ജില്ലയില്‍ പോലീസ്/ഫയര്‍ ആന്റ് റസ്‌ക്യൂ സര്‍വീസസ് വകുപ്പുകളില്‍ ഒഴിവു വരുന്ന ഹോംഗാര്‍ഡ് വിഭാഗത്തിലേക്ക് വനിതാ ഉദ്യോഗാര്‍ത്ഥികളില്‍ നിന്ന് അപേക്ഷ ക്ഷണിച്ചു. സൈനിക,അര്‍ദ്ധ സൈനിക വിഭാങ്ങള്‍, മറ്റ് ഫോഴ്‌സുകളില്‍ നിന്നും വിരമിച്ചവരായിരിക്കണം. പ്രായ പരിധി 35 മുതല്‍ 58 വരെ.   അവസാന തീയതി ജനുവരി 31. കായിക ക്ഷമതാ പരിശോധനയുടെ അടിസ്ഥാനത്തിലായിരിക്കും നിയമനം. അപേക്ഷയുടെ മാതൃക ജില്ലാ ഫയര്‍ ഓഫീസില്‍ ലഭിക്കും. ഫോണ്‍ 04936 203101.
 

കുടുംബശ്രീയുടെ കീഴില്‍ പ്രവര്‍ത്തിക്കുന്ന ജൈവകൃഷിലോക്കല്‍ ഗ്രൂപ്പുകള്‍ക്ക് ഫീല്‍ഡ്തലത്തില്‍മാര്‍ഗ്ഗ നിര്‍ദ്ദേശങ്ങളും, സാങ്കേതികസഹായങ്ങളും നല്‍കുന്നതിനായി ക്ലസ്റ്റര്‍ ലെവല്‍ കോ-ഓര്‍ഡിനേറ്റര്‍മാരെ തെരഞ്ഞെടുക്കുന്നു.  അപേക്ഷകര്‍ക്ക് പ്രീഡിഗ്രി, വി.എച്ച്.എസ്.സി അല്ലെങ്കില്‍ തത്തുല്യ വിദ്യാഭ്യാസ യോഗ്യതയും, അടിസ്ഥാന കമ്പ്യൂട്ടര്‍, ഇന്റര്‍നെറ്റ് പരിജ്ഞാനവും നിര്‍ബന്ധമാണ്. അപേക്ഷകര്‍ കുടുംബശ്രീ അയല്‍ക്കൂട്ടത്തില്‍ അംഗമായിരിക്കണം.  ജോലിചെയ്യുന്ന ദിവസത്തേക്ക് മാത്രമായി ദിവസം 250 രൂപ ഓണറേറിയയവൂം യഥാര്‍ത്ഥ യാത്രാബത്തയും അനുവദിക്കുന്നതാണ്.

ജില്ലാ ഇന്‍ഫര്‍മേഷന്‍ ഓഫീസ് വികസന ക്ഷേമപ്രചാരണത്തിന് സ്ഥാപന ങ്ങളില്‍ നിന്നോ വ്യക്തികളില്‍ നിന്നോ താല്‍പ്പര്യപത്രം ക്ഷണിച്ചു. ജനുവരി, ഫെബ്രുവരി മാസങ്ങളില്‍ പ്രചാരണം നടത്തേണ്ടതുണ്ട്.

1. അഞ്ചുമിനിറ്റ് ദൈര്‍ഘ്യമുളള ജില്ലയുടെ വികസന വീഡിയോ ചിത്രമാണ് നിര്‍മ്മിക്കേണ്ടത്. കേബിള്‍ ടി.വി, സോഷ്യല്‍ മീഡിയ, മൊബൈല്‍ ഡിസ്‌പ്ലേ യൂണിറ്റ് എന്നിവയില്‍ സംപ്രേഷണം ചെയ്യാന്‍ കഴിയുന്ന (ഫോര്‍മാറ്റ്) മാതൃകയിലായിരിക്കണം ചിത്രീകരിക്കേണ്ടത്.

കേരള സംസ്ഥാന സാക്ഷരതാ മിഷന്‍ അതോറിറ്റിയുടെ നേതൃത്വത്തില്‍ നടത്തുന്ന ഗുഡ് ഇംഗ്ലീഷ്, പച്ചമലയാളം സര്‍ട്ടിഫിക്കറ്റ് കോഴ്‌സുകളുടെ പരീക്ഷ ജനുവരി 16, 17  തീയതികളിലായി നടക്കും.  കോവിഡ് മാനദണ്ഡങ്ങള്‍ പാലിച്ചായിരിക്കും പരീക്ഷ..  16 ന് എഴുത്തു പരീക്ഷയും, 17 ന് വാചാ പരീക്ഷയുമാണ്.  ഗവ. ഹൈസ്‌കൂള്‍ മറയൂര്‍ പച്ചമലയാളം കോഴ്‌സിന്റേയും, ജി,വി.എച്ച്.എസ്.എസ് തൊടുപുഴ ഗുഡ് ഇംഗ്ലീഷ് കോഴ്‌സിന്റേയും പരീക്ഷാ കേന്ദ്രങ്ങളാണ്.  രാവിലെ 10 ന് പരീക്ഷ ആരംഭിക്കും. 15 മിനിട്ട് പഠിതാക്കള്‍ക്ക് ചോദ്യം വായിച്ച് മനസ്സിലാക്കാനായി അനുവദിക്കും. 1.30 മണിക്കൂറാണ് പരീക്ഷാ സമയം.

2019 ജനുവരി മുതല്‍ അംശദായം കുടിശികയായി അംഗത്വം റദ്ദായ ലോട്ടറി ക്ഷേമനിധി അംഗങ്ങള്‍ക്ക് ഫെബ്രുവരി 28 വരെ പിഴ സഹിതം അംശദായമടച്ച് അംഗത്വം പുനസ്ഥാപിക്കാം.  പുതുക്കുന്നതിനായി അംഗത്വ പാസ്ബുക്ക്, ടിക്കറ്റ് അക്കൗണ്ട് ബുക്ക് എന്നിവയുമായി ഹാജരാകണം.  കൂടാതെ വിദ്യാഭ്യാസ അവാര്‍ഡ്, സ്‌കോളര്‍ഷിപ്പ് എന്നിവയുടെ അപേക്ഷകള്‍ ഫെബ്രുവരി 15 വരെ സ്വീകരിക്കുമെന്ന് ജില്ലാ ഭാഗ്യക്കുറി ക്ഷേമനിധി ഓഫീസര്‍ അറിയിച്ചു.
 

  തൊടുപുഴ: കോവിഡ്-19 ന്റെ  പശ്ചാത്തലത്തില്‍ ഓണ്‍ലൈന്‍ ക്ലാസ്സുകള്‍ കൈകാര്യം ചെയ്യുന്നതിന് അധ്യാപകരെ പ്രാപ്തരാക്കുക എന്ന ലക്ഷ്യത്തോട് സമഗ്രശിക്ഷ കേരള ആവിഷ്‌കരിച്ച ഓണ്‍ലൈന്‍ പരിശീലന പദ്ധതി ''ഡിജിഫിറ്റിന് '' ഇടുക്കി ജില്ലയില്‍ തുടക്കമായി .വിവിധ ബ്ലോക്ക്  റിസോഴ്‌സ് സെന്ററുകളുടെ  കീഴില്‍ ആവശ്യമായ മുഴുവന്‍ അധ്യാപകര്‍ക്കും പരിശീലനം നല്‍കുന്നതിനുളള ഡി.ആര്‍.ജി പരിശീലനം  ജില്ലയില്‍ പൂര്‍ത്തിയായി. തൊടുപുഴ മുനിസിപ്പല്‍ ചെയര്‍മാന്‍  സനീഷ് ജോര്‍ജ് അധ്യക്ഷനായ യോഗത്തില്‍ ഇടുക്കി ജില്ലാ പഞ്ചായത്ത് പ്രസിഡന്റ് ജിജി കെ ഫിലിപ്പ് പരിശീലനം ഉദ്ഘാടനം ചെയ്തു.

രക്തദാനത്തിനു താത്പര്യമുള്ളവരുടെ ഡയറക്ടറി തായ്യാറാക്കുന്നതിനും കായിക രംഗത്ത് അഭിരുചിയുള്ളവരെ  സംബന്ധിച്ച്  വിവിധ  ഏജന്‍സികള്‍ വഴി ശേഖരിച്ച വിവരങ്ങള്‍ മൊബൈല്‍ വഴി ഡാറ്റ എന്‍ട്രി ചെയ്യുന്നതിനും യുവജനങ്ങളുടെ സേവനം ആവശ്യമുണ്ട്. താത്പര്യമുള്ള യുവജനങ്ങളും വീട്ടമ്മമാരും പേര്, ഈമെയില്‍, മൊബൈല്‍ നമ്പര്‍ എന്നിവ 9188010343  എന്ന നമ്പറില്‍ വാട്ട്‌സ് ആപ്പ് സന്ദേശമായി  അയക്കുക.  

ജനുവരി 27ന് ഇടുക്കി കുടുംബശ്രീ മിഷനില്‍   നടത്തുമെന്നറിയിച്ചിരുന്ന സ്മാര്‍ട്ട് അഗ്രി വില്ലേജ് ആര്‍.പി, ഓര്‍ഗാനിക്ക് ഫാര്‍മിംഗ് ആര്‍.പി എന്നീ തസ്തികയിലേക്കുള്ള കൂടിക്കാഴ്ച മാറ്റി വച്ചു.