സപ്ലൈകോ നെല്ല്  സംഭരണം തുടങ്ങി.  സംസ്ഥാനത്ത്  ഇതുവരെ  1,72,718  ടണ്‍  നെല്ല്  സംഭരിച്ചതായി  സിഎംഡി  അലി അസ്ഗര്‍ പാഷ  അറിയിച്ചു.  2020 സെപ്റ്റംബര്‍  21  നാണ്  നെല്ലു സംഭരണം  തുടങ്ങിയത്. കര്‍ഷകര്‍ക്ക് വിതരണം ചെയ്യാന്‍ 433കോടി രൂപ ഇതുവരെ ബാങ്കുകള്‍ക്ക്  നല്‍കി ക്കഴിഞ്ഞു.  42  കോടി രൂപ മാത്രമെ  നല്‍കാന്‍ ശേഷിക്കുന്നുളളൂ.  കേന്ദ്ര സര്‍ക്കാരിന്റെ   താങ്ങുവിലയായ 18.68 രൂപയും  സംസ്ഥാനസര്‍ക്കാരിന്റെ  ഇന്‍സെന്റീവായ 8.8 രൂപയുമടക്കം  കിലോക്ക്  27.48 രൂപക്കാണ്  കര്‍ഷകരില്‍  നിന്ന് സപ്ലൈകോ  നെല്ല്  സംഭരിക്കുന്നത്.  
 

കക്കോടി ഗ്രാമപഞ്ചായത്ത് ഭരണസമിതിയുടെ പ്രവര്‍ത്തനത്തിനൊപ്പം അംഗങ്ങള്‍ ഓര്‍മ്മത്തുരുത്തിന് തുടക്കമിട്ടു.  പഞ്ചായത്ത് കെട്ടിടത്തിന് പുറകുവശത്താണ് മെമ്പര്‍മാര്‍  ഓര്‍മ്മത്തൈ നട്ടത്. പഞ്ചായത്ത് പ്രസിഡന്റ് കെ.പി.ഷീബ, ഹരിതകേരളം മിഷന്‍ ജില്ലാ കോര്‍ഡിനേറ്റര്‍ പി.പ്രകാശ് എന്നിവര്‍ ചേര്‍ന്ന് മാവിന്‍ തൈ നട്ട് ഓര്‍മ്മത്തുരുത്ത് ഉദ്ഘാടനം ചെയ്തു.

രാജ്യത്തിന് തന്നെ മാതൃകയായി കോഴിക്കോടിന്റെ കോവിഡ് 19 ജാഗ്രത പോര്‍ട്ടല്‍. കോവിഡ് രോഗപ്രതിരോധ പ്രവര്‍ത്തനങ്ങളുടെ ഭാഗമായി കോഴിക്കോട് ജില്ലാ ഭരണകൂടവും നാഷണല്‍ ഇന്‍ഫര്‍മാറ്റിക്‌സ് സെന്ററും സംസ്ഥാന ഐ.ടി മിഷനും സംയുക്തമായാണ് പോര്‍ട്ടല്‍ ആരംഭിച്ചത്.

പ്രതിരോധ പ്രവര്‍ത്തനങ്ങളുടെ ഏകോപനം, കോവിഡ് ബാധിതരുടെ നിരീക്ഷണം, ചികിത്സ സാധ്യമാക്കല്‍ എന്നിവ ലക്ഷ്യമിട്ട് സംസ്ഥാന  സര്‍ക്കാരിനു വേണ്ടി വികസിപ്പിച്ച സമഗ്രമായ പകര്‍ച്ചവ്യാധി മാനേജ്‌മെന്റ് സംവിധാനം മികച്ച രീതിയിലുള്ള പ്രവര്‍ത്തനമാണ് മുന്നോട്ടു വെക്കുന്നത്.

നിയമസഭാ തെരഞ്ഞെടുപ്പ് ഒരുക്കങ്ങള്‍ക്ക് തുടക്കമിട്ട് ജില്ലയില്‍ തെരഞ്ഞെടുപ്പ് യന്ത്രങ്ങളുടെ പരിശോധനകള്‍ ആരംഭിച്ചു. വെള്ളയിലെ സെന്‍ട്രല്‍ വെയര്‍ ഹൗസിങ് ഗോഡൗണില്‍ പ്രത്യേകം സജ്ജീകരിച്ച കേന്ദ്രത്തില്‍ ഇലക്ഷന്‍ ഡെപ്യൂട്ടി കലക്ടര്‍ ടി. ജനില്‍കുമാറിന്റെ മേല്‍നോട്ടത്തിലാണ് വോട്ടിംഗ് യന്ത്രങ്ങളുടെ പ്രാഥമിക പരിശോധനകള്‍ നടക്കുന്നത്. 4,400 വീതം കണ്‍ട്രോള്‍- ബാലറ്റ് യൂണിറ്റുകളും 4,700 വിവി പാറ്റ് യന്ത്രങ്ങളുമാണ് പരിശോധനക്കായി ഗോഡൗണിലെത്തിയത്.

കോഴിക്കോട് ഗവ.എഞ്ചിനീയറിങ്ങ് കോളേജിലെ അപ്ളൈഡ് സയന്‍സ് എഞ്ചിനീയറിംഗ് ഡിപ്പാര്‍ട്ട്മെന്റില്‍ കെമിക്കല്‍ ഗ്ലാസ്‌വേഴ്‌സ് വാങ്ങുന്നതിന് ക്വട്ടേഷന്‍ ക്ഷണിച്ചു. അവസാന തീയതി ജനുവരി 27ന് ഉച്ചക്ക് രണ്ട്് മണി.  ഫോണ്‍ : 0495 2383220, 2383210. വെബ്സൈറ്റ് : www.geckkd.ac.in.
 

തലശ്ശേരി ഗവ.കോളേജില്‍ പുതുതായി ആരംഭിക്കുന്ന എം.എസ്.സി കമ്പ്യൂട്ടര്‍ സയന്‍സ് വിത് സ്പെഷ്യലൈസേഷന്‍ ഇന്‍ ആര്‍ട്ടിഫിഷ്യല്‍ ഇന്റലിജന്‍സ് കോഴ്സിലേക്ക്  എസ്.സി/എസ്.ടി  സീറ്റുകള്‍ ഒഴിവുണ്ട്.  യോഗ്യരായ വിദ്യാര്‍ത്ഥികള്‍ ഒറിജിനല്‍ സര്‍ട്ടിഫിക്കറ്റുകള്‍ സഹിതം ജനുവരി 13 ന്  കോളേജില്‍ ഹാജരാകണമെന്ന് പ്രിന്‍സിപ്പാള്‍ അറിയിച്ചു.  ഫോണ്‍ - 9846175368, 9400402524.