കേരള മോട്ടോര്‍ തൊഴിലാളി ക്ഷേമനിധി ബോര്‍ഡില്‍ അംഗത്വമെടുത്ത തൊഴിലാളികള്‍ക്ക് നിബന്ധനങ്ങള്‍ക്ക്  വിധേയമായി എല്ലാതരം കുടിശ്ശികയും 9 ശതമാനം പലിശ സഹിതം ഒടുക്കുന്നതിനുള്ള കാലാവധി മാര്‍ച്ച്   31 വരെ ദീര്‍ഘിപ്പിച്ചു. ഫോണ്‍ 04936 206355.

 വാക്സിന്‍ വിതരണത്തിന്റെ ഇടുക്കി ജില്ലാതല ഉദ്ഘാടനം ഡീന്‍ കുര്യാക്കോസ് എം പി തൊടുപുഴ ജില്ലാ ആശുപത്രിയില്‍ ഇന്ന് (16) 10.30ന് നിര്‍വഹിക്കും. പിജെ ജോസഫ് എംഎല്‍ എ യോഗത്തിന് അധ്യക്ഷത വഹിക്കും. ജില്ലാ കളക്ടര്‍ എച്ച് ദിനേശന്‍, ജില്ലാ മെഡിക്കല്‍ ഓഫീസര്‍ ഡോ എന്‍ പ്രിയ,  ത്രിതല പഞ്ചായത്ത് പ്രതിനിധികള്‍ തുടങ്ങിയവര്‍  പങ്കെടുക്കും. ജില്ലയിലെ ബാക്കി 8 വിതരണ കേന്ദ്രങ്ങളിലും 10.30 യ്ക്ക് അതത് പ്രദേശത്തെ ജനപ്രതിനിധികളുടെ നേതൃത്വത്തില്‍ പരിപാടി സംഘടിപ്പിക്കും.

ഫിലമെന്റ് രഹിതകേരള പദ്ധതി   ഉദുമ പഞ്ചായത്ത് പഞ്ചായത്ത് ഓഫീസില്‍  പ്രസിഡണ്ട് പി ലക്ഷ്മി ഉദ്ഘാടനം ചെയ്തു. കെ എസ് ഇ ബി  അസിസ്റ്റന്റ് എഞ്ചിനീയര്‍ ഉദുമ സാലി മോന്‍,  അസിസ്റ്റന്റ് എക്‌സിക്യൂട്ടീവ് എഞ്ചിനീയര്‍ രമേശ് ഒ വി എന്നിവര്‍ സംസാരിച്ചു.

മത്സ്യത്തൊഴിലാളി ക്ഷേമനിധി ബോര്‍ഡില്‍ നിന്നും വിധവാ പെന്‍ഷന്‍ വാങ്ങുന്നവര്‍ പുനര്‍വിവാഹം ചെയ്തിട്ടില്ലെന്നു തെളിയിക്കുന്ന സര്‍ട്ടിഫിക്കറ്റ് ജനുവരി 20 നകം ബന്ധപ്പെട്ട ഫിഷറീസ് ഓഫീസില്‍ സമര്‍പ്പിക്കണം.  ഫോണ്‍:  0497 2734587.

കിലയുടെ നവകേരളത്തിനായി ഗ്രാമ പഞ്ചായത്തുകള്‍ എന്ന   കൈപ്പുസ്തകത്തിന്റെ  കന്നഡ പതിപ്പ് ഇന്ന് (ജനുവരി 16) രാവിലെ 10.30 ന് മധൂര്‍ ഗ്രാമപഞ്ചായത്ത് ഹാളില്‍ ജില്ലാ പഞ്ചായത്ത് പ്രസിഡന്റ് ബേബി ബാലകൃഷ്ണന്‍ പ്രകാശനം ചെയ്യും. 

കാസര്‍കോട് ജില്ലയില്‍ മൃഗസംരക്ഷണ വകുപ്പിന്റെ കീഴില്‍ കാറഡുക്ക, പരപ്പ, നീലേശ്വരം എന്നീ  ബ്ലോക്കുകളില്‍ വൈകിട്ട് ആറ് മുതല്‍ രാവിലെ ആറ് വരെ മൃഗചിത്സാ സേവനം നല്‍കുന്നതിന് വെറ്ററിനറി ഡോക്ടര്‍മാരെ നിയമിക്കുന്നു.  വെറ്ററിനറി സയന്‍സില്‍ ബിരുദവും, വെറ്ററിനറി കൗണ്‍സിലില്‍ രജിസ്‌ട്രേഷനുമാണ് യോഗ്യത.  താല്‍പര്യമുളളവര്‍ക്ക് ജനുവരി 20 ന് രാവിലെ 10.30 ന് കാസര്‍കോട് സിവില്‍ സ്റ്റേഷനിലെ  ജില്ലാ മൃഗസംരക്ഷണ ഓഫീസില്‍ നടക്കുന്ന  കൂടിക്കാഴ്ചയില്‍ പങ്കെടുക്കാം.  ഫോണ്‍:  04994 255483.

ജനുവരി 18 ന് നടത്താനിരുന്ന അഡ്‌ഹോക് ജില്ലാ ആസൂത്രണ സമിതി യോഗം ജനുവരി 21 ന് രാവിലെ 10 ന് ജില്ലാ ആസൂത്രണ സമിതി കോണ്‍ഫറന്‍സ് ഹാളില്‍ നടക്കും. 

ജില്ലയില്‍ വനംവകുപ്പ്  ഫോറസ്റ്റ് ഡ്രൈവര്‍ പാര്‍ട്ട് ഒന്ന് ( കാറ്റഗറി നനമ്പര്‍ 120/2017 ) തസ്തികയിലേക്ക് നടത്തിയ ഒ എം ആര്‍ പരീക്ഷയുടെ സാധ്യതാ പട്ടിക പ്രസിദ്ധീകരിച്ചു.

വെള്ളിക്കോത്ത് ഗ്രാമീണ സ്വയം തൊഴില്‍ പരിശീലന കേന്ദ്രത്തില്‍   സി സി ടി വി ഇന്‍സ്റ്റാളേഷന്‍ സൗജന്യ പരിശീലനത്തിന് അപേക്ഷിക്കാം. ജനുവരി 27 വരെ അപേക്ഷ സ്വീകരിക്കും. ഫോണ്‍: 04672268240, 9544695251