സംസ്ഥാന സര്‍ക്കാരിന്റെ വികസന പദ്ധതികളുടെ പ്രചരണാര്‍ഥം കാസര്‍കോട് ജില്ലാ ഇന്‍ഫര്‍മേഷന്‍ ഓഫീസ് സംഘടിപ്പിക്കുന്ന ജില്ലാതല പ്രാദേശിക വികസന ക്യാംപെയ്നിന്റെ ഭാഗമായി നിര്‍മ്മിക്കുന്ന 15 മിനിറ്റില്‍ കുറയാത്ത ദൈര്‍ഘ്യമുള്ള വീഡിയോ ചിത്രീകരണത്തിന്റെ സ്‌ക്രിപ്റ്റിങ്, ചിത്രീകരണം, എഡിറ്റിങ് ഉള്‍പ്പെടെ ചെയ്യുന്നതിന് ക്വട്ടേഷന്‍ ക്ഷണിച്ചു. മുന്‍പരിചയമുള്ളവര്‍ക്ക് മുന്‍ഗണനയുണ്ട്. അവസാന തിയ്യതി ജനുവരി 18. ഫോണ്‍ 04994 255145

* വാക്‌സിനേഷൻ കേന്ദ്രത്തിൽ പുറമേനിന്ന് ആരെയും പ്രവേശിപ്പിക്കില്ല

** ഫോട്ടോ, വിഡിയോ അനുവദിക്കില്ല

ജില്ലയിൽ കോവിഡ് വാക്‌സിനേഷൻ നടക്കുന്ന 11 കേന്ദ്രങ്ങളിലും ശുചിത്വവും സുരക്ഷാ പ്രോട്ടോക്കോളും കർശനമായി നടപ്പാക്കുമെന്നു ജില്ലാ കളക്ടർ ഡോ. നവ്‌ജ്യോത് ഖോസ. ആരോഗ്യ - കുടുംബക്ഷേമ മന്ത്രാലയത്തിന്റെ മാർഗനിർദേശങ്ങളും പ്രോട്ടോക്കോളും കർശനമായി പാലിച്ചാകും നടപടിക്രമമെന്നും കളക്ടർ പറഞ്ഞു. 

കുമ്പള സി.എച്ച്.സി, ആരിക്കാടി പി.എച്ച്.സിയുടെ ആഭിമുഖ്യത്തില്‍  കിടപ്പു രോഗികള്‍ക്ക് ഭക്ഷ്യകിറ്റും, പുതപ്പും, പ്രോട്ടീന്‍ പൗഡറും നല്‍കി പാലിയേറ്റീവ് ദിനം ആചരിച്ചു. ഗ്രാമ പഞ്ചായത്തില്‍ 568 പാലിയേറ്റീവ് രോഗികളില്‍  156 കിടപ്പു രോഗികള്‍ക്കും 126 കാന്‍സര്‍ രോഗികള്‍ക്കും ഡയാലിസിസ് ചെയ്യുന്ന 16 പേര്‍ക്കും ആരോഗ്യപ്രവര്‍ത്തകര്‍ സംഭരിച്ച സാധനങ്ങള്‍ രോഗികളുടെ വീടുകളില്‍ എത്തിച്ചു നല്‍കും. കുമ്പള സി.എച്ച്.സിയിലെ ജീവനക്കാര്‍, മൊഗ്രാല്‍ ദേശീയവേദി, കുമ്പള വ്യാപാരി വ്യവസായി, ക്യാരിഫ്രഷ് തുടങ്ങിയ വ്യക്തികളും സംഘടനകളുമാണ് രോഗികള്‍ക്ക് ആവശ്യമുള്ള സാധനങ്ങള്‍ നല്‍കിയത്.

ഫുട്ബാൾ, വോളിബാൾ കോർട്ടുകൾ

കാട്ടാക്കട ഗ്രാമപഞ്ചായത്തിലെ അമ്പലത്തിൽകാലയിൽ ആധുനിക സിന്തറ്റിക് മൾട്ടി പർപ്പസ് സ്റ്റേഡിയം യാഥാർഥ്യമാകുന്നു . ഐ. ബി സതീഷ് എം. എൽ. എ യുടെ ആസ്തി വികസന ഫണ്ടിൽ നിന്നും 52 ലക്ഷം രൂപ ചെലവിട്ടാണ് അത്യാധുനിക സൗകര്യങ്ങളുള്ള മൾട്ടി പർപ്പസ് സ്റ്റേഡിയം നിർമിക്കുന്നത്. സ്റ്റേഡിയത്തിന്റെ നിർമ്മാണോദ്ഘാടനം ഐ. ബി സതീഷ് എം. എൽ. എ നിർവഹിച്ചു.  പ്രദേശത്തെ കായിക മേഖലയ്ക്ക് പുത്തനുണർവേകുന്ന  പദ്ധതി മൂന്ന് മാസം കൊണ്ട് പൂർത്തിയാക്കുമെന്ന്   എം.എൽ.എ പറഞ്ഞു.

കാസര്‍കോട് റൈഫിള്‍ അസോസിയേഷന്‍ ജില്ലാ ഷൂട്ടിങ് ചാമ്പ്യന്‍ഷിപ്പ് ഫെബ്രുവരി ഏഴിന് രാവിലെ എട്ടിന് അമ്പലത്തറയിലെ അസോസിയേഷന്‍ റേഞ്ചില്‍ നടക്കുമെന്ന് റൈഫിള്‍ അസോസിയേഷന്‍ ജില്ലാ പ്രസിഡന്റ് കൂടിയായ ജില്ലാ കളക്ടര്‍ ഡോ ഡി സജിത് ബാബു പത്രസമ്മേളനത്തില്‍ അറിയിച്ചു. അസോസിയേഷന്‍ മെമ്പര്‍മാരെ കൂടാതെ താലൂക്ക് റൈഫിള്‍ ക്ലമ്പിന്റെ ശുപാര്‍ശയോടെ വരുന്ന 50 പേര്‍ക്കും ചാമ്പ്യന്‍ഷിപ്പില്‍ പങ്കെടുക്കാന്‍ അവസരമുണ്ട്. ജനുവരി 31 നകം പേര് രജിസ്റ്റര്‍ ചെയ്യുന്ന 50 പേര്‍ക്കാണ് അവസരം.

കരമന - കളിയിക്കാവിള ദേശീയപാത വികസനത്തിന്റെ ഭാഗമായ പ്രാവച്ചമ്പലം മുതൽ കൊടിനടവരെയുള്ള രണ്ടാം ഘട്ട റോഡ് വികസനത്തിന്റെ നിർമാണം പൂർത്തിയായി. നിർമാണ പുരോഗതി വിലയിരുത്തുന്നതിനായി ഐ.ബി.സതീഷ് എം.എൽ.എ, ഊരാളുങ്കൽ ചെയർമാൻ രമേശൻ പാലേരി,  ഡയറക്റ്റർമാരായ സുരേന്ദ്രൻ, രാജൻ, എൻ.എച്ച് എക്സിക്യൂട്ടീവ് എഞ്ചിനീയർ ഡോ. ജ്യോതീന്ദ്രനാഥ്, പൊതുമരാമത്ത് ഉദ്യോഗസ്ഥർ  തുടങ്ങിയവർ  സ്ഥലം സന്ദർശിച്ചു. ഈ മാസം അവസാനത്തോടെ   സംഘാടക സമിതി ചേർന്ന് ഫെബ്രുവരി ആദ്യവാരം നിർമാണ പ്രവർത്തനങ്ങളുടെ  ഉദ്ഘാടനം നടത്തുമെന്ന് ഐ.ബി.സതീഷ് എം.എൽ.എ അറിയിച്ചു.

തിരുവനന്തപുരത്ത് ഇന്ന് (15 ജനുവരി 2021) 301 പേര്‍ക്കു കൂടി കോവിഡ് 19 സ്ഥിരീകരിച്ചു. 321 പേര്‍ രോഗമുക്തരായി. നിലവില്‍ 3,527 പേരാണു രോഗം സ്ഥിരീകരിച്ചു ചികിത്സയില്‍ കഴിയുന്നത്.

ഇന്നു രോഗം സ്ഥിരീകരിച്ചവരില്‍ 189 പേര്‍ക്കു സമ്പര്‍ക്കത്തിലൂടെയാണു രോഗബാധയുണ്ടായത്. ഇതില്‍ 9 പേര്‍ ആരോഗ്യപ്രവര്‍ത്തകയാണ്.

രോഗലക്ഷണങ്ങളെത്തുടര്‍ന്നു ജില്ലയില്‍ 1,690 പേരെക്കൂടി നിരീക്ഷണത്തിലാക്കി. ഇവരടക്കം ആകെ 20,305 പേര്‍ വീടുകളിലും 76 പേര്‍ സ്ഥാപനങ്ങളിലും ക്വാറന്റൈനില്‍ കഴിയുന്നുണ്ട്. ഇന്നലെവരെ നിരീക്ഷണത്തിലുണ്ടായിരുന്ന 1,314 പേര്‍ രോഗലക്ഷണങ്ങളില്ലാതെ നിരീക്ഷണകാലം പൂര്‍ത്തിയാക്കി.

ഓരോ ആൾക്കും 0.5 എം.എൽ. കോവീഷീൽഡ് വാക്സിനാണ് കുത്തിവയ്പ്പിലൂടെ നൽകുന്നത്. ആദ്യ ഡോസ് എടുത്തു കഴിഞ്ഞാൽ 28 ദിവസം കഴിഞ്ഞാണ് അടുത്ത ഡോസ് നൽകുക. രണ്ടു ഡോസും എടുത്താലേ ഉദ്ദേശിച്ച ഫലം ലഭിക്കൂ.

ഒരാൾക്ക് 4 മിനിറ്റ് മുതൽ 5 മിനിറ്റ് വരെ

കോവിഡ്-19 വാക്സിനേഷന്റെ ആദ്യഘട്ടത്തിന് ഇന്ന് (ജനുവരി 16) രാവിലെ തുടക്കമാവും. വാക്സിനേഷനുള്ള ഒരുക്കങ്ങള്‍ ജില്ലയില്‍ പൂര്‍ത്തിയായതായി ജില്ലാ കളക്ടര്‍ ഡോ. ഡി. സജിത് ബാബു അറിയിച്ചു. കാസര്‍കോട് ജനറല്‍ ആശുപത്രിയിലെ വാക്സിനേഷന്‍ കേന്ദ്രം കളക്ടര്‍ സന്ദര്‍ശിച്ച് ഒരുക്കങ്ങളില്‍ പൂര്‍ണ തൃപ്തി അറിയിച്ചു. വാക്സിനേഷന്‍ കേന്ദ്രങ്ങളില്‍ കാത്തിരിപ്പ് മുറി, രജിസ്ട്രേഷന്‍ കൗണ്ടര്‍, വാക്സിനേഷന്‍ മുറി എന്നിവയ്ക്ക് പുറമെ വാക്സിന്‍ സ്വീകരിച്ചവരെ അര മണിക്കൂര്‍ നിരീക്ഷിക്കുന്നതിനായി നിരീക്ഷണ മുറിയും സജ്ജമാക്കിയിട്ടുണ്ട്.

കാസര്‍കോട് മെഡിക്കല്‍ കോളേജില്‍ കൂടുതല്‍ തസ്തികകള്‍

കാസര്‍കോട് കെ എസ് ഐ ഡി സി ഇന്‍ഡസ്ട്രിയല്‍ പാര്‍ക്ക്