തിരുവനന്തപുരത്ത് ഇന്ന് (18 ഡിസംബര്‍ 2020) 309 പേര്‍ക്കു കൂടി കോവിഡ് 19 സ്ഥിരീകരിച്ചു. 273 പേര്‍ രോഗമുക്തരായി. നിലവില്‍ 3,430 പേരാണു രോഗം സ്ഥിരീകരിച്ചു ചികിത്സയില്‍ കഴിയുന്നത്. ജില്ലയില്‍ അഞ്ചുപേരുടെ മരണം കോവിഡ് മൂലമാണെന്ന് സ്ഥിരീകരിച്ചു. ചൊവ്വര സ്വദേശി ദിവാകരന്‍ (84), വെമ്പായം സ്വദേശിനി ഓമന അമ്മ (65), കുളത്തൂര്‍ സ്വദേശി സുകുമാര്‍ ബാബു (72), നേമം സ്വദേശിനി തുളസി (69), വെള്ളായണി സ്വദേശിനി തങ്കം (60) എന്നിവരുടെ മരണമാണു കോവിഡ് മൂലമാണെന്നു സ്ഥിരീകരിച്ചത്.

ഇന്നു രോഗം സ്ഥിരീകരിച്ചവരില്‍ 176 പേര്‍ക്കു സമ്പര്‍ക്കത്തിലൂടെയാണു രോഗബാധയുണ്ടായത്. ഇതില്‍ 3 പേര്‍ ആരോഗ്യപ്രവര്‍ത്തകരാണ്.

പൊന്നാനി നഗരസഭയില്‍ കേന്ദ്രാവിഷ്‌കൃത പദ്ധതിയായ പി.എം.ജെ.വി.കെയില്‍ ഉള്‍പ്പെടുത്തിയ സ്‌കൂളുകളുടെ പുരോഗതി കേന്ദ്ര സംഘം വിലയിരുത്തുന്നു

പൊന്നാനി നഗരസഭയില്‍ കേന്ദ്രാവിഷ്‌കൃത പദ്ധതിയായ പി.എം.ജെ.വി.കെ (പ്രധാന്‍ മന്ത്രി ജന്‍ വികാസ് കാര്യക്രം) പദ്ധതിയില്‍ ഉള്‍പ്പെടുത്തിയ സ്‌കൂളുകളുടെ പുരോഗതി കേന്ദ്ര സംഘം നേരിട്ട് വിലയിരുത്തി.  പൊന്നാനി നഗരസഭയിലെ തെയ്യങ്ങാട് ഗവ. എല്‍.പി. സ്‌കൂള്‍, തൃക്കാവ് ഗവ. ഹയര്‍ സെക്കണ്ടറി സ്‌കൂള്‍, കടവനാട് ജി.എഫ്.എല്‍.പി സ്‌കൂള്‍, ടൗണ്‍ ജി.എം.എല്‍.പി. സ്‌കൂള്‍ എന്നിവിടങ്ങളിലാണ് ദേശീയ ന്യൂനപക്ഷ കമ്മീഷന്‍ വൈസ് ചെയര്‍മാന്‍ ആത്തിഫ് റഷീദിന്റെ നേതൃത്വത്തിലുള്ള കേന്ദ്ര സംഘം സന്ദര്‍ശനം നടത്തിയത്.  

നേരിട്ടുള്ള സമ്പര്‍ക്കത്തിലൂടെ 623 പേര്‍ക്ക് വൈറസ്ബാധ
25 പേര്‍ക്ക് ഉറവിടമറിയാതെ രോഗബാധ
നിലവില്‍ ചികിത്സയില്‍ കഴിയുന്നത് 5,509 പേര്‍
78,621 പേര്‍ നിരീക്ഷണത്തില്‍

ക്രിസ്തുമസ്,പുതുവത്സരാഘോഷങ്ങളുടെ ഭാഗമായി ഡിസംബര്‍ 16 മുതല്‍ 31 വരെ ഖാദി തുണിത്തരങ്ങള്‍ക്ക് പ്രത്യേക സര്‍ക്കാര്‍ റിബേറ്റ് അനുവദിച്ചു. ഖാദി തുണിത്തരങ്ങള്‍ക്ക് 30ശതമാനം വരെ റിബേറ്റ് ലഭ്യമാണ്. സര്‍ക്കാര്‍,അര്‍ദ്ധ  സര്‍ക്കാര്‍ ജീവനക്കാര്‍ക്ക് ക്രഡിറ്റ് സൗകര്യവും ലഭിക്കും. കേരള ഖാദി ഗ്രാമ വ്യവസായ ബോര്‍ഡിന്റെ കീഴിലുള്ള മുനിസിപ്പല്‍ ബസ്സ്റ്റാന്‍ഡിനോടു ചേര്‍ന്നുള്ള ഖാദി ഷോറൂമിലും, എടവണ്ണപ്പാറ, ചങ്ങരംകുളം, താനൂര്‍, എടപ്പാള്‍ ഷോറൂമുകളിലും, ഗ്രാമ ശില്പകളിലും പ്രത്യേക സര്‍ക്കാര്‍ റിബേറ്റ് ലഭ്യമാണ്.

ആതവനാട് മൃഗസംരക്ഷണ പരിശീലനകേന്ദ്രത്തില്‍ രജിസ്റ്റര്‍ ചെയ്തിട്ടുള്ള കര്‍ഷകര്‍ക്ക് ഡിസംബര്‍ 23 ബുധന്‍ രാവിലെ 10.30 മുതല്‍ ''പന്നിക്കുട്ടികളിലെ പരിചരണം ' എന്ന വിഷയത്തില്‍ സൗജന്യ വെബിനാര്‍ സംഘടിപ്പിക്കുന്നു. വെബിനാറില്‍ ഡോ. ബിന്ധ്യ ലിസ് അബ്രഹാം ക്ലാസെടുക്കും. ഗൂഗിള്‍ മീറ്റ് അപ്ലിക്കേഷന്‍ വഴിയാണ് പരിശീലനം സംഘടിപ്പിക്കുന്നത്. കര്‍ഷകര്‍ക്ക് അന്നേദിവസം രാവിലെ 10.30 മണി മുതല്‍ പരിശീലനത്തില്‍ പങ്കെടുക്കാം. പരിശീലനത്തില്‍ പങ്കെടുക്കാനുള്ള ഗൂഗിള്‍ മീറ്റ് ലിങ്ക് https://meet.google.com/mxq-sfrg-ghr . മീറ്റിംഗ് കോഡ് mxq-sfrg-ghr .

തൃത്താല ഗവ ആര്‍ട്‌സ് ആന്റ് സയന്‍സ് കോളജില്‍ 2020-21 അധ്യയന വര്‍ഷത്തേക്ക് മാത്തമാറ്റിക്‌സ് വിഷയത്തില്‍ അതിഥി അധ്യാപക ഒഴിവുണ്ട്. യു.ജി.സി മാനദണ്ഡങ്ങള്‍ പ്രകാരം യോഗ്യതയുള്ളവരും കോളജ് വിദ്യാഭ്യാസ വകുപ്പ് ഡെപ്യൂട്ടി ഡയറക്ടറുടെ കാര്യാലയത്തില്‍ പേര് രജിസ്റ്റര്‍ ചെയ്തവരുമായ ഉദ്യോഗാര്‍ത്ഥികള്‍ വയസ്, പ്രവര്‍ത്തിപരിചയം, വിദ്യാഭ്യാസ യോഗ്യത എന്നിവ തെളിയിക്കുന്ന അസല്‍ സര്‍ട്ടിഫിക്കറ്റുകളുമായി ഡിസംബര്‍ 29 ന് രാവിലെ 10 ന് പ്രിന്‍സിപ്പാള്‍ മുമ്പാകെ അഭിമുഖത്തിന് ഹാജരാകേണ്ടതാണ്. കൂടുതല്‍ വിവരങ്ങള്‍ക്ക് 0466 2270335, 2270353.

പൊതുജന ബോധവല്‍ക്കരണാര്‍ത്ഥം, ദേശീയ ഗ്രാമീണ തൊഴിലുറപ്പ് പദ്ധതിയിലൂടെ നടപ്പിലാക്കാന്‍ കഴിയുന്ന മാലിന്യ സംസ്‌കരണ പദ്ധതികളെപ്പറ്റിയുള്ള വിശദാംശങ്ങള്‍ ആകര്‍ഷകമായ രീതിയില്‍ ഡിസൈന്‍ ചെയ്ത് നല്‍കിയ പി.എം.എസ്.എ.എച്ച്.എസ്.എസ് എളങ്കൂരിലെ പ്ലസ്ടു വിദ്യാര്‍ത്ഥിയും എന്‍.എസ്.എസ് വളണ്ടിയറുമായ സി. കെ. അബ്ദുള്‍ വാജിദിനെ ആദരിച്ചു. മലപ്പുറം ജില്ലാ ശുചിത്വ മിഷന്‍ കോ-ഓര്‍ഡിനേറ്റര്‍ ഇ.ടി. രാകേഷ് ഉപഹാരം സമര്‍പ്പിച്ചു.

തദ്ദേശ സ്ഥാപനങ്ങളിലേക്കുള്ള പൊതു തെരെഞ്ഞെടുപ്പമായി ബന്ധപ്പെട്ട് സ്ഥാനാര്‍ത്ഥികളുടെ തെരെഞ്ഞെടുപ്പ് ചെലവുകള്‍ ഇലക്ഷന്‍ കമ്മീഷന്‍ നിര്‍ദ്ദേശിച്ചിട്ടുള്ള ഫോറം എന്‍ 30 യില്‍ തയ്യാറാക്കി ഫലം പ്രഖ്യാപിച്ച് 30 ദിവസത്തിനുള്ളില്‍ സമര്‍പ്പിക്കേണ്ടതാണെന്ന് ജില്ലാ തെരെഞ്ഞെടുപ്പ് ഓഫീസര്‍ കൂടിയായ ജില്ലാ കലക്ടര്‍ അറിയിച്ചു. ഇത് പ്രകാരം ജില്ലാ പഞ്ചായത്ത്, മുനിസിപ്പാലിറ്റികളിലേക്കായി മത്സരിച്ച സ്ഥാനാര്‍ത്ഥികള്‍ ചെലവ് കണക്കുകള്‍ ജില്ലാ കലക്ടര്‍ക്കാണ് സമര്‍പ്പിക്കേണ്ടത്.

നേരിട്ടുള്ള സമ്പര്‍ക്കത്തിലൂടെ 616 പേര്‍ക്ക് വൈറസ്ബാധ
30 പേര്‍ക്ക് ഉറവിടമറിയാതെ രോഗബാധ
ആരോഗ്യ മേഖലയില്‍ ഒരാള്‍ക്കും രോഗബാധ
നിലവില്‍ ചികിത്സയില്‍ കഴിയുന്നത് 5,489 പേര്‍
79,684 പേര്‍ നിരീക്ഷണത്തില്‍