വടകര താലൂക്ക് ഓണ്‍ലൈന്‍ പരാതി പരിഹാര അദാലത്ത് നാളെ (ജനുവരി 15)  രാവിലെ 10 മണി മുതല്‍ നടത്തും. ഇന്ന് (ജനുവരി 14) വൈകീട്ട് അഞ്ചിനകം  രജിസ്ട്രേഷന്‍ നടത്തണം. അക്ഷയ സെന്റര്‍ ജീവനക്കാര്‍ പരാതി രജിസ്ട്രേഷന്‍ നടത്തണം. ജീവനക്കാര്‍ അനുവദിക്കുന്ന സമയപ്രകാരം പരാതിക്കാരന്‍ തൊട്ടടുത്തുള്ള അക്ഷയ സെന്ററില്‍ അദാലത്ത് ദിവസം പരാതിയുടെ പകര്‍പ്പുമായി ഹാജരാകണം. വീഡിയോ കോണ്‍ഫറന്‍സ് വഴിയാണ് അദാലത്ത് സംഘടിപ്പിക്കുന്നത്്. ജില്ലയിലെ എല്‍.എസ്.ജി.ഡി ഉദ്യോഗസ്ഥര്‍ അടക്കം എല്ലാ വകുപ്പുകളിലെയും ജില്ലാതല ഉദ്യോഗസ്ഥര്‍ വീഡിയോ കോണ്‍ഫറന്‍സില്‍ പങ്കെടുക്കണമെന്ന് ജില്ലാ കലക്ടര്‍ അറിയിച്ചു.

'ജല്‍ ജീവന്‍' പദ്ധതിയുടെ ഭാഗമായി തലക്കുളത്തൂര്‍ ഗ്രാമ പഞ്ചായത്തിലേക്ക് ശുദ്ധജലം നല്‍കുന്നതിനായി ജെ.ബി.ഐ.സി  പദ്ധതിയുടെ പ്രധാന ജലവിതരണ കുഴലില്‍ ഇന്റര്‍കണക്ഷന്‍ പ്രവൃത്തി ചെയ്യുന്നതിനാല്‍ കോഴിക്കോട് കോര്‍പ്പറേഷനിലെ എലത്തൂര്‍ മേഖലയിലും തലക്കുളത്തൂര്‍ പഞ്ചായത്തിലേക്കുമുള്ള ശുദ്ധജലവിതരണം നാളെ (ജനുവരി 15) മുടങ്ങും.   ഈ ദിവസത്തേക്ക് ആവശ്യമായ ശുദ്ധജലം എല്ലാ ഉപഭോക്താക്കളും ശേഖരിച്ചുവെക്കണമെന്ന് റൂറല്‍ വാട്ടര്‍ സപ്ലൈ സബ് ഡിവിഷന്‍ അസിസ്റ്റന്റ് എക്സിക്യുട്ടീവ് എഞ്ചിനീയര്‍ അറിയിച്ചു.
 

ഐ.എച്ച്.ആര്‍.ഡി. നടത്തുന്ന ഡിപ്ലോമ ഇന്‍ കമ്പ്യൂട്ടറൈസ്ഡ് ഫിനാന്‍ഷ്യല്‍ അക്കൗണ്ടിംഗ് കോഴ്സിന്റെ 2020 സ്‌കീം സെമസ്റ്റര്‍ പരീക്ഷ ജനുവരി മാസം അവസാനം കോവിഡ് മാനദണ്ഡങ്ങള്‍ പൂര്‍ണ്ണമായും പാലിച്ചുകൊണ്ട് നടത്തുമെന്ന് ഡയറക്ടര്‍ അറിയിച്ചു.  പരീക്ഷാ ടൈംടേബിള്‍  പ്രസിദ്ധീകരിച്ചു. വിശദവിവരം www.ihrd.ac.in ല്‍ ലഭ്യമാണ്.
 

ആദ്യ ഘട്ട കോവിഡ് വാക്സിനുകള്‍ ജില്ലയിലെത്തി.   പൂനെ സെറം ഇന്‍സ്റ്റിറ്റ്യൂട്ടില്‍ വികസിപ്പിച്ച വാക്സിന്‍ വൈകീട്ട് നാലു മണിയോടു കൂടിയാണ് മലാപ്പറമ്പിലെ റീജ്യണല്‍ വാക്‌സിന്‍ സ്റ്റോറിലെത്തിച്ചത്. വിമാന മാര്‍ഗ്ഗം രാവിലെ പത്തേമുക്കാലോടെ നെടുമ്പാശ്ശേരി വിമാനത്താവളത്തിലെത്തിച്ച് അവിടെ നിന്നും പ്രത്യേകം സജ്ജീകരിച്ച ട്രക്കിലാണ് വാക്‌സിന്‍ കോഴിക്കോട്ടെത്തിച്ചത്.  ആര്‍.സി.എച്ച് ഓഫീസര്‍ ഡോ.മോഹന്‍ദാസ് വാക്സിന്‍ ഏറ്റുവാങ്ങി.

ആലപ്പുഴ :കുടുംബശ്രീ ബ്രോയ്‌ലര്‍ ഫാര്‍മേഴ്‌സ് പ്രൊഡ്യൂസര്‍ കമ്പനി ലിമിറ്റഡ് (കേരള ചിക്കന്‍ )  കമ്പനിയുടെ പ്രവര്‍ത്തനങ്ങള്‍ കാര്യക്ഷമമായി നടത്തുന്നതിനും ഏകോപിപ്പിക്കുന്നതിനും  ആലപ്പുഴ ജില്ലയില്‍ ലിഫ്റ്റിങ് സൂപ്പര്‍വൈസര്‍, മാര്‍ക്കറ്റിങ് എക്‌സിക്യൂട്ടീവ് തസ്തികകളിലേക്ക് ഒരുവര്‍ഷക്കാലയളവില്‍ കരാര്‍ അടിസ്ഥാനത്തില്‍ ജോലി ചെയ്യുന്നതിന് അപേക്ഷകള്‍ ക്ഷണിച്ചു. വിശദവിവരങ്ങള്‍ WWW.keralachicken.org.in എന്ന വെബ്‌സൈറ്റില്‍ ലഭ്യമാണ്.

നേരിട്ടുള്ള സമ്പര്‍ക്കത്തിലൂടെ 681 പേര്‍ക്ക്
ആരോഗ്യമേഖലയില്‍ ഒരാള്‍ക്കും
12 പേര്‍ക്ക് ഉറവിടമറിയാതെ രോഗബാധ
രോഗബാധിതരായി ചികിത്സയില്‍ 4,787 പേര്‍
ആകെ നിരീക്ഷണത്തിലുള്ളത് 21,294 പേര്‍

ആലപ്പുഴ : സുഭിക്ഷ കേരളം പദ്ധതിയില്‍ ഉള്‍പ്പെടുത്തി കാര്‍ഷിക കര്‍മ്മസേനയും തൊഴിലുറപ്പ് തൊഴിലാളികളും ചേര്‍ന്ന് തരിശു കിടന്നിരുന്ന രണ്ടര ഏക്കര്‍ സ്ഥലത്തെ കാടുവെട്ടിയൊരുക്കി കാന്താരി കൃഷിക്കു സജ്ജമാക്കി. കൃഷ്ണപുരം പഞ്ചായത്തിലെ എട്ടാം വാര്‍ഡില്‍ മാവനകുറ്റി പുരയിടത്തിലാണ് കാന്താരി കൃഷിക്കും ഇടവിളയായി കപ്പ കൃഷിക്കുമായി നിലമൊരുക്കിയത്. ട്രാക്ടര്‍ ഉപയോഗിച്ച് നിലം കിളച്ചാണ് വര്‍ഷങ്ങളായി കാടുപിടിച്ച് തരിശുകിടന്ന പുരയിടം കൃഷിക്കായി സജ്ജമാക്കിയത്. കാന്താരി കൃഷിയിറക്കല്‍ ചടങ്ങില്‍ പുരയിടത്തിന്റെ ഉടമ മായ അനിരുദ്ധന്‍, വാര്‍ഡ് അംഗം റ്റി സഹദേവന്‍, കൃഷ്ണപുരം കൃഷിഭവന്‍ ഉദ്യോഗസ്ഥര്‍, കാര്‍ഷിക വികസന സമിതി അംഗങ്

ജില്ലാ വികസന സമിതി യോഗം ജനുവരി 30ന് രാവിലെ 11ന് ഗൂഗിള്‍ മീറ്റ് വഴി നടക്കും.  എല്ലാ ജില്ലാതല ഓഫീസര്‍മാരും നിര്‍ബന്ധമായും പങ്കെടുക്കണമെന്ന് ജില്ലാ പ്ലാനിങ് ഓഫീസര്‍ അറിയിച്ചു.