പാലക്കാട് ജില്ലയില്‍ ഇന്ന്(ഡിസംബര്‍ 15) 349 പേര്‍ക്ക് കോവിഡ് 19 സ്ഥിരീകരിച്ചതായി ആരോഗ്യവകുപ്പ് അധികൃതര്‍ അറിയിച്ചു. ഇതില്‍ സമ്പര്‍ക്കത്തിലൂടെ രോഗബാധ ഉണ്ടായ 162 പേര്‍, ഉറവിടം അറിയാതെ രോഗം ബാധിച്ച  172 പേര്‍, വിദേശത്ത് നിന്നും ഇതര സംസ്ഥാനങ്ങളില്‍ നിന്നുമുള്ള 9 പേര്‍ , 6 ആരോഗ്യ പ്രവർത്തകർ എന്നിവര്‍ ഉള്‍പ്പെടും. 338 പേര്‍ക്ക് രോഗമുക്തി ഉള്ളതായും അധികൃതര്‍ അറിയിച്ചു.

ഇന്ന് രോഗം സ്ഥിരീകരിച്ചവരുടെ വിവരങ്ങള്‍

പാലക്കാട് നഗരസഭ സ്വദേശികള്‍-  45 പേര്‍

ഒറ്റപ്പാലം സ്വദേശികൾ - 16 പേർ

കാഞ്ഞിരപ്പുഴ സ്വദേശികൾ - 14 പേർ

തെങ്കര സ്വദേശികൾ - 11 പേർ

മാധ്യമ പ്രവർത്തകർക്ക് വോട്ടെണ്ണൽ വിവരങ്ങൾ തത്സമയം അറിയാൻ വെബ് സൈറ്റുകൾ സജജീകരിച്ചിട്ടുണ്ട്. trendmedia1.kerala.gov.in       

trendmedia2.kerala.gov.in    എന്നീ സൈറ്റുകളിൽ വിവരം ലഭിക്കും. നേരത്തെ IP അഡ്രസ് തന്ന മാധ്യമ പ്രവർത്തകർക്കാണ് ഈ സൈറ്റിൽ വിവരങ്ങൾ ലഭ്യമാകുക. ഇതിന് യൂസർ ഐ.ഡി.യും പാസ് വേഡും മറ്റും ആവശ്യമില്ല.

പൊതുജനങ്ങൾക്ക് വോട്ടെണ്ണൽ വിവരങ്ങൾ  trend.kerala.gov.in എന്ന വെബ് സൈറ്റിൽ നിന്നും തത്സമയം അറിയാം.
 

തദ്ദേശ തിരഞ്ഞെടുപ്പുമായി ബന്ധപ്പെട്ട് വോട്ടെണ്ണൽ കേന്ദ്രങ്ങളിൽ ഒന്നായ കല്ലേക്കാട് വ്യാസവിദ്യാപീഠം സെൻട്രൽ സ്കൂളിലാണ് മാധ്യമ പ്രവർത്തകർക്കുള്ള മീഡിയ സെന്റർ സജ്ജീകരിച്ചിരിക്കുന്നത്. ജില്ലാ - സംസ്ഥാനതല തിരഞ്ഞെടുപ്പ് ഫലം അറിയാൻ രണ്ട് എൽ.ഇ.ഡി ടി.വികളും പ്രഭാത ഭക്ഷണം, ലഘുഭക്ഷണം, ഉച്ചഭക്ഷണം, കുടിവെള്ളം എന്നിവയും സജ്ജീകരിച്ചിട്ടുണ്ട്. പ്രിയപ്പെട്ട മാധ്യമ സുഹൃത്തുകൾ  കോവിഡിന്റെ പ്രത്യേക പശ്ചാത്തലത്തിൽ സുരക്ഷാ മുൻകരുതലുകൾ കണക്കിലെടുത്ത് മീഡിയ സെന്ററിൽ  ശാരീരിക അകലം പാലിക്കുന്നതോടൊപ്പം 
  തിരക്ക് ഇല്ലാത്ത വിധം സാന്നിധ്യവും ക്രമീകരിക്കണമെന്നഭ്യർത്ഥിക്കുന്നു.
 

തദ്ദേശ തിരഞ്ഞെടുപ്പുമായി ബന്ധപ്പെട്ട് ഡിസംബർ 16 ന്  നടക്കുന്ന  വോട്ടെണ്ണൽ കേന്ദ്രങ്ങളിലേക്കുള്ള
 മാധ്യമ പ്രവർത്തകരുടെ  പ്രവേശന പാസുകളുടെ വിതരണം     ഇന്ന്( ഡിസംബർ 15) 11.30 മുതൽ നടക്കും.  അപേക്ഷിച്ച മാധ്യമ പ്രവർത്തകർ ജില്ലാ ഇന്‍ഫര്‍മേഷന്‍ ഓഫീസില്‍ നിന്നും പാസുകൾ കൈപ്പറ്റണം.
 

പാലക്കാട് ജില്ലയില്‍ ഇന്ന്(ഡിസംബര്‍ 14) 190 പേര്‍ക്ക് കോവിഡ് 19 സ്ഥിരീകരിച്ചതായി ആരോഗ്യവകുപ്പ് അധികൃതര്‍ അറിയിച്ചു. ഇതില്‍ സമ്പര്‍ക്കത്തിലൂടെ രോഗബാധ ഉണ്ടായ 90 പേര്‍, ഉറവിടം അറിയാതെ രോഗം ബാധിച്ച  93 പേര്‍, വിദേശത്ത് നിന്നും ഇതര സംസ്ഥാനങ്ങളില്‍ നിന്നുമുള്ള 2 പേര്‍ 5 ആരോഗ്യ പ്രവർത്തകർ എന്നിവര്‍ ഉള്‍പ്പെടും. 291 പേര്‍ക്ക് രോഗമുക്തി ഉള്ളതായും അധികൃതര്‍ അറിയിച്ചു.

ഇന്ന് രോഗം സ്ഥിരീകരിച്ചവരുടെ വിവരങ്ങള്‍

പാലക്കാട് നഗരസഭ സ്വദേശികള്‍-  21 പേര്‍

ഒറ്റപ്പാലം സ്വദേശികൾ - 10 പേർ

മണ്ണാർക്കാട് സ്വദേശികൾ -8 പേർ

കാഞ്ഞിരപ്പുഴ, പെരുമാട്ടി സ്വദേശികൾ - 7 പേർ വീതം

പാലക്കാട് ജില്ലാ സഹകരണ ബാങ്ക് ലിമിറ്റഡില്‍ ഡാറ്റാ എന്‍ട്രി ഓപ്പറേറ്റര്‍ (പാര്‍ട്ട് വണ്‍) നമ്പറായി 2017 ഏപ്രില്‍ 25 ന് നിലവില്‍ വന്ന റാങ്ക് പട്ടികയുടെ ദീര്‍ഘിപ്പിച്ച കാലാവധി 2020 ജൂണ്‍ 19 ന് പൂര്‍ത്തീകരിച്ചതിനാല്‍ പട്ടികയുടെ കാലാവധി അവസാനിച്ചതായി പി എസ് സി ജില്ലാ ഓഫീസര്‍ അറിയിച്ചു.

പാലക്കാട് ഗവ. പോളിടെക്നിക് കോളേജിലെ ജനറല്‍ ഡിപ്പാര്‍ട്ട്മെന്റില്‍ ദിവസവേതനാടിസ്ഥാനത്തില്‍ ഫിസിക്സ്, കെമിസ്ട്രി വിഷയങ്ങളില്‍ അസി. പ്രൊഫസര്‍ തസ്തികയില്‍ നിയമനം നടത്തുന്നതിന് ഇന്ന് (ഡിസംബര്‍ 16) രാവിലെ 10 ന് പ്രിന്‍സിപ്പലിന്റെ  ഓഫീസില്‍ കൂടിക്കാഴ്ച നടത്തും. ബന്ധപ്പെട്ട വിഷയത്തില്‍ ഒന്നാം ക്ലാസോടെയുള്ള എം. എസ്. സി. ബിരുദം, യു.ജി.സി നെറ്റ് എന്നിവയാണ് യോഗ്യത. നെറ്റ് യോഗ്യത ഇല്ലാത്തവരുടെ അഭാവത്തില്‍ മറ്റുള്ളവരെയും പരിഗണിക്കും.

തദ്ദേശ തിരഞ്ഞെടുപ്പുമായി ബന്ധപ്പെട്ട് ജില്ലയിലുള്ളത് 21 വോട്ടെണ്ണല്‍ കേന്ദ്രങ്ങള്‍. 13 ബ്ലോക്ക് പഞ്ചായത്തുകള്‍ക്കും ഏഴ് നഗരസഭകള്‍ക്കുമായി ഓരോ വീതം കേന്ദ്രങ്ങളാണ് ഉള്ളത്. ഇതിനു പുറമേ ജില്ലാ പഞ്ചായത്തിന്റെ പോസ്റ്റല്‍ വോട്ടുകള്‍ യാക്കര എസ്.എ ഹാളില്‍ എണ്ണും.

ബ്ലോക്ക് പഞ്ചായത്ത്- വോട്ടെണ്ണല്‍ കേന്ദ്രങ്ങള്‍

(1) തൃത്താല - വട്ടേനാട് ഗവ.വൊക്കേഷണല്‍ ഹയര്‍ സെക്കന്‍ഡറി സ്‌കൂള്‍

(2) പട്ടാമ്പി - പട്ടാമ്പി ശ്രീ നീലകണ്ഠ ഗവ.സംസ്‌കൃത കോളെജ്

 വോട്ടെണ്ണല്‍ ഫലം തല്‍സമയം അറിയാന്‍ മാധ്യമപ്രവര്‍ത്തകര്‍ക്കായി ജില്ലാ ഇന്‍ഫര്‍മേഷന്‍ ഓഫീസ് ഇലക്ഷന്‍ വിഭാഗവുമായി സഹകരിച്ച് കല്ലേക്കാട് വ്യാസ വിദ്യാപീഠം സെന്‍ട്രല്‍ സ്‌കൂളില്‍ പ്രത്യേക മീഡിയ റൂം സജ്ജീകരിച്ചിട്ടുണ്ട്. പാലക്കാട് ബ്ലോക്ക് പഞ്ചായത്തിന്റെ വോട്ടെണ്ണല്‍ കേന്ദ്രം കൂടിയാണ് കല്ലേക്കാട് വ്യാസവിദ്യാപീഠം സെന്‍ട്രല്‍ സ്‌കൂള്‍. 21 വോട്ടെണ്ണല്‍ കേന്ദ്രങ്ങളിലും മാധ്യമ പ്രവര്‍ത്തകര്‍ക്ക് പാസോടെ പ്രവേശനം ലഭിക്കും. മീഡിയാ സെന്ററിലും പാസോടെ പ്രവേശിക്കാവുന്നതാണ്.