ജില്ലയില്‍ ഇന്നലെ(ജനുവരി 05) 435 പേര്‍ക്ക് കോവിഡ് സ്ഥിരീകരിച്ചു. 283 പേര്‍  രോഗമുക്തി നേടി. മുനിസിപ്പാലിറ്റികളില്‍ കരുനാഗപ്പള്ളി, പുനലൂര്‍ ഭാഗങ്ങളിലും ഗ്രാമപഞ്ചായത്തുകളില്‍ ചവറ, ഇടമുളയ്ക്കല്‍, ശൂരനാട് വടക്ക്, തെക്കുംഭാഗം, എഴുകോണ്‍, കൊറ്റങ്കര, പിറവന്തൂര്‍ പ്രദേശങ്ങളിലുമാണ് രോഗബാധിതര്‍ കൂടുതലുള്ളത്. സമ്പര്‍ക്കം വഴി 432 പേര്‍ക്കും ഉറവിടം വ്യക്തമല്ലാത്ത ഒരാള്‍ക്കും, രണ്ട് ആരോഗ്യപ്രവര്‍ത്തകര്‍ക്കും രോഗം സ്ഥിരീകരിച്ചു.  

മൂന്നാമത്തെ ട്രയല്‍ ഘട്ടവും വിജയകരമായി പൂര്‍ത്തിയാക്കിയ ശേഷമാണ് കോവിഡ് വാക്‌സിനുകള്‍ ജനങ്ങള്‍ക്കായി നല്‍കുന്നതെന്നും 28 ദിവസത്തെ ഇടവേളയില്‍ രണ്ടു ഡോസാണ് എടുക്കേണ്ടതെന്നും ജില്ലാ മെഡിക്കല്‍ ഓഫീസര്‍  ഡോ ആര്‍ ശ്രീലത അറിയിച്ചു. രണ്ട് ഡോസും കൃത്യമായി എടുത്താലേ പ്രതിരോധം ലഭ്യമാവുകയുള്ളൂ.

*ശിലാസ്ഥാപനം ഏഴിന് മുഖ്യമന്ത്രി നിർവഹിക്കും

സംസ്ഥാന പൊതുവിദ്യാഭ്യാസ വകുപ്പിന്റെ നിയന്ത്രണത്തിലുള്ള കേരള മഹിള സമഖ്യ സൊസൈറ്റിയുടെ കീഴിൽ പ്രവർത്തിക്കുന്ന മഹിള ശിക്ഷൺ കേന്ദ്രത്തിലേക്ക് ഫുൾടൈം റസിഡൻഷ്യൽ ടീച്ചർ, അഡീഷണൽ ടീച്ചർ തസ്തികകളിലേക്ക് വാക്ക് ഇൻ ഇന്റർവ്യൂ നടത്തുന്നു. ജനുവരി 19ന് രാവിലെ 10.30ന് സൊസൈറ്റിയുടെ കരമന കുഞ്ചാലുമൂട്ടെ സംസ്ഥാന ഓഫീസിലാണ് ഇന്റർവ്യൂ. രണ്ട് തസ്തികകളിലും താമസിച്ച് ജോലി ചെയ്യാൻ തയ്യാറാകണം.

സാങ്കേതിക പരീക്ഷാ കൺട്രോളർ നടത്തുന്ന കെ.ജി.റ്റി.ഇ പ്രിന്റിംഗ് ടെക്‌നോളജി പരീക്ഷയ്ക്ക് രജിസ്റ്റർ ചെയ്ത 2020 ബാച്ചിലെ പരീക്ഷാർത്ഥികൾക്കുള്ള തിയറി പരീക്ഷ 20,21,22 തിയതികളിൽ സെൻട്രൽ പോളിടെക്‌നിക്ക് കോളേജ്, വട്ടിയൂർക്കാവ്, വനിത പോളിടെക്‌നിക്ക് കോളേജ്, കളമശ്ശേരി, വനിത പോളിടെക്‌നിക്ക് കോളേജ്, കോഴിക്കോട് എന്നീ സെന്ററുകളിൽ നടക്കും. പരീക്ഷാ ടൈംടേബിൾ www.tekerala.org ൽ ലഭിക്കും. ഹാൾടിക്കറ്റ് പരീക്ഷാ കേന്ദ്രങ്ങളിൽ ലഭിക്കും.
പി.എൻ.എക്സ്. 83/2021

2020 സെപ്റ്റംബറിൽ നടത്തിയ ഹയർസെക്കന്ററി ഒന്നാം വർഷ ഇംപ്രൂവ്മെന്റ് തുല്യതാപരീക്ഷയുടെ പുനർമൂല്യനിർണ്ണയഫലം പ്രസിദ്ധീകരിച്ചു. www.dhsekerala.gov.in ൽ സർക്കുലറായി ലഭിക്കും. സർക്കുലർ നം.  No.EX-IX/15308/DGE/2020 തിയതി 05/01/2021.
പി.എൻ.എക്സ്. 82/2021

തിരുവനന്തപുരം റീജയണൽ കാൻസർ സെന്ററിൽ പത്തോളജി വിഭാഗത്തിൽ സീനിയർ റസിഡന്റിന്റെ താൽകാലിക ഒഴിവിലേക്ക് കരാർ നിയമനത്തിന് അപേക്ഷ ക്ഷണിച്ചു. ലഭിക്കേണ്ട അവസാന തിയതി ജനുവരി 25. കൂടുതൽ വിവരങ്ങൾക്ക് :www.rcctvm.gov.in    
പി.എൻ.എക്സ്. 81/2021

ഗാന്ധിജിയുടെ രക്തസാക്ഷിദിനമായ ജനുവരി 30ന്  സ്വാതന്ത്ര്യ സമരത്തിൽ പങ്കെടുത്ത് വീരമൃത്യു വരിച്ചവരെ അനുസ്മരിക്കുന്നതിന് സർക്കാർ സ്ഥാപനങ്ങളിൽ രാവിലെ 11 ന് രണ്ട് മിനിട്ട് മൗനം ആചരിക്കുന്നതിന് പൊതുഭരണ വകുപ്പ് സർക്കുലർ പുറത്തിറക്കി. എല്ലാ വകുപ്പ് മേധാവികളും ജില്ലാ കളക്ടർമാരും പൊതുമേഖല/സ്വയംഭരണ സ്ഥാപനങ്ങളിലെ മേധാവികളും അവരവരുടെ  ഓഫീസുകളിലും കീഴിലുള്ള ഓഫീസുകളിലും അവശ്യമായ നടപടി സ്വീകരിക്കാനും നിർദ്ദേശം നൽകി.
പി.എൻ.എക്സ്. 80/2021

*സംസ്ഥാനതല ഉദ്ഘാടനം മന്ത്രി കെ.കെ. ശൈലജ ടീച്ചർ നിർവഹിച്ചു
വനിത സഹകരണ സംഘങ്ങൾക്കും ശുചീകരണ തൊഴിലാളികൾക്കും അനുവദിക്കുന്ന സംസ്ഥാന വനിതാ വികസന കോർപ്പറേഷന്റെ പുതിയ വായ്പ പദ്ധതികളുടെ സംസ്ഥാനതല ഉദ്ഘാടനം ആരോഗ്യ സാമൂഹ്യനീതി വനിത ശിശുവികസന വകുപ്പ് മന്ത്രി കെ.കെ. ശൈലജ ടീച്ചർ നിർവഹിച്ചു.

കൊല്ലം വിദ്യാഭ്യാസ ഉപഡയറക്ടറുടെ കാര്യാലയത്തില്‍ ജനുവരി എട്ടിന് രാവിലെ 11 ന് നടത്താന്‍ നിശ്ചയിച്ചിരുന്ന ഡേറ്റാ എന്‍ട്രി ഓപ്പറേറ്റര്‍മാരുടെ അഭിമുഖം മാറ്റവച്ചതായി വിദ്യാഭ്യാസ ഉപഡയറക്ടര്‍ അറിയിച്ചു.
(പി.ആര്‍.കെ നമ്പര്‍-41/2021)