കേരള ആരോഗ്യശാസ്ത്ര സര്‍വകലാശാല 2011 ജനുവരി 18 മുതലാരംഭിക്കുന്ന ഒന്നാം സെമസ്റ്റര്‍ എം ഫാം ഡിഗ്രി  സപ്ലിമെന്ററി (2017 & 2019 സ്‌കീം) പരീക്ഷക്ക് 2020 ഡിസംബര്‍ 18 മുതല്‍ 28 വരെയുള്ള തീയതികളില്‍ ഓണ്‍ലൈന്‍ ആയി രജിസ്റ്റര്‍ ചെയ്യാം. പേപ്പറൊന്നിന് 110 രൂപ ഫൈനോടു കൂടി ഡിസംബര്‍ 30 വരെയും  335 രൂപ സൂപ്പര്‍ ഫൈനോടുകൂടി 2021 ജനുവരി നാല് വരെയും ഓണ്‍ലൈന്‍ രജിസ്‌ട്രേഷന്‍ നടത്താം.

വണ്ടൂര്‍ അംബേദ്കര്‍ ആര്‍ട്‌സ് ആന്‍ഡ് സയന്‍സ് കോളജില്‍ 2020-21 അധ്യയന വര്‍ഷത്തില്‍ ഒന്നാം വര്‍ഷ ബി.കോം കോ-ഓപ്പറേഷന്‍, ബി.എ എക്കണോമിക്‌സ്, ബി.എ ഇംഗ്ലീഷ്, ബി.എസ്.സി മാത്തമാറ്റിക്‌സ് എന്നീ കോഴ്‌സുകളില്‍ ഭിന്നശേഷി, ലക്ഷദ്വീപ്, എസ്.ടി എന്നീ വിഭാഗങ്ങളിലും  ബി.എസ.്‌സി മാത്തമാറ്റിക്‌സ് കോഴ്‌സില്‍ സ്‌പോര്‍ട്‌സ്, എസ്.സി(കമ്മ്യൂണിറ്റി) എന്നീ വിഭാഗങ്ങളിലും സീറ്റ് ഒഴിവുണ്ട്. യോഗ്യരായ വിദ്യാര്‍ത്ഥികള്‍ ഡിസംബര്‍ 17(വ്യാഴം)  ഉച്ചക്ക് മൂന്ന് മണിക്ക് മുന്‍പായി കോളേജ് ഓഫീസില്‍ എത്തിച്ചേരണം. എസ്.ടി വിഭാഗത്തില്‍പ്പെട്ടവരുടെ അഭാവത്തില്‍ എസ്.സി വിഭാഗം വിദ്യാര്‍ത്ഥികളെ പരിഗണിക്കും.

കേരള സര്‍ക്കാര്‍ സ്ഥാപനമായ കെല്‍ട്രോണിന്റെ മലപ്പുറം ജില്ലയിലെ നോളജ് സെന്ററില്‍ വിവിധ അക്കൗണ്ടിംഗ് കോഴ്‌സുകളിലേക്ക് അപേക്ഷ ക്ഷണിച്ചു. കമ്പ്യൂട്ടറൈസ്ഡ് ഫിനാന്‍ഷ്യല്‍ അക്കൗണ്ടിംഗ് (ടാലി +എ.എസ് ഓഫീസ്-മൂന്ന് മാസം),

 2021 വര്‍ഷത്തെ സര്‍ക്കാര്‍ കലണ്ടര്‍, ഡയറി എന്നിവ മലപ്പുറം സിവില്‍ സ്റ്റേഷന്‍ ജില്ലാ ഫോറം ഓഫീസില്‍ വില്‍പ്പനക്കെത്തിയതായി ജില്ലാ ഫോറം ഓഫീസര്‍ അറിയിച്ചു. എല്ലാ നികുതികളും ഉള്‍പ്പെടെ കലണ്ടര്‍ ഒന്നിന് 30.30 രൂപയും സര്‍ക്കാര്‍ ഡയറിയ്ക്ക് 215 രൂപയുമാണ്.
 

തദ്ദേശ സ്വയംഭരണ തെരഞ്ഞെടുപ്പില്‍ മലപ്പുറം ജില്ലയില്‍ 78.93 ശതമാനം പോളിംഗ് രേഖപ്പെടുത്തി.  ജില്ലയിലെ 33,55,028 വോട്ടര്‍മാരില്‍ 26,48,080 പേരാണ് സമ്മതിദാന അവകാശം വിനിയോഗിച്ചത്.  ജില്ലയില്‍ 12,38,067   പുരുഷ വോട്ടര്‍മാരും 14,10,004 വനിതാ വോട്ടര്‍മാരും ഒന്‍പത് ട്രാന്‍സ് ജെന്‍ഡര്‍മാരും വോട്ട് ചെയ്തു. സംസ്ഥാനത്ത് മൂന്നാം ഘട്ടമായി നടത്തിയ തെരഞ്ഞെടുപ്പില്‍ ജില്ലയില്‍ 8,387 സ്ഥാനാര്‍ത്ഥികളാണ് ജനവിധി തേടിയത്. നഗരസഭകളിലെ 516 ഉം  ഗ്രാമപഞ്ചായത്തുകളിലെ 3,459 ഉം ഉള്‍പ്പെടെ ജില്ലയില്‍ 3,975 പോളിങ് സ്റ്റേഷനുകളിലായിരുന്നു വോട്ടെടുപ്പ്.  

പോളിംഗ് ശതമാനം

നഗരസഭ

തദ്ദേശസ്വയംഭരണ സ്ഥാപനങ്ങളിലേക്കുള്ള  പൊതുതെരഞ്ഞെടുപ്പ് അവസാനിച്ച സാഹചര്യത്തില്‍ സ്ഥാനാര്‍ത്ഥികളും രാഷ്ട്രീയ കക്ഷികളും പ്രചാരണ പരസ്യങ്ങള്‍ നീക്കം ചെയ്ത് നശിപ്പിക്കുകയോ പുന:ചംക്രമണം ചെയ്യുന്നതിന് സൈന്‍ പ്രിന്റിംഗ് അസോസിയേഷന്‍ ഉള്‍പ്പെടെയുള്ളവരുടെ സേവനം പ്രയോജനപ്പെടുത്തുകയോ ചെയ്യണമെന്ന് ഗ്രീന്‍ പ്രോട്ടോകോള്‍ നോഡല്‍ ഓഫീസറും ജില്ലാ ശുചിത്വ മിഷന്‍ കോ- ഓര്‍ഡിനേറ്ററുമായ ഇ.ടി. രാകേഷ് അറിയിച്ചു.

നിലമ്പൂര്‍ ബ്ലോക്ക് പഞ്ചായത്തിന്റെയും ചാലിയാര്‍, ചുങ്കത്തറ, എടക്കര, മൂത്തേടം, പോത്തുകല്ല്, വഴിക്കടവ്  എന്നീ ഗ്രാമപഞ്ചായത്തുകളുടെയും വോട്ടെണ്ണല്‍ കേന്ദ്രം - ഗവണ്‍മെന്റ്  മാനവേദന്‍ ഹയര്‍ സെക്കന്ററി സ്‌കൂള്‍, നിലമ്പൂര്‍

കൊണ്ടോട്ടി ബ്ലോക്ക് പഞ്ചായത്തിന്റെയും ചേലേമ്പ്ര, ചെറുകാവ്, മുതുവല്ലൂര്‍, പള്ളിക്കല്‍, പുളിക്കല്‍, വാഴയൂര്‍, വാഴക്കാട് എന്നീ ഗ്രാമപഞ്ചായത്തുകളുടെയും വോട്ടെണ്ണല്‍ കേന്ദ്രം - ജി.വി.എച്ച്.എസ്. എസ് മേലങ്ങാടി, കൊണ്ടോട്ടി

തദ്ദേശ സ്വയംഭരണ സ്ഥാപനങ്ങളിലേക്ക് നടന്ന പൊതു തെരഞ്ഞെടുപ്പിന്റെ ഫലം ഇന്നറിയാം (ഡിസംബര്‍ 16). ജില്ലാ പഞ്ചായത്തിന്റെ 32 ഡിവിഷനുകളിലേക്കും 15  ബ്ലോക്ക് പഞ്ചായത്തുകളിലേക്കും 94 ഗ്രാമപഞ്ചായത്തുകളിലേക്കും 12 നഗരസഭകളിലേക്കുമാണ് ജില്ലയില്‍ സ്ഥാനാര്‍ത്ഥികള്‍ ജനവിധി തേടിയത്. കലക്ടറേറ്റ് കോണ്‍ഫറന്‍സ് ഹാളില്‍ വെച്ചാണ് ജില്ലാ പഞ്ചായത്തുകളിലേക്കുള്ള വോട്ടുകളെണ്ണുക.

തദ്ദേശഭരണ തെരഞ്ഞെടുപ്പിന്റെ ഫലപ്രഖ്യാപനം ഇന്ന് വരുന്ന സാഹചര്യത്തില്‍ ജില്ലയില്‍ മുഴുവന്‍ പ്രദേശങ്ങളിലും ക്രമസമാധാന പ്രശ്‌നങ്ങള്‍ തടയുന്നതിനും ജനജീവിതം സുഗമമാക്കുന്നതിനും  കോവിഡ് വ്യാപനം  തടയുന്നതിനുമായി ഇന്ന് (ഡിസംബര്‍ 16) മുതല്‍ ഡിസംബര്‍ 22 വരെ സി.ആര്‍.പി.സി സെക്ഷന്‍ 144 പ്രകാരം ജില്ലാ കലക്ടര്‍ കെ. ഗോപാലകൃഷ്ണന്‍ നിരോധനാജ്ഞ പ്രഖ്യാപിച്ചു.   രാത്രി എട്ട് മണി മുതല്‍ രാവിലെ എട്ട് മണി വരെയാണ് നിരോധനാജ്ഞ പ്രഖ്യാപിച്ചിരിക്കുന്നത്.

നിബന്ധനകള്‍

നേരിട്ടുള്ള സമ്പര്‍ക്കത്തിലൂടെ 355 പേര്‍ക്ക് വൈറസ്ബാധ
രണ്ട് ആരോഗ്യ പ്രവര്‍ത്തകര്‍ക്ക് രോഗബാധ
16 പേര്‍ക്ക് ഉറവിടമറിയാതെ രോഗബാധ
നിലവില്‍ ചികിത്സയില്‍ കഴിയുന്നത് 6,197 പേര്‍
82,969 പേര്‍ നിരീക്ഷണത്തില്‍

കോവിഡ് വ്യാപന നിരക്കില്‍ മലപ്പുറം ജില്ലക്ക് ഇന്ന് (ഡിസംബര്‍ 15) നേരിയ ആശ്വാസം. ജില്ലയില്‍ 377 പേര്‍ക്കാണ് ഇന്ന് പുതുതായി വൈറസ് ബാധ സ്ഥിരീകരിച്ചതെന്ന് ജില്ലാ മെഡിക്കല്‍ ഓഫീസര്‍ ഡോ. കെ. സക്കീന അറിയിച്ചു. 714 പേര്‍ ഇന്ന് രോഗമുക്തരാകുകയും ചെയ്തിട്ടുണ്ട്. ഇവരുള്‍പ്പെടെ 75,977 പേരാണ് ജില്ലയില്‍ ഇതുവരെ രോഗമുക്തരായത്.