പൊന്നാനി താലൂക്കിലെ ശ്രീ. അഷ്ടയില്‍ ചേന്ദമംഗലം ക്ഷേത്രം, ശ്രീ. മുണ്ടതൃക്കോവില്‍ ക്ഷേത്രം, ശ്രീ. കൊഴിശ്ശങ്ങാട്ട് കാവ് ക്ഷേത്രം (ശുകപുരം ദക്ഷിണാമൂര്‍ത്തി ദേവസ്വം കീഴേടം) എന്നിവിടങ്ങളില്‍ പാരമ്പര്യേതര ട്രസ്റ്റിമാരെ നിയമിക്കുന്നു. താത്പര്യമുള്ളവര്‍ അപേക്ഷ ജനുവരി 29ന് വൈകീട്ട് അഞ്ചിനകം തിരൂര്‍ മിനിസിവില്‍ സ്‌റ്റേഷനില്‍ പ്രവര്‍ത്തിക്കുന്ന മലബാര്‍ ദേവസ്വം ബോര്‍ഡ്, മലപ്പുറം അസിസ്റ്റന്റ് കമ്മീഷണറുടെ ഓഫീസില്‍ സമര്‍പ്പിക്കണം. അപേക്ഷാ ഫോമിനും മറ്റ് വിവരങ്ങള്‍ക്കും മലപ്പുറം അസിസ്റ്റന്റ് കമ്മീഷണറുടെ ഓഫീസുമായോ വകുപ്പിന്റെ ഗുരുവായൂര്‍ ഡിവിഷന്‍ ഇന്‍സ്‌പെക്ടറുടെ ഓഫീസിലോ ബന്ധപ്പെടണം.

കൊണ്ടോട്ടി ഓമാനൂര്‍  പോത്തുവെട്ടിപ്പാറ മുണ്ടക്കല്‍ റോഡ് നിര്‍മ്മാണ പ്രവൃത്തി  നാളെ (ജനുവരി 16) ഉദ്ഘാടനം  ചെയ്യും. പ്രധാനമന്ത്രി ഗ്രാമീണ സദക് യോജന പദ്ധതിയില്‍ ഉള്‍പ്പെടുത്തി 399.17 ലക്ഷം രൂപ ചെലവിലാണ് റോഡ്  നിര്‍മിക്കുന്നത്.  പ്രവൃത്തിയുടെ  ഉദ്ഘാടനം നാളെ രാവിലെ 11 ന് ഓമാനൂരില്‍ പി. കെകുഞ്ഞാലിക്കുട്ടി എം.പി നിര്‍വഹിക്കും. ടി.വി.ഇബ്രാഹിം എം.എല്‍.എ.അധ്യക്ഷനാവും.
 

നിലമ്പൂര്‍, കാളികാവ്, അരീക്കോട്, വണ്ടൂര്‍, ബ്ലോക്കുകളിലെ വനാന്തരങ്ങളിലേയും വനാതിര്‍ത്തിയിലേയും സെറ്റില്‍മെന്റ് കോളനികളില്‍ നിവസിക്കുന്ന പട്ടികവര്‍ഗ വിഭാഗത്തില്‍പ്പെട്ടവരില്‍ നിന്ന് പൊലീസ് കോണ്‍സ്റ്റബിള്‍, വനിതാ പൊലീസ് കോണ്‍സ്റ്റബിള്‍ തസ്തികകളിലേക്ക് സ്പെഷ്യല്‍ റിക്രൂട്ട്മെന്റിന്റെ ഭാഗമായി തെരഞ്ഞെടുത്തവര്‍ക്കുള്ള നിയമന ശുപാര്‍ശ ഇന്ന് (ജനുവരി 15) രാവിലെ 11ന് വിതരണം ചെയ്യും. പി.എസ്.സി ജില്ലാ ഓഫീസില്‍ നടക്കുന്ന പരിപാടിയില്‍ പി.എസ്.സി മെമ്പര്‍ പി.കെ വിജയകുമാര്‍ ഉദ്യോഗാര്‍ഥികള്‍ക്ക് നിയമന ശുപാര്‍ശ വിതരണം ചെയ്യും.

ജനുവരി 16ന് നല്‍കി തുടങ്ങും

കോവിഡ് വാക്‌സിനേഷനുള്ള ഒരുക്കങ്ങള്‍ ജില്ലയില്‍ പൂര്‍ത്തിയായതായി ജില്ലാ മെഡിക്കല്‍ ഓഫീസര്‍ ഡോ. കെ.സക്കീന അറിയിച്ചു. വാക്‌സിന്‍ നല്‍കുന്നതിന് ആവശ്യമായ 28880 ഡോസ് വാക്‌സിനാണ് ജില്ലയില്‍ എത്തിയത്. കോഴിക്കോട് റീജിനല്‍ വാക്‌സിന്‍ സ്റ്റോറില്‍ നിന്ന് ജില്ലാ വാക്‌സിന്‍ സ്റ്റോറില്‍ എത്തിച്ച വാക്‌സിന്‍ എ.ഡി.എം എന്‍.എം.മെഹറലി, ജില്ലാ മെഡിക്കല്‍ ഓഫീസര്‍ ഡോ. കെ.സക്കീന, ഡി.പി.എം ഡോ.എ. ഷിബുലാല്‍, ആര്‍.സി.എച്ച് ഓഫീസര്‍ ഡോ. രാജേഷ്, ഡെപ്യൂട്ടി ഡി.എം.ഒ ഡോ. മുഹമ്മദ് ഇസ്മയില്‍ എന്നിവര്‍ ഏറ്റുവാങ്ങി.
 

കേരള ഗവര്‍മെന്റ് പരീക്ഷാ കമ്മീഷണര്‍ സര്‍ട്ടിഫിക്കറ്റ് നല്‍കുന്ന അപ്പര്‍ പ്രൈമറി സ്‌ക്കൂളിലെ അധ്യാപകയോഗ്യതയായ ഹിന്ദി ഡിപ്ലോമ ഇന്‍ എലിമെന്ററി എഡ്യൂക്കേഷന്‍ കോഴ്‌സിന് അപേക്ഷിക്കാം. 50 ശതമാനം മാര്‍ക്കോടുകൂടിയുള്ള പ്ലസ് ടൂ, രണ്ടാംഭാഷ ഹിന്ദി അല്ലെങ്കില്‍ ഭൂഷണ്‍, സാഹിത്യവിശാരദ്, പ്രവീണ്‍, സാഹിത്യാചാര്യ എന്നിവയുള്ളവര്‍ക്ക് അപേക്ഷിക്കാം. അവസാന തീയതി ജനുവരി 20. അപേക്ഷകള്‍ പ്രിന്‍സിപ്പാള്‍, ഭാരത് ഹിന്ദി പ്രചാര കേന്ദ്രം, അടൂര്‍ പോസ്റ്റ്, പത്തനംതിട്ട എന്ന വിലാസത്തില്‍ അയക്കണം. ഫോണ്‍ : 8547126028