· 201 പേര്‍ക്ക് രോഗമുക്തി
· 232 പേര്‍ക്ക് സമ്പര്‍ക്കത്തിലൂടെ രോഗബാധ

ഓൺലൈനായി അപേക്ഷിച്ച് ഡിസംബർ 18 നകം പ്രിൻറ് ഔട്ട് ജില്ലാ ഇൻഫർമേഷൻ ഓഫീസിൽ സമർപ്പിക്കണം

തദ്ദേശ സ്ഥാപനങ്ങളിലേക്കുള്ള തെരഞ്ഞെടുപ്പിന്റെ വോട്ടെണ്ണല്‍ നാളെ (ബുധന്‍) രാവിലെ 8 ന് ആരംഭിക്കും. ഏഴ് കേന്ദ്രങ്ങളിലായാണ് ജില്ലയിലെ വോട്ടെണ്ണല്‍. പോളിങ ് സാമഗ്രികളുടെ വിതരണ- സ്വീകരണ കേന്ദ്രങ്ങള്‍ തന്നെയാണ് വോട്ടെണ്ണല്‍ കേന്ദ്രങ്ങളും. ഓരോ ബ്ലോക്ക് പഞ്ചായത്തിനും നഗരസഭക്കും ഓരോ വോട്ടെണ്ണല്‍ കേന്ദ്രമാണ് സജ്ജീകരിച്ചിരിക്കുന്നത്. വോട്ടെണ്ണല്‍ ജോലിക്കായി 1300 ഓളം ജീവനക്കാരെ നിയോഗിച്ചിട്ടുണ്ട്. ഇവര്‍ക്കുള്ള പരിശീലനം ഇന്നലെ (തിങ്കള്‍) പൂര്‍ത്തിയായി.

കുടുംബശ്രീ ബ്ലോക്ക് കോര്‍ഡിനേറ്റര്‍മാരെ  തിരഞ്ഞെടുക്കുന്നതിനുള്ള എഴുത്തു പരീക്ഷ മാറ്റി വെച്ചു. ഡിസംബര്‍ 12ന് നടത്താന്‍ നിശ്ചയിച്ചിരുന്ന പരീക്ഷ 2021 ജനുവരി 9 ലേക്ക് മാറ്റി നിശ്ചയിച്ചതായി കുടുംബശ്രീ ജില്ലാ മിഷന്‍ കോര്‍ഡിനേറ്റര്‍ അറിയിച്ചു. എഴുത്തു പരീക്ഷക്ക് യോഗ്യരായവരുടെ ചുരുക്കപ്പട്ടിക ഡിസംബര്‍ 28ന് പ്രസിദ്ധീകരിക്കും. തദ്ദേശ സ്വയം ഭരണ സ്ഥാപനങ്ങളിലേക്കുള്ള തെരെഞ്ഞെടുപ്പ് നടക്കുന്ന സാഹചര്യത്തിലാണ് പരീക്ഷ മാറ്റിയത്.

എന്‍ ഊരു ഗോത്ര പൈതൃക ഗ്രാമത്തിലെ ഷോപ്പുകളുടെയും കഫെറ്റീരിയകളുടെയും ദര്‍ഘാസ് തുറക്കല്‍ ഡിസംബര്‍ 18 ന് രാവിലെ 10.30 ന് മാനന്തവാടി സബ് കളക്ടറുടെ ഓഫീസില്‍ നടക്കും. ഒന്നില്‍ കൂടുതല്‍ അപേക്ഷകരുള്ള ഷോപ്പ് മുറികള്‍, കഫെറ്റീരിയകള്‍ എന്നിവയ്ക്ക് ലേലം നടത്തും. തദ്ദേശസ്വയംഭരണ സ്ഥാപനങ്ങളിലേക്കുള്ള തിരഞ്ഞെടുപ്പ് പെരുമാറ്റ ചട്ടം നിലവില്‍ വന്നതിനാല്‍ മാറ്റി വെച്ചതായിരുന്നു ദര്‍ഘാസ് തുറക്കല്‍.

വയനാട്  ഗവ. ചില്‍ഡ്രന്‍സ് ഹോം കൗണ്‍സിലര്‍ തസ്തികയിലേക്കുള്ള ഇന്റര്‍വ്യു ഇന്ന് (ഡിസംബര്‍ 15) രാവിലെ 11 ന് ജില്ലാ ശിശുസംരക്ഷണ യൂണിറ്റില്‍ നടക്കും. ഇന്റര്‍വ്യൂ ലെറ്റര്‍ ലഭിച്ച ഉദ്യോഗാര്‍ത്ഥികള്‍ സര്‍ട്ടിഫിക്കറ്റ് വെരിഫിക്കേഷന് രാവിലെ 10 ന് ജില്ലാ ശിശുസംരക്ഷണ യൂണിറ്റില്‍ എത്തിച്ചേരണം. ഫോണ്‍ : 04936 246098.

വയനാട് ജില്ലയില്‍ ഇന്ന് (14.12.20) 61 പേര്‍ക്ക് കോവിഡ് സ്ഥിരീകരിച്ചതായി ജില്ലാ മെഡിക്കല്‍ ഓഫീസര്‍ ഡോ. ആര്‍. രേണുക അറിയിച്ചു. 153 പേര്‍ രോഗമുക്തി നേടി. രണ്ട് ആരോഗ്യ പ്രവര്‍ത്തകര്‍ ഉള്‍പ്പെടെ എല്ലാവർക്കും സമ്പര്‍ക്കത്തിലൂടെയാണ് രോഗബാധ. ഒരാളുടെ സമ്പർക്ക ഉറവിടം ലഭ്യമല്ല. ഇതോടെ ജില്ലയില്‍ കോവിഡ് സ്ഥിരീകരിച്ചവരുടെ ആകെ എണ്ണം 13427 ആയി. 11454 പേര്‍ ഇതുവരെ രോഗമുക്തരായി. ചികിത്സയിലിരിക്കെ 82 മരണം. നിലവില്‍ 1892 പേരാണ് ചികിത്സയിലുള്ളത്. ഇവരില്‍ 1275 പേര്‍ വീടുകളിലാണ് ഐസൊലേഷനില്‍ കഴിയുന്നത്.

2021 ജനുവരിയിൽ നടത്തുന്ന ഡി.എൽ.എഡ് (അറബിക്, ഉറുദു, സംസ്‌കൃതം, ഹിന്ദി) ഒന്നാം സെമസ്റ്റർ പരീക്ഷയുടെ വിജ്ഞാപനം പ്രസിദ്ധീകരിച്ചു. www.keralapareekshabhavan.in  ൽ വിജ്ഞാപനം ലഭ്യമാണ്.
പി.എൻ.എക്‌സ്. 4313/2020

കണ്ണൂർ പറശ്ശിനിക്കടവ് എം.വി.ആർ ആയുർവേദ മെഡിക്കൽ കോളേജിൽ കേരള ആരോഗ്യ സർവകലാശാല  (KUHS) അംഗീകരിച്ച 2020-21 വർഷത്തെ ബി.എസ്‌സി നഴ്‌സിംഗ് (ആയുർവേദം), ബി.ഫാം (ആയുർവേദം) കോഴ്‌സുകളിലേക്കുള്ള പ്രവേശനത്തിന് അപേക്ഷ സമർപ്പിച്ചവരുടെ ഇൻഡക്‌സ് മാർക്ക് www.lbscentre.kerala.gov.in ൽ പ്രസിദ്ധീകരിച്ചു. കൂടുതൽ വിവരങ്ങൾക്ക്: 0471-2560363, 364.
പി.എൻ.എക്‌സ്. 4312/2020