വോട്ടെണ്ണല്‍ നടപടികളില്‍ കര്‍ശന കോവിഡ് പ്രോട്ടോക്കോള്‍ നിര്‍ബന്ധമാണെന്നു ജില്ലാ തെരഞ്ഞെടുപ്പ് ഓഫിസര്‍കൂടിയായ കളക്ടര്‍ ഡോ. നവ്‌ജ്യോത് ഖോസ അറിയിച്ചു. വിജയിക്കുന്ന സ്ഥാനാര്‍ഥികളുടെ ആഹ്ലാദ പ്രകടനങ്ങള്‍ക്കും കര്‍ശന കോവിഡ് മാനദണ്ഡങ്ങള്‍ ബാധകമായിരിക്കും. ഇക്കാര്യത്തില്‍ ഉദ്യോഗസ്ഥര്‍ പ്രത്യേകം ശ്രദ്ധിക്കാനും കളക്ടര്‍ നിര്‍ദേശം നല്‍കി. വോട്ടെണ്ണലിനു മുന്നോടിയായി ജില്ലയിലെ 16 വോട്ടെണ്ണല്‍ കേന്ദ്രങ്ങളും ഇന്ന് (15 ഡിസംബര്‍) അണുവിമുക്തമാക്കും. കൗണ്ടിങ് ഓഫിസര്‍മാര്‍ നിര്‍ബന്ധമായും കൈയുറ, മാസ്‌ക്, ഫെയ്‌സ് ഷീല്‍ഡ് എന്നിവ ഉപയോഗിക്കണം.

ഓരോ തദ്ദേശ സ്ഥാപനത്തിന്റെയും ഒന്നാം വാര്‍ഡ് മുതല്‍ എന്ന ക്രമത്തിലാകും വോട്ടെണ്ണല്‍ നടക്കുക. ആദ്യം സ്പെഷ്യല്‍ പോസ്റ്റല്‍ ബാലറ്റും തപാല്‍ വോട്ടുകളുമാണ് എണ്ണുന്നത്.പരമാവധി എട്ടു പോളിങ് സ്റ്റേഷനുകള്‍ക്ക് ഒരു കൗണ്ടിങ് ടേബിള്‍ എന്ന രീതിയിലാണ് എല്ലാ കേന്ദ്രങ്ങളിലും കൗണ്ടിങ് ടേബിളുകള്‍ ക്രമീകരിച്ചിരിക്കുന്നത്. കൗണ്ടിങ് കേന്ദ്രങ്ങളില്‍ സ്ഥാപിച്ചിട്ടുള്ള വോട്ടെണ്ണല്‍ മേശകളുടെ എണ്ണം കണക്കാക്കിയാകും ഓരോ തവണയും സ്‌ട്രോങ് റൂമില്‍നിന്ന് കണ്‍ട്രോള്‍ യൂണിറ്റുകള്‍ എത്തിക്കുക.

തദ്ദേശ തെരഞ്ഞെടുപ്പിന്റെ വോട്ടെണ്ണല്‍ നാളെ(16 ഡിസംബര്‍). 16 കേന്ദ്രങ്ങളിലായാണു ജില്ലയിലെ വോട്ടെണ്ണല്‍ നടക്കുക. എല്ലാ കേന്ദ്രങ്ങളിലും രാവിലെ എട്ടിന് വോട്ടെണ്ണല്‍ തുടങ്ങും. വോട്ടെണ്ണലിനുള്ള എല്ലാ ഒരുക്കങ്ങളും പൂര്‍ത്തിയായതായി ജില്ലാ തെരഞ്ഞെടുപ്പ് ഓഫിസര്‍ കൂടിയായ കളക്ടര്‍ ഡോ. നവ്‌ജ്യോത് ഖോസ പറഞ്ഞു.

തിരുവനന്തപുരത്ത് ഇന്ന് (14 ഡിസംബര്‍ 2020) 222 പേര്‍ക്കു കൂടി കോവിഡ് 19 സ്ഥിരീകരിച്ചു. 198 പേര്‍ രോഗമുക്തരായി. നിലവില്‍ 3,233 പേരാണു രോഗം സ്ഥിരീകരിച്ചു ചികിത്സയില്‍ കഴിയുന്നത്. ജില്ലയില്‍ ഒരാളുടെ മരണം കോവിഡ് മൂലമാണെന്ന് സ്ഥിരീകരിച്ചു. പാപ്പനംകോട് സ്വദേശിനി സുമ തമ്പി (72)യുടെ മരണമാണ് കോവിഡ് മൂലമാണെന്നു സ്ഥിരീകരിച്ചത്.

കൊച്ചി: വീട്ടുജോലിക്കാരി ഫ്‌ലാറ്റില്‍ നിന്ന് വീണ് മരിച്ച സംഭവത്തില്‍ പുനരന്വേഷണം നടത്തണം എന്ന്   വൈ എം. സി. എ ഹാളില്‍ നടന്ന വനിതാ കമ്മീഷന്‍ മെഗാ അദാലത്തിനു ശേഷം  വനിതാ കമ്മീഷന്‍ അദ്ധ്യക്ഷ എം.സി. ജോസഫൈന്‍ പറഞ്ഞു. ഈ കേസില്‍  ദുരൂഹത ഉണ്ടെന്നും ഫ്‌ലാറ്റുടമ   ഇതിന് മുമ്പ് 14 വയസ്സുള്ള കുട്ടിയെ വീട്ടില്‍ നിര്‍ത്തി ജോലി ചെയ്യിക്കുകയും ക്രൂരമായി ഉപദ്രവിക്കുകയും ചെയ്ത കേസിലെ പ്രതിയാണ് എന്നും  അന്ന് ദുര്‍ബലമായ വകുപ്പുകള്‍ ചുമത്തിയാണ് പൊലീസ് കേസെടുത്തത് എന്നും എം.സി. ജോസഫൈന്‍ പറഞ്ഞു.. ഗാര്‍ഹിക തൊഴിലാളികളുടെ ജീവിതം സുരക്ഷിതമാക്കണമെന്നും അവര്‍ പറഞ്ഞു. 

കൊച്ചി: പറവൂര്‍ ബ്ലോക്ക് പഞ്ചായത്തിന്റെയും, ഗ്രാമപഞ്ചായത്തുകളുടേയും, കോട്ടുവള്ളി, മൂത്തകുന്നം ജില്ലാ പഞ്ചായത്ത് ഡിവിഷനുകളുടേയും വോട്ടെണ്ണല്‍ð  ഡിസംബര്‍ 16-ന് രാവിലെ എട്ടിന്  പറവൂര്‍ പുങ്കുളം ശ്രീനാരായണ ഹയര്‍ സെക്കന്ററി സ്‌ക്കൂളില്‍ð ആരംഭിക്കും.   കോവിഡ്-19 ന്റെ പശ്ചാത്തലത്തില്‍ð സാമൂഹിക അകലം പാലിക്കാനായി തത്സമയം വോട്ടെണ്ണല്‍ð നടക്കുന്ന വാര്‍ഡ്/ഡിവിഷനുകളിലെ സ്ഥാനാര്‍ത്ഥികളും, മുഖ്യ തെരഞ്ഞെടുപ്പ് ഏജന്റുമാരും, കൗണ്‍സലിംഗ് ഏജന്റുമാരും മാത്രമേ കൗണ്ടിങ്ങ് ഹാളിലേക്ക് പ്രവേശിക്കാവു എന്നും കൗണ്ടിങ്ങിനു ശേഷം ബന്ധപ്പെട്ട സ്ഥാനാര്‍ത്ഥികളും, തെരഞ്ഞെടുപ്പ് ഏജന്റുമാരും ഹാള്‍ വിട്ടുപോയി സഹകരിക്കണമെന്നും വര

എറണാകുളം: സംസ്ഥാന എക്സൈസ് വകുപ്പിന് കീഴിലുള്ള വിമുക്തി ലഹരി വർജന മിഷനും എറണാകുളം കുടുംബശ്രീ സ്നേഹിത ജെൻഡർ ഹെൽപ് ഡെസ്കും സംയുക്തമായി ജില്ലയിൽ നടത്തുന്ന 'ജാഗ്രത ' ക്യാമ്പയിന്റെ തുടർ പ്രവർത്തനങ്ങളുടെ ഭാഗമായി തീരദേശ പഞ്ചായത്തുകളിൽ ലഹരി വിരുദ്ധ പ്രവർത്തനങ്ങൾക്ക് തുടക്കമായി. പള്ളുരുത്തി, വൈപ്പിൻ ബ്ലോക്കുകളിലെ വിവിധ പഞ്ചായത്തുകളിലെ കുടുംബശ്രീ വിജിലന്റ് ഗ്രൂപ്പംഗങ്ങളെ പങ്കെടുപ്പിച്ചാണ് പ്രചാരണം നടന്നത്. ആദ്യഘട്ടമായി ആലങ്ങാട്, പറവൂർ ബ്ലോക്കുകളിലെ മുഴുവൻ പഞ്ചായത്തുകളിലും പ്രചാരണം നടത്തിയിരുന്നു.   വിമുക്തി മിഷൻ ജില്ലാ മാനേജർ ജി.സജിത്കുമാർ പ്രചാരണം ഉദ്ഘാടനം ചെയ്തു.

എറണാകുളം:  തദ്ദേശ സ്വയം ഭരണ സ്ഥാപനങ്ങളിലേക്കുള്ള തിരഞ്ഞെടുപ്പിലെ   വോട്ടെണ്ണലിനായി  ജില്ലയിലുള്ളത്  28  കേന്ദ്രങ്ങള്‍.  കോവിഡ് മാനദണ്ഡങ്ങള്‍ പാലിച്ചു കൊണ്ടാണ് ഈ കേന്ദ്രങ്ങളിൽ വോട്ട് എണ്ണൽ നടത്തുന്നത്.  കേന്ദ്രങ്ങളില്‍ സാമൂഹിക അകലം കര്‍ശനമായി പാലിക്കണമെന്നാണ് സംസ്ഥാന തിരഞ്ഞെടുപ്പ് കമ്മീഷന്‍ നല്‍കിയ നിര്‍ദേശം.

എറണാകുളം: കണയന്നൂർ താലൂക്ക് പരിധിയിലുള്ളവരുടെ റവന്യൂ പരാതി പരിഹാര അദാലത്ത് ഡിസംബർ 21 ന് നടക്കും. പൊതുജനങ്ങൾക്ക് ഡിസംബർ 15 മുതൽ 17 വരെ പരാതികൾ സമർപ്പിക്കാം. താലൂക്കിൻ്റെ പരിധിയിൽ വരുന്ന അക്ഷയ കേന്ദ്രങ്ങളിലാണ് പരാതികൾ നൽകേണ്ടത്. ജില്ലാ കളക്ടർ നേരിട്ട് പരാതികൾക്ക് പരിഹാരം നൽകുന്നതാണ്. പ്രളയ ധനസഹായവുമായി ബന്ധപ്പെട്ട അപേക്ഷകൾ നൽകേണ്ടതില്ല. കണ്ടെയ്ൻമെൻ്റ് സോണിലുള്ളവർ അപേക്ഷിക്കേണ്ടതില്ല.