കൊച്ചി: തൈറോയ്ഡ് ഗ്രന്ധിയുടെ പ്രവര്‍ത്തന തകരാറ് മൂലം ഉണ്ടാകുന്ന ഹൈപ്പോതൈറോയ്ഡ് (രോഗികളില്‍ മരുന്ന് കഴിച്ചുകൊണ്ടിരിക്കുന്നവരില്‍) കാണുന്ന അമിതവണ്ണം, അമിത ക്ഷീണം, മുടികൊഴിച്ചില്‍, സന്ധിവേദന, ഉല്‍ക്കണ്ഠ, വരണ്ട ചര്‍മ്മം, മലബന്ധം എന്നിവയെ കമിപ്പിക്കുന്നതിനുളള യോഗാ പരിശീലനം ഗവേഷണാടിസ്ഥാനത്തില്‍ സൗജന്യമായി തൃപ്പൂണിത്തുറ ഗവ: ആയുര്‍വേദ കോളേജ് ആശുപത്രിയിലെ സ്വസ്ഥവൃത്ത വിഭാഗത്തിന്റെ ഒ.പി നമ്പര്‍ ഏഴില്‍ ലഭ്യമാണ്.  പ്രായം 20 നും 60 നും മധ്യേ. കൂടുതല്‍ വിവരങ്ങള്‍ക്ക് ഫോണ്‍ 9946019797.

കൊച്ചി: 15 നും 20 നും മധ്യേ പ്രായമുളള പെണ്‍കുട്ടികളില്‍ ആര്‍ത്തവത്തോടനുബന്ധിച്ചുണ്ടാതുന്ന അടിവയറുവേദന, നടുവേദന, ഛര്‍ദ്ദി, തലകറക്കം മുതലായ അസ്വസ്ഥതകള്‍ ഒഴിവാക്കുന്നതിനനുയോജ്യമായ ആരോഗ്യകരമായ ആഹാരക്രമീകരണവും യോഗ പരിശീലനവും തൃപ്പൂണിത്തുറ ഗവ: ആയുര്‍വേദ കോളേജ് ആശുപത്രിയിലെ സ്വസ്ഥവൃത്ത വിഭാഗത്തിന്റെ ഒ.പി നമ്പര്‍ ഏഴില്‍ ഗവേഷണാടിസ്ഥാനത്തില്‍ സൗജന്യമായി ലഭ്യമാണ്. കൂടുതല്‍ വിവരങ്ങള്‍ക്ക് ഫോണ്‍ 9567982778.

കൊച്ചി: മുനമ്പം ഫിഷിംഗ് ഹാര്‍ബര്‍ മാനേജ്‌മെന്റ് സൊസൈറ്റിയുടെ മുനമ്പത്തുളള ടോയ്‌ലറ്റ് ബ്ലോക്ക്  2021  ഫെബ്രുവരി ഒന്നു മുതല്‍ 2022 ജനുവരി 31 വരെ വാടകയ്ക്ക് നല്‍കുന്നതിന് മത്സരസ്വഭാവമുളള ക്വട്ടേഷനുകള്‍ ക്ഷണിച്ചു. ക്വട്ടേഷനുകള്‍ സ്വീകരിക്കുന്ന അവസാന തീയതി ജനുവരി 21 വൈകിട്ട് മൂന്നു വരെ. കൂടുതല്‍ വിവരങ്ങള്‍ക്ക് ഫോണ്‍0484-2967371.

എറണാകുളം: കേന്ദ്ര ജല ശക്തി അഭിയാൻ്റെ ക്യാച്ച് ദ റെയിൻ ക്യാമ്പയിൻ്റെ ജില്ലാതല ഉദ്ഘാടനം കലക്ടർ എസ് സുഹാസ്  നിർവഹിച്ചു. ശുദ്ധജലം  സംഭരിക്കാനുള്ള ശാസ്ത്രീയ മാർഗങ്ങളെക്കുറിച്ച് വിദഗ്ധർ ക്ലാസുകൾ നയിച്ചു. മഴക്കാലത്ത് വെള്ളപ്പൊക്കമുണ്ടാകുന്ന നാട്ടിൽ വേനൽ കാലത്ത് ജലക്ഷാമമാണ് നേരിടുന്നത്. മഴക്കാലത്ത് ലഭിക്കുന്ന മഴവെള്ളം വേണ്ട രീതിയിൽ സംരക്ഷിക്കേണ്ടതാണെന്നും വിലയിരുത്തി. ഇതിനായി 
പൊതു, സ്വകാര്യ വ്യത്യാസം ഇല്ലാതെ ജില്ലയിലെ ജലസംഭരണികൾ മുഴുവൻ ഉപയോഗപ്പെടുത്തി ക്ഷാമത്തിന് പരിഹാരം കാണാനാണ് പദ്ധതി ലക്ഷ്യമിടുന്നത്. 

ആലപ്പുഴ: അമ്പലപ്പുഴ ഗവ :ആർട്സ് ആന്റ് സയൻസ് കോളേജിൽ സ്പോർട്സ് ക്വാട്ടയിൽ ബി. എ ഇക്കണോമിക്സ്, ബി. എസ്. സി മാത്‍സ് എന്നീ വിഷയങ്ങളിൽ ഓരോ സീറ്റ് ഒഴിവുണ്ട്. പ്രസ്തുത ഒഴിവിലേക്ക് കേരള സർവ്വകലാശാല അഡ്മിഷൻ പോർട്ടലിൽ രജിസ്റ്റർ ചെയ്തിട്ടുള്ള യോഗ്യരായവർ കായിക മികവ് തെളിയിക്കുന്ന 2018 ഏപ്രില്‍ 1നും 2020 മാര്‍ച്ച് 31നും ഇടയിലുള്ള കാലയളവിലെ സർട്ടിഫിക്കറ്റുകളുടെ അസ്സൽ രേഖകളുമായി ജനുവരി 18ന് തിങ്കളാഴ്ച രാവിലെ 11 മണിക്ക് ആലപ്പുഴ ജില്ലാ സ്പോർട്സ് കൗൺസിലില്‍ സർട്ടിഫിക്കറ്റ് പരിശോധനക്ക് എത്തിച്ചേരണം. വിശദ വിവരങ്ങൾക്ക് ഫോൺ : 0477 2253090.

ആലപ്പുഴ : അന്തരിച്ച കവി അനില്‍ പനച്ചൂരാന്‍ അനുസ്മരണം ജനുവരി 17ന് വൈകിട്ട് 5 മണിക്ക് ദേവികുളങ്ങര പഞ്ചായത്തിന്റെ ആഭിമുഖ്യത്തില്‍ ദേവി ഓഡിറ്റോറിയത്തില്‍ നടക്കും. യോഗം പൊതുമരാമത്ത് രജിസ്‌ട്രേഷന്‍ വകുപ്പ് മന്ത്രി ജി സുധാകരന്‍ ഉദ്ഘാടനം ചെയ്യും. അഡ്വ.യു പ്രതിഭ എം.എല്‍.എ, ദേവികുളങ്ങര ഗ്രാമപഞ്ചായത്ത് പ്രസിഡന്റ് എസ് പവനനാഥന്‍, കലാ സാംസ്‌കാരിക രംഗത്തെ പ്രമുഖര്‍, ജനപ്രതിനിധികള്‍ തുടങ്ങിയവര്‍ പങ്കെടുക്കും.