുട്ടി, മോഹന്‍ദാസ് ശ്രീകൃഷ്ണപുരം, വി.എസ്.വിജയരാഘവന്‍ എന്നിവര്‍ പങ്കെടുത്തു.