കേരള കള്ള് വ്യവസായ തൊഴിലാളി ക്ഷേമനിധി ബോർഡിൽ അംഗങ്ങളായവർക്ക് നടപ്പിലാക്കി വരുന്ന ഇൻഷ്വറൻസ് പദ്ധതി പുതുക്കുന്നതുമായി ബന്ധപ്പെട്ട പ്രൊപ്പോസൽ ഫോറം ഹാജരാക്കണം. തിരുവനന്തപുരം ജില്ലയിൽ നിലവിൽ പ്രവർത്തിക്കുന്ന കള്ള് ഷോപ്പുകളിലെ തൊഴിലാളികളിൽ പ്രൊപ്പോസൽ ഫോറം ഇതുവരെ ഹാജരാക്കാത്തവർ 15നു മുൻപ് ഹാജരാക്കണം. കൂടുതൽ വിവരങ്ങൾക്ക് തിരുവനന്തപുരം ജില്ലാ വെൽഫെയർ ഫണ്ട് ഇൻസ്‌പെക്ടർ ഓഫീസുമായി ബന്ധപ്പെടുക. ഫോൺ: 0471-2448451.
പി.എൻ.എക്‌സ്. 4305/2020

വഴിയോരക്കച്ചവടം, അന്നദാനം, അലങ്കാരഗോപുരങ്ങള്‍ ഒഴിവാക്കും

മുല്ലയ്ക്കല്‍ , കിടങ്ങാംപറമ്പ് ക്ഷേത്രങ്ങളിലെ ചിറപ്പ് മഹോത്സവം 50 പേരെ മാത്രം ഉള്‍ക്കൊളളിച്ച് പരമാവധി നിയന്ത്രണങ്ങള്‍ പാലിച്ച് ആചാര പ്രകാരമുള്ള ചടങ്ങുകള്‍ മാത്രമാക്കാന്‍ തീരുമാനം. ചിറപ്പ് മഹോത്സവവുമായി ബന്ധപ്പെട്ട് ജില്ലാ കളക്ടര്‍ എ അലക്‌സാണ്ടറുടെ അദ്ധ്യക്ഷതയില്‍ കളക്ടറേറ്റില്‍ ചേര്‍ന്ന യോഗത്തിലാണ് തീരുമാനം. കോവിഡ് നിയന്ത്രണമുള്ളതിനാല്‍ ഇതരസ്ഥലങ്ങളില്‍ നിന്ന് ആളുകള്‍ ഉത്സവത്തില്‍ പങ്കെടുക്കാന്‍ എത്തരുത്. 

ആലപ്പുഴ: ചേര്‍ത്തല താലൂക്ക് കഞ്ഞിക്കുഴി വില്ലേജില്‍ റീസര്‍വ്വെ ബ്ലോക്ക് 33ല്‍ 512/2, 512/5 എന്നിവയില്‍ ഉള്‍പ്പെട്ട സര്‍ക്കാര്‍ തരിശ് പുറമ്പോക്കില്‍ നിന്നിരുന്ന ചെറുപുന്ന മരത്തിന്റെ തടി കഷണങ്ങള്‍ 2021 ജനുവരി അഞ്ചിന് രാവിലെ 11ന് ലേലം ചെയ്യും. വിശദവിവരത്തിന് ഫോണ്‍: 0478 2813103.

ആലപ്പുഴ: ചമ്പക്കുളം ഗവണ്‍മെന്റ് ഹോസ്പിറ്റല്‍ റോഡില്‍ ചമ്പക്കുളം പാലത്തിനു സമീപമുള്ള മാമ്മൂട് പാലത്തിന്റെ നിര്‍മ്മാണ പ്രത്തികള്‍ ആരംഭിച്ചതിനാല്‍ ഇന്ന് (ഡിസംബര്‍ 15) മുതല്‍ ഇത് വഴിയുള്ള ഗതാഗതം പൂര്‍ണ്ണമായി നിരോധിച്ചു. എടത്വ-കണ്ടങ്കരി റോഡില്‍ കൂടി വരുന്ന വാഹനങ്ങള്‍ ചമ്പക്കുളം പാലത്തില്‍ കയറി പാലത്തിന്റെ പടിഞ്ഞാറെക്കര വഴിയും എടത്വയ്ക്ക് പോകേണ്ട വാഹനങ്ങള്‍ പൂപ്പള്ളി- ചമ്പക്കുളം റോഡില്‍ കൂടി ചമ്പക്കുളം പാലത്തില്‍ കയറി പാലത്തിന്റെ കിഴക്കേകര വഴിയും പോകേണ്ടതാണെന്ന് പൊതുമരാമത്ത് പാലം ഉപവിഭാഗം അസിസ്റ്റന്റ് എക്‌സിക്യൂട്ടീവ് എന്‍ജിനീയര്‍ അറിയിച്ചു.

കേരള സംസ്ഥാന വൈദ്യുതി റഗുലേറ്ററി കമ്മീഷൻ മുൻപാകെ കേരള സംസ്ഥാന വൈദ്യുതി ബോർഡ് ലിമിറ്റഡ് ഒറ്റത്തവണ തീർപ്പാക്കൽ പദ്ധതി 2021 അംഗീകരിക്കുന്നതിന് സമർപ്പിച്ച പരാതിയിലുള്ള പൊതുതെളിവെടുപ്പ് വീഡിയോ കോൺഫറൻസ് മുഖേന 28ന് രാവിലെ 11ന് നടക്കും. തെളിവെടുപ്പിൽ പങ്കെടുക്കാൻ താത്പര്യമുള്ളവർ 24ന് ഉച്ചയ്ക്ക് 12നു മുൻപ് കത്തോ ഇ-മെയിലോ  (kserc@erckerala.org) മുഖേന ഫോൺ നമ്പർ സഹിതം സെക്രട്ടറിയെ അറിയിക്കണം. പരാതി www.erckerala.org യിൽ പരിശോധിക്കാം.
പി.എൻ.എക്‌സ്. 4303/2020